Génesis 19:25 - Mixteco del suroeste de Tlaxiaco Oaxaca

²⁵ jee nxi̱náánꞌ re̱ꞌ rá ñuunꞌ vá, jín nɨꞌɨ rá íyó sánitɨ́ɨn yukuán, jín nɨꞌɨ rá ñɨvɨ nééꞌ rá ñuunꞌ yukuán, jín nɨꞌɨ ya̱ jiáꞌnu nu̱u̱nꞌ ñuꞌun vá.

Génesis 19:25 Referans Kwoze

Génesis 14:3

Jee nɨꞌɨ rá u̱ꞌu̱nꞌ te̱e tátúníꞌ yaꞌá nna̱saꞌá tútú ráa rá ñɨvɨ rá ñuunꞌ ráa nu̱u̱nꞌ ñuꞌun naní Sidim ya̱ káa‑a nteñu jie̱ꞌe̱ꞌ rá yuku, nu̱u̱nꞌ káá Nteñúꞌún U̱ꞌva̱ꞌ.

Génesis 13:10

Jee nna̱nenu̱u̱nꞌ Lot jee niniꞌ re̱ꞌ nɨꞌɨ nuꞌveꞌ ichi káá nute káꞌnú Jordán, jee niniꞌ re̱ꞌ ya̱ nɨꞌɨ rá ñuꞌun yukuán íyó víꞌí nute maa kénta ne̱ ñuunꞌ Zoar kuéntáꞌ kua̱ꞌ ni̱yo ñuꞌun I̱toꞌoꞌ‑ó naní Edén nu̱u̱nꞌ viiꞌ víꞌí ni̱yo jín kuéntáꞌ kua̱ꞌ nu̱u̱nꞌ ñu̱ꞌún Egipto. Sukuán ni̱yo viiꞌ‑i ne̱ sáá ntiáꞌan xináa I̱toꞌoꞌ‑ó rá ñuunꞌ Sodoma jín Gomorra.

2 Pedro 2:6

Jee nsi̱jíta Ndiosíꞌ rá ñuunꞌ Sodoma jín Gomorra nxi̱nááꞌ re̱ꞌ ráa chi nte̱ñuꞌunꞌ re̱ꞌ ráa ne̱ nkuvi ráa ya̱a̱ꞌ. Jee yukuán nsa̱ꞌá Ndiosíꞌ ya̱ kuvi ráa ɨɨn ichi ya̱ stúꞌva re̱ꞌ nu̱u̱nꞌ rá ñɨvɨ ya̱ jíka ráa ichi niva̱ꞌa ya̱ ntu íyó sáni kuíni Ndiosíꞌ ya̱ suni sukuán kunoꞌo ráa.

Génesis 13:12

Jee Abram nkino̱o re̱ꞌ nneeꞌ re̱ꞌ ichi káá ñuꞌun Canaán, jee Lot kua̱ꞌa̱nꞌ re̱ꞌ ña̱kuneeꞌ re̱ꞌ rá ñuunꞌ káá nuꞌveꞌ jee ñaniꞌ re̱ꞌ veꞌi sayo saꞌma re̱ꞌ ñuunꞌ Sodoma.