Hebreos 1:9 - Mixteco del suroeste de Tlaxiaco Oaxaca

⁹ Ñúnúunꞌ nú mani tiñu na̱a̱ꞌ sáni kuíni Ndiosíꞌ, jee jíníꞌ u̱ꞌvi̱ꞌ nú néꞌyá nú rá tiñu níváꞌa sáꞌá ñɨvɨ jiááꞌ iniꞌ. Jee saáva nuꞌuꞌ, ya̱ kúvi ni̱ꞌ Ndiosíꞌ nú, nyosoꞌ ni̱ꞌ aceite noꞌó, sáva ñani ni̱ꞌ noꞌó sáva kuniso nú tiñu ñáꞌnú ka̱ꞌ nsú káꞌ rá inka ya̱ jíꞌín ráa sátíñú nu̱u̱nꞌ ni̱ꞌ, jee jie̱ꞌe̱ꞌ vá kúsɨ́ɨꞌ víꞌí iniꞌ nú.

Hebreos 1:9 Referans Kwoze

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Romanos 15:13

Jee maá Ndiosíꞌ ví ya̱ sáꞌá re̱ꞌ ya̱ íyó tu̱neí iniꞌ‑ó kuna̱a̱ꞌ iniꞌ‑ó ni̱ꞌi̱nꞌ‑ó ya̱ táji re̱ꞌ. Jee na̱ ka̱ꞌ saꞌá re̱ꞌ ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ rán, jín ya̱ ne̱ va̱ꞌa kuvi ánímaꞌ rán kuneeꞌ va̱ꞌa rán, jie̱ꞌe̱ꞌ ya̱ kúneí iniꞌ rán re̱ꞌ. Jee sáva fuersáꞌ ííꞌ Ta̱chi̱ꞌ Ííꞌ re̱ꞌ saꞌá‑a ya̱ kukueꞌeꞌ víꞌí ka̱ꞌ koo tu̱neí iniꞌ rán jie̱ꞌe̱ꞌ ya̱ váꞌa nchi̱sóyuꞌú re̱ꞌ saꞌá‑a jín ránoꞌó.

Lucas 4:18

Ta̱chi̱ꞌ Ííꞌ I̱toꞌoꞌ‑ó Ndiosíꞌ íyó‑o jín nuꞌuꞌ, chi ñani Ndiosíꞌ nuꞌuꞌ sáva nakani ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ láꞌví, jee suni nchu̱ichí re̱ꞌ nuꞌuꞌ sáva nasaꞌá váꞌa ni̱ꞌ iniꞌ rá ñɨvɨ ya̱ íyó tu̱nkuíꞌyáꞌ iniꞌ ánímaꞌ ráa, jín sáva kachitu̱ꞌún ni̱ꞌ tu̱ꞌun váꞌa ya̱ nakani núne ni̱ꞌ rá ñɨvɨ ya̱ yɨ́ꞌɨ́ ráa xi̱ntíín kua̱chi ráa, jín suni sáva saꞌá ni̱ꞌ ya̱ nakune̱ꞌyá rá ñɨvɨ kuáá, jee suni sáva nakani núne ni̱ꞌ rá ñɨvɨ nu̱u̱nꞌ tu̱nóꞌó jíchi rá ñɨvɨ ráa,

1 Juan 1:3

Jee ya̱ niniꞌ jínúunꞌ ráníꞌ, jín ya̱ nteso̱ꞌo ránꞌ ya̱ nkaꞌanꞌ re̱ꞌ, jee suvi‑i vá káchítu̱ꞌún ránꞌ nu̱u̱nꞌ ránú, sáva unuún koo iniꞌ ránú jín ránuꞌuꞌ. Jee íyó unuún nijia iniꞌ‑ó jín Tátáꞌ‑ó Ndiosíꞌ jín Se̱ꞌya re̱ꞌ Jesús ya̱ níso re̱ꞌ tiñu Cristo.

1 Pedro 1:3

Na̱ ka̱ꞌ nakuetúꞌún‑ó Ndiosíꞌ ya̱ kúvi re̱ꞌ Tátáꞌ I̱toꞌoꞌ‑ó Jesús ya̱ kúvi Cristo, chi jie̱ꞌe̱ꞌ ntántúníꞌ nasɨ́kuitɨꞌ náꞌví iniꞌ re̱ꞌ yó, jee nsama re̱ꞌ iniꞌ‑ó nna̱sikáku jiáá re̱ꞌ yó jee íyó kutú tu̱neí iniꞌ‑ó nétu‑ó kutekuꞌ‑ó nɨ́ɨ́nkání jín re̱ꞌ, jie̱ꞌe̱ꞌ ya̱ nna̱tekuꞌ i̱i̱ꞌ Jesús ya̱ kúvi Cristo nene re̱ꞌ nteñu rá níyɨ.

