Génesis 1:1 - Mixteco del suroeste de Tlaxiaco Oaxaca

¹ Tiempúꞌ xíꞌnañúꞌún ne̱ ntiáꞌan kiko̱o ñɨ̱vɨ́ jee nsa̱ꞌá Ndiosíꞌ súkún jín ñɨ̱vɨ́.

Génesis 1:1 Referans Kwoze

Hebreos 11:3

Jee jie̱ꞌe̱ꞌ ya̱ jínúꞌ iniꞌ‑ó kúneí iniꞌ‑ó, jee saáva jiáku̱ꞌun iniꞌ‑ó ya̱ kua̱íyó ya̱ íyó ñɨ̱vɨ́ nsa̱ꞌá Ndiosíꞌ maa jín tu̱ꞌun káꞌánꞌ re̱ꞌ ni. Jee saáva nsú jín rá nantíñú ya̱ túvi néꞌyá‑ó ya̱ nsa̱ꞌá re̱ꞌ ña̱ko̱o rá nantíñú ya̱ túvi néꞌyá‑ó.

Apoclipsis 4:11

I̱toꞌoꞌ ránꞌ ya̱ kúvi nú Ndiosíꞌ ránꞌ, chi nóꞌo kúvi ya̱ íyó ya̱ ni̱ꞌi̱nꞌ nú, ya̱ káchíꞌ ránꞌ ya̱ viiꞌ kúñáꞌnú nú, jín ya̱ nákuetúꞌún ránꞌ noꞌó, jín ya̱ níso víꞌí nú fesáꞌ ííꞌ, chi maánú nsa̱ꞌá ntáká ya̱ íyó, chi sáni nkuini iniꞌ maánú, jee nkenta ña̱ko̱o ráa, jee nsa̱ꞌá nú maa, nkachiꞌ ráa.

Hebreos 1:10

Jee suni nkachiꞌ Ndiosíꞌ nu̱u̱nꞌ Se̱ꞌya re̱ꞌ: Noꞌó, ya̱ kúvi I̱toꞌoꞌ, jee ne̱ xíꞌnañúꞌún nsa̱ꞌá nú ya̱ ña̱ko̱o ñɨ̱vɨ́ yaꞌá. Jee xi̱ntíín nú ví súkún.

Hechos 17:24

Ndiosíꞌ ví ya̱ nsa̱ꞌá ñɨ̱vɨ́ jín nɨꞌɨ ya̱ íyó nu̱u̱nꞌ‑u. Yaꞌá ví ya̱ kúvi I̱toꞌoꞌ súkún jín ñɨ̱vɨ́. Jee ntu nééꞌ‑e iniꞌ veñu̱ꞌun ya̱ sáꞌá rá te̱e.

2 Pedro 3:5

Chi jie̱ꞌe̱ꞌ ya̱ ntu kuíni ráa tɨɨn kuéntáꞌ ráa ya̱ ne̱ yanaꞌán nta̱túníꞌ Ndiosíꞌ ya̱ ña̱ko̱o súkún jín ñɨ̱vɨ́, jee jín tu̱ꞌun yuꞌuꞌ Ndiosíꞌ nsa̱ꞌá re̱ꞌ ñuꞌun jín nute, jee nta̱túníꞌ re̱ꞌ ya̱ kusɨ́ɨ́n ñuíchí ma̱ꞌñú nute jee nkene ñuíchí vá nu̱u̱nꞌ nute.

Apoclipsis 14:7

Jee ne̱ kánajíín ni̱ꞌin‑i tátúníꞌ‑i káchíꞌ‑i: ―Kuꞌun yúꞌví iniꞌ rán Ndiosíꞌ, jee nakuetúꞌún ya̱ kúñáꞌnú re̱ꞌ, chi ya̱ nkenta hora saꞌá náaꞌ re̱ꞌ jie̱ꞌe̱ꞌ kua̱chi nsa̱ꞌá rá ñɨvɨ. Jee kuneñu̱ꞌun rán re̱ꞌ ya̱ maáréꞌ ví ya̱ nsa̱ꞌá re̱ꞌ súkún, jín nu̱u̱nꞌ ñuꞌun, jín nteñúꞌún, jín ntáká nu̱u̱nꞌ kene nute ―káchíꞌ najiáꞌáꞌ ííꞌ vá.

