Gálatas 5:3 - Mixteco del suroeste de Tlaxiaco Oaxaca

³ Tukuni sánáaꞌ ni̱ꞌ nu̱u̱nꞌ rán ya̱ ntáká te̱e ya̱ saꞌá circuncidar re̱ꞌ maáréꞌ, jee íyó re̱ꞌ ya̱ sikúnkuvi re̱ꞌ nɨꞌɨ kuitɨꞌ ya̱ tátúníꞌ ley vá.

Gálatas 5:3 Referans Kwoze

Gálatas 3:10

Chi yósóni̱nu nta̱ká rá ñɨvɨ ya̱ nánukú ráa saꞌá ráa ya̱ tátúníꞌ ley vá sáva kino̱o na̱a̱ꞌ ráa nu̱u̱nꞌ Ndiosíꞌ. Chi káchíꞌ tu̱ꞌun ley nta̱túníꞌ Ndiosíꞌ ya̱ nééꞌ nu̱u̱nꞌ tutuꞌ: “Kosoni̱nu nta̱ká ráa ya̱ ntu kúníꞌin ráa kaníjiá ráa nɨꞌɨ kuitɨꞌ ya̱ tátúníꞌ ley ya̱ nééꞌ nu̱u̱nꞌ tutuꞌ.”

Romanos 2:25

Íyótiñu nijia ya̱ níso nú seña Ndiosíꞌ nu̱u̱nꞌ yɨkɨkúñu nú, ya̱ káchíꞌ‑ó circuncisión, retú sáꞌá nú ya̱ káchíꞌ tu̱ꞌun nta̱túníꞌ Ndiosíꞌ ya̱ njiáꞌa re̱ꞌ nu̱u̱nꞌ Moisés yanaꞌán ya̱ káchíꞌ‑ó ley. Soo retú jiáꞌa nú nu̱u̱nꞌ ya̱ tátúníꞌ ley vá, sú nsa̱ꞌá circuncidar nú maánú soo kúvi kuéntáꞌ ntu nsa̱ꞌá circuncidar nú maánú kuéntáꞌ rá ñɨvɨ inka nación.

Efesios 4:17

Saáva káchíꞌ ni̱ꞌ nu̱u̱nꞌ rán jee íchí sánáaꞌ ni̱ꞌ nu̱u̱nꞌ súví I̱toꞌoꞌ‑ó: ya̱ koto jiáꞌnu rán ka̱ꞌ kua̱ꞌ jiáꞌnu rá inka ñɨvɨ ntu kúvi ñɨvɨ Israel, ya̱ jiáꞌnu ráa tiñu jiáni ka̱ꞌá iniꞌ antúníꞌ ráa.

Mateo 23:18

Jee suni káchíꞌ rán ya̱: “Ntu̱náꞌ yɨ́yáꞌvi‑i ya̱ sánáaꞌ néni ɨɨn ñɨvɨ nu̱u̱nꞌ tu̱ꞌun káꞌánꞌ‑a jie̱ꞌe̱ꞌ altar nu̱u̱nꞌ téñuꞌunꞌ rá ñɨvɨ rá sa̱na̱ꞌ násokoꞌ ráa nu̱u̱nꞌ Ndiosíꞌ, soo néni ɨɨn ñɨvɨ ya̱ sánáaꞌ‑a nu̱u̱nꞌ tu̱ꞌun káꞌánꞌ‑a jie̱ꞌe̱ꞌ rá sa̱na̱ꞌ sókóꞌ ya̱ yósóꞌ nu̱u̱nꞌ altar, saájee ya̱ íyó si̱kɨ̱ꞌ‑ɨ sikúnkuvi‑i ya̱ nkachiꞌ‑i”, káchíꞌ rán.

1 Juan 4:14

Jee ránuꞌuꞌ chi niniꞌ ránꞌ jee nástúvi ránꞌ ya̱ máá Tátáꞌ‑ó Ndiosíꞌ nchu̱ichí re̱ꞌ Se̱ꞌya re̱ꞌ nkiji‑i sáva sikáku‑u maáórán ya̱ kúvi‑ó ñɨvɨ ñɨ̱vɨ́ yaꞌá jie̱ꞌe̱ꞌ xinóꞌo Ndiosíꞌ yó jie̱ꞌe̱ꞌ kua̱chi‑ó.

