Hebreos 10:25 - Mixteco del suroeste de Tlaxiaco Oaxaca

²⁵ Jee ntu íyó xinóo‑ó nutútú‑ó kuneñu̱ꞌun‑ó Ndiosíꞌ, kuéntáꞌ kua̱ꞌ ya̱ nka̱an sava rá ñɨvɨ sáꞌá ráa ya̱ ni ntu nútútú ráa. Chisaꞌ nakutíñú‑ó nachuneí‑ó iniꞌ ɨɨn inka‑ó, jee saꞌ víꞌí káꞌ chi jíníꞌ‑ó ya̱ kua̱kuyatin ki̱vɨ̱ꞌ nenta I̱toꞌoꞌ‑ó Jesús.

Hebreos 10:25 Referans Kwoze

Hechos 2:42

Jee níkɨ́nꞌ ni̱ꞌin ráa tu̱ꞌun xínéꞌénꞌ rá te̱e níso rává tiñu apóstol. Jee sukuáni nééꞌ ñunkúún ráa. Jee sukuáni yájíꞌ tútú ráa neyu [nu̱u̱nꞌ tásáva ráa i̱xta̱tíláꞌ, sáva naku̱ꞌun iniꞌ ráa, ya̱ ni̱ꞌi̱ꞌ Jesús jie̱ꞌe̱ꞌ kua̱chi ráa]. Jee sukuáni káꞌánꞌ tútú ráa jín Ndiosíꞌ.

Mateo 18:20

Chi nu̱u̱nꞌ íyó tútú u̱vi̱ꞌ áxí u̱ni̱ꞌ ñɨvɨ jie̱ꞌe̱ꞌ yɨ́ꞌɨ́ ráa nu̱u̱nꞌ nuꞌuꞌ, jee nteñu ráa yukuán íyó ni̱ꞌ jín ráa ―nkachiꞌ Jesús.

1 Tesalonicenses 5:11

Saáva nasáneí rán iniꞌ ɨɨn inka rán, jee sikújia rán iniꞌ ɨɨn inka rán, sáva kuneí ka̱ꞌ iniꞌ rán Jesús, sánikua̱ꞌ ya̱ sáꞌá rán.

Hebreos 3:13

Chisaꞌ nasaꞌá neí rán iniꞌ ɨɨn inka rá táꞌán rán vitan nteenꞌ, vitan ni íyó ka̱ꞌ tiempúꞌ, sáva ni ɨɨn rán ntu nuni̱ꞌin ánímaꞌ‑a nu̱u̱nꞌ Ndiosíꞌ, sáva ntu xináꞌví kua̱chi yɨ́ꞌɨ́ iniꞌ ánímaꞌ‑a maa.

Hebreos 10:24

Jee íyó kani iniꞌ‑ó na̱ja nachuneí‑ó iniꞌ ɨɨn inka‑ó ya̱ kunu̱u̱nꞌ‑ó ka̱ꞌ ñɨvɨ, jín ya̱ saꞌá‑ó ka̱ꞌ tiñu váꞌa.

1 Corintios 5:4

Sáá nútútú rán jee ñúꞌúnꞌ iniꞌ ánímaꞌ ni̱ꞌ ránoꞌó kuéntáꞌ íyó ni̱ꞌ jín rán, jee fuersáꞌ níꞌin ííꞌ I̱toꞌoꞌ‑ó Jesús íyó‑o jín ránoꞌó, jee nu̱u̱nꞌ súví I̱toꞌoꞌ‑ó Jesús

1 Tesalonicenses 4:18

Saáva nasáneí rán iniꞌ ɨɨn inka rán jín rá tu̱ꞌun yaꞌá.

Hechos 2:1

Sáá nkenta ki̱vɨ̱ꞌ viko Pentecostés, nku̱tútú ntáká ráa ɨɨn nu̱u̱nꞌ.

Hechos 20:7

Jee ki̱vɨ̱ꞌ xíꞌnañúꞌún ya̱ kájiéꞌé semana nku̱tútú ránꞌ kajiꞌ nkáꞌnú ránꞌ. Pablo nste̱kútu̱ꞌún Tu̱ꞌun Ndiosíꞌ nu̱u̱nꞌ ráa. Sukuán kene re̱ꞌ ki̱vɨ̱ꞌ steñu̱ꞌún, saáva nééꞌ re̱ꞌ káꞌánꞌ re̱ꞌ ne̱ savañuún.

1 Corintios 14:3

Soo ñɨvɨ ya̱ nákani tu̱ꞌun nkene yuꞌú Ndiosíꞌ, jee káꞌánꞌ‑a jín rá ñɨvɨ sáva sikújia‑a iniꞌ ráa kueꞌnu ráa jín Tu̱ꞌun Ndiosíꞌ, jín sáva nachuꞌun neí‑i iniꞌ ráa, jín sáva nasaꞌá sɨ́ɨꞌ‑ɨ iniꞌ ráa.