Hechos 14:15

―¡Ránoꞌó tátáꞌ! ¿Na̱chi sáꞌá rán rá tiñu yaꞌá! Suni ñɨvɨ ví ránuꞌuꞌ, kuéntáꞌ ránoꞌó. Stékútu̱ꞌún ránꞌ nu̱u̱nꞌ rán ya̱ íyó nikó iniꞌ rán rá ñujiínꞌ ka̱ꞌá sáꞌá rán, ya̱ néñu̱ꞌun rán rá nantíñú ya̱ ntu kúvi Ndiosíꞌ, jee ntu íyótiñu‑u. Jee kunikɨnꞌ rán Ndiosíꞌ, ya̱ tékúꞌ. Nsa̱ꞌá re̱ꞌ súkún jín ñuꞌun jín nteñúꞌún jín nɨꞌɨ ya̱ íyó nu̱u̱nꞌ rává.

1 Corintios 8:6

soo nu̱u̱nꞌ maáó, chi métúꞌún ni Ndiosíꞌ íyó ya̱ kúvi Tátáꞌ‑ó. Jee maáréꞌ nsa̱ꞌá ntáká ya̱ íyó, jee suni maáó nsáꞌá re̱ꞌ yó sáva kɨtíñú‑ó nu̱u̱nꞌ re̱ꞌ. Jee suni ɨɨn ni I̱toꞌoꞌ‑ó íyó, ya̱ suvi kúvi Jesús ya̱ kúvi re̱ꞌ Cristo, ya̱ ña̱tíñú Ndiosíꞌ maa sáva nsa̱ꞌá ráa ntáká ya̱ íyó, jee suni nsa̱ꞌá re̱ꞌ yó ranika̱ꞌ.

Hebreos 3:4

Chi ntáká veꞌi jee íyó ñɨvɨ nsa̱ꞌá maa, soo maá Ndiosíꞌ ví ya̱ nsa̱ꞌá ntáká ya̱ íyó.

Hebreos 1:2

Soo rá ki̱vɨ̱ꞌ nu̱u̱nꞌ nɨ́ꞌɨ yaꞌá, ña̱tíñú re̱ꞌ Se̱ꞌya re̱ꞌ sáva kaꞌanꞌ re̱ꞌ jín‑ó. Jee maá Se̱ꞌya re̱ꞌ ví ya̱ ñani re̱ꞌ sáva nachiꞌi re̱ꞌ xi̱ntíín maáa nta̱ká ya̱ íyó. Jee jín maá Se̱ꞌya re̱ꞌ nsa̱ꞌá re̱ꞌ ya̱ ña̱ko̱o ñɨ̱vɨ́.

Apoclipsis 10:6

Jee nsa̱ꞌá náaꞌ‑a nu̱u̱nꞌ tu̱ꞌun kaꞌanꞌ‑a jie̱ꞌe̱ꞌ súví maáréꞌ ya̱ tékúꞌ re̱ꞌ nɨ́ɨ́nkání, jee maáréꞌ ví ya̱ nsa̱ꞌá re̱ꞌ súkún jín kua̱íyó kuitɨꞌ ya̱ íyó nu̱u̱nꞌ‑u, jín ñuꞌun jín kua̱íyó kuitɨꞌ ya̱ íyó nu̱u̱nꞌ‑u, jín nteñúꞌún jín kua̱íyó kuitɨꞌ ya̱ íyó nu̱u̱nꞌ‑u. Jee nkachiꞌ najiáꞌáꞌ ííꞌ vá: ―Ntu ne̱ íyó kukuéé ka̱ꞌ

