Gálatas 6:9 - Mixteco del suroeste de Tlaxiaco Oaxaca

⁹ Koto núun iniꞌ‑órán saꞌá‑ó ya̱ váꞌa. Chi kenta ki̱vɨ̱ꞌ ñani Ndiosíꞌ ya̱ ni̱ꞌi̱nꞌ‑ó ta̱ꞌvi̱ꞌ taji re̱ꞌ, kuéntáꞌ níꞌínꞌ‑ó tataꞌ sáꞌá‑ó, retú ntu nikó iniꞌ‑ó sáꞌá‑ó ya̱ váꞌa.

Gálatas 6:9 Referans Kwoze

1 Corintios 15:58

Jee saáva ránoꞌó ñaniꞌ jín ku̱ꞌva maáníꞌ ya̱ ñúnúunꞌ ni̱ꞌ, kuiñɨ ni̱ꞌin rán jín ya̱ yɨ́táꞌán kunikɨnꞌ rán Cristo, sukuáni sáꞌá rán ka̱ꞌ tiñu I̱toꞌoꞌ‑ó. Chi jíníꞌ rán ya̱ ntu sátíñú ka̱ꞌá rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó.

2 Tesalonicenses 3:13

Soo ránoꞌó ñanitáꞌán, koto núun iniꞌ rán saꞌá rán ya̱ váꞌa.

Hebreos 12:3

Jee saáva kani iniꞌ rán jie̱ꞌe̱ꞌ Jesús ya̱ ñeꞌneꞌ iniꞌ re̱ꞌ ya̱ rá ñɨvɨ íyó kua̱chi nnuni̱ꞌin víꞌí ráa si̱kɨ̱ꞌ re̱ꞌ, sáva ntu táyáꞌ iniꞌ ánímaꞌ rán jín ntu núun iniꞌ rán.

1 Pedro 2:15

Chi ya̱ kuíni Ndiosíꞌ ví ya̱ saꞌá rán rá tiñu váꞌa, sáva kasɨꞌ rán yuꞌú rá ñɨvɨ naanꞌ nsáꞌ ni̱ꞌi̱nꞌ ráa jie̱ꞌe̱ꞌ kaꞌanꞌ ráa si̱kɨ̱ꞌ rán jie̱ꞌe̱ꞌ ya̱ ntu jíníꞌ ráa.

Santiago 5:7

Saájee, ránoꞌó rá ñaniꞌ ni̱ꞌ jín rá ku̱ꞌva ni̱ꞌ, íyó káꞌnú koo iniꞌ rán ne̱ ki̱vɨ̱ꞌ niji I̱toꞌoꞌ‑ó. Kune̱ꞌyá rán, te̱e sátíñú chi̱kuꞌuꞌ nétu re̱ꞌ kene tataꞌ yɨ́yáꞌvi sáꞌá re̱ꞌ nu̱u̱nꞌ ñuꞌun, chi íyó káꞌnú iniꞌ re̱ꞌ ne̱ tiaaꞌ sa̱vi̱ꞌ xíꞌnañúꞌún jín ne̱ sa̱vi̱ꞌ nu̱u̱nꞌ nɨꞌɨ.

1 Pedro 3:17

Chi retú kuíni máá Ndiosíꞌ ya̱ kunoꞌo rán, jee íyó va̱ꞌa ka̱ꞌ ya̱ kunoꞌo rán jie̱ꞌe̱ꞌ ya̱ sáꞌá rán tiñu váꞌa, nsú káꞌ jie̱ꞌe̱ꞌ tiñu níváꞌa.

2 Corintios 4:16

Saáva, ntu̱ví núun iniꞌ‑ó. Súka̱ꞌ kua̱nɨꞌɨ nijia yɨkɨkúñu‑ó, soo vitan nteenꞌ nújiáá ánímaꞌ‑ó sáꞌá Ndiosíꞌ.

Apoclipsis 2:3

Jee káꞌnú íyó iniꞌ rán kúníꞌin kutú rán íñɨ́ rán jín nuꞌuꞌ jín ya̱ jiéꞌnéꞌ iniꞌ rán nóꞌo rán tu̱nóꞌó sáꞌá kini rá ñɨvɨ ránoꞌó jie̱ꞌe̱ꞌ ínúꞌ iniꞌ rán nuꞌuꞌ, jee ni ntu núun iniꞌ rán saꞌá rán tiñu ni̱ꞌ.

