Gálatas 6:12 - Mixteco del suroeste de Tlaxiaco Oaxaca

¹² Rá te̱e ya̱ kuíni kino̱o va̱ꞌa ráa nu̱u̱nꞌ rá inka ñɨvɨ jie̱ꞌe̱ꞌ ya̱ sáꞌá ráa, suviráa ví ya̱ tétuvi ráa ya̱ sikúnkuvi rán costumbre ñuunꞌ Israel ya̱ sáꞌá circuncidar rán maárán. Sáꞌá ráa suꞌva sáva nkóto u̱ꞌvi̱ꞌ rá ñɨvɨ ráa jie̱ꞌe̱ꞌ tu̱ꞌun ya̱ níꞌiꞌ Cristo nu̱u̱nꞌ kurúsiꞌ jie̱ꞌe̱ꞌ‑ó.

Gálatas 6:12 Referans Kwoze

Gálatas 5:11

Soo, ránoꞌó ñaniꞌ, réáꞌ stékútu̱ꞌún i̱i̱ꞌ ni̱ꞌ, nékúvi, ya̱ íyó sáꞌá circuncidar‑ó, ¿na̱ kuvi chi jíto u̱ꞌvi̱ꞌ i̱i̱ꞌ rá ñɨvɨ ñuunꞌ Israel nuꞌuꞌ? Chi réáꞌ stékútu̱ꞌún i̱i̱ꞌ ni̱ꞌ suꞌva, nékúvi, jee nkóo ka̱ꞌ tu̱ꞌun kuníní ka̱ꞌ iniꞌ ráa, nékúvi, jie̱ꞌe̱ꞌ tu̱ꞌun ya̱ Jesús ni̱ꞌi̱ꞌ nu̱u̱nꞌ kurúsiꞌ sáva saꞌá re̱ꞌ ya̱ nánitáꞌvíꞌ‑ó.

Colosenses 2:23

Jee jiáni iniꞌ ñɨvɨ ya̱ tu̱ꞌun níchí ví tu̱ꞌun yukuán, chi yɨ́tíñú ráa síkúnkuvi ráa maa sáva néñu̱ꞌun ni̱ꞌin ráa Ndiosíꞌ sáni kuíni ráa, jín ya̱ xtúvi láꞌví iniꞌ ráa, jín ya̱ xínóꞌo ráa yɨkɨkúñu ráa. Soo ntu̱náꞌ nu̱u̱nꞌ íyótiñu rá yukuán sáva kasɨꞌ‑ɨ nu̱u̱nꞌ ya̱ níyo néꞌén iniꞌ ráa saꞌá ráa jín yɨkɨkúñu kua̱chi ráa.

2 Corintios 11:13

Chi rá te̱e vá jee kátúꞌún ráa ya̱ níso ráa tiñu apóstol, soo ntu̱ví. Tiñu xínáꞌví sáꞌá ráa. Sáꞌá ráa nika̱ꞌ maáráa ya̱ kúvi ráa apóstol ya̱ chúichi Cristo.

Hechos 15:1

Kéꞌín rá te̱e va̱ji ne̱ Judea jee ntiaaꞌ ráa Antioquía. Jee xínéꞌénꞌ ráa rá ñaniꞌ kúneí iniꞌ Jesús ya̱: “Nsáꞌ nánitáꞌvíꞌ rán, ré ntu sáꞌá circuncidar rán maárán sánikua̱ꞌ ñujiínꞌ njiáꞌa nu̱u̱nꞌ Moisés ñakɨnꞌ re̱ꞌ.”

Gálatas 2:3

Yukuán nneeꞌ Tito jín ránꞌ. Jee sú kúvi re̱ꞌ te̱e ichiyúkúnꞌ se̱ꞌya ñuunꞌ Grecia, ya̱ ntu kúvi re̱ꞌ te̱e ñuunꞌ Israel, soo ntu ntétuvi ráa saꞌá re̱ꞌ costumbre rá ñɨvɨ Israel, na̱ni circuncisión.

Lucas 16:15

Jee nkachiꞌ re̱ꞌ nu̱u̱nꞌ ráa: ―Ránoꞌó jee sáꞌá rán nika̱ꞌ ya̱ kúvi rán te̱e na̱a̱ꞌ nu̱u̱nꞌ rá ñɨvɨ. Soo Ndiosíꞌ jee jíníꞌ re̱ꞌ na̱ja jiáni iniꞌ ánímaꞌ rán. Chi rá tiñu ya̱ jiáni iniꞌ rá ñɨvɨ ya̱ yɨ́yáꞌvi‑i nu̱u̱nꞌ ráa, soo nu̱u̱nꞌ Ndiosíꞌ chi maa tiñu néꞌí níváꞌa ví‑i nu̱u̱nꞌ re̱ꞌ.

