Gálatas 6:10 - Mixteco del suroeste de Tlaxiaco Oaxaca

¹⁰ Saáva sáá kénta íyó, jee saꞌá‑ó ya̱ váꞌa nu̱u̱nꞌ nɨꞌɨ. Jee ya̱ ñáꞌnú ka̱ꞌ vá íyó saꞌá‑ó ya̱ váꞌa nu̱u̱nꞌ rá ñanitáꞌán‑ó ya̱ kúneí iniꞌ ráa Jesús.

Gálatas 6:10 Referans Kwoze

Hebreos 13:16

Jee koto náánꞌ iniꞌ rán saꞌá rán ya̱ váꞌa nu̱u̱nꞌ rá ñɨvɨ jín ya̱ chineí táꞌán rán jín ráa ya̱ kúmí rán retú jíniñúꞌún ráa maa. Chi sukuán násokoꞌ rán nu̱u̱nꞌ Ndiosíꞌ tékúꞌ jee kúváꞌa iniꞌ re̱ꞌ jie̱ꞌe̱ꞌ‑e.

1 Tesalonicenses 5:15

Nito koo rán maáránoꞌó ya̱ koto náchunáán ni ɨɨn rán ya̱ ni̱váꞌa nu̱u̱nꞌ ni ɨɨn ñɨvɨ sáꞌá niva̱ꞌa nu̱u̱nꞌ ránoꞌó. Chisaꞌ sukuáni nanukú rán ya̱ váꞌa kuvi nu̱u̱nꞌ ɨɨn inka rán jín nu̱u̱nꞌ nɨꞌɨ rá ñɨvɨ.

Tito 3:8

Tu̱ꞌun yaꞌá ví máá na̱a̱ꞌ nijia. Jee kuíni ni̱ꞌ, ya̱ íchí sanáaꞌ ni̱ꞌin nú rá tu̱ꞌun yaꞌá nu̱u̱nꞌ rá ñɨvɨ kúneí iniꞌ ráa Ndiosíꞌ, sáva kɨtíñú ráa saꞌá ráa rá tiñu váꞌa. Jee ya̱ váꞌa víꞌí ví rá tu̱ꞌun yaꞌá, jee íyótiñu‑u nu̱u̱nꞌ rá ñɨvɨ.

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Hebreos 6:10

Chi na̱a̱ꞌ kúvi Ndiosíꞌ, jee ntu náánꞌ iniꞌ re̱ꞌ rá tiñu sáꞌá rán nu̱u̱nꞌ re̱ꞌ, jín ya̱ ñúnúunꞌ rán re̱ꞌ. Jee sukuán nstúvi rán ya̱ ñúnúunꞌ rán re̱ꞌ jie̱ꞌe̱ꞌ nchi̱neí rán rá ñɨvɨ re̱ꞌ, ya̱ nsásɨ́ɨ́n re̱ꞌ sáva kɨꞌɨ ráa nu̱u̱nꞌ re̱ꞌ. Jee sukuán sáꞌá i̱i̱ꞌ rán ne̱ ntañúꞌún.

Efesios 2:19

Jee saáva ntu ka̱ꞌ kúvi rán to̱ꞌo̱ꞌ ni ñɨvɨ váji íká, chisaꞌ se̱ꞌya ñuunꞌ Ndiosíꞌ kúvi rán jín rá ñɨvɨ nsa̱ꞌá sɨ́ɨ́n re̱ꞌ sáva kúvi rán ñɨvɨ re̱ꞌ, jee kúvi rán ñɨvɨ táꞌán veꞌi Ndiosíꞌ.

Juan 12:35

Saájee nkachiꞌ Jesús nu̱u̱nꞌ ráa: ―Nuꞌuꞌ, ya̱ kúvi ni̱ꞌ ñuꞌunꞌ túúnꞌ iniꞌ ánímaꞌ rán, jee yakuꞌ ni ka̱ꞌ ki̱vɨ̱ꞌ íyó kuneeꞌ ni̱ꞌ jín rán. Saáva kueꞌnu rán nu̱u̱nꞌ ñuꞌunꞌ vá ni túúnꞌ‑u iniꞌ ánímaꞌ rán, sáva nsáꞌ kenta kueꞌnu rán nu̱u̱nꞌ ñu̱neenꞌ ya̱ kúvi ya̱ niva̱ꞌa, chi ñɨvɨ ya̱ jiáꞌnu nu̱u̱nꞌ ñu̱neenꞌ ntu kútúníꞌ né ɨɨn ichi kɨ̱ꞌɨ̱nꞌ ráa.