Romanos 12:8

Jee retú nni̱ꞌi̱nꞌ nú ta̱ꞌvi̱ꞌ ya̱ náxiníꞌvɨ́ꞌ nú iniꞌ ñɨvɨ, jee naxiníꞌvɨ́ꞌ nú iniꞌ ráa. Jee retú nni̱ꞌi̱nꞌ nú ta̱ꞌvi̱ꞌ ya̱ ku̱ꞌva nú ya̱ jíniñúꞌún táꞌán nú, jee ne̱ ánímaꞌ nú kuva̱ꞌa iniꞌ nú ku̱ꞌva nú maa. Jee retú nni̱ꞌi̱nꞌ nú ta̱ꞌvi̱ꞌ ya̱ kúvi yósóꞌ nú nu̱u̱nꞌ ñanitáꞌán‑ó, jee kávii ñunkúún saꞌá nú maa. Jee retú nni̱ꞌi̱nꞌ nú ta̱ꞌvi̱ꞌ ya̱ kúnáꞌví iniꞌ nú jíto va̱ꞌa nú rá ñɨvɨ táꞌánꞌ tu̱nóꞌó, jee ne̱ kusɨ̱ɨ̱ꞌ iniꞌ nú saꞌá nú maa.

Filipenses 4:5

Koo másúꞌ iniꞌ rán jín nta̱ká ñɨvɨ, sáva kuniꞌ nɨꞌɨ ráa ya̱ íyó rán suꞌva. I̱toꞌoꞌ‑ó íyó yatin.

2 Pedro 3:9

Jee nsáꞌ kúkuéé I̱toꞌoꞌ‑ó síkúnkuvi re̱ꞌ ya̱ nchi̱sóyuꞌú re̱ꞌ ya̱ tiaaꞌ tuku re̱ꞌ kuéntáꞌ kua̱ꞌ ya̱ jiáni iniꞌ sava rá ñɨvɨ jie̱ꞌe̱ꞌ ya̱ kukuéé re̱ꞌ. Chisaꞌ nétukáꞌnú iniꞌ re̱ꞌ néꞌyá re̱ꞌ ránoꞌó, chi ntu kuíni re̱ꞌ ya̱ kɨ̱naanꞌ ni ɨɨn ñɨvɨ chisaꞌ kuíni re̱ꞌ ya̱ nta̱ká ñɨvɨ nakani iniꞌ ráa chiꞌi ráa maáráa xi̱ntíín re̱ꞌ.

Santiago 5:8

Jee suni íyó káꞌnú koo iniꞌ rán jee íyó kuiñɨ ni̱ꞌin rán ne̱ ánímaꞌ rán, chi va̱ji kuyatin niji I̱toꞌoꞌ‑ó.

1 Corintios 14:23

Saájee sáá nútútú ntáká ránoꞌó ñɨvɨ jínúꞌ iniꞌ Cristo, jee retú ntáká rán káꞌánꞌ sɨ́ɨ́n sɨ́ɨ́n nu̱u̱nꞌ rá tu̱ꞌun ya̱ ntu jiáku̱ꞌun iniꞌ rán, jee kívɨ ɨɨn ñɨvɨ ya̱ ntiáꞌan kutu̱ꞌva‑a jie̱ꞌe̱ꞌ vá áxí ɨɨn ñɨvɨ ya̱ ntu̱ví jínúꞌ iniꞌ‑i Cristo, jee, ¿á ntu su káchíꞌ ráa ya̱ sáꞌá xíniꞌ rán rúja?

Judas 1:19

Jee rá te̱e vá xínéꞌénꞌ tu̱ntúꞌún, jee suꞌva sáꞌá ráa ya̱ kantátúꞌun rán jín ɨɨn inka rán jee kusɨ́ɨ́n rá táꞌán rán jín ɨɨn inka rán. Chi jiáꞌnu ráa na̱ja kua̱ꞌ mani ya̱ jiáni iniꞌ maáráa ni ya̱ ntu yɨ́ꞌɨ́ ráa xi̱ntíín Ndiosíꞌ, chi ntu íyó Ta̱chi̱ꞌ Ííꞌ Ndiosíꞌ jín ráa.

2 Pedro 3:14

Saáva ránoꞌó ya̱ ñúnúunꞌ ni̱ꞌ, jee ni nétu rán ya̱ kiji ntáká rá tiñu yaꞌá, jee kuniꞌvɨꞌ iniꞌ rán nikó néí rán ya̱ kino̱o noo ánímaꞌ rán jee ntu̱náꞌ kua̱chi kuniso ka̱ꞌ ánímaꞌ rán, jee kuniꞌ re̱ꞌ ya̱ ne̱ va̱ꞌa koo ntáká rán jín re̱ꞌ, sáá nenta re̱ꞌ.

1 Pedro 4:7

Soo ya̱ va̱kuyatin ya̱ nɨꞌɨ ntáká rá íyó, saáva nito koo rán kuꞌun kájí iniꞌ rán sáva kuvi kaꞌanꞌ rán jín Ndiosíꞌ.

