Génesis 27:28 - Mixteco del suroeste de Tlaxiaco Oaxaca

²⁸ Jee jíkánꞌ táꞌvíꞌ ni̱ꞌ nu̱u̱nꞌ Ndiosíꞌ ya̱ taji re̱ꞌ nu̱u̱nꞌ nú yúyú kiji súkún, jín rá tataꞌ váꞌa kéne nu̱u̱nꞌ ñuꞌún, jín kue̱ꞌe̱ꞌ víꞌí tataꞌ sáꞌá kajiꞌ nú jín kue̱ꞌe̱ꞌ víꞌí nixiꞌ nu̱xi uva jiáá koꞌo nú.

Génesis 27:28 Referans Kwoze

Hebreos 11:20

Jee jie̱ꞌe̱ꞌ ya̱ ni̱nu̱ꞌ iniꞌ Isaac nku̱neí iniꞌ‑i Ndiosíꞌ, jee nkaꞌanꞌ‑a jie̱ꞌe̱ꞌ rá koo ichinúúnꞌ jee nkachiꞌ‑i ya̱ netuꞌ kuvi Jacob jín Esaú saꞌá Ndiosíꞌ.

Génesis 49:20

’Jee Aser chi máá váꞌa máá nu̱ꞌú ya̱ kajiꞌ rá se̱ꞌya ichiyúkúnꞌ re̱ꞌ, jee saꞌá ráa máá neyu váꞌa ya̱ táꞌán iniꞌ rá te̱e tátúníꞌ kajiꞌ ráa.

Génesis 45:18

Jee nakeꞌen rán tátáꞌ rán kiji rán jín re̱ꞌ jín rá táꞌán veꞌi rán nu̱u̱nꞌ ni̱ꞌ. Jee taji ni̱ꞌ nu̱u̱nꞌ rán ñuꞌun va̱ꞌa ka̱ꞌ ya̱ íyó nu̱u̱nꞌ ñuꞌun ñuunꞌ Egipto, jee kajiꞌ rán ya̱ kene nu̱u̱nꞌ tataꞌ sáꞌá ya̱ íyó nu̱u̱nꞌ ñuꞌun yaꞌá.”

Romanos 11:17

Jee rá ñɨvɨ Israel kúvi ráa kuéntáꞌ naꞌá yutun olivo stíláꞌ. Jee retú nku̱ichi iniꞌ Ndiosíꞌ sava ráa kuéntáꞌ náneeꞌ re̱ꞌ naꞌá yutun vá, jee noꞌó ya̱ ntu kúvi ñɨvɨ Israel, ya̱ kúvi nú kuéntáꞌ naꞌá yutun olivo yúkú, jee retú nna̱tetáꞌán Ndiosíꞌ noꞌó nu̱u̱nꞌ yutun stíláꞌ vá nakuneeꞌ nú nu̱u̱nꞌ nna̱neeꞌ re̱ꞌ ráa, jee nkenta níꞌínꞌ nú ya̱ váꞌa kuéntáꞌ va̱ji ne̱ nu̱u̱nꞌ yoꞌo sáví yutun olivo stíláꞌ vá.

Génesis 27:39

Saájee nna̱xiníkó tátáꞌ re̱ꞌ Isaac jee nkachiꞌ‑i nu̱u̱nꞌ re̱ꞌ: “Maá nááꞌ nijia, kuneeꞌ íká nú nu̱u̱nꞌ rá tataꞌ váꞌa kéne nu̱u̱nꞌ ñuꞌún, jee kuneeꞌ íká nú nu̱u̱nꞌ yúyú kiji súkún.

Génesis 27:37

Saájee nna̱xiníkó Isaac nu̱u̱nꞌ Esaú: ―Ñani ni̱ꞌ Jacob ya kuvi re̱ꞌ i̱toꞌoꞌ nú, jee njia̱ꞌa ni̱ꞌ ntáká rá táꞌán re̱ꞌ ya̱ kuvi ráa musúꞌ re̱ꞌ ya̱ kɨtíñú ráa nu̱u̱nꞌ re̱ꞌ, jee nkachiꞌ ya̱chi̱ꞌ ni̱ꞌ nu̱u̱nꞌ re̱ꞌ ya̱ koo kue̱ꞌe̱ꞌ víꞌí nixiꞌ nu̱xi uva jiáá koꞌo re̱ꞌ jín kue̱ꞌe̱ꞌ víꞌí tataꞌ sáꞌá kajiꞌ re̱ꞌ sáva kutekuꞌ re̱ꞌ. Saájee maánú chi, ¿ná kúvi ya̱ saꞌá ni̱ꞌ jín noꞌó, se̱ꞌya yɨ́ɨ́ maáníꞌ? ―nkachiꞌ Isaac.

Génesis 49:25

Ndiosíꞌ ya̱ néñu̱ꞌun tátáꞌ nú maa jee chineí re̱ꞌ noꞌó. Jee maáréꞌ níso re̱ꞌ fuersáꞌ ííꞌ ni̱ꞌin ya̱ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó, jee maáréꞌ saꞌá ya̱ netuꞌ kuvi nú jín ya̱ váꞌa ya̱ váji ne̱ súkún, jín ya̱ váꞌa ya̱ váji ne̱ nu̱u̱nꞌ káku nute chi̱ji ñuꞌun. Jee saꞌá re̱ꞌ ya̱ netuꞌ kuvi nú ya̱ kukueꞌeꞌ se̱ꞌya nú jín sa̱na̱ꞌ nú.