Lucas 6:35

’Soo kunu̱u̱nꞌ rán rá ñɨvɨ ya̱ túfíꞌ táꞌán ráa jín ránoꞌó jee saꞌá rán ya̱ váꞌa jín ráa. Jee ku̱ꞌvanúún rán nu̱u̱nꞌ ñɨvɨ sú ntu jíníꞌ rán ya̱ naniꞌinꞌ tuku rán maa. Jee máá ñáꞌnú ví ta̱ꞌvi̱ꞌ ni̱ꞌi̱nꞌ rán, jee kuvi rán se̱ꞌya Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ, chi ñúnkúún iniꞌ re̱ꞌ rá ñɨvɨ ya̱ ntu jiáꞌa ráa ya̱ kútaꞌviꞌ ráa nu̱u̱nꞌ re̱ꞌ jín rá ñɨvɨ niváꞌa.

Juan 9:4

Maáórán íyó saꞌá‑ó tiñu maáréꞌ ya̱ nchu̱ichí re̱ꞌ nuꞌuꞌ va̱ji ni̱ꞌ, ni kúvi kuéntáꞌ nuví, chi kiji tiempúꞌ kuéntáꞌ nu̱u̱nꞌ neenꞌ kuéntáꞌ yakuááꞌ jee ni ɨɨn ñɨvɨ nkúvi satíñú ka̱ꞌ.

Tito 2:14

Chi njia̱ꞌa re̱ꞌ maáréꞌ ya̱ kuviꞌ re̱ꞌ jie̱ꞌe̱ꞌ‑ó, sáva chunáán nkáꞌnú re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ‑ó, sáva nakani núne re̱ꞌ yó naꞌá nta̱ká nu̱u̱nꞌ ya̱ niva̱ꞌa. Jee nna̱saꞌá noo nɨꞌɨ kuitɨꞌ re̱ꞌ kua̱chi níso ánímaꞌ‑ó, sáva kuvi‑ó ñɨvɨ maáréꞌ, sáva kuꞌun káñá iniꞌ‑ó saꞌá‑ó ya̱ váꞌa.

Filipenses 4:10

Jee kúsɨ́ɨꞌ víꞌí iniꞌ ni̱ꞌ jie̱ꞌe̱ꞌ I̱toꞌoꞌ‑ó, ya̱ ne̱kua̱ꞌ váꞌa ka̱ꞌ ñúꞌún tuku iniꞌ rán chineí rán nuꞌuꞌ. Jee ñúꞌún nijia iniꞌ rán jie̱ꞌe̱ꞌ ni̱ꞌ, soo ntu níyo na̱sa kuvi chineí rán nuꞌuꞌ.

Mateo 12:50

Chi néni ɨɨn ñɨvɨ ya̱ sáꞌá‑a sáni kuíni Tátáꞌ ni̱ꞌ Ndiosíꞌ ya̱ nééꞌ antivɨ́ súkún, jee suvi‑i ví ñaniꞌ ni̱ꞌ jín ku̱ꞌva ni̱ꞌ jín náánꞌ ni̱ꞌ ―nkachiꞌ Jesús.

3 Juan 1:11

Noꞌó Gayo, ya̱ ñúnúunꞌ ni̱ꞌ, koto nuún sáꞌá nú kuéntáꞌ ya̱ niváꞌa sáꞌá ñɨvɨ. Chisaꞌ nuún saꞌá nú kuéntáꞌ ya̱ váꞌa sáꞌá ñɨvɨ. Chi ñɨvɨ ya̱ sáꞌá ya̱ váꞌa jee ñɨvɨ Ndiosíꞌ ví nijia‑a. Soo ñɨvɨ ya̱ sáꞌá tiñu niváꞌa, jee ntiáꞌan kuniꞌ‑i Ndiosíꞌ.

Colosenses 4:5

Kuꞌun kájí xíniꞌ rán kueꞌnu ñunkúún rán sáni kuíni Ndiosíꞌ nteñu rá ñɨvɨ ya̱ ntu kúneí iniꞌ ráa Cristo, jee suꞌva ntu súkuíta rán tiempúꞌ ya̱ káꞌánꞌ rán jín ráa.

Efesios 5:16

Vitan íyó tiempúꞌ jee kuniꞌvɨꞌ iniꞌ rán saꞌá rán tiñu ntaji Ndiosíꞌ saꞌá rán, chi tiempúꞌ vitan jee íyó víꞌí ñɨvɨ jíka ráa ichi niváꞌa.