Hebreos 7:26

Jee saáva, Jesús kúvi nijia re̱ꞌ su̱tu̱ꞌ maá kúñáꞌnú nasɨ́kuitɨꞌ ka̱ꞌ sáni jíniñúꞌún‑ó. Chi i̱i̱ꞌ víꞌí re̱ꞌ, chi ni ntu̱ví kua̱chi re̱ꞌ, jee íyó noo re̱ꞌ, jee íyó sɨ́ɨ́n re̱ꞌ nu̱u̱nꞌ rá ñɨvɨ íyó kua̱chi, jee nkenta kúñáꞌnú nasɨ́kuitɨꞌ re̱ꞌ ne̱ nu̱u̱nꞌ súkún nasɨ́kuitɨꞌ ka̱ꞌ antivɨ́.

Filipenses 2:9

Saáva suni Ndiosíꞌ nxi̱náa re̱ꞌ Jesús kúñáꞌnú re̱ꞌ ka̱ꞌ nu̱u̱nꞌ nɨꞌɨ. Jee njia̱ꞌa Ndiosíꞌ nu̱u̱nꞌ re̱ꞌ tiñu kúñáꞌnú ka̱ꞌ nsú káꞌ nta̱ká tiñu.

Efesios 1:3

Jee íyó nákuetúꞌún‑ó Ndiosíꞌ, ya̱ kúvi re̱ꞌ Ndiosíꞌ nu̱u̱nꞌ I̱toꞌoꞌ‑ó Jesús ya̱ kúvi Cristo jee Tátáꞌ Jesús kúvi re̱ꞌ. Nákuetúꞌún‑ó re̱ꞌ chi sáꞌá re̱ꞌ ya̱ netuꞌ kúvi‑ó, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo, chi ntaji re̱ꞌ nu̱u̱nꞌ‑ó ntáká nu̱u̱nꞌ ya̱ váꞌa ya̱ váji ne̱ nu̱u̱nꞌ antivɨ́ ya̱ kino̱o va̱ꞌa iniꞌ ánímaꞌ‑ó.

1 Corintios 1:9

Chi síkúnkuvi na̱a̱ꞌ Ndiosíꞌ ya̱ nkana re̱ꞌ ránoꞌó sáva kanitáꞌán iniꞌ rán jín Se̱ꞌya re̱ꞌ Jesús ya̱ kúvi Cristo ya̱ kúvi I̱toꞌoꞌ‑ó.

Juan 20:17

Jee nkachiꞌ Jesús nu̱u̱nꞌ ña: ―Koto tɨ́ɨn nú nuꞌuꞌ chinetu nú, chi ntiáꞌan kɨ̱naa ni̱ꞌ nu̱u̱nꞌ Tátáꞌ ni̱ꞌ. Soo kuáꞌán nu̱u̱nꞌ rá ñaniꞌ ni̱ꞌ, ya nsu̱kuáꞌa ni̱ꞌ ráa, jee kachiꞌ nú nu̱u̱nꞌ ráa ya̱ kɨ̱naa ni̱ꞌ nu̱u̱nꞌ Tátáꞌ maáníꞌ ya̱ kúvi Tátáꞌ ránoꞌó ranika̱ꞌ, jín ya̱ kúvi Ndiosíꞌ ni̱ꞌ jín Ndiosíꞌ ránoꞌó ―nkachiꞌ Jesús.

Juan 1:41

Saájee ña̱nanukú‑u ñaniꞌ‑i Simón, jee nkachiꞌ‑i nu̱u̱nꞌ Simón: ―Nna̱ketáꞌán ránꞌ Mesías ―nkachiꞌ re̱ꞌ. Mesías kuíni kachiꞌ Cristo [ya̱ ñani Ndiosíꞌ sáva tatúníꞌ nu̱u̱nꞌ ñɨ̱vɨ́].

Apoclipsis 2:15

Jee suni íyó sava rá ñɨvɨ nteñu rán ya̱ níkɨ́nꞌ ráa rá tu̱ꞌun xínéꞌénꞌ rá ñɨvɨ níkɨ́nꞌ tu̱ꞌun nxi̱néꞌénꞌ Nicolás, [ya̱ jíníꞌ u̱ꞌvi̱ꞌ ni̱ꞌ maa].