1 Pedro 4:19

Jee saáva, ránoꞌó ñɨvɨ ya̱ nóꞌo rán sáni kuíni Ndiosíꞌ, jee naku̱ꞌva rán maárán xi̱ntíín maáréꞌ ya̱ nsa̱ꞌá re̱ꞌ ránoꞌó jee na̱a̱ꞌ síkúnkuvi re̱ꞌ nu̱u̱nꞌ ránoꞌó, jee kunikɨnꞌ rán saꞌá rán rá tiñu váꞌa.

Lucas 18:1

Jee nna̱kani Jesús ɨɨn tu̱ꞌun kúnkunuún káꞌánꞌ suꞌva nu̱u̱nꞌ rá te̱e kútáꞌán jín re̱ꞌ súkuáꞌa re̱ꞌ ráa, jie̱ꞌe̱ꞌ ya̱ sukuáni íyó kaꞌanꞌ ráa jín Ndiosíꞌ, jee koto núun iniꞌ ráa kaꞌanꞌ ráa jín re̱ꞌ.

Mateo 10:22

Taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ. Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

2 Corintios 4:1

Jee saáva ntu̱ví núun iniꞌ ráníꞌ, chi jie̱ꞌe̱ꞌ nku̱náꞌví iniꞌ Ndiosíꞌ nne̱ꞌyá re̱ꞌ ránuꞌuꞌ, saáva nni̱ꞌi̱nꞌ ránꞌ tiñu yaꞌá ya̱ nte̱tíñú Ndiosíꞌ ránuꞌuꞌ stékútu̱ꞌún ránꞌ jie̱ꞌe̱ꞌ tratúꞌ jiáá.

Mateo 24:13

Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.

Apoclipsis 2:7

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, saájee ku̱ꞌva ni̱ꞌ ya̱ kajiꞌ ñɨvɨ vá rá vixíꞌ ya̱ kúun nu̱u̱nꞌ maá yutun ya̱ sáꞌá ya̱ kutekuꞌ ñɨvɨ nɨ́ɨ́nkání jín ni̱ꞌ. Jee yutun vá íñɨ́‑ɨ ne̱ nu̱u̱nꞌ viiꞌ víꞌí íyó nu̱u̱nꞌ nééꞌ Ndiosíꞌ.”

Romanos 2:7

Jee rá ñɨvɨ níkɨ́nꞌ ni̱ꞌin ráa sáꞌá ráa ya̱ váꞌa chi núkú ráa ya̱ saꞌá Ndiosíꞌ ya̱ nuñáꞌnú ráa, jín ya̱ nakuatáꞌví re̱ꞌ ráa jín ya̱ nku̱víꞌ ráa ka̱ꞌ. Jee nachunáán re̱ꞌ nu̱u̱nꞌ ráa ya̱ kutekuꞌ ráa jín re̱ꞌ nɨ́ɨ́nkání.

Apoclipsis 2:17

’Ñɨvɨ ya̱ íyó so̱ꞌo, jee teso̱ꞌo va̱ꞌa nú rá tu̱ꞌun ya̱ káchíꞌ Ta̱chi̱ꞌ Ííꞌ nu̱u̱nꞌ rá grupo rá ñɨvɨ ya̱ jínúꞌ iniꞌ ráa nuꞌuꞌ. Jee ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, jee ku̱ꞌva ni̱ꞌ kajiꞌ‑i maná ya̱ íyó yuꞌuꞌ. Jee suni ku̱ꞌva ni̱ꞌ ɨɨn yu̱u̱ꞌ kuíjín nu̱u̱nꞌ ñɨvɨ vá, jee nu̱u̱nꞌ yu̱u̱ꞌ yukuán nééꞌ ɨɨn súví jiáá, ya̱ ni ɨɨn ñɨvɨ ntu jíníꞌ maa, chi sáni maá ni ñɨvɨ ya̱ ni̱ꞌi̱nꞌ yu̱u̱ꞌ vá ví ya̱ kukáꞌnú iniꞌ maa.”

