Génesis 2:7 - Mixteco del suroeste de Tlaxiaco Oaxaca

⁷ Saájee jín ti̱ka̱cha̱a̱ꞌ ñuꞌun nsa̱ꞌá I̱toꞌoꞌ‑ó Ndiosíꞌ ɨɨn ñɨvɨ. Jee ntivɨꞌ ta̱chi̱ꞌ re̱ꞌ i̱xti̱nꞌ ñɨvɨ vá jín yo̱ko̱yuꞌú re̱ꞌ ya̱ stekúꞌ‑u ñɨvɨ vá, jee nkenta kúvi ñɨvɨ vá ɨɨn ya̱ tékúꞌ.

Génesis 2:7 Referans Kwoze

1 Corintios 15:45

Chi suni sukuán níso nu̱u̱nꞌ Tutuꞌ nééꞌ Tu̱ꞌun Ndiosíꞌ ya̱: “Adán nkuvi re̱ꞌ te̱e ya̱ nsa̱ꞌá xíꞌnañúꞌún Ndiosíꞌ maa, jee nkenta kuvi re̱ꞌ ɨɨn ya̱ tékúꞌ.” Soo maá Cristo ya̱ kúvi kuéntáꞌ Adán nu̱u̱nꞌ nɨ́ꞌɨ, jee nkene‑e ne̱ antivɨ́ súkún va̱ji‑i iniꞌ ñɨ̱vɨ́ yaꞌá jín tiñu níso re̱ꞌ ya̱ nastekúꞌ‑u rá ñɨvɨ níꞌi.

Hechos 17:25

Ni ntu̱náꞌ íyó ya̱ kúvi saꞌá ñɨvɨ chineí ráa re̱ꞌ, chi ntu̱náꞌ jíniñúꞌún‑u. Chi suvire̱ꞌ ví ya̱ xtékúꞌ re̱ꞌ nɨꞌɨ ñɨvɨ, jee ístátáchiꞌ‑ó sáꞌá‑a, jee jiáꞌa‑a nɨꞌɨ ya̱ íyó.

1 Corintios 15:47

Chi Adán ya̱ nkuvi te̱e xíꞌnañúꞌún jee nkiji re̱ꞌ ne̱ nu̱u̱nꞌ ñu̱ꞌún, chi jín ti̱ka̱cha̱a̱ꞌ ñuꞌun nsa̱ꞌá Ndiosíꞌ re̱ꞌ. Soo inka te̱e uvíꞌ, ya̱ kúvi Cristo, chi ne̱ antivɨ́ súkún nkiji re̱ꞌ.

Génesis 3:19

Ne̱ kene ta̱a̱nꞌ nu̱u̱nꞌ nú satíñú yɨ́ɨ́ nú sáva ni̱ꞌi̱nꞌ nú tataꞌ kéne nu̱u̱nꞌ ñu̱ꞌún kajiꞌ nú. Suꞌva saꞌá nú ne̱kua̱ꞌ kuviꞌ nú jee nikó nú nu̱u̱nꞌ ñu̱ꞌún. Chi nu̱u̱nꞌ ñu̱ꞌún ntavaꞌ ni̱ꞌ noꞌó. Ti̱ka̱cha̱a̱ꞌ kúvi nú jee ti̱ka̱cha̱a̱ꞌ nuvi tuku nú ―nkachiꞌ Ndiosíꞌ.

Génesis 7:22

Ni̱ꞌi̱ꞌ nɨꞌɨ noo ya̱ tékúꞌ ya̱ nástatáchiꞌ ráa jín i̱xti̱nꞌ ráa ya̱ íyó nu̱u̱nꞌ ñu̱ꞌún íchí.

Romanos 9:20

Jee noꞌó, ¿né ɨɨn kúvi nú ya̱ níkó yuꞌú nú nu̱u̱nꞌ Ndiosíꞌ? Jee nantíñú sáꞌá, ¿á kachiꞌ‑i nu̱u̱nꞌ maáréꞌ ya̱ sáꞌá re̱ꞌ maa?: “¿Na̱ kuvi chi nsa̱ꞌá nú nuꞌuꞌ suꞌva?”

