Gálatas 5:15 - Mixteco del suroeste de Tlaxiaco Oaxaca

¹⁵ Soo ré yáyɨꞌɨ́ rán jín tu̱ꞌun káꞌánꞌ rán ɨɨn inka rán, jee kénta rán si̱kɨ̱ꞌ ɨɨn inka rán, kuéntáꞌ kitɨ xéénꞌ, jee kumí rán maárán sáva nkúvi suꞌva, sáva nxínáánꞌ rán ɨɨn inka rán.

Gálatas 5:15 Referans Kwoze

1 Corintios 3:3

chi jiáꞌnu i̱i̱ꞌ ránú sáni níyo iniꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa nu̱u̱nꞌ Ndiosíꞌ, chi íyó rán jín tu̱ꞌun kuíñɨ́ iniꞌ, jín tu̱ꞌun tuntíxín, [jee tásáva rán kúsɨ́ɨ́n rán nu̱u̱nꞌ táꞌán rán]. Jee saáva, ¿á nsáꞌ kúvi rán kuéntáꞌ rá ñɨvɨ ñɨ̱vɨ́ ya̱ ntu yɨ́ꞌɨ́ ráa xi̱ntíín Ndiosíꞌ jee jiáꞌnu rán sáni níyo iniꞌ rá ñɨvɨ ñɨ̱vɨ́ rúja?

Gálatas 5:26

Koto ñúꞌún vi̱xi̱ꞌ iniꞌ‑ó, ni nsíkítɨ́ꞌ‑ó iniꞌ ɨɨn inka‑ó, jee ni nkóo uꞌvi iniꞌ‑ó kune̱ꞌyá‑ó rá nantíñú ɨɨn inka‑ó.

Santiago 3:14

Soo retú ñúꞌún tu̱ꞌun táꞌvi ñúkuíñɨ́ iniꞌ ánímaꞌ rán jee uꞌvi iniꞌ ánímaꞌ rán kuíni rán ya̱ kuñáꞌnú rán, jee koto káꞌánꞌ téyɨ́ɨ́ rán jee koto kátúꞌún rán si̱kɨ̱ꞌ ya̱ naáꞌ suꞌva.

2 Corintios 11:20

Chi yɨ́netuꞌ rán jiéꞌnéꞌ iniꞌ rán nu̱u̱nꞌ ráa retú néni ɨɨn ñɨvɨ chíꞌi‑i ránoꞌó xi̱ntíín‑i kuéntáꞌ musúꞌ saɨn kéꞌen ñɨvɨ, retú néni ɨɨn ñɨvɨ xínɨ́ꞌɨ‑ɨ ránoꞌó jín nantíñú rán, retú néni ɨɨn ñɨvɨ nééꞌ nu̱u̱nꞌ‑u ránoꞌó jie̱ꞌe̱ꞌ rá nantíñú rán, retú néni ɨɨn ñɨvɨ sáꞌá ñáꞌnú‑u maáa, retú néni ɨɨn ñɨvɨ kátúꞌ‑u nu̱u̱nꞌ rán.

2 Corintios 12:20

Chi ñúꞌún yúꞌví iniꞌ ni̱ꞌ ya̱ sáá kenta ni̱ꞌ nu̱u̱nꞌ nééꞌ rán, jee sa̱naanꞌ naniꞌinꞌ ni̱ꞌ ya̱ ntu jiáꞌnu rán sáni kuíni ni̱ꞌ. Jee sukuán jee naniꞌinꞌ rán ya̱ saꞌá ni̱ꞌ jín rán nsú sáni kuíni rán. Ñúꞌún yúꞌví iniꞌ ni̱ꞌ ya̱ sa̱naanꞌ íyó tuntíxín nteñu rán, jín tu̱nkuíñɨ́ iniꞌ, jín ntu̱nkítɨ́ꞌ iniꞌ, jín ya̱ íyó sɨ́ɨ́n ta grupo nteñu rán, jín kákuíyuꞌú sava rán si̱kɨ̱ꞌ ɨɨn inka rán, jín káꞌánꞌ xi̱ni̱ꞌ táꞌán sava rán, jín sava rán kútéyɨ́ɨ́ rán, jín ntu kunuún iniꞌ inka rán kénéꞌ ɨɨn inka ráa.

Filipenses 3:2

Nito koo rán maárán nu̱u̱nꞌ rá te̱e, ya̱ kúvi kuéntáꞌ tinaꞌ, ya̱ sáꞌá ráa tiñu kánéꞌén, ya̱ kúvi rá te̱e sáꞌá ya̱ kúkúꞌlúꞌ ñɨvɨ, ya̱ kúvi ya̱ sáꞌá circuncidar ñɨvɨ.

Gálatas 5:20

néñu̱ꞌun ráa rá nantíñú ya̱ ntu kúvi‑i Ndiosíꞌ, sáꞌá tásɨ́ ráa, táꞌvi iniꞌ ráa néꞌyá ráa táꞌán ráa, sáꞌá ráa ti̱xi̱nꞌ, kuíñɨ́ ráa, xe̱e̱nꞌ iniꞌ ráa, uꞌvi iniꞌ ráa ya̱ kuíni ráa kene ráa ka̱ꞌ nu̱u̱nꞌ inka ñɨvɨ, sáꞌá sɨ́ɨ́n ráa ɨɨn inka ráa táꞌán ráa, jee sáꞌá ráa ka̱ꞌ grupo ya̱ káꞌánꞌ sɨ́ɨ́n jee kénta si̱kɨ̱ꞌ táꞌán ráa,

Colosenses 2:8

Nito koo rán maárán ya̱ ntɨ́ɨn ñɨvɨ ránoꞌó, ya̱ sijínúꞌ ráa iniꞌ rán jín tu̱ꞌun váji xi̱ni̱ꞌ maáráa, jín tu̱ꞌun ka̱ꞌá ya̱ xínáꞌví. Chi rá tu̱ꞌun yukuán kétáꞌán jín rá ñujiínꞌ va̱ji ya̱ta̱ꞌ, ya̱ kétáꞌán jín rá costumbre xínéꞌénꞌ ñɨvɨ ñɨ̱vɨ́ yaꞌá, ya̱ ntu yɨ́ꞌɨ́ ráa naꞌá Cristo. Jee ntu kétáꞌán rá tu̱ꞌun vá jín tu̱ꞌun jie̱ꞌe̱ꞌ Cristo.

Marcos 3:25

Jee retú ɨɨn táꞌán veꞌi sáꞌá sɨ́ɨ́n ráa maáráa jee kénta ráa si̱kɨ̱ꞌ táꞌán ráa, nku̱níꞌin táꞌán veꞌi vá.