Gálatas 5:17 - Mixteco del suroeste de Tlaxiaco Oaxaca

¹⁷ Chi ya̱ níyo néꞌén iniꞌ rán jiásɨ́ꞌ nu̱u̱nꞌ ya̱ kuíni Ta̱chi̱ꞌ Ííꞌ Ndiosíꞌ. Jee ya̱ kuíni Ta̱chi̱ꞌ Ííꞌ jiásɨ́ꞌ ya̱ níyo néꞌén iniꞌ rán. Ña̱re jiásɨ́ꞌ ɨɨn inka ráa nu̱u̱nꞌ táꞌán ráa. Sáva ntu kúvi saꞌá rán néni ɨɨn tiñu kuíni rán saꞌá rán.

Gálatas 5:17 Referans Kwoze

Romanos 8:13

Chi retú jiáꞌnu rán sáni kuíni rán jín ñunéꞌyúꞌ kua̱chi rán saájee kɨ̱naanꞌ rán nu̱u̱nꞌ Ndiosíꞌ. Soo retú jín fesáꞌ ííꞌ Ta̱chi̱ꞌ Ííꞌ Ndiosíꞌ jee xináánꞌ rán tiñu niváꞌa sáꞌá rán jín yɨkɨkúñu rán jee kutekuꞌ rán jín Ndiosíꞌ.

Juan 3:6

Chi ñɨvɨ ya̱ káku‑u nu̱u̱nꞌ ñɨvɨ ñunéꞌyúꞌ, jee ñɨvɨ ñunéꞌyúꞌ ví‑i. Soo ñɨvɨ ya̱ káku‑u nu̱u̱nꞌ Ndiosíꞌ sáꞌá Ta̱chi̱ꞌ Ííꞌ re̱ꞌ, jee yɨ́ꞌɨ́ Ta̱chi̱ꞌ Ííꞌ re̱ꞌ vá iniꞌ‑i.

Mateo 26:41

Kunito rán jee ka̱ka̱nꞌ táꞌvíꞌ rán nu̱u̱nꞌ Ndiosíꞌ, sáva koto síkúvi iniꞌ rán kininkava rán nu̱u̱nꞌ xinóo rán ya̱ kuiñɨ ni̱ꞌin rán jín nuꞌuꞌ. Íyó nijia ya̱ ɨɨn ni ñúꞌún káñá ánímaꞌ rán sikúnkuvi va̱ꞌa rán, soo ñunéꞌyúꞌ rán chi táyáꞌ‑a ―nkachiꞌ Jesús.

Santiago 3:2

Chi kue̱ꞌe̱ꞌ nu̱u̱nꞌ jiáꞌa víꞌí sáꞌá nta̱ká‑ó. Jee retú néni ɨɨn ñɨvɨ ntu jiáꞌa sáꞌá jín tu̱ꞌun ya̱ káchíꞌ‑i, saájee suvi‑i kúvi ɨɨn ñɨvɨ jíjia iniꞌ sáꞌá na̱a̱ꞌ‑a, ya̱ kúvi nákeꞌen‑e maáa.

Mateo 16:23

Soo nna̱kune̱ꞌyá Jesús nu̱u̱nꞌ Pedro, jee nkachiꞌ re̱ꞌ nu̱u̱nꞌ‑u: ―¡Kuiyo, kuáꞌán iyo! ¡Satanás!, chi núkú nú xinínkava nú nuꞌuꞌ. Nsáꞌ nénu̱u̱nꞌ nú tiñu Ndiosíꞌ, chisaꞌ nénu̱u̱nꞌ nú sáni jiáni iniꞌ rá ñɨvɨ ―nkachiꞌ re̱ꞌ.

Lucas 22:46

Jee nkachiꞌ re̱ꞌ nu̱u̱nꞌ ráa: ―¿Na̱ kuvi chi kíxíꞌ rán? Nako̱o rán, jee ka̱ka̱nꞌ táꞌvíꞌ rán sáva koto síkúvi iniꞌ rán kininkava rán nu̱u̱nꞌ xinóo rán ya̱ kuiñɨ ni̱ꞌin rán jín nuꞌuꞌ ―nkachiꞌ re̱ꞌ.

