Gálatas 5:13 - Mixteco del suroeste de Tlaxiaco Oaxaca

¹³ Chi, ránoꞌó ñaniꞌ, nkana Ndiosíꞌ ránoꞌó, sáva koo núne rán jee nkɨ́ꞌɨ rán xi̱ntíín ley vá jín rá costumbre. Soo sú nééꞌ núne rán nu̱u̱nꞌ ley, jee koto jiátíñú rán maa, sáva saꞌá rán ya̱ níyo néꞌén iniꞌ rán jín yɨkɨkúñu kua̱chi. Jee kunu̱u̱nꞌ ɨɨn inka rán táꞌán rán, sáva kuvi rán musúꞌ saɨn nu̱u̱nꞌ ɨɨn inka rán, jee chineí rán ɨɨn inka táꞌán rán.

Gálatas 5:13 Referans Kwoze

1 Pedro 2:16

Nna̱kani núne Cristo ránoꞌó nu̱u̱nꞌ xinóꞌo Ndiosíꞌ ránoꞌó jie̱ꞌe̱ꞌ kua̱chi rán, saáva kueꞌnu na̱a̱ꞌ rán jee koto jiátíñú rán ya̱ íñɨ́ núne rán sáva tee rán nanísi̱kɨ̱ꞌ saꞌá rán ya̱ niváꞌa, chisaꞌ kueꞌnu rán sáni íyó kueꞌnu rá musúꞌ Ndiosíꞌ ya̱ yɨ́ꞌɨ́ rán xi̱ntíín re̱ꞌ.

1 Corintios 9:19

Chi sú íñɨ́ núne ni̱ꞌ ya̱ ntu yɨ́ꞌɨ́ ni̱ꞌ xi̱ntíín ni ɨɨn ñɨvɨ, soo sáꞌá ni̱ꞌ maáníꞌ kuéntáꞌ ɨɨn musúꞌ kéꞌen ñɨvɨ nu̱u̱nꞌ ntáká rá ñɨvɨ ya̱ yɨ́tíñú ni̱ꞌ nu̱u̱nꞌ ráa, sáva ni̱ꞌi̱nꞌ ni̱ꞌ kue̱ꞌe̱ꞌ víꞌí ka̱ꞌ rá ñɨvɨ sáva kaníjiá ráa ji̱nu̱ꞌ iniꞌ ráa Cristo.

1 Corintios 8:9

Soo sú íyó núne yájíꞌ rán ku̱ñu vá, kumí rán maárán sáva nsáꞌ kenta sikíninkava ya̱ yájíꞌ rán maa rá ñanitáꞌán rán ya̱ táyáꞌ iniꞌ ráa ntiáꞌan kujia va̱ꞌa iniꞌ ráa nu̱u̱nꞌ Tu̱ꞌun Ndiosíꞌ.

Gálatas 5:14

Chi ya̱ nsi̱kúnkuvi‑ó nɨꞌɨ ya̱ tátúníꞌ ley, retú sikúnkuvi‑ó ɨɨn ni tu̱ꞌun ya̱ tátúníꞌ Ndiosíꞌ ya̱ káchíꞌ‑i: “Íyó kunu̱u̱nꞌ nú ñanitáꞌán nú kuéntáꞌ ñúnúunꞌ nú maánú.”

Efesios 5:21

Chiꞌi rán maárán xi̱ntíín ɨɨn inka táꞌánꞌ rán, jie̱ꞌe̱ꞌ ya̱ ñúyúꞌví iniꞌ rán yɨ́ñúꞌún rán nu̱u̱nꞌ Cristo.

Gálatas 6:2

Chineí táꞌán rán néni ɨɨn ya̱ nóꞌo táꞌán rán. Chi sukuán sikúnkuvi rán tu̱ꞌun ley tátúníꞌ Cristo.