Filipenses 3:18

Chi nna̱kani ni̱ꞌ kue̱ꞌe̱ꞌ íchí nu̱u̱nꞌ rán, jee suni vitan ne̱ náꞌyúꞌ ntenúúnꞌ ni̱ꞌ káchíꞌ ni̱ꞌ, ya̱ kue̱ꞌe̱ꞌ ñɨvɨ jíka ráa ɨɨn ichi, ya̱ núníꞌin ráa nu̱u̱nꞌ tu̱ꞌun ya̱ ni̱ꞌi̱ꞌ Cristo nu̱u̱nꞌ kurúsiꞌ jie̱ꞌe̱ꞌ‑ó.

Filipenses 2:4

Koto nániꞌvɨꞌ iniꞌ ni ɨɨn rán kua̱chi rá tiñu ya̱ kino̱o va̱ꞌa nu̱u̱nꞌ‑u, soo suni ta ɨɨn rán naniꞌvɨꞌ iniꞌ‑i ya̱ váꞌa nu̱u̱nꞌ inka ñɨvɨ.

Filipenses 1:15

Íyó nijia ya̱ sava ráa sáꞌá maá, jie̱ꞌe̱ꞌ ya̱ kúkuíñɨ́ iniꞌ ráa néꞌyá ráa nuꞌuꞌ, jee kuíni ráa kutíxín ráa jín ni̱ꞌ. Soo sava ráa ka̱ꞌ stékútu̱ꞌún ráa tu̱ꞌun Cristo, chi kúváꞌa iniꞌ ráa.

Gálatas 6:13

Chi ni maáráa, ya̱ sáꞌá circuncidar ráa, ntu síkúnkuvi ráa tu̱ꞌun tátúníꞌ ley Moisés. Soo kuíni ráa ya̱ saꞌá circuncidar rán maárán, sáva kaꞌanꞌ téyɨ́ɨ́ ráa jie̱ꞌe̱ꞌ ya̱ nsi̱kúnkuvi ráa costumbre vá jín ntíꞌ yɨkɨkúñu rán.

Gálatas 2:14

Soo sáá niniꞌ ni̱ꞌ ya̱ ntu jiáꞌnu na̱a̱ꞌ ráa sáni káchíꞌ ya̱ naáꞌ tu̱ꞌun váꞌa Jesús, jee nkachiꞌ ni̱ꞌ nu̱u̱nꞌ Pedro ichinúúnꞌ nɨꞌɨ ráa: “Noꞌó ví te̱e Israel, jee nu̱u̱nꞌ jiáꞌnu nú kuéntáꞌ te̱e rá inka nación, jee nu̱u̱nꞌ nsáꞌ jiáꞌnu nú kuéntáꞌ te̱e Israel, ¿na̱ja kúvi tetuvi nú rá ñɨvɨ rá inka nación sikúnkuvi ráa rá ñujiínꞌ rá ñɨvɨ ichiyúkúnꞌ Israel?”

2 Corintios 10:12

Chi ntu kíji iniꞌ ráníꞌ kachiꞌ ránꞌ ya̱ ɨɨn ni kúvi ránꞌ jín ráa jee ni ntu nuún íyó ránꞌ jín rá ñɨvɨ vá ya̱ nákutíñú va̱ꞌa ráa jie̱ꞌe̱ꞌ maáráa. Chúkúꞌva ráa sáá sáꞌá maáráa jín maáráa sáva kene ya̱ jiáni iniꞌ ráa ya̱ kúñáꞌnú ráa, jee tɨ́ɨn kuéntáꞌ ráa sáá íyó maáráa jín táꞌán maáráa. Ntu̱náꞌ jiáku̱ꞌun iniꞌ ráa.

Hechos 15:5

Soo nna̱kuiñɨꞌ kéꞌín rá te̱e kúneí iniꞌ Jesús, ya̱ yɨ́ꞌɨ́ ñujiínꞌ fariseo, jee nkachiꞌ ráa: ―Íyó saꞌá circuncidar‑ó ráa, jee íyó tatúníꞌ‑ó ya̱ sikúnkuvi ráa tu̱ꞌun ley nta̱túníꞌ Ndiosíꞌ, ya̱ njiáꞌa re̱ꞌ nu̱u̱nꞌ Moisés.

Juan 7:18

Chi ɨɨn ñɨvɨ ya̱ káꞌánꞌ‑a rá tu̱ꞌun ya̱ jiáni iniꞌ maáa, jee ñɨvɨ vá nukú‑u ya̱ nakuetúꞌún ñɨvɨ maa. Soo ɨɨn ñɨvɨ ya̱ nánukú‑u ya̱ nakuetúꞌún rá ñɨvɨ maáréꞌ ya̱ nchu̱ichí maa, ñɨvɨ na̱a̱ꞌ kúvi‑i, jee ntu yɨ́ꞌɨ́ tu̱ꞌun túꞌún iniꞌ‑i.

Lucas 20:47

Jee rá te̱e vá jíchi ráa rá ñaꞌan náꞌví, káneeꞌ ráa veꞌi ráña. Jee káñunkúún sáꞌá ráa nika̱ꞌ ya̱ naꞌán víꞌí jíkánꞌ táꞌvíꞌ ráa nu̱u̱nꞌ Ndiosíꞌ. Maáráa vá xe̱e̱nꞌ ka̱ꞌ ni̱ꞌi̱nꞌ ráa tu̱nóꞌó ya̱ sijíta Ndiosíꞌ ráa ―nkachiꞌ Jesús.