1 Juan 5:1

Nta̱ká ñɨvɨ ya̱ jínúꞌ iniꞌ ya̱ Jesús ví Cristo, ya̱ ñani Ndiosíꞌ sáva tatúníꞌ‑i nu̱u̱nꞌ ñɨ̱vɨ́, jee suviráa sáꞌá Ndiosíꞌ ya̱ nna̱kaku ráa kúvi nijia ráa se̱ꞌya re̱ꞌ. Jee nta̱ká ñɨvɨ ya̱ ñúnúunꞌ ráa maáréꞌ ya̱ kúvi Tátáꞌ ráa, jee suni ñúnúunꞌ ráa rá inka ñɨvɨ ya̱ nsa̱ꞌá re̱ꞌ ya̱ nna̱kaku ráa kúvi ráa se̱ꞌya re̱ꞌ.

Hebreos 3:6

Soo Cristo, kúvi re̱ꞌ Se̱ꞌya Ndiosíꞌ, jee síkúnkuvi na̱a̱ꞌ re̱ꞌ ntáká tiñu ya̱ yósóꞌ re̱ꞌ nu̱u̱nꞌ rá ñɨvɨ veꞌi Ndiosíꞌ, ya̱ suvi kúvi maáórán, retú íñɨ́ ni̱ꞌin‑ó níkɨ́nꞌ kutú‑ó kúneí iniꞌ‑ó re̱ꞌ ne̱ kenta nu̱u̱nꞌ nɨ́ꞌɨ tékúꞌ‑ó, jín ya̱ kúsɨ́ɨꞌ víꞌí iniꞌ‑ó jie̱ꞌe̱ꞌ ya̱ íyó tu̱neí iniꞌ‑ó ya̱ kuneeꞌ‑ó jín Ndiosíꞌ.

Marcos 3:4

Jee nkachiꞌ‑i nu̱u̱nꞌ ráa: ―¿Ná kúvi ya̱ yɨ́netuꞌ ley saꞌá‑ó rúja? ¿Á kuvi saꞌá‑ó ya̱ váꞌa áxí saꞌá‑ó ya̱ ni̱váꞌa rúja? ¿Á sikáku‑ó áxí kaꞌniꞌ‑ó? ―nkachiꞌ Jesús nu̱u̱nꞌ ráa. Soo níín nkuvi ráa.

Efesios 3:15

Jee nu̱u̱nꞌ re̱ꞌ va̱ji ntáká tataꞌ yó ñɨvɨ ya̱ ya nééꞌ antivɨ́ súkún jín iniꞌ ñɨ̱vɨ́ yaꞌá.

Mateo 5:43

’Jee nteso̱ꞌo rán rá tu̱ꞌun ya̱ káchíꞌ ya̱: “Íyó kunu̱u̱nꞌ ñanitáꞌán nú, jee taꞌvi iniꞌ nú kune̱ꞌyá nú ñɨvɨ túfíꞌ ta̱ꞌán jín nú.”

Mateo 10:25

Jee te̱e ya̱ kútúꞌva, íyó va̱ꞌani ya̱ kuvi re̱ꞌ kuéntáꞌ kua̱ꞌ mestrúꞌ re̱ꞌ. Jee suni sukuán ɨɨn musúꞌ, suni íyó va̱ꞌani retú kuvi re̱ꞌ kuéntáꞌ kua̱ꞌ i̱toꞌoꞌ‑o. Saáva retú kachiꞌ rá ñɨvɨ ya̱ i̱toꞌoꞌ xí veꞌi ví Beelzebú, ya̱ kúvi kui̱ꞌna̱ꞌ kúñáꞌnú, jee si̱kɨ̱ꞌ ká kaꞌanꞌ niva̱ꞌa ráa kune̱ꞌyá ráa rá ñɨvɨ táꞌán veꞌi re̱ꞌ.

Hechos 6:7

Jee ñe̱te̱nuun Tu̱ꞌun Ndiosíꞌ. Jee kúkueꞌeꞌ rá ñɨvɨ ñuunꞌ Jerusalén tɨ́ɨn ráa Tu̱ꞌun Ndiosíꞌ. Jee kue̱ꞌe̱ꞌ víꞌí rá su̱tu̱ꞌ káníjiá ráa tu̱ꞌun ya̱ kúneí iniꞌ ráa Jesús.

Gálatas 1:23

Kua̱chi nteso̱ꞌo ráa ya̱: “Te̱e ya̱ nito u̱ꞌvi̱ꞌ yó xíꞌna, jee ntañúꞌún stékútu̱ꞌún re̱ꞌ tu̱ꞌun Jesús ya̱ kúneí iniꞌ‑ó. Jee nnu̱kú re̱ꞌ xináánꞌ re̱ꞌ tu̱ꞌun vá nékúvi.”

