Hebreos 10:12 - Mixteco del suroeste de Tlaxiaco Oaxaca

¹² Soo Cristo, jee ɨɨn ni íchí nso̱ko̱ꞌ re̱ꞌ maáréꞌ nu̱u̱nꞌ ntáká tiempúꞌ sáá ni̱ꞌi̱ꞌ re̱ꞌ jie̱ꞌe̱ꞌ kua̱chi‑ó, jee ña̱kuneeꞌ re̱ꞌ ichi kuáꞌá Ndiosíꞌ nu̱u̱nꞌ kúñáꞌnú re̱ꞌ.

Hebreos 10:12 Referans Kwoze

Hebreos 1:3

Jee ne̱ tu̱u̱nꞌ maá Se̱ꞌya re̱ꞌ viiꞌ kúñáꞌnú‑u mákua kúñáꞌnú re̱ꞌ, chi nuún náku‑u iniꞌ re̱ꞌ, chi ɨɨn ni kuvi ni núvíꞌ ráa. Jee tu̱ꞌun káꞌánꞌ Se̱ꞌya re̱ꞌ níso fuersáꞌ ííꞌ jee jín tu̱ꞌun tátúníꞌ Se̱ꞌya re̱ꞌ íyó kutú nɨꞌɨ ya̱ íyó. Jee sáá nkuvi nna̱sánoo‑o yó nu̱u̱nꞌ kua̱chi‑ó jie̱ꞌe̱ꞌ ya̱ nsa̱ꞌá‑a, jee nna̱kuneeꞌ‑e ichi kuáꞌá nu̱u̱nꞌ nééꞌ re̱ꞌ kúñáꞌnú re̱ꞌ tátúníꞌ re̱ꞌ ne̱ antivɨ́ súkún.

Colosenses 3:1

Saájee nu̱u̱nꞌ nna̱tekuꞌ rán jín Cristo nsa̱ꞌá Ndiosíꞌ, kuéntáꞌ nxi̱nákóo re̱ꞌ yó jín Cristo nteñu rá níꞌiꞌ, saáva kuꞌun iniꞌ rán ya̱ kuneenu̱u̱nꞌ rán ya̱ íyó nu̱u̱nꞌ ñuunꞌ íyó súkún, nu̱u̱nꞌ nééꞌ Cristo ichi kuáꞌá Ndiosíꞌ, nu̱u̱nꞌ kúñáꞌnú Cristo.

Romanos 8:34

¿Né ɨɨn vá sijíta‑a yó nu̱u̱nꞌ Ndiosíꞌ résa? ¡Ntu̱ví!, chi maá Cristo Jesús ví ya̱ níꞌiꞌ re̱ꞌ jie̱ꞌe̱ꞌ‑ó, jee suni maáréꞌ ví ya̱ nna̱tekuꞌ re̱ꞌ jee nnako̱o re̱ꞌ nkene re̱ꞌ nteñu rá ni̱yɨ. Jee nééꞌ re̱ꞌ ichi kuáꞌá Ndiosíꞌ nu̱u̱nꞌ tátúníꞌ re̱ꞌ, jee suni yɨ́tuvi re̱ꞌ jíkánꞌ táꞌvíꞌ re̱ꞌ jie̱ꞌe̱ꞌ‑ó nu̱u̱nꞌ Ndiosíꞌ.

Hebreos 9:12

Chisaꞌ Cristo jee nki̱vɨ re̱ꞌ Nu̱u̱nꞌ Ííꞌ Nasɨ́kuitɨꞌ Ka̱ꞌ ya̱ íyó antivɨ́, soo nsú jín sáva so̱ko̱ꞌ re̱ꞌ ni̱ñɨ̱ꞌ rá chuvátúꞌ lúlí jín rá chelu yɨ́ɨ́, chisaꞌ jín sáva so̱ko̱ꞌ re̱ꞌ ni̱ñɨ̱ꞌ maáréꞌ jie̱ꞌe̱ꞌ ya̱ níꞌiꞌ re̱ꞌ. Jee nki̱vɨ re̱ꞌ yukuán métúꞌún ɨɨn ni íchí nu̱u̱nꞌ ntáká tiempúꞌ. Jee sukuán nchu̱náán nkáꞌnú re̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi‑ó sáva ni̱ꞌi̱nꞌ re̱ꞌ ya̱ nakui̱ñɨ̱ꞌ núne‑ó nu̱u̱nꞌ kua̱chi‑ó nɨ́ɨ́nkání.

Hebreos 8:1

Jee saáva ya̱ ñáꞌnú nasɨ́kuitɨꞌ ka̱ꞌ kúvi jie̱ꞌe̱ꞌ rá tu̱ꞌun ya̱ káchíꞌ ráníꞌ kúvi ya̱ íyó ɨɨn su̱tu̱ꞌ kúñáꞌnú‑ó, sáni nkachiꞌ ránꞌ, ya̱ maáréꞌ ví ya̱ ña̱kuneeꞌ re̱ꞌ ichi kuáꞌá teyuꞌ nu̱u̱nꞌ nééꞌ Ndiosíꞌ kúñáꞌnú tátúníꞌ‑i ne̱ antivɨ́.