Mateo 12:30

’Soo ñɨvɨ ya̱ ntu íñɨ́‑ɨ jín nuꞌuꞌ, kénta‑a si̱kɨ̱ꞌ ni̱ꞌ. Jee ñɨvɨ ya̱ ntu̱ví nákeꞌen tútú‑u jín nuꞌuꞌ rá ñɨvɨ sáva kuiñɨ ráa jín nuꞌuꞌ jee síkúténuun‑u rá ñɨvɨ sáva ntu nátuꞌva ráa nu̱u̱nꞌ nuꞌuꞌ.

Gálatas 3:21

Saájee, ¿á kénta tu̱ꞌun ley vá si̱kɨ̱ꞌ ya̱ nchi̱sóyuꞌú Ndiosíꞌ rúja? ¡Ntu̱ví kuitɨꞌ!, chi retánꞌ ntaji Ndiosíꞌ néni ɨɨn ley ya̱ kúvi xitékúꞌ‑u yó nɨ́ɨ́nkání jín re̱ꞌ, nékúvi, ña̱re kúvi saꞌá ley vá ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ síkúnkuvi‑ó ya̱ káchíꞌ ley vá, nékúvi.

Lucas 22:33

Soo nkachiꞌ Pedro nu̱u̱nꞌ Jesús: ―I̱toꞌoꞌ ni̱ꞌ, ɨɨn ni íyó iniꞌ ni̱ꞌ kɨ̱ꞌɨ̱nꞌ ni̱ꞌ jín nú ne̱ kɨ̱ꞌɨ̱nꞌ ni̱ꞌ veka̱a, jín suni asúnika̱ꞌ ne̱ kuviꞌ ni̱ꞌ ranika̱ꞌ.

Mateo 16:17

Saájee nkachiꞌ Jesús: ―Na̱ ka̱ꞌ netuꞌ ka̱ꞌ kúvi nú Simón, se̱ꞌya Jonás, chi ni ɨɨn ñɨvɨ ñunéꞌyúꞌ ntu̱ví nstúvi maa nu̱u̱nꞌ nú, chisaꞌ máá Tátáꞌ ni̱ꞌ Ndiosíꞌ ya̱ nééꞌ re̱ꞌ antivɨ́ súkún, ví ya̱ nstúvi maa nu̱u̱nꞌ noꞌó.

Mateo 5:6

Na̱ ka̱ꞌ netuꞌ ka̱ꞌ kúvi rá ñɨvɨ ya̱ va̱ne̱ꞌ jíso̱ko iniꞌ ráa, jín ya̱ va̱ne̱ꞌ jíchíꞌ iniꞌ ráa ya̱ ñúꞌún iniꞌ ráa kino̱o na̱a̱ꞌ ráa nu̱u̱nꞌ Ndiosíꞌ, chi ne̱kuva̱ꞌa iniꞌ ráa saꞌá Ndiosíꞌ ya̱ kino̱o na̱a̱ꞌ ráa nu̱u̱nꞌ re̱ꞌ.

Génesis 6:3

Jee nkachiꞌ I̱toꞌoꞌ‑ó: ―Njia̱ꞌa ni̱ꞌ ta̱chi̱ꞌ káꞌánꞌ ni̱ꞌ nu̱u̱nꞌ ñɨvɨ sáva kutekuꞌ ráa, soo nkɨ́netuꞌ ni̱ꞌ ka̱ꞌ ya̱ kino̱o‑o iniꞌ ráa nɨ́ɨ́nkání, chi kúvi ráa ñɨvɨ ñunéꞌyúꞌ ni, jee kua̱chi sientúꞌ o̱ko̱ꞌ (120) kui̱ya̱ꞌ ka̱ꞌ kutekuꞌ ráa.