Génesis 12:17 - Mixteco del suroeste de Tlaxiaco Oaxaca

¹⁷ Soo njia̱ꞌa I̱toꞌoꞌ‑ó kue̱ꞌi̱ꞌ kunoꞌo Faraón jín táꞌán veꞌi re̱ꞌ jie̱ꞌe̱ꞌ Sarai, ya̱ kúvi ñasɨ́ꞌɨ́ Abram.

Génesis 12:17 Referans Kwoze

Génesis 20:18

Chi ñasɨꞌ I̱toꞌoꞌ Ndiosíꞌ sókó víjí nta̱ká rá ñaꞌan veꞌi Abimelec ya̱ nkóo se̱ꞌya ráa jie̱ꞌe̱ꞌ Sara ñasɨ́ꞌɨ́ Abraham.

Hebreos 13:4

Jee koo ya̱ ñáꞌnú nu̱u̱nꞌ ntáká rán tu̱ꞌun tánáꞌá ñɨvɨ, jee kueꞌnu ninuꞌun rán jín ñɨvɨ nta̱na̱ꞌá jín rán. Chi maá Ndiosíꞌ sanáaꞌ kua̱chi rá ñɨvɨ ya̱ kúkuáchi ráa jín nsú ñɨvɨ nta̱na̱ꞌá jín ráa, jín suni rá ñɨvɨ yɨ́ꞌɨ́ tiñu téní.

Génesis 20:3

Soo yakuááꞌ nkenta Ndiosíꞌ nu̱u̱nꞌ Abimelec nu̱u̱nꞌ ñuma̱ꞌná jee nkachiꞌ re̱ꞌ nu̱u̱nꞌ‑u: ―Te̱e níꞌiꞌ kúvi nú, jie̱ꞌe̱ꞌ ñaꞌan ya̱ nkeꞌen nú chi ñaꞌan ya̱ ya nta̱na̱ꞌá kúvi ña jee íyó yɨɨ́ ña ―nkachiꞌ Ndiosíꞌ nu̱u̱nꞌ re̱ꞌ.

Génesis 20:17

Saájee ni̱ka̱nꞌ táꞌvíꞌ Abraham nu̱u̱nꞌ Ndiosíꞌ, jee nxi̱núvi Ndiosíꞌ Abimelec jín ñasɨ́ꞌɨ́ re̱ꞌ, jín rá ñaꞌan kúvi musúꞌ nkeꞌen Abimelec, jee ni̱yo se̱ꞌya ráa.