Marcos 16:19

Saájee sáá njia̱ꞌa ya̱ nkaꞌanꞌ maá I̱toꞌoꞌ‑ó Jesús jín ráa, jee nxi̱náa Ndiosíꞌ Jesús súkún. Jee ña̱kuneeꞌ re̱ꞌ ichi kuáꞌá Ndiosíꞌ nu̱u̱nꞌ tátúníꞌ re̱ꞌ jín‑i.

Efesios 5:2

Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

Hebreos 5:1

Chi ta ɨɨn rá su̱tu̱ꞌ kúñáꞌnú, jee nka̱ji Ndiosíꞌ re̱ꞌ nteñu rá ñɨvɨ, jee ñani Ndiosíꞌ re̱ꞌ sáva sikúnkuvi re̱ꞌ rá tiñu nu̱u̱nꞌ Ndiosíꞌ jie̱ꞌe̱ꞌ ya̱ váꞌa rá ñɨvɨ, sáva so̱ko̱ꞌ re̱ꞌ nu̱u̱nꞌ Ndiosíꞌ rá nantíñú jín rá sa̱na̱ꞌ jie̱ꞌe̱ꞌ rá kua̱chi rá ñɨvɨ.

Hebreos 5:3

Jee jie̱ꞌe̱ꞌ vá saáva suni íyó so̱ko̱ꞌ re̱ꞌ sa̱na̱ꞌ nu̱u̱nꞌ Ndiosíꞌ jie̱ꞌe̱ꞌ kua̱chi re̱ꞌ, kuéntáꞌ kua̱ꞌ jie̱ꞌe̱ꞌ kua̱chi rá ñɨvɨ.

Hebreos 7:27

Jee ntu jíniñúꞌún re̱ꞌ saꞌá re̱ꞌ ta ki̱vɨ̱ꞌ kua̱ꞌ nsa̱ꞌá rá inka ka̱ꞌ rá su̱tu̱ꞌ kúñáꞌnú yanaꞌán, ya̱ xíꞌnañúꞌún ka̱ꞌ jiáꞌníꞌ ráa sa̱na̱ꞌ sókóꞌ ráa jie̱ꞌe̱ꞌ kua̱chi maáráa, jee kuíre sókóꞌ ráa jie̱ꞌe̱ꞌ kua̱chi rá ñɨvɨ ranika̱ꞌ ta ki̱vɨ̱ꞌ. Chisaꞌ métúꞌún ɨɨn íchíni nso̱ko̱ꞌ re̱ꞌ maáréꞌ nu̱u̱nꞌ ntáká tiempúꞌ jie̱ꞌe̱ꞌ kua̱chi‑ó sáá ni̱ꞌi̱ꞌ re̱ꞌ.

Hebreos 9:14

Retú sukuán kúvi, soo saꞌ víꞌí káꞌ nasánoo ni̱ñɨ̱ꞌ Cristo ánímaꞌ‑ó, chi ntu níso Cristo kua̱chi, jee Ta̱chi̱ꞌ Ííꞌ ya̱ íyó nɨ́ɨ́nkání jee njia̱ꞌa‑a fuersáꞌ ííꞌ nu̱u̱nꞌ re̱ꞌ sáva kuviꞌ re̱ꞌ so̱ko̱ꞌ re̱ꞌ maáréꞌ nu̱u̱nꞌ Ndiosíꞌ. Jee sukuán násánoo ni̱ñɨ̱ꞌ Cristo ánímaꞌ‑ó, sáva kuniꞌ‑ó ya̱ ntu níso‑ó ka̱ꞌ kua̱chi, jín ya̱ ntu yɨ́ꞌɨ́‑ó ka̱ꞌ nu̱u̱nꞌ rá tiñu sáꞌá ya̱ kuviꞌ‑ó nu̱u̱nꞌ Ndiosíꞌ, jín sáva kɨtíñú‑ó nu̱u̱nꞌ Ndiosíꞌ tékúꞌ.

Hebreos 10:10

Jee jie̱ꞌe̱ꞌ ya̱ nsa̱ꞌá re̱ꞌ ya̱ kuíni maá Ndiosíꞌ, saájee nsa̱ꞌá sɨ́ɨ́n re̱ꞌ yó nu̱u̱nꞌ kua̱chi sáva kuvi‑ó ñɨvɨ re̱ꞌ, jie̱ꞌe̱ꞌ ya̱ nso̱ko̱ꞌ Jesucristo yɨkɨkúñu maáréꞌ ni̱ꞌi̱ꞌ re̱ꞌ, ɨɨn ni íchí nu̱u̱nꞌ ntáká tiempúꞌ.

Hebreos 10:14

Chi ɨɨn ni íchí nso̱ko̱ꞌ re̱ꞌ maáréꞌ, jee nsa̱ꞌá re̱ꞌ ya̱ nɨ́ɨ́nkání nkino̱o na̱a̱ꞌ rá ñɨvɨ ya̱ násaꞌá sɨ́ɨ́n re̱ꞌ ráa nu̱u̱nꞌ kua̱chi ráa, sáva sáꞌá re̱ꞌ kuvi ráa ñɨvɨ Ndiosíꞌ.