Génesis 50:17 - Mixteco del suroeste de Tlaxiaco Oaxaca

¹⁷ “Suꞌva kachiꞌ rán nu̱u̱nꞌ José: Kova̱ꞌa xá iniꞌ nú jíkánꞌ táꞌvíꞌ ni̱ꞌ ya̱ kunekáꞌnú iniꞌ nú rá niva̱ꞌa jín rá kua̱chi rá ñaniꞌ nú ya̱ niváꞌa víꞌí nsa̱ꞌá ráa jín nú”, nkachiꞌ re̱ꞌ. Saáva kova̱ꞌa xá iniꞌ nú jíkánꞌ táꞌvíꞌ ráníꞌ ya̱ kunekáꞌnú iniꞌ nú rá niva̱ꞌa nsa̱ꞌá ránꞌ ya̱ kúvi ránꞌ musúꞌ Ndiosíꞌ ya̱ kuvi máá Ndiosíꞌ nnenu̱ꞌun tátáꞌ nú”, nkachiꞌ ráa nu̱u̱nꞌ ñaniꞌ ráa José. Jee ni jiáꞌa rá te̱e vá rá tu̱ꞌun yaꞌá, jee náꞌyúꞌ José.

Génesis 50:17 Referans Kwoze

Efesios 4:32

Chisaꞌ íyó koo va̱ꞌa ñunkúún iniꞌ rán jín ɨɨn inka táꞌán rán, jee koo ya̱ náꞌví iniꞌ rán, jee kunekáꞌnú iniꞌ rán kune̱ꞌyá rán ɨɨn inka táꞌán rán, kuéntáꞌ kua̱ꞌ sáni nne̱káꞌnú iniꞌ Ndiosíꞌ nne̱ꞌyá re̱ꞌ ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

Génesis 49:25

Ndiosíꞌ ya̱ néñu̱ꞌun tátáꞌ nú maa jee chineí re̱ꞌ noꞌó. Jee maáréꞌ níso re̱ꞌ fuersáꞌ ííꞌ ni̱ꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó, jee maáréꞌ saꞌá ya̱ netuꞌ kuvi nú jín ya̱ váꞌa ya̱ váji ne̱ súkún, jín ya̱ váꞌa ya̱ váji ne̱ nu̱u̱nꞌ káku nute chi̱ji ñuꞌun. Jee saꞌá re̱ꞌ ya̱ netuꞌ kuvi nú ya̱ kukueꞌeꞌ se̱ꞌya nú jín sa̱na̱ꞌ nú.

Génesis 45:8

’Saáva nsú ránoꞌó ví ya̱ nta̱jí nuꞌuꞌ yaꞌá, chisaꞌ maá Ndiosíꞌ ví‑i. Jee ñani Ndiosíꞌ nuꞌuꞌ kúvi ni̱ꞌ kuéntáꞌ tááꞌ nu̱u̱nꞌ Faraón ya̱ nákutíñú ni̱ꞌ nu̱u̱nꞌ re̱ꞌ, jín ya̱ kúvi ni̱ꞌ i̱toꞌoꞌ kosoꞌ ni̱ꞌ nu̱u̱nꞌ nɨꞌɨ vetíñú re̱ꞌ, jín ya̱ nísotíñú ni̱ꞌ tátúníꞌ ni̱ꞌ nu̱u̱nꞌ nɨꞌɨ ñuꞌun Egipto.

Santiago 5:16

Saáva íyó nanaꞌmaꞌ ɨɨn inka rán jie̱ꞌe̱ꞌ kua̱chi rán, jee íyó ka̱ka̱nꞌ táꞌvíꞌ rán jie̱ꞌe̱ꞌ ɨɨn inka rán, sáva nuvi rán. Máá ñáꞌnú nasɨ́kuitɨꞌ ví ya̱ jíkánꞌ táꞌvíꞌ ñɨvɨ na̱a̱ꞌ jee sáꞌá Ndiosíꞌ tiñu jie̱ꞌe̱ꞌ ya̱ jíkánꞌ táꞌvíꞌ.

Gálatas 6:16

Nta̱ká rá ñɨvɨ ya̱ jíka ráa sáni káchíꞌ tu̱ꞌun yaꞌá ya̱ káchíꞌ ni̱ꞌ, jee na̱ ka̱ꞌ kuneeꞌ va̱ꞌa ráa ka̱ꞌ, jín ya̱ kunáꞌví iniꞌ Ndiosíꞌ ráa, ne̱ rá ñɨvɨ íñɨ́ jín Ndiosíꞌ ya̱ kúneí iniꞌ ráa Jesús ya̱ kúvi ráa ichiyúkúnꞌ Israel.

Gálatas 6:10

Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.

