Génesis 1:3 - Mixteco del suroeste de Tlaxiaco Oaxaca

³ Jee nkachiꞌ Ndiosíꞌ: “¡Kiko̱o ñuꞌunꞌ!” Jee ña̱ko̱o ñuꞌunꞌ.

Génesis 1:3 Referans Kwoze

2 Corintios 4:6

Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.

Juan 1:5

Jee ñuꞌunꞌ vá túúnꞌ nu̱u̱nꞌ ñuunꞌ neenꞌ nu̱u̱nꞌ jiáꞌnu niva̱ꞌa rá ñɨvɨ. Jee ñuunꞌ neenꞌ ntu kúvi kuneí‑i nu̱u̱nꞌ ñuꞌunꞌ vá.

1 Juan 1:5

Yaꞌá ví tu̱ꞌun ya̱ nteso̱ꞌo ránꞌ ya̱ nxi̱néꞌénꞌ Jesús ránuꞌuꞌ, jee yaꞌá káchítu̱ꞌún ránꞌ nu̱u̱nꞌ ránoꞌó ya̱: Ndiosíꞌ ví ñuꞌunꞌ nu̱u̱nꞌ‑ó, chi na̱a̱ꞌ nasɨ́kuitɨꞌ re̱ꞌ, jee ntu̱ví íyó ni ɨɨn tiñu neenꞌ jín re̱ꞌ chi ntu̱ví íyó re̱ꞌ jín ni ɨɨn ya̱ niváꞌa.

Efesios 5:8

Chi tiempúꞌ ya̱ta̱ꞌ yukuán jee nkuvi rán kuéntáꞌ ñu̱neenꞌ jie̱ꞌe̱ꞌ kua̱chi rán. Soo vitan jee kúvi rán kuéntáꞌ ñuꞌunꞌ ya̱ túúnꞌ, chi yɨ́ꞌɨ́ rán nu̱u̱nꞌ I̱toꞌoꞌ‑ó. Jee íyó kueꞌnu rán nu̱u̱nꞌ túúnꞌ ñuꞌunꞌ re̱ꞌ iniꞌ ánímaꞌ rán kuéntáꞌ íyó kueꞌnu rá se̱ꞌya Ndiosíꞌ.

Juan 1:9

Jee maáréꞌ ya̱ kúvi ñuꞌunꞌ nijia ya̱ túúnꞌ iniꞌ ánímaꞌ nta̱ká rá ñɨvɨ. Nkiji re̱ꞌ iniꞌ ñɨ̱vɨ́ yaꞌá.

Juan 3:19

Jee suꞌva jíta ñɨvɨ. Maáréꞌ ya̱ kúvi kuéntáꞌ ñuꞌunꞌ ya̱ nkiji‑i iniꞌ ñɨ̱vɨ́ yaꞌá. Soo nñunu̱u̱nꞌ rá ñɨvɨ ñuunꞌ neenꞌ ya̱ kúvi tiñu niváꞌa nsú káꞌ ya̱ kúvi ñuꞌunꞌ vá, chi tiñu sáꞌá ráa ví ya̱ niváꞌa.

1 Juan 2:8

Chisaꞌ tée ni̱ꞌ nu̱u̱nꞌ rán ɨɨn tu̱ꞌun ya̱ tátúníꞌ jiáá re̱ꞌ, ya̱ nstúvi re̱ꞌ ya̱ máá naáꞌ kúvi nijia tu̱ꞌun vá jie̱ꞌe̱ꞌ na̱sa ñaꞌnu re̱ꞌ, jee suni maárán, chi jíka‑ó ichi nu̱u̱nꞌ nijinꞌ sáꞌá re̱ꞌ, chi suꞌva kua̱nɨꞌɨ nu̱u̱nꞌ neenꞌ, jee kúvi re̱ꞌ ñuꞌunꞌ nijia ya̱ ya túúnꞌ.

Efesios 5:14

Jee jie̱ꞌe̱ꞌ vá káchíꞌ tu̱ꞌun yaꞌá suꞌva: Noto, noꞌó ya̱ kíxíꞌ iniꞌ nú, jee nako̱o nú nteñu rá ñɨvɨ ya̱ kúvi kuéntáꞌ ñɨvɨ níꞌiꞌ, jee Cristo stúúnꞌ re̱ꞌ ñuꞌunꞌ re̱ꞌ iniꞌ ánímaꞌ nú.

1 Timoteo 6:16

Métúꞌún re̱ꞌ vá íyó nɨ́ɨ́nkání jee sáꞌá re̱ꞌ ya̱ kutekuꞌ‑ó nɨ́ɨ́nkání. Jee nééꞌ re̱ꞌ nu̱u̱nꞌ túúnꞌ ñuꞌunꞌ, ya̱ ni ɨɨn ntu kúvi kuyatin nu̱u̱nꞌ re̱ꞌ. Jee ntiáꞌan kuniꞌ ni ɨɨn ñɨvɨ re̱ꞌ, ni ntu kúvi kune̱ꞌyá ráa re̱ꞌ. Na̱ ka̱ꞌ koo ñáꞌnú re̱ꞌ ka̱ꞌ nu̱u̱nꞌ nɨꞌɨ nɨ́ɨ́nkání jee íyó fuersáꞌ ííꞌ re̱ꞌ ya̱ tátúníꞌ re̱ꞌ nu̱u̱nꞌ nɨꞌɨ nɨ́ɨ́nkání. Suꞌva koo.

Juan 11:43

Jee sáá nkachiꞌ Jesús sukuán, jee nka̱najíín ni̱ꞌin re̱ꞌ: ―¡Lázaro, kene i̱ña̱ꞌ! ―nkachiꞌ re̱ꞌ.

Mateo 8:3

Saájee nsi̱kááꞌ Jesús naꞌá re̱ꞌ nchi̱só re̱ꞌ naꞌá re̱ꞌ maa, jee nkachiꞌ re̱ꞌ: ―Kuíni ni̱ꞌ, nunoo nú nuvi nú ―nkachiꞌ re̱ꞌ, jee kuísá máá hora yukuán nnu̱noo nu̱u̱nꞌ téꞌyúꞌ ñɨɨn te̱e vá jee nnuvi‑i.

Génesis 2:4

Tu̱ꞌun yaꞌá ví ya̱ nkaꞌanꞌ jie̱ꞌe̱ꞌ súkún jín ñɨ̱vɨ́ sáá nkenta ña̱ko̱o ráa sáá nsa̱ꞌá Ndiosíꞌ maa. Sáá nsa̱ꞌá I̱toꞌoꞌ‑ó Ndiosíꞌ ñɨ̱vɨ́ jín súkún,