Judas 1:4

Chi vitan jee sava rá ñɨvɨ ya̱ káchíꞌ ráa ya̱ níkɨ́nꞌ ráa Cristo soo nxi̱náꞌví ráa ránoꞌó, jee nki̱vɨ ráa nteñu rán jee yɨ́ꞌɨ́ ráa jín rán. Jee rá ñɨvɨ vá jee ne̱ yanaꞌán víꞌí nkachiꞌ tu̱ꞌun nééꞌ nu̱u̱nꞌ ɨɨn tutuꞌ, ya̱ saá váji ráa ya̱ sijíta re̱ꞌ ráa. Chi ntu sáꞌá ñáꞌnú ráa nu̱u̱nꞌ Ndiosíꞌ. Jee sɨ́ɨ́n násaꞌá ráa Tu̱ꞌun Ndiosíꞌ, chi káchíꞌ ráa ya̱ jie̱ꞌe̱ꞌ ya̱ íyó mániꞌ iniꞌ Ndiosíꞌ‑ó néꞌyá re̱ꞌ yó, jee ntu nákeꞌen ráa maáráa ya̱ néꞌí jiáꞌnu ráa. Jee ne̱ kúíchi iniꞌ ráa Ndiosíꞌ, ya̱ métúꞌún maáréꞌ kúñáꞌnú nu̱u̱nꞌ‑ó jín I̱toꞌoꞌ‑ó Jesús, ya̱ kúvi re̱ꞌ Cristo ya̱ ñani Ndiosíꞌ tátúníꞌ re̱ꞌ nu̱u̱nꞌ nɨꞌɨ.

2 Pedro 2:19

Chísóyuꞌú ráa ya̱ kuiñɨ núne rá ñɨvɨ ya̱ kuvi saꞌá rá ñɨvɨ vá néni ɨɨn tiñu ya̱ kúvi iniꞌ maá rá ñɨvɨ vá, soo maáráa chi kúvi ráa musúꞌ ya̱ yɨ́ꞌɨ́ ráa xi̱ntíín ya̱ níyo néꞌí iniꞌ ráa. Chi kúvi ñɨvɨ musúꞌ ya̱ yɨ́ꞌɨ́‑ɨ xi̱ntíín ne̱ ni ɨɨn ya̱ kúneí vá jín‑i.

2 Corintios 4:5

Jee nsú jie̱ꞌe̱ꞌ maáráníꞌ ví ya̱ stékútu̱ꞌún ránꞌ, chisaꞌ káchítu̱ꞌún ránꞌ ya̱ I̱toꞌoꞌ nu̱u̱nꞌ kua̱íyó ví Jesús ya̱ kúvi Cristo. Jee ránuꞌuꞌ chi kúvi ránꞌ kua̱chi musúꞌ ni ya̱ sátíñú ránꞌ nu̱u̱nꞌ Jesús nu̱u̱nꞌ ya̱ váꞌa ránoꞌó.

Hechos 20:35

Jee jie̱ꞌe̱ꞌ nsa̱ꞌá ni̱ꞌ nɨꞌɨ yaꞌá, jee suꞌva nna̱stúvi ni̱ꞌ ya̱ íyó satíñú ni̱ꞌin‑ó sukuán, sáva chineí‑ó rá ñɨvɨ kúmániꞌ nu̱u̱nꞌ. Naku̱ꞌun iniꞌ rán tu̱ꞌun ya̱ nkachiꞌ I̱toꞌoꞌ‑ó Jesús: “Netuꞌ kúvi‑ó ka̱ꞌ ku̱ꞌva‑ó nsú ká natɨɨn‑ó.”

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Lucas 4:18

Ta̱chi̱ꞌ Ííꞌ I̱toꞌoꞌ‑ó Ndiosíꞌ íyó‑o jín nuꞌuꞌ, chi ñani Ndiosíꞌ nuꞌuꞌ sáva nakani ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ láꞌví, jee suni nchu̱ichí re̱ꞌ nuꞌuꞌ sáva nasaꞌá váꞌa ni̱ꞌ iniꞌ rá ñɨvɨ ya̱ íyó tu̱nkuíꞌyáꞌ iniꞌ ánímaꞌ ráa, jín sáva kachitu̱ꞌún ni̱ꞌ tu̱ꞌun váꞌa ya̱ nakani núne ni̱ꞌ rá ñɨvɨ ya̱ yɨ́ꞌɨ́ ráa xi̱ntíín kua̱chi ráa, jín suni sáva saꞌá ni̱ꞌ ya̱ nakune̱ꞌyá rá ñɨvɨ kuáá, jee suni sáva nakani núne ni̱ꞌ rá ñɨvɨ nu̱u̱nꞌ tu̱nóꞌó jíchi rá ñɨvɨ ráa,