2 Corintios 11:31

Ndiosíꞌ, ya̱ kúvi Tátáꞌ I̱toꞌoꞌ‑ó Jesús, suvire̱ꞌ jíníꞌ va̱ꞌa re̱ꞌ ya̱ ntu kátúꞌún ni̱ꞌ. Jee nakuetúꞌún‑ó re̱ꞌ nɨ́ɨ́nkání.

Romanos 12:9

Ne̱ saɨn kunu̱u̱nꞌ rán táꞌán rán, koto káñunkúún sáꞌá rán nika̱ꞌ. Jee kuniꞌ u̱ꞌvi̱ꞌ rán kune̱ꞌyá rán ya̱ niváꞌa. Jee kunikɨnꞌ rán saꞌá rán tiñu váꞌa.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Hechos 4:27

’Jee sukuán nkuvi nijia, chi nku̱tútú Herodes, jín Poncio Pilato, jín rá ñɨvɨ ntu kúvi Israel, jín rá ñɨvɨ kúvi Israel, ñuunꞌ yaꞌá. Jee nkenta ráa si̱kɨ̱ꞌ Se̱ꞌya ííꞌ nú, Jesús, ya̱ ñani nú sáva tatúníꞌ re̱ꞌ nu̱u̱nꞌ ñɨ̱vɨ́.

Juan 3:34

Chi maáréꞌ ya̱ nchu̱ichí Ndiosíꞌ re̱ꞌ, jee káꞌánꞌ re̱ꞌ rá Tu̱ꞌun Ndiosíꞌ, jee ntu ñúkúꞌvá iniꞌ Ndiosíꞌ jiáꞌa‑a Ta̱chi̱ꞌ Ííꞌ‑i [íyó jín re̱ꞌ].

Hebreos 2:11

Chi Jesús ya̱ násaꞌá sɨ́ɨ́n re̱ꞌ rá ñɨvɨ sáva kɨꞌɨ ráa nu̱u̱nꞌ Tátáꞌ re̱ꞌ, jee rá ñɨvɨ vá ya̱ násaꞌá sɨ́ɨ́n re̱ꞌ, jee núvíꞌ ráa ɨɨn ni nu̱u̱nꞌ Tátáꞌ va̱ji ráa jín re̱ꞌ. Jee saáva ntu kúkanuun re̱ꞌ káꞌánꞌ re̱ꞌ ñaniꞌ re̱ꞌ jín ku̱ꞌva re̱ꞌ ráa.

Juan 10:17

Jee saáva ñúnúunꞌ Tátáꞌ ni̱ꞌ nuꞌuꞌ, chi ku̱ꞌva ni̱ꞌ maáníꞌ kuviꞌ ni̱ꞌ sáva xinátekuꞌ i̱i̱ꞌ tuku ni̱ꞌ maáníꞌ.

Hechos 4:26

Nku̱tútú rá te̱e nísotíñú ya̱ tátúníꞌ rá ñuunꞌ ñɨ̱vɨ́, jín rá te̱e yósóꞌ nu̱u̱nꞌ rá ñuunꞌ, jee nkenta ráa si̱kɨ̱ꞌ I̱toꞌoꞌ‑ó Ndiosíꞌ jín si̱kɨ̱ꞌ maáréꞌ ya̱ kúvi Cristo re̱ꞌ, ya̱ ñani re̱ꞌ sáva tatúníꞌ‑i ñɨ̱vɨ́, nkachiꞌ David, káchíꞌ Tutuꞌ Ííꞌ níso Tu̱ꞌun Ndiosíꞌ.

Hebreos 2:9

Soo vitan jee jíníꞌ‑ó ya̱ ɨɨn te̱e nnu̱un‑u ntíꞌ ka̱ꞌ kuñáꞌnú yakuꞌ ka̱ꞌ nsú káꞌ kúñáꞌnú rá najiáꞌáꞌ ííꞌ re̱ꞌ yakuꞌ ni tiempúꞌ. Jee kúvi te̱e vá Jesús. Soo vitan jee nna̱xináa Ndiosíꞌ re̱ꞌ kúñáꞌnú víꞌí re̱ꞌ, jín ya̱ nɨꞌɨ kuitɨꞌ nakuatáꞌví ráa re̱ꞌ, jie̱ꞌe̱ꞌ ya̱ nnoꞌo re̱ꞌ ya̱ níꞌiꞌ re̱ꞌ, sáva kuviꞌ re̱ꞌ jie̱ꞌe̱ꞌ ntáká ñɨvɨ jie̱ꞌe̱ꞌ íyó mániꞌ iniꞌ Ndiosíꞌ néꞌyá‑a yó.