Gálatas 4:29 - Mixteco del suroeste de Tlaxiaco Oaxaca

²⁹ Soo se̱ꞌya Abraham, naní Ismael, ya̱ nkaku re̱ꞌ kuéntáꞌ káku néni ɨɨn rá su̱chí kuáchí, jee nito u̱ꞌvi̱ꞌ Ismael inka se̱ꞌya Abraham, ya̱ naní Isaac, ya̱ nkaku nsa̱ꞌá Ta̱chi̱ꞌ Ííꞌ Ndiosíꞌ. Jee suni sukuán íyó ne̱ vitan, [chi íyó i̱i̱ꞌ ñɨvɨ jíto u̱ꞌvi̱ꞌ ráa yó ya̱ kúvi‑ó se̱ꞌya Ndiosíꞌ].

Gálatas 4:29 Referans Kwoze

Génesis 21:9

Jee nne̱ꞌyá Sara nu̱u̱nꞌ se̱ꞌya yɨ́ɨ́ Agar, ñaꞌan ñuunꞌ Egipto, ya̱ kuvi se̱ꞌya ña ni̱yo jín Abraham, jee niniꞌ Sara ya̱ nkaꞌanꞌ u̱ꞌvi̱ꞌ Ismael nne̱ꞌyá‑a se̱ꞌya ña Isaac.

Gálatas 5:11

Soo, ránoꞌó ñaniꞌ, réáꞌ stékútu̱ꞌún i̱i̱ꞌ ni̱ꞌ, nékúvi, ya̱ íyó sáꞌá circuncidar‑ó, ¿na̱ kuvi chi jíto u̱ꞌvi̱ꞌ i̱i̱ꞌ rá ñɨvɨ ñuunꞌ Israel nuꞌuꞌ? Chi réáꞌ stékútu̱ꞌún i̱i̱ꞌ ni̱ꞌ suꞌva, nékúvi, jee nkóo ka̱ꞌ tu̱ꞌun kuníní ka̱ꞌ iniꞌ ráa, nékúvi, jie̱ꞌe̱ꞌ tu̱ꞌun ya̱ Jesús ni̱ꞌi̱ꞌ nu̱u̱nꞌ kurúsiꞌ sáva saꞌá re̱ꞌ ya̱ nánitáꞌvíꞌ‑ó.

Romanos 8:13

Chi retú jiáꞌnu rán sáni kuíni rán jín ñunéꞌyúꞌ kua̱chi rán saájee kɨ̱naanꞌ rán nu̱u̱nꞌ Ndiosíꞌ. Soo retú jín fesáꞌ ííꞌ Ta̱chi̱ꞌ Ííꞌ Ndiosíꞌ jee xináánꞌ rán tiñu niváꞌa sáꞌá rán jín yɨkɨkúñu rán jee kutekuꞌ rán jín Ndiosíꞌ.

Gálatas 4:23

Se̱ꞌya ñaꞌan kúvi musúꞌ nkaku re̱ꞌ kuéntáꞌ káku néni ɨɨn rá su̱chí kuáchí. Soo se̱ꞌya ñaꞌan ntu kúvi musúꞌ nkaku re̱ꞌ chi nsi̱kúnkuvi Ndiosíꞌ ya̱ nchi̱