Romanos 11:36

Chi nsa̱ꞌá Ndiosíꞌ nɨꞌɨ ya̱ íyó, jee néen kuéntáꞌ re̱ꞌ nɨꞌɨ, jee suni nsa̱ꞌá re̱ꞌ nɨꞌɨ sáva kuvi maáréꞌ maa. ¡Na̱ ka̱ꞌ nakuetúꞌún‑ó ya̱ viiꞌ kúñáꞌnú nasɨ́kuitɨꞌ re̱ꞌ nɨ́ɨ́nkání! Suꞌva koo, amén.

Hechos 4:24

Jee sáá nteso̱ꞌo ráa maa, jee nuún iniꞌ ráa, jee nkaꞌanꞌ ráa jín Ndiosíꞌ, jee nkachiꞌ ráa: ―I̱toꞌoꞌ ya̱ tátúníꞌ nú nu̱u̱nꞌ nɨꞌɨ. Suvinú ví ya̱ nsa̱ꞌá súkún, jín nu̱u̱nꞌ ñu̱ꞌún, jín nteñúꞌún, jín nɨꞌɨ rá nantíñú íyó nteñu rává.

Apoclipsis 22:13

Nuꞌuꞌ kúvi ni̱ꞌ kuéntáꞌ kúvi letra A ya̱ kíjiéꞌé xíꞌnañúꞌún, jín letra Z ya̱ jínu nu̱u̱nꞌ nɨ́ꞌɨ. Nuꞌuꞌ kúvi ya̱ ya íyó ni̱ꞌ nɨ́ɨ́nkání ne̱ xíꞌnañúꞌún ne̱ sáá ntiáꞌan kijiéꞌé kiko̱o ñɨ̱vɨ́, jee sáá nɨꞌɨ ñɨ̱vɨ́ jee koo ni̱ꞌ nɨ́ɨ́nkání, jee nuꞌuꞌ kúvi ya̱ nka̱jiéꞌé ni̱ꞌ nɨꞌɨ jee suni nuꞌuꞌ sijínu ni̱ꞌ maa.

1 Juan 1:1

Táji ráníꞌ ya̱ naáꞌ nu̱u̱nꞌ ránú jie̱ꞌe̱ꞌ Cristo ya̱ íyó re̱ꞌ ne̱ sáá ntiáꞌan kiko̱o ñɨ̱vɨ́ yaꞌá, ya̱ nteso̱ꞌo ráníꞌ ya̱ káꞌánꞌ re̱ꞌ, jín ya̱ niniꞌ ránꞌ jín nchinúún ránꞌ yaꞌá, jín ya̱ nne̱ꞌyá noo ránꞌ re̱ꞌ, jín ya̱ ntɨɨn ránꞌ jín naꞌá ránꞌ. Jee suvire̱ꞌ vá kúvi Tu̱ꞌun Ndiosíꞌ ya̱ sáꞌá re̱ꞌ ya̱ kutekuꞌ‑ó nɨ́ɨ́nkání jín Ndiosíꞌ.

Marcos 13:19

Chi rá ki̱vɨ̱ꞌ yukuán koo tu̱nóꞌó máá na̱sɨ xéénꞌ nasɨ́kuitɨꞌ, ya̱ ni ntiáꞌan né kuvi suꞌva ne̱ tiempúꞌ xíꞌnañúꞌún, sáá nsa̱ꞌá Ndiosíꞌ ñɨ̱vɨ́, jín ne̱ vitan. Jee ni nsáꞌ koo‑o ka̱ꞌ suꞌva.