Gálatas 4:22

Káchíꞌ tu̱ꞌun vá ya̱ nééꞌ nu̱u̱nꞌ Tutuꞌ, ya̱ ni̱yo u̱vi̱ꞌ se̱ꞌya yɨ́ɨ́ Abraham. Ɨɨn ráa kúvi se̱ꞌya re̱ꞌ jín ñaꞌan kúvi musúꞌ re̱ꞌ ya̱ nkeꞌen re̱ꞌ. Jee inka kúvi se̱ꞌya re̱ꞌ jín ñasɨ́ꞌɨ́ maáréꞌ, ya̱ ntu kúvi ña musúꞌ.

1 Tesalonicenses 1:3

Chi yɨ́táꞌán xínákúꞌun ráníꞌ iniꞌ Tátáꞌ‑ó Ndiosíꞌ jie̱ꞌe̱ꞌ tiñu váꞌa sáꞌá ránoꞌó, chi kúneí iniꞌ rán Cristo, jín jie̱ꞌe̱ꞌ ya̱ níkó néí rán sáꞌá rán ya̱ váꞌa, chi ñúnúunꞌ rán re̱ꞌ, jín jie̱ꞌe̱ꞌ ya̱ kúníꞌin íñɨ́ ni̱ꞌin rán jín re̱ꞌ, chi íyó tu̱neí iniꞌ rán ya̱ váꞌa sáꞌá I̱toꞌoꞌ‑ó Jesús ya̱ kúvi Cristo jín rán.

2 Corintios 12:15

Jee kúsɨ́ɨꞌ iniꞌ ni̱ꞌ ka̱xi̱nꞌ ni̱ꞌ ya̱ kúmí ni̱ꞌ, jín ne̱ máá maáníꞌ nu̱u̱nꞌ tiñu Cristo sáva kúvi ya̱ va̱ꞌa nu̱u̱nꞌ rán. Retú víꞌí ka̱ꞌ ñúnúunꞌ ni̱ꞌ ránoꞌó, ¿á núun ka̱ꞌ kunu̱u̱nꞌ rán nuꞌuꞌ?

2 Corintios 3:17

Chi I̱toꞌoꞌ vá ví Ta̱chi̱ꞌ Ííꞌ. Jee nu̱u̱nꞌ íyó Ta̱chi̱ꞌ Ííꞌ I̱toꞌoꞌ‑ó iniꞌ ánímaꞌ ñɨvɨ, jee nákuíñɨꞌ núne ñɨvɨ vá nu̱u̱nꞌ xi̱ntíín ley vá.

Gálatas 2:4

Nku̱tútú sɨ́ɨ́n ránꞌ suꞌva, chi nki̱vɨ te̱e káꞌvi ni ya̱ káchíꞌ ráa nika̱ꞌ ya̱ kúvi ráa ñaniꞌ‑ó. Nki̱vɨ yuꞌuꞌ ráa nteñu‑ó, sáva kune̱ꞌyá yuꞌuꞌ ráa jie̱ꞌe̱ꞌ ya̱ íñɨ́ núne‑ó nu̱u̱nꞌ ñujiínꞌ sáꞌá rá ñɨvɨ Israel, chi yɨ́ꞌɨ́‑ó nu̱u̱nꞌ Cristo Jesús. Sáꞌá ráa suꞌva sáva nanukú ráa ya̱ sikúnkuvi‑ó ñujiínꞌ vá jee nuvi tuku‑ó musúꞌ ya̱ kɨꞌɨ‑ó chi̱ji xi̱ntíín ñujiínꞌ vá.

Gálatas 5:1

Nna̱kani núne Cristo yó, sáva kuiñɨ núne yó. Saáva kuiñɨ ni̱ꞌin núne rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ. Jee koto kíninkava tuku rán xi̱ntíín tu̱ꞌun vá ya̱ kuvi tuku rán musúꞌ sátíñú saɨn.

2 Corintios 2:8

Jee saáva náxiníꞌvɨ́ꞌ ni̱ꞌ iniꞌ rán, ya̱ nástúvi na̱a̱ꞌ rán ya̱ ñúnúunꞌ nijia rán maa.