Hebreos 3:6

Soo Cristo, kúvi re̱ꞌ Se̱ꞌya Ndiosíꞌ, jee síkúnkuvi na̱a̱ꞌ re̱ꞌ ntáká tiñu ya̱ yósóꞌ re̱ꞌ nu̱u̱nꞌ rá ñɨvɨ veꞌi Ndiosíꞌ, ya̱ suvi kúvi maáórán, retú íñɨ́ ni̱ꞌin‑ó níkɨ́nꞌ kutú‑ó kúneí iniꞌ‑ó re̱ꞌ ne̱ kenta nu̱u̱nꞌ nɨ́ꞌɨ tékúꞌ‑ó, jín ya̱ kúsɨ́ɨꞌ víꞌí iniꞌ‑ó jie̱ꞌe̱ꞌ ya̱ íyó tu̱neí iniꞌ‑ó ya̱ kuneeꞌ‑ó jín Ndiosíꞌ.

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

Efesios 3:13

Jee saáva jíkánꞌ táꞌvíꞌ ni̱ꞌ nu̱u̱nꞌ ránoꞌó, ya̱ koto núun iniꞌ rán jie̱ꞌe̱ꞌ tu̱nóꞌó nóꞌo ni̱ꞌ jie̱ꞌe̱ꞌ ya̱ kúvi ya̱ váꞌa nu̱u̱nꞌ ránoꞌó, chi sukuán sáꞌá Ndiosíꞌ ya̱ netuꞌ kuvi ránoꞌó.

Hebreos 12:5

¿Á íchí ya̱ nnaanꞌ iniꞌ rán tu̱ꞌun ya̱ nééꞌ nu̱u̱nꞌ Tutuꞌ Ííꞌ ya̱ nna̱kutíñú Ndiosíꞌ nu̱u̱nꞌ rán? Jee káꞌánꞌ re̱ꞌ jín rán ya̱ kúvi rán se̱ꞌya re̱ꞌ: Se̱ꞌya maáníꞌ, koto kúíchi iniꞌ nú ya̱ náchuꞌun na̱a̱ꞌ re̱ꞌ ichi noꞌó, ni koto núun iniꞌ rán sáá núxeenꞌ re̱ꞌ nu̱u̱nꞌ rán.

2 Corintios 9:6

Soo tɨɨn kuéntáꞌ rán ya̱ ñɨvɨ ya̱ yakuꞌ taji re̱ꞌ tataꞌ sáꞌá, suni sukuán yakuꞌ nastútú re̱ꞌ. Jee suni ɨɨn ñɨvɨ taji víꞌí‑i suni sukuán nastútú víꞌí‑i.

Génesis 29:7

Saájee nkachiꞌ Jacob: ―Kune̱ꞌyá, yoráꞌ i̱i̱ꞌ, jee ntiáꞌan kenta hora sáva naxtútú rá sa̱na̱ꞌ. Ku̱ꞌva rán nute koꞌo rá sa̱na̱ꞌ líꞌí jee kɨ̱ꞌɨ̱nꞌ rán jín rátíꞌ kɨ̱sikájíꞌ rán iteꞌ rátíꞌ ―nkachiꞌ Jacob nu̱u̱nꞌ ráa.

Mateo 9:19

Jee nna̱kuiñɨꞌ Jesús kua̱ꞌa̱nꞌ re̱ꞌ jín te̱e vá jín rá te̱e súkuáꞌa Jesús ráa.

Mateo 25:17

Jee suni sukuán nsa̱ꞌá inka ka̱ꞌ musúꞌ ya̱ nni̱ꞌi̱nꞌ u̱vi̱ꞌ kustáꞌ xu̱ꞌún vá, chi suni ña̱satíñú‑u jín xu̱ꞌún vá, jee nku̱neí‑i ni̱ꞌi̱nꞌ‑i u̱vi̱ꞌ kustáꞌ ka̱ꞌ si̱kɨ̱ꞌ xu̱ꞌún vá.

Marcos 3:3

Jee nkachiꞌ Jesús nu̱u̱nꞌ te̱e níchí naꞌá: ―Nakuiñɨꞌ ma̱ꞌñú ráa.