Apoclipsis 21:6

Jee suni nkachiꞌ re̱ꞌ nu̱u̱nꞌ ni̱ꞌ: ―Ya ni̱nu ntáká tiñu ya̱ nkachiꞌ ni̱ꞌ. Chi nuꞌuꞌ kúvi kuéntáꞌ letra A ya̱ kajiéꞌé xíꞌnañúꞌún, jín letra Z ya̱ jínu nu̱u̱nꞌ nɨ́ꞌɨ, chi nuꞌuꞌ kúvi ya̱ nka̱jiéꞌé ni̱ꞌ nɨꞌɨ jee suni nuꞌuꞌ sijínu ni̱ꞌ maa. Jee ñɨvɨ ya̱ ñúkúvi iniꞌ‑i Ndiosíꞌ, kuéntáꞌ jíchíꞌ‑i nute, jee sikútaꞌviꞌ saɨn ni̱ꞌ nute koꞌo ñɨvɨ vá ya̱ kéne nu̱u̱nꞌ káku nute ya̱ sáꞌá‑a kutekuꞌ ñɨvɨ nɨ́ɨ́nkání jín re̱ꞌ.

Efesios 3:9

Jee ñani re̱ꞌ nuꞌuꞌ sáva stúvi nijinꞌ ni̱ꞌ nu̱u̱nꞌ ntáká ñɨvɨ jie̱ꞌe̱ꞌ tiñu yuꞌuꞌ ya̱ ñúꞌún iniꞌ Ndiosíꞌ saꞌá re̱ꞌ ya̱ ñúꞌún yuꞌuꞌ iniꞌ re̱ꞌ ne̱ nɨ́ɨ́nkání yanaꞌán nékúvi. Jee maáréꞌ ví ya̱ nsa̱ꞌá nɨꞌɨ ya̱ íyó.

Apoclipsis 3:14

’Jee tee nú nu̱u̱nꞌ tutuꞌ kɨ̱ꞌɨ̱nꞌ nu̱u̱nꞌ ya̱ kúñáꞌnú nu̱u̱nꞌ grupo rá ñɨvɨ ya̱ jínúꞌ iniꞌ ráa nuꞌuꞌ, jee suviráa ví ya̱ nééꞌ ráa nu̱u̱nꞌ ñuunꞌ Laodicea: “Nuꞌuꞌ kúvi ya̱ stúvi ya̱ suꞌva koo sáni káchíꞌ Tu̱ꞌun Ndiosíꞌ, chi síkúnkuvi na̱a̱ꞌ ni̱ꞌ máá tu̱ꞌun na̱a̱ꞌ jee jiáꞌa ni̱ꞌ ya̱ naáꞌ. Jee nuꞌuꞌ nsa̱ꞌá ni̱ꞌ ntáká nantíñú ya̱ nta̱túníꞌ Ndiosíꞌ ya̱ kiko̱o ne̱ tiempúꞌ xíꞌnañúꞌún. Tu̱ꞌun yaꞌá káchíꞌ nuꞌuꞌ:

Mateo 11:25

Jee tiempúꞌ yukuán, jee ni̱ka̱nꞌ táꞌvíꞌ Jesús nu̱u̱nꞌ Tátáꞌ‑a Ndiosíꞌ, jee nkachiꞌ‑i: ―Nákuetúꞌún ni̱ꞌ noꞌó, Tátáꞌ ni̱ꞌ, ya̱ kúvi nú I̱toꞌoꞌ tátúníꞌ nu̱u̱nꞌ antivɨ́ jín iniꞌ ñɨ̱vɨ́ yaꞌá, chi nchise̱ꞌí nú tiñu ñáꞌnú nú yaꞌá nu̱u̱nꞌ rá ñɨvɨ tu̱ꞌva jín rá ñɨvɨ níchí ya̱ ntu njiáꞌa nú ya̱ ki̱ku̱ꞌun iniꞌ ráa maa, chisaꞌ nstúvi nú maa nu̱u̱nꞌ rá ñɨvɨ ñúláꞌví iniꞌ ya̱ kúvi ráa kuéntáꞌ rá súchí lúlí.