Génesis 35:2 - Mixteco del suroeste de Tlaxiaco Oaxaca

² Saájee nkachiꞌ Jacob nu̱u̱nꞌ rá táꞌán veꞌi re̱ꞌ jín nu̱u̱nꞌ ntáká rá ñɨvɨ ya̱ kútáꞌán jín re̱ꞌ: ―Siíyo rán nɨꞌɨ rá inka ndiosíꞌ ya̱ ntu kúvi ráa máá Ndiosíꞌ tékúꞌ, ya̱ íyó ráa nteñu‑órán ya̱ kúvi ráa rá ndiosíꞌ ya̱ néñu̱ꞌun rá inka ñɨvɨ, jee nasaꞌá noo rán ñunéꞌyúꞌ rán jee sama rán saꞌma ñuꞌun rán.

Génesis 35:2 Referans Kwoze

Santiago 4:8

Natuꞌva rán nu̱u̱nꞌ Ndiosíꞌ, jee natuꞌva re̱ꞌ nu̱u̱nꞌ rán. ¡Ñɨvɨ kua̱chi! ¡Íyó saꞌá noo rán maárán nu̱u̱nꞌ kua̱chi sáꞌá rán! ¡Ñɨvɨ ya̱ ɨɨn u̱vi̱ꞌ ñúꞌún iniꞌ ánímaꞌ rán! ¡Jee íyó saꞌá ninuꞌun rán ánímaꞌ rán!

Hebreos 10:22

Jee saáva, ne̱ saɨn kúvi iniꞌ ánímaꞌ‑ó natuꞌva‑ó nu̱u̱nꞌ Ndiosíꞌ, jie̱ꞌe̱ꞌ kínóo kutú ánímaꞌ‑ó chi kúneí iniꞌ‑ó Cristo, chi nna̱saꞌá noo Cristo ánímaꞌ‑ó ya̱ kuniꞌ‑ó ya̱ ntu níso‑ó ka̱ꞌ ya̱ niva̱ꞌa. Jee ya̱ nno̱noo‑ó kuéntáꞌ nna̱kete‑ó yɨkɨkúñu‑ó jín nute ninuꞌun.

Génesis 18:19

Chi nka̱ji ni̱ꞌ re̱ꞌ sáva tatúníꞌ re̱ꞌ nu̱u̱nꞌ rá se̱ꞌya re̱ꞌ jín nu̱u̱nꞌ rá ichiyúkúnꞌ re̱ꞌ kiji tiempúꞌ ichinúúnꞌ sáva chuꞌun re̱ꞌ ráa ichi I̱toꞌoꞌ kunikɨnꞌ ráa maa sáva saꞌá ráa nɨꞌɨ ya̱ kúvi ya̱ váꞌa jín ya̱ íyó na̱a̱ꞌ sáva sikúnkuvi ni̱ꞌ ya̱ nkachiꞌ ni̱ꞌ saꞌá ni̱ꞌ nu̱u̱nꞌ re̱ꞌ, ya̱ kúvi ni̱ꞌ I̱toꞌoꞌ.”

2 Corintios 7:1

Jee ránoꞌó ñanitáꞌán ya̱ ñúnúunꞌ ni̱ꞌ, nni̱ꞌi̱nꞌ‑ó tu̱ꞌun yaꞌá ya̱ nchi̱sóyuꞌú Ndiosíꞌ saꞌá re̱ꞌ jín‑ó. Jee saáva íyó koo noo ninuꞌun‑ó ya̱ nkɨ́ꞌɨ‑ó nu̱u̱nꞌ nta̱ká ya̱ sátéꞌén yɨkɨkúñu‑ó jín ánímaꞌ‑ó nu̱u̱nꞌ Ndiosíꞌ. Jee íyó kujia iniꞌ‑ó sasɨ́ɨ́n‑ó maáó ya̱ nkɨ́ꞌɨ‑ó nu̱u̱nꞌ ya̱ níváꞌa, chi ñúyúꞌví iniꞌ‑ó Ndiosíꞌ.

Génesis 31:34

Soo máá Raquel ya ntɨɨn ña rá santúꞌ vá jee nchi̱só ña maa chi̱ji silláꞌ kameyúꞌ ya̱ káa iniꞌ veꞌi saꞌma ña, jee nééꞌ ña nu̱u̱nꞌ ráa. Jee nna̱nukú Labán kua̱íyó iniꞌ veꞌi saꞌma vá soo ntu̱ví na̱ nna̱niꞌinꞌ re̱ꞌ.