2 Pedro 3:11

Jee jie̱ꞌe̱ꞌ ya̱ kɨ̱naanꞌ nta̱ká rává sukuán, saáva íyó kueꞌnu na̱a̱ꞌ ninuꞌun rán sáni kuíni Ndiosíꞌ jee kɨtíñú rán nu̱u̱nꞌ re̱ꞌ,

1 Corintios 11:20

Jee saáva sáá nútútú rán sáá násaꞌá rán xíní kua̱ꞌ nsa̱ꞌá I̱toꞌoꞌ‑ó sáá nákúꞌun iniꞌ‑ó re̱ꞌ ya̱ níꞌiꞌ re̱ꞌ jie̱ꞌe̱ꞌ‑ó, soo nsú káꞌ xíní I̱toꞌoꞌ‑ó ví ya̱ sáꞌá rán,

1 Corintios 3:13

jee rá tiñu ya̱ nsa̱ꞌá ta ɨɨn ta ɨɨn ñɨvɨ jee kenta natu̱vi nijinꞌ‑i, chi ki̱vɨ̱ꞌ ya̱ koo juisiúꞌ ya̱ kenta keꞌneꞌ Ndiosíꞌ rá tiñu nsa̱ꞌá ñɨvɨ jee tu̱vi kájí na̱ nu̱u̱nꞌ tiñu kúvi ráa. Kototúníꞌ Ndiosíꞌ rá tiñu sáꞌá ta ɨɨn ta ɨɨn ñɨvɨ jín ñuꞌunꞌ sáva stúvi na̱ nu̱u̱nꞌ tiñu kúvi tiñu nsa̱ꞌá‑a.

Hechos 16:16

Nkuvi‑i ɨɨn íchí sáá kua̱ꞌa̱nꞌ ránꞌ nu̱u̱nꞌ káꞌánꞌ ránꞌ jín Ndiosíꞌ, jee nke̱táꞌán ránꞌ ɨɨn ñasúchí ya̱ kúvi musúꞌ nkeꞌen ñɨvɨ. Jee nijin iniꞌ ña, chi yɨ́ꞌɨ́ ta̱chi̱ꞌ kíni iniꞌ ña. Nni̱ꞌi̱nꞌ víꞌí rá i̱toꞌoꞌ ña xu̱ꞌún sáꞌá ña, chi nkachiꞌ ña ná kuvi ichinúúnꞌ.

Mateo 10:15

Chi máá naáꞌ vá káchíꞌ ni̱ꞌ nu̱u̱nꞌ ránoꞌó, ya̱ ki̱vɨ̱ꞌ kiji keꞌneꞌ Ndiosíꞌ kua̱chi ñɨvɨ, sú kunoꞌo nasɨ́kuitɨꞌ rá ñɨvɨ ñuunꞌ Sodoma jín ñuunꞌ Gomorra soo yakuꞌ ka̱ꞌ kunoꞌo ráa nsú káꞌ kua̱ꞌ xe̱e̱nꞌ nasɨ́kuitɨꞌ ntántúníꞌ ka̱ꞌ kunoꞌo rá ñɨvɨ ñuunꞌ vá.

Juan 12:48

Soo ñɨvɨ ya̱ kúníichiꞌ iniꞌ‑i nuꞌuꞌ, jee ntu̱ví tɨ́ɨn‑ɨ tu̱ꞌun káꞌánꞌ ni̱ꞌ, jee ya̱ íyó ɨɨn ya̱ sanáaꞌ‑a kua̱chi si̱kɨ̱ꞌ ñɨvɨ vá jee keꞌneꞌ‑e kua̱chi si̱kɨ̱ꞌ vá. Rá tu̱ꞌun ya̱ nkachiꞌ ni̱ꞌ ví ya̱ keꞌneꞌ‑e kua̱chi vá ki̱vɨ̱ꞌ nu̱u̱nꞌ nɨ́ꞌɨ.

Hebreos 10:37

Chi káchíꞌ nu̱u̱nꞌ Tutuꞌ Ííꞌ: Yakuꞌ tíꞌínꞌ ni ka̱ꞌ tiempúꞌ kúníꞌ, jee kiji tuku Cristo ya̱ maáréꞌ vá íyó niji. Jee nsáꞌ kukuéé re̱ꞌ jee tiaaꞌ re̱ꞌ.

Hebreos 13:22

Ránoꞌó ñanitáꞌán, jíkánꞌ táꞌvíꞌ ni̱ꞌ nu̱u̱nꞌ rán ya̱ keꞌneꞌ iniꞌ rán nu̱u̱nꞌ tu̱ꞌun ya̱ nna̱xiníꞌvɨ́ꞌ ni̱ꞌ iniꞌ rán. Chi yakuꞌ ni tu̱ꞌun ntee ni̱ꞌ nu̱u̱nꞌ rán.