Génesis 47:23 - Mixteco del suroeste de Tlaxiaco Oaxaca

²³ Jee kuíre nkachiꞌ José nu̱u̱nꞌ rá ñɨvɨ: ―Vitan rá jee nni̱ꞌi̱nꞌ ni̱ꞌ ránoꞌó jín rá ñuꞌun rán kuvi Faraón maa. Kune̱ꞌyá rán, yaꞌá íyó nikɨn tataꞌ sáva taji rán maa nu̱u̱nꞌ ñuꞌun.

Génesis 47:23 Referans Kwoze

2 Corintios 9:10

Jee maá Ndiosíꞌ ví ya̱ jiáꞌa nikɨn tataꞌ nu̱u̱nꞌ ráa ya̱ taji ráa maa, jín ya̱ jiáꞌa re̱ꞌ ya̱ yájíꞌ ñɨvɨ. Jee suni maáréꞌ taji jee nasákuéꞌeꞌ re̱ꞌ ya̱ jíniñúꞌún rán sáva sáꞌá rán tiñu váꞌa, jee sikuéꞌnu re̱ꞌ tiñu váꞌa sáꞌá rán kuéntáꞌ tataꞌ sáꞌá rán.

Mateo 24:45

’¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Génesis 45:6

Ya kua̱ꞌa̱nꞌ u̱vi̱ꞌ kui̱ya̱ꞌ ya̱ íyó ta̱ma̱ꞌ nu̱u̱nꞌ ñuꞌun rá ñuunꞌ, jee kúníꞌ i̱i̱ꞌ u̱ꞌu̱nꞌ kui̱ya̱ꞌ ka̱ꞌ ya̱ ni nnátaꞌví ráa ñuꞌun sáva taji ráa nikɨn ni nákeꞌen ráa tátáꞌ saꞌá.

Génesis 41:27

Jee rá u̱xa̱ꞌ rá vaca nnachi ya̱ íyó káꞌví ya̱ nkene ichi yátá rá inka ka̱ꞌ rá vaca vá suni u̱xa̱ꞌ kui̱ya̱ꞌ. Jee sunisaá rá u̱xa̱ꞌ rá yoko trigúꞌ chiꞌmaꞌ jee ne̱ nka̱yu̱ꞌ nsa̱ꞌá ta̱chi̱ꞌ íchí íꞌní váji ne̱ nu̱u̱nꞌ kénta nka̱niiꞌ, yaꞌá kúvi u̱xa̱ꞌ kui̱ya̱ꞌ ya̱ kutámá ya̱ yájíꞌ.

Génesis 47:22

Jee kua̱chi kuitɨꞌ rá ñuꞌun rá su̱tu̱ꞌ ntu̱ví nkeꞌen José, chi íyótúníꞌ sá njia̱ꞌa Faraón nyajiꞌ rá su̱tu̱ꞌ, saáva ntu̱ví nxíkó ráa rá ñuꞌun ráa.

Génesis 47:24

Jee íyó ku̱ꞌva rán nu̱u̱nꞌ Faraón ɨɨn kilo tataꞌ sáꞌá ránꞌ nu̱u̱nꞌ ya̱ u̱ꞌu̱nꞌ kilo, jee ku̱mi̱ꞌ kilo kino̱o jín rán sáva taji rán maa nu̱u̱nꞌ ñuꞌun rán jín sáva kajiꞌ rán, jín rá ñɨvɨ táꞌán veꞌi rán, jín rá se̱ꞌya rán ―nkachiꞌ José nu̱u̱nꞌ ráa.