Mateo 23:28

Jee suni sukuán íyó rán nu̱u̱nꞌ nijinꞌ rán, chi stúvi rán ya̱ te̱e na̱a̱ꞌ kúvi rán nu̱u̱nꞌ rá ñɨvɨ, soo ichi iniꞌ rán ñúꞌún chitú tu̱ꞌun sansuꞌva kúvi rán jín tu̱ꞌun níváꞌa.

Mateo 23:5

’Jee ntáká rá tiñu sáꞌá ráa vá, sáꞌá ráa maa sáva kuniꞌ rá ñɨvɨ maa, jee nakuetúꞌún ñɨvɨ ráa. Jee káꞌnú sáꞌá ráa rá kajúnꞌ lúlí ñúꞌún pedasúꞌ tutuꞌ níso Tu̱ꞌun Ndiosíꞌ ya̱ ténuꞌniꞌ néꞌín ráa yutéénꞌ ráa jín yɨkɨ náꞌá ráa. Jee sáꞌá kání ráa ka̱ꞌ yuxi yuꞌú saꞌma ñúꞌún ráa.

Mateo 6:16

’Jee sáá nééꞌ niteꞌ rán sáá néñu̱ꞌun rán Ndiosíꞌ, jee koto sáꞌá xií rán, kuéntáꞌ sáꞌá rá ñɨvɨ íyó sansuꞌva, chi nínta xií nu̱u̱nꞌ ráa sáva stúvi ráa nu̱u̱nꞌ rá ñɨvɨ ya̱ nééꞌ niteꞌ ráa. Soo máá naáꞌ vá káchíꞌ ni̱ꞌ nu̱u̱nꞌ rán, ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa, [jee nsú ta̱ꞌvi̱ꞌ jiáꞌa Ndiosíꞌ].

Mateo 6:2

Jee saáva sáá jiáꞌa nú karidáꞌ nu̱u̱nꞌ ñɨvɨ jíniñúꞌún maa jee koto káchítu̱ꞌún nijinꞌ nú ya̱ sáꞌá nú sukuán kuéntáꞌ tivɨꞌ trompeta, kuéntáꞌ kua̱ꞌ sáꞌá rá ñɨvɨ íyó sansuꞌva iniꞌ rá veꞌi sinagoga áxí iniꞌ ichi. Sukuán sáꞌá ráa sáva nakuetúꞌún rá ñɨvɨ ráa. Soo máá naáꞌ vá káchíꞌ ni̱ꞌ nu̱u̱nꞌ rán, ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa [jee nsú ta̱ꞌvi̱ꞌ naku̱ꞌva Ndiosíꞌ].

Mateo 6:5

’Jee sáá káꞌánꞌ rán jín Ndiosíꞌ, jee koto íyó rán kuéntáꞌ sáꞌá rá ñɨvɨ sansuꞌva, chi táꞌánꞌ iniꞌ ráa kuiñɨ nichiꞌ ráa iniꞌ rá veꞌi sinagoga nu̱u̱nꞌ kútútú rá ñɨvɨ Israel, jín rá nu̱u̱nꞌ náketáꞌán rá ichi, jee káꞌánꞌ ráa jín Ndiosíꞌ, sáva kune̱ꞌyá rá ñɨvɨ ráa. Soo máá naáꞌ vá káchíꞌ ni̱ꞌ nu̱u̱nꞌ rán ya̱ nɨꞌɨ ta̱ꞌvi̱ꞌ ya̱ ni̱ꞌi̱nꞌ ráa ví kua̱chi nákuetúꞌún ñɨvɨ ráa, jee nsú ta̱ꞌvi̱ꞌ jiáꞌa Ndiosíꞌ.

Mateo 5:10

Na̱ ka̱ꞌ netuꞌ ka̱ꞌ kúvi rá ñɨvɨ ya̱ nóꞌo ya̱ jíto u̱ꞌvi̱ꞌ ñɨvɨ ráa, jie̱ꞌe̱ꞌ jiáꞌnu na̱a̱ꞌ ráa sáni kuíni Ndiosíꞌ, chi suviráa vá yɨ́ꞌɨ́ ráa naꞌá Ndiosíꞌ nééꞌ antivɨ́ súkún ya̱ tátúníꞌ re̱ꞌ nu̱u̱nꞌ ráa.

Mateo 23:27

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó fariseo, chi, ¡te̱e sansuꞌva kúvi rán! Chi kúvi rán kuéntáꞌ kúvi rá ñáñá rá ni̱yɨ nkaꞌyu kuíjín jee ne̱ túvi viiꞌ ñunkúún‑u nu̱u̱nꞌ nijinꞌ, soo ichi iniꞌ‑i chi ne̱ yɨ́ꞌɨ́ chitú yɨkɨníyɨ jín nɨꞌɨ ya̱ téꞌyúꞌ iniꞌ‑i.