Marcos 10:41

Sáá nteso̱ꞌo rá ni ujíꞌ ka̱ꞌ rá te̱e súkuáꞌa re̱ꞌ ráa tu̱ꞌun yaꞌá, jee nka̱jiéꞌé ráa nki̱tɨ̱ꞌ iniꞌ ráa nne̱ꞌyá ráa Jacobo jín Juan.

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Mateo 18:35

’Suni sukuán saꞌá Tátáꞌ ni̱ꞌ Ndiosíꞌ, ya̱ nééꞌ antivɨ́ súkún, jín ránoꞌó retú ntu̱ví nékáꞌnú iniꞌ ta ɨɨn rán kune̱ꞌyá rán ne̱ jín ánímaꞌ rán ñanitáꞌán rán, jie̱ꞌe̱ꞌ rá kua̱chi sáꞌá‑a si̱kɨ̱ꞌ rán ―nkachiꞌ Jesús.

Mateo 10:42

Jee néni ɨɨn ñɨvɨ ya̱ ku̱ꞌva‑a sú kua̱chi ɨɨn ñejin nute víjin koꞌo ɨɨn rá ñɨvɨ náꞌví yaꞌá, jie̱ꞌe̱ꞌ ya̱ yɨ́tíñú ñɨvɨ náꞌví yaꞌá nu̱u̱nꞌ nuꞌuꞌ, jee máá naáꞌ vá káchíꞌ ni̱ꞌ nu̱u̱nꞌ rán, ya̱ nsáꞌ sukuíta ñɨvɨ sáꞌá suꞌva ta̱ꞌvi̱ꞌ kutaꞌviꞌ‑i nu̱u̱nꞌ Ndiosíꞌ ―nkachiꞌ Jesús.

Mateo 6:12

Jee kunekáꞌnú iniꞌ nú kune̱ꞌyá nú ránuꞌuꞌ jie̱ꞌe̱ꞌ kua̱chi sáꞌá ráníꞌ, kuéntáꞌ kua̱ꞌ suni nékáꞌnú iniꞌ ráníꞌ rá niváꞌa sáꞌá ráa ránuꞌuꞌ.

Génesis 50:20

Ránoꞌó nkaꞌvi iniꞌ rán saꞌá kini rán nuꞌuꞌ, soo Ndiosíꞌ nkuna̱a̱ꞌ iniꞌ re̱ꞌ maa sáva sama re̱ꞌ ya̱ niváꞌa vá sáva kene ya̱ váꞌa sáva sáꞌá re̱ꞌ tiñu váꞌa vitan, sáva sikáku ni̱ꞌ rá ñɨvɨ kue̱ꞌe̱ꞌ tékúꞌ ráa.

Génesis 31:42

Jee Ndiosíꞌ ya̱ néñu̱ꞌun tátáꞌ ni̱ꞌ jín ya̱ kuvi Ndiosíꞌ néñu̱ꞌun Abraham, jín ya̱ kúvi maá Ndiosíꞌ ya̱ ñúyúꞌví iniꞌ tátáꞌ ni̱ꞌ Isaac íyó re̱ꞌ jín nuꞌuꞌ, soo retú ntu̱ví íyó re̱ꞌ jín nuꞌuꞌ jee vitan nna̱chuichí saɨn nú nuꞌuꞌ kɨ̱ꞌɨ̱nꞌ ni̱ꞌ nékúvi, jee nijín ni ɨɨn nantíñú. Soo niniꞌ Ndiosíꞌ ya̱ núkuíꞌyáꞌ iniꞌ ni̱ꞌ jín ya̱ nsa̱tíñú yɨ́ɨ́ ni̱ꞌ jee nnu̱xichiꞌ Ndiosíꞌ nu̱u̱nꞌ noꞌó yakuááꞌ iku ―nkachiꞌ Jacob nu̱u̱nꞌ Labán.

Génesis 50:16

Saájee ntaji ráa tu̱ꞌun nu̱u̱nꞌ José: “Ne̱ ntiáꞌan ka̱ꞌ kuviꞌ tátáꞌ nú, jee nta̱túníꞌ re̱ꞌ nu̱u̱nꞌ ránꞌ, jee nkachiꞌ re̱ꞌ:

Génesis 50:18

Saájee nkenta máá rá ñaniꞌ José, jee ña̱kui̱ñɨ̱ꞌ ítɨ́ ráa nu̱u̱nꞌ re̱ꞌ ne̱ ña̱xin ráa te̱e̱nꞌ ráa nu̱u̱nꞌ ñu̱ꞌún, jee nkachiꞌ ráa: ―Yaꞌá íyó ráníꞌ nu̱u̱nꞌ nú kúvi ránꞌ musúꞌ keꞌen kɨꞌɨ ránꞌ xi̱ntíín nú ―nkachiꞌ ráa.