Génesis 3:23

Jee ntavaꞌ I̱toꞌoꞌ‑ó Ndiosíꞌ ráa nu̱u̱nꞌ Edén nu̱u̱nꞌ viiꞌ víꞌí íyó. Jee ñani re̱ꞌ te̱e vá satíñú‑u nu̱u̱nꞌ ñu̱ꞌún. Chi ñuꞌun ví ya̱ nsa̱ꞌá re̱ꞌ maa.

Hebreos 12:9

Jee suni sukuán rá tátáꞌ‑ó nu̱u̱nꞌ kéne ñunéꞌyúꞌ‑ó jee náchuꞌun na̱a̱ꞌ ráa ichi yó, jee ni̱yo ya̱ ñáꞌnú nu̱u̱nꞌ‑ó néꞌyá‑ó ráa. Jee, ¿á nsáꞌ saꞌ víꞌí káꞌ vá íyó‑ó chiꞌi‑ó maáó naꞌá Ndiosíꞌ ya̱ kúvi Tátáꞌ‑ó táji ta̱chi̱ꞌ káꞌánꞌ‑ó jee kutekuꞌ‑ó nɨ́ɨ́nkání jín re̱ꞌ rúja?

2 Corintios 5:1

Chi jíníꞌ‑ó ya̱ yɨkɨkúñu‑ó ya̱ kúmí‑ó iniꞌ ñɨ̱vɨ́ yaꞌá, jee kúvi‑i kuéntáꞌ ɨɨn vesayo ya̱ jiánaanꞌ. Soo jíníꞌ‑ó ya̱ sáá kɨ̱naanꞌ‑a, jee natají Ndiosíꞌ ɨɨn yɨkɨkúñu jiáá nu̱u̱nꞌ‑ó ya̱ koo nɨ́ɨ́nkání. Jee yukuán kúvi kuéntáꞌ ɨɨn veꞌi jee íyó‑o ñuunꞌ íyó antivɨ́ súkún. Soo ntu̱ví kúvi‑i ɨɨn veꞌi ya̱ sáꞌá ñɨvɨ jín naꞌá‑a, chi maá Ndiosíꞌ nsa̱ꞌá maa.

2 Corintios 4:7

Sú stúúnꞌ re̱ꞌ iniꞌ ánímaꞌ ránꞌ ya̱ yɨ́yáꞌvi nasɨ́kuitɨꞌ soo kúvi kuéntáꞌ yɨ́ꞌɨ́ vá iniꞌ ɨɨn ki̱sɨ ñuꞌun. Chi maáránꞌ kúvi kuéntáꞌ ki̱sɨ ñuꞌun vá ya̱ ntu íyó fuersáꞌ ránꞌ sáva saꞌá ránꞌ tiñu re̱ꞌ. Va̱ji fuersáꞌ mánasɨ́ ne̱ nu̱u̱nꞌ Ndiosíꞌ sáva sikúnkuvi ránꞌ maa. Jee ntu va̱ji fuersáꞌ vá nu̱u̱nꞌ ránuꞌuꞌ.

Juan 20:22

Jee saájee ntivɨꞌ ta̱chi̱ꞌ Jesús jee nkachiꞌ re̱ꞌ nu̱u̱nꞌ ráa: ―Yaꞌá rán maáréꞌ ya̱ kúvi Ta̱chi̱ꞌ Ííꞌ ni̱ꞌ.

1 Timoteo 2:13

Chi nsa̱ꞌá Ndiosíꞌ xíꞌnañúꞌún Adán. Jee kuíre nsa̱ꞌá re̱ꞌ Eva.

Génesis 2:6

Soo kéne nute nu̱u̱nꞌ ñu̱ꞌún, jee jiéténuun‑u nɨꞌɨ nu̱u̱nꞌ ñu̱ꞌún.

Génesis 1:27

Nsa̱ꞌá Ndiosíꞌ ñɨvɨ ñunéꞌyúꞌ ya̱ íyó ráa sánikua̱ꞌ íyó Ndiosíꞌ, ya̱ naku ráa iniꞌ re̱ꞌ. Nsa̱ꞌá re̱ꞌ te̱e jín ñaꞌan.