Efesios 4:28

Jee ñɨvɨ ya̱ sákuíꞌná, jee koto sákuíꞌná‑a ka̱ꞌ, chisaꞌ íyó satíñú‑u jín naꞌá‑a tiñu kúvi ya̱ váꞌa, sáva ni̱ꞌi̱nꞌ‑i ya̱ ku̱ꞌva‑a nu̱u̱nꞌ inka ñɨvɨ ya̱ jíniñúꞌún.

1 Tesalonicenses 5:21

Chisaꞌ kototúníꞌ rán nɨꞌɨ jee tɨɨn rán ya̱ váꞌa.

1 Pedro 2:5

Jee ránoꞌó ranika̱ꞌ, suni kúvi rán kuéntáꞌ rá yu̱u̱ꞌ tékúꞌ ya̱ jiátíñú Ndiosíꞌ ránoꞌó sáꞌá re̱ꞌ veꞌi nu̱u̱nꞌ yɨ́ꞌɨ́ Ta̱chi̱ꞌ Ííꞌ re̱ꞌ, sáva kuvi rán su̱tu̱ꞌ ííꞌ kɨtíñú rán nu̱u̱nꞌ tiñu re̱ꞌ, sáva so̱ko̱ꞌ rán nu̱u̱nꞌ Ndiosíꞌ máá tiñu sánikua̱ꞌ sátíñú Ta̱chi̱ꞌ Ííꞌ re̱ꞌ iniꞌ ránoꞌó ya̱ kúváꞌa iniꞌ re̱ꞌ néꞌyá re̱ꞌ maa jie̱ꞌe̱ꞌ yɨ́ꞌɨ́ rán nu̱u̱nꞌ Jesús ya̱ kúvi Cristo.

1 Pedro 4:17

Chi ya nkenta tiempúꞌ ya̱ kijiéꞌé sanáaꞌ Ndiosíꞌ kua̱chi, soo xíꞌna ka̱ꞌ jín rá ñɨvɨ ya̱ kúvi ñɨvɨ veꞌi Ndiosíꞌ, jee retú ya nka̱jiéꞌé sanáaꞌ re̱ꞌ jie̱ꞌe̱ꞌ máá‑órán, ¿jee na̱ja ka̱ꞌ vá saꞌá na̱a̱ꞌ re̱ꞌ kua̱chi rá ñɨvɨ ya̱ ntu káníjiá ráa koo maniꞌ ráa tu̱ꞌun váꞌa re̱ꞌ rúja?

3 Juan 1:3

Chi nnusɨ̱ɨ̱ꞌ víꞌí iniꞌ ni̱ꞌ sáá nkiji sava rá ñanitáꞌán‑ó, jee ntaji ráa tu̱ꞌun na̱a̱ꞌ nu̱u̱nꞌ ni̱ꞌ ya̱ síkúnkuvi na̱a̱ꞌ nú tu̱ꞌun na̱a̱ꞌ, chi jíka nú jín tu̱ꞌun na̱a̱ꞌ Jesús.

3 Juan 1:10

Saáva sáá kenta ni̱ꞌ yukuán, jee xináku ni̱ꞌ si̱kɨ̱ꞌ tiñu sáꞌá re̱ꞌ. Chi nékáíyó káꞌánꞌ re̱ꞌ tu̱ꞌun niva̱ꞌa si̱kɨ̱ꞌ ráníꞌ. Jee nsú kua̱chi jín rá tiñu yaꞌá kúváꞌa iniꞌ re̱ꞌ, chi ni ntu jiáꞌa re̱ꞌ veꞌi re̱ꞌ ki̱vɨ rá ñanitáꞌán vá. Jee jiásɨ́ꞌ re̱ꞌ nu̱u̱nꞌ rá ñɨvɨ ya̱ kuíni ráa ku̱ꞌva ráa veꞌi ráa ki̱vɨ rá ñanitáꞌán vá, jee táváꞌ re̱ꞌ ráa nteñu rá táꞌán ráa ya̱ kúneí iniꞌ ráa Jesús, ya̱ ntu jiáꞌa re̱ꞌ kútútú ráa jín rá táꞌán ráa.

2 Corintios 2:8

Jee saáva náxiníꞌvɨ́ꞌ ni̱ꞌ iniꞌ rán, ya̱ nástúvi na̱a̱ꞌ rán ya̱ ñúnúunꞌ nijia rán maa.