Hebreos 10:13 - Mixteco del suroeste de Tlaxiaco Oaxaca

¹³ Jee yukuán nééꞌ re̱ꞌ nétu re̱ꞌ ne̱kua̱ꞌ ntáká rá ñɨvɨ ya̱ táꞌvi iniꞌ ráa néꞌyá ráa re̱ꞌ kinaka Ndiosíꞌ ráa nu̱u̱nꞌ re̱ꞌ nachiꞌi Ndiosíꞌ ráa xi̱ntíín re̱ꞌ kuéntáꞌ kua̱ꞌ ɨɨn teyuꞌ nu̱u̱nꞌ yósóꞌ jie̱ꞌe̱ꞌ re̱ꞌ.

Hebreos 10:13 Referans Kwoze

Hebreos 1:13

Jee ni nsáꞌ nkachiꞌ Ndiosíꞌ nu̱u̱nꞌ ni ɨɨn rá najiáꞌáꞌ ííꞌ re̱ꞌ [sáni nkachiꞌ re̱ꞌ nu̱u̱nꞌ Se̱ꞌya re̱ꞌ]: Kuneeꞌ ichi kuáꞌá ni̱ꞌ nu̱u̱nꞌ tatúníꞌ nú jín ni̱ꞌ, jee kuneeꞌ nú yukuán ne̱kua̱ꞌ kuneí ni̱ꞌ jín rá ñɨvɨ jíníꞌ u̱ꞌvi̱ꞌ néꞌyá ráa noꞌó, kakɨnꞌ ni̱ꞌ ráa chi̱ji jie̱ꞌe̱ꞌ nú kuéntáꞌ teyuꞌ.

Lucas 20:43

Jee kuneeꞌ nú yukuán ne̱kua̱ꞌ kuneí ni̱ꞌ jín rá jíníꞌ u̱ꞌvi̱ꞌ néꞌyá ráa noꞌó kakɨnꞌ ni̱ꞌ ráa chi̱ji jie̱ꞌe̱ꞌ nú kuéntáꞌ ɨɨn teyuꞌ”, nkachiꞌ Ndiosíꞌ, nkachiꞌ David.

1 Corintios 15:25

Chi íyó tatúníꞌ Cristo nu̱u̱nꞌ nɨꞌɨ ne̱ kuneí Ndiosíꞌ si̱kɨ̱ꞌ ntáká rá túfíꞌ ta̱ꞌán jín re̱ꞌ jee kuéntáꞌ chiꞌi Ndiosíꞌ ntáká ráa chi̱ji jie̱ꞌe̱ꞌ re̱ꞌ.

Hechos 2:35

jee kuneeꞌ nú yukuán ne̱kua̱ꞌ kuneí ni̱ꞌ jín rá ñɨvɨ jíníꞌ u̱ꞌvi̱ꞌ néꞌyá ráa noꞌó, kakɨnꞌ ni̱ꞌ ráa chi̱ji jie̱ꞌe̱ꞌ nú kuéntáꞌ teyuꞌ”, ntee David suꞌva. Jee nkachiꞌ Pedro:

Marcos 12:36

Ta̱chi̱ꞌ Ííꞌ Ndiosíꞌ njia̱ꞌa tu̱ꞌun sáá kachiꞌ maá David, jee nkachiꞌ re̱ꞌ tiempúꞌ chíji, jie̱ꞌe̱ꞌ Cristo: Nkachiꞌ I̱toꞌoꞌ‑ó Ndiosíꞌ nu̱u̱nꞌ I̱toꞌoꞌ ni̱ꞌ: “Kuneeꞌ xiín ichi kuáꞌá ni̱ꞌ nu̱u̱nꞌ tatúníꞌ nú jín ni̱ꞌ. Jee kuneeꞌ nú yukuán ne̱kua̱ꞌ kuneí ni̱ꞌ jín rá ñɨvɨ jíníꞌ u̱ꞌvi̱ꞌ néꞌyá ráa noꞌó kakɨnꞌ ni̱ꞌ ráa chi̱ji jie̱ꞌe̱ꞌ nú.”

Mateo 22:44

Nkachiꞌ maá I̱toꞌoꞌ‑ó Ndiosíꞌ nu̱u̱nꞌ I̱toꞌoꞌ ni̱ꞌ: “Kuneeꞌ xiín ichi kuáꞌá ni̱ꞌ nu̱u̱nꞌ tatúníꞌ nú jín ni̱ꞌ, jee kuneeꞌ nú yukuán ne̱kua̱ꞌ kuneí ni̱ꞌ jín rá ñɨvɨ jíníꞌ u̱ꞌvi̱ꞌ néꞌyá ráa noꞌó, kakɨnꞌ ni̱ꞌ ráa chi̱ji jie̱ꞌe̱ꞌ nú”, nkachiꞌ Ndiosíꞌ, nkachiꞌ David.