Génesis 42:20 - Mixteco del suroeste de Tlaxiaco Oaxaca

²⁰ Jee kiji rán jín ñaniꞌ lúlí rán nu̱u̱nꞌ ni̱ꞌ, jee kuniꞌ ni̱ꞌ retú na̱a̱ꞌ káꞌánꞌ rán, jee nku̱víꞌ rán ―nkachiꞌ José nu̱u̱nꞌ ráa. Jee ni̱yo maniꞌ ráa ya̱ nkachiꞌ re̱ꞌ.

Génesis 42:20 Referans Kwoze

Génesis 44:23

Soo nkachiꞌ nú nu̱u̱nꞌ ránuꞌuꞌ, ya̱ kúvi ránꞌ musúꞌ nú, ya̱: “retú ntu̱ví va̱ji ñaniꞌ súchí rán jín ránoꞌó, koto kiji tuku rán ka̱ꞌ kune̱ꞌyá rán nuꞌuꞌ.”

Génesis 43:5

Soo retú ntájí nú kɨ̱ꞌɨ̱nꞌ re̱ꞌ, jee nsáꞌ kɨ̱ꞌɨ̱nꞌ ránꞌ, chi te̱e yukuán nkachiꞌ re̱ꞌ nu̱u̱nꞌ ránꞌ: “Retú nkíji rán yaꞌá jín ñaniꞌ lúlí rán, koto kiji rán kine̱ꞌyá rán nu̱u̱nꞌ nuꞌuꞌ”, nkachiꞌ te̱e vá ―nkachiꞌ Judá.

Génesis 42:34

Jee kiji rán jín ñaniꞌ lúlí rán ka̱ꞌ jee suꞌva kukáꞌnú iniꞌ ni̱ꞌ ya̱ ntu̱ví kúvi rán ñɨvɨ nání yuꞌuꞌ jee kúvi rán ñɨvɨ na̱a̱ꞌ jee saájee nataji ni̱ꞌ ñaniꞌ rán nu̱u̱nꞌ rán jee kuvi kaka núne rán nu̱u̱nꞌ ñuunꞌ yaꞌá xíkó jín kéꞌen”, nkachiꞌ re̱ꞌ nu̱u̱nꞌ ránꞌ ―nkachiꞌ ráa nu̱u̱nꞌ tátáꞌ ráa.

Génesis 42:15

Jee jín yaꞌá kototúníꞌ ni̱ꞌ ránoꞌó: Jee a nááꞌ vá tékúꞌ Faraón jee suni sukuán a nááꞌ sánáaꞌ ni̱ꞌ nu̱u̱nꞌ tu̱ꞌun káꞌánꞌ ni̱ꞌ, ya̱ ni nsáꞌ kene rán yaꞌá nekuaꞌ kiji ñaniꞌ lúlí rán nu̱u̱nꞌ yaꞌá.

Juan 2:5

Saájee nkachiꞌ nánáꞌ Jesús nu̱u̱nꞌ rá ñɨvɨ ya̱ chúꞌun nixiꞌ: ―Saꞌá rán néni ɨɨn tiñu ya̱ kachiꞌ re̱ꞌ nu̱u̱nꞌ rán ―nkachiꞌ ña.

Génesis 43:19

Jee sáá nkenta ráa yuvéꞌí jee ña̱kuyatin ráa nu̱u̱nꞌ musúꞌ vá ya̱ néen kuéntáꞌ veꞌi José sáva kaꞌanꞌ ráa jín re̱ꞌ.

Génesis 42:26

Saájee ntee rá ñaniꞌ re̱ꞌ rá kuxtáꞌ nikɨn ya̱ta̱ꞌ rá burrúꞌ ráa, jee nkene ráa nu̱u̱nꞌ ñuunꞌ yukuán jee kua̱ꞌa̱nꞌ nnoꞌonꞌ ráa.

Génesis 6:22

Jee nsa̱ꞌá Noé nɨꞌɨ sánikua̱ꞌ nkachiꞌ Ndiosíꞌ nu̱u̱nꞌ‑u. Suꞌva nsa̱ꞌá re̱ꞌ.

Génesis 42:19

Retú kúvi nijia rán te̱e na̱a̱ꞌ, jee xinóo rán ɨɨn rá ñaniꞌ rán iniꞌ veka̱a, jee rá inka rán kɨ̱ꞌɨ̱nꞌ noꞌonꞌ rán jín nikɨn kajiꞌ rá sɨ́ꞌɨ́ veꞌi rán ya̱ jíꞌíꞌ ráa so̱ko.

Génesis 42:33

’Jee nkachiꞌ te̱e tátúníꞌ rá ñuunꞌ yukuán nu̱u̱nꞌ ránꞌ: “Jín yaꞌá jee kuniꞌ ni̱ꞌ retú kúvi nijia rán ñɨvɨ na̱a̱ꞌ: xinóo rán ɨɨn ñaniꞌ rán jín nuꞌuꞌ jee kua̱ꞌa̱nꞌ rán jín nikɨn kajiꞌ rá sɨ́ꞌɨ́ veꞌi rán ya̱ jíꞌíꞌ ráa so̱ko.

Génesis 44:21

Saájee, ránuꞌuꞌ ya̱ kúvi ránꞌ musúꞌ nú chi, nkachiꞌ nú nu̱u̱nꞌ ránꞌ ya̱: “Kiji rán jín‑i nu̱u̱nꞌ ni̱ꞌ, sáva kune̱ꞌyá jínúunꞌ ni̱ꞌ maa.”

Génesis 43:3

Soo nkachiꞌ Judá nu̱u̱nꞌ re̱ꞌ: ―Te̱e yukuán nxtúꞌva ñáꞌnú re̱ꞌ nu̱u̱nꞌ rán: “Retú nkíji rán jín ñaniꞌ lúlí rán yaꞌá, ni koto kíji rán kune̱ꞌyá rán nuꞌuꞌ”, nkachiꞌ re̱ꞌ nu̱u̱nꞌ ránꞌ.