Génesis 31:19

Jee sáá kua̱ꞌa̱nꞌ Labán kua̱seté re̱ꞌ rá lanchi re̱ꞌ, jee nsa̱ꞌá kuíꞌná Raquel rá santúꞌ kúmí tátáꞌ ña.

Judas 1:23

Jee suni íyó nukú rán na̱ja saꞌá rán sáva sikáku rán sava ka̱ꞌ rá ñɨvɨ sáva nkíninkava ráa nu̱u̱nꞌ kua̱chi, yukuán kúvi ya̱ kuéntáꞌ náxitá rán ráa nu̱u̱nꞌ ñuꞌúnꞌ xéénꞌ. Jee íyó kunáꞌví iniꞌ rán sava ka̱ꞌ rá ñɨvɨ, soo kuyúꞌví iniꞌ rán jie̱ꞌe̱ꞌ maárán jee kumí rán maárán jee koto ne̱ jíꞌín rán kininkava rán nu̱u̱nꞌ kua̱chi, chisaꞌ ne̱ kukini rán kune̱ꞌyá rán saꞌma ya̱ nku̱téꞌén jín tiñu néꞌén ya̱ nsa̱ꞌá rá ñɨvɨ vá.

Gálatas 4:8

Soo ne̱ ntiáꞌan kuni rán iniꞌ Ndiosíꞌ, nneñu̱ꞌun rán na̱ni kúvi ya̱ ntu kúvi ndiosíꞌ nijia. Jee sátíñú ka̱ꞌá rán nu̱u̱nꞌ ráa kuéntáꞌ ɨɨn musúꞌ kéꞌen ñɨvɨ.

1 Corintios 10:7

Jee saáva koto néñu̱ꞌun rán rá nantíñú ya̱ ntu kúvi Ndiosíꞌ, kuéntáꞌ nsa̱ꞌá sava ráa. Chi sukuán káchíꞌ nu̱u̱nꞌ Tutuꞌ níso Tu̱ꞌun Ndiosíꞌ: “Ña̱kuneeꞌ rá ñɨvɨ nyajiꞌ ráa jee niꞌi ráa, jee kuíre nna̱kuiñɨꞌ ráa nka̱tiéꞌé ráa”, káchíꞌ nu̱u̱nꞌ Tutuꞌ [jie̱ꞌe̱ꞌ ya̱ nsa̱ꞌá ráa viko santúꞌ nneñu̱ꞌun ráa maa].

Hechos 19:26

Néꞌyá rán jee tésóꞌo rán, ya̱ Pablo vá nsi̱ínúꞌ re̱ꞌ iniꞌ kue̱ꞌe̱ꞌ ñɨvɨ xinóo ráa rá santúꞌ, chi káchíꞌ‑i ya̱ nsú ndiosíꞌ ví rá santúꞌ sáꞌá ñɨvɨ. Nsú kua̱chi ñuunꞌ Éfeso nsa̱ꞌá re̱ꞌ suꞌva, chi suni yatin nɨꞌɨ ñuunꞌ tɨɨn Asia nsa̱ꞌá re̱ꞌ maa.

Génesis 35:22

Jee sáá nééꞌ Israel (Jacob) nu̱u̱nꞌ ñuꞌun yukuán, jee ña̱ꞌa̱nꞌ Rubén nnu̱ne̱ꞌén re̱ꞌ jín Bilha, ñaꞌan ya̱ nákasaɨn tátáꞌ re̱ꞌ. Jee sáá nku̱káꞌnú iniꞌ tátáꞌ re̱ꞌ ya̱ nsa̱ꞌá re̱ꞌ jee nki̱tɨ̱ꞌ nasɨ́kuitɨꞌ iniꞌ tátáꞌ re̱ꞌ. U̱xu̱vi̱ꞌ (12) rá se̱ꞌya Israel (Jacob) íyó.

Génesis 34:2

Jee niniꞌ te̱e naní Siquem ña, ya̱ kúvi re̱ꞌ se̱ꞌya Hamor te̱e ichiyúkúnꞌ heveo, te̱e tátúníꞌ nu̱u̱nꞌ ñuunꞌ yukuán, jee ntɨɨn xe̱e̱nꞌ Siquem ña jee sukuán njia̱ꞌa re̱ꞌ tu̱nkánuun nu̱u̱nꞌ ña.

Génesis 31:30

’Jee vitan jee kua̱ꞌa̱nꞌ nú jie̱ꞌe̱ꞌ ñúkúvi iniꞌ nú kɨ̱noꞌonꞌ nú veꞌi tátáꞌ nú, soo ¿na̱ kuvi chi nsa̱kuíꞌná nú rá ndiosíꞌ ni̱ꞌ résa? ―nkachiꞌ Labán nu̱u̱nꞌ Jacob.