Gálatas 5:14 - Mixteco del suroeste de Tlaxiaco Oaxaca

¹⁴ Chi ya̱ nsi̱kúnkuvi‑ó nɨꞌɨ ya̱ tátúníꞌ ley, retú sikúnkuvi‑ó ɨɨn ni tu̱ꞌun ya̱ tátúníꞌ Ndiosíꞌ ya̱ káchíꞌ‑i: “Íyó kunu̱u̱nꞌ nú ñanitáꞌán nú kuéntáꞌ ñúnúunꞌ nú maánú.”

Gálatas 5:14 Referans Kwoze

Mateo 7:12

Jee saáva ntáká sánikua̱ꞌ kuíni rán ya̱ saꞌá ñɨvɨ jín ránoꞌó jee suni sukuán saꞌá rán jín ráa, chi sukuán xínéꞌénꞌ tu̱ꞌun ley nta̱túníꞌ Ndiosíꞌ ya̱ ntee Moisés jín suni rá tu̱ꞌun ya̱ nna̱kani rá te̱e nna̱kani tu̱ꞌun nkene yuꞌú máá maá Ndiosíꞌ yanaꞌán.

Gálatas 6:2

Chineí táꞌán rán néni ɨɨn ya̱ nóꞌo táꞌán rán. Chi sukuán sikúnkuvi rán tu̱ꞌun ley tátúníꞌ Cristo.

Juan 13:34

’Jee vitan jee taji ni̱ꞌ ɨɨn tu̱ꞌun jiáá ya̱ tátúníꞌ ni̱ꞌ nu̱u̱nꞌ rán, ya̱ kunu̱u̱nꞌ rán ɨɨn inka rá táꞌán rán. Kuéntáꞌ ñúnúunꞌ ni̱ꞌ ránoꞌó, jee suni sukuán kunu̱u̱nꞌ rán ɨɨn inka táꞌán rán.

Marcos 12:31

Jee ya̱ uvíꞌ ya̱ nta̱túníꞌ Ndiosíꞌ ví suꞌva: “Íyó kunu̱u̱nꞌ nú rá ñanitáꞌán nú kua̱ꞌ ñúnúunꞌ nú maánú”, káchíꞌ nu̱u̱nꞌ Tutuꞌ níso Tu̱ꞌun Ndiosíꞌ. Ni ɨɨn tu̱ꞌun ñáꞌnú ya̱ nta̱túníꞌ Ndiosíꞌ ví ya̱ ñáꞌnú ka̱ꞌ nsú káꞌ rá ni núvíꞌ yaꞌá ―nkachiꞌ Jesús nu̱u̱nꞌ‑u.

1 Timoteo 1:5

Jee tátúníꞌ‑ó suꞌva nu̱u̱nꞌ ñanitáꞌán‑ó ya̱ kúneí iniꞌ ráa Cristo, sáva kunu̱u̱nꞌ ráa ɨɨn inka ráa, ya̱ kene‑e ne̱ ánímaꞌ noo, jín ne̱ ya̱ kuniꞌ ráa ya̱ ntu̱ví níso kua̱chi si̱kɨ̱ꞌ ráa, jín ne̱ ya̱ ntu ñúnkúún ni ka̱ꞌ sáꞌá ráa ya̱ kúneí nijia iniꞌ ráa Cristo.

Marcos 12:33

Jee kunu̱u̱nꞌ‑ó Ndiosíꞌ jín ne̱ nɨꞌɨ ánímaꞌ‑ó, jín ne̱ nɨꞌɨ antúníꞌ‑ó, jín ne̱ nɨꞌɨ iniꞌ‑ó, jín kua neí iniꞌ‑ó. Jee kunu̱u̱nꞌ‑ó rá ñanitáꞌán‑ó kuéntáꞌ ñúnúunꞌ‑ó maáó. Ñáꞌnú ka̱ꞌ rá tu̱ꞌun yukuán nsú káꞌ nɨꞌɨ rá kitɨ téñuꞌunꞌ‑ó sókóꞌ‑ó nu̱u̱nꞌ Ndiosíꞌ jín nɨꞌɨ rá inka nantíñú sókóꞌ‑ó nu̱u̱nꞌ Ndiosíꞌ ―nkachiꞌ mestrúꞌ vá.

Gálatas 1:6

Tívɨ́ xíniꞌ ni̱ꞌ ya̱ xínóo ñamaꞌ víꞌí rán Ndiosíꞌ, ya̱ nkana re̱ꞌ ránoꞌó kɨꞌɨ rán chi̱ji naꞌá re̱ꞌ, jie̱ꞌe̱ꞌ íyó mániꞌ iniꞌ Cristo néꞌyá re̱ꞌ ránoꞌó, sú ntu íyó ni̱ꞌi̱nꞌ rán maa. Jee ntɨɨn rán inka tu̱ꞌun káꞌánꞌ sɨ́ɨ́n, ya̱ káchíꞌ ráa ya̱ kúvi tu̱ꞌun váꞌa, naní evangelio.