1 Tesalonicenses 4:6

Jee koto jiáꞌa sáꞌá ni ɨɨn ránú nu̱u̱nꞌ ɨɨn ñaniꞌ nú jie̱ꞌe̱ꞌ vá. Jee koto xínáꞌví nú re̱ꞌ jie̱ꞌe̱ꞌ vá. Chi náchunáán I̱toꞌoꞌ‑ó xínóꞌo re̱ꞌ ñɨvɨ jie̱ꞌe̱ꞌ nta̱ká kua̱chi yaꞌá, sánikua̱ꞌ ya nstúꞌva ránꞌ nu̱u̱nꞌ ránoꞌó. Ya nstúvi na̱a̱ꞌ ránꞌ maa nu̱u̱nꞌ ránoꞌó.

Hechos 20:21

Nkachitu̱ꞌún ni̱ꞌ nu̱u̱nꞌ rá ñɨvɨ Israel jín suni nu̱u̱nꞌ rá ntu kúvi ñɨvɨ Israel. Nna̱stúvi ni̱ꞌ ya̱ naáꞌ ya̱ íyó nakani iniꞌ ráa jie̱ꞌe̱ꞌ kua̱chi ráa, jee kunikɨnꞌ ráa Ndiosíꞌ, jee kuneí iniꞌ ráa I̱toꞌoꞌ‑ó Jesús.

Hechos 2:40

Jee jín kue̱ꞌe̱ꞌ ka̱ꞌ tu̱ꞌun ni̱stúvi re̱ꞌ ya̱ naáꞌ, jee nxi̱nániꞌvɨꞌ re̱ꞌ iniꞌ ráa: ―Sikáku rán maárán nu̱u̱nꞌ ichi níkɨ́nꞌ rá ñɨvɨ niva̱ꞌa yaꞌá chi xinóꞌo Ndiosíꞌ ráa.

Lucas 16:28

chi íyó u̱ꞌu̱nꞌ ka̱ꞌ rá ñaniꞌ ni̱ꞌ, sáva stúꞌva ya̱chi̱ꞌ re̱ꞌ ráa sáva ntu jíꞌín ráa kiji yaꞌá nu̱u̱nꞌ íyó víꞌí tu̱nóꞌó xéénꞌ yaꞌá”, nkachiꞌ te̱e kúká vá.

Mateo 23:16

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, chi kúvi rán kuéntáꞌ kúvi te̱e kuáá ya̱ ni ntu chuꞌun rán rá ñɨvɨ ichi na̱a̱ꞌ, chi káchíꞌ rán ya̱ néni ɨɨn ñɨvɨ ya̱ sánáaꞌ‑a nu̱u̱nꞌ tu̱ꞌun káꞌánꞌ‑a jie̱ꞌe̱ꞌ veñu̱ꞌun káꞌnú Ndiosíꞌ jee ntu̱náꞌ yɨ́yáꞌvi ya̱ nkachiꞌ‑i, soo néni ɨɨn ñɨvɨ sánáaꞌ‑a nu̱u̱nꞌ tu̱ꞌun káꞌánꞌ‑a jie̱ꞌe̱ꞌ ka̱a kuáán yɨ́yáꞌvi oro ya̱ nákɨɨnꞌ iniꞌ veñu̱ꞌun vá, saájee ya̱ íyó si̱kɨ̱ꞌ‑ɨ sikúnkuvi‑i, káchíꞌ rán.

Hechos 15:1

Kéꞌín rá te̱e va̱ji ne̱ Judea jee ntiaaꞌ ráa Antioquía. Jee xínéꞌénꞌ ráa rá ñaniꞌ kúneí iniꞌ Jesús ya̱: “Nsáꞌ nánitáꞌvíꞌ rán, ré ntu sáꞌá circuncidar rán maárán sánikua̱ꞌ ñujiínꞌ njiáꞌa nu̱u̱nꞌ Moisés ñakɨnꞌ re̱ꞌ.”

Gálatas 5:2

¡Tɨɨn kuéntáꞌ rán! Chi nuꞌuꞌ, Pablo, káchíꞌ ni̱ꞌ nu̱u̱nꞌ rán ya̱ retú saꞌá circuncidar rán maárán, sáni káchíꞌ tu̱ꞌun ley, ña̱re ntu̱náꞌ íyótiñu nu̱u̱nꞌ rán ya̱ ni̱ꞌi̱ꞌ Cristo jie̱ꞌe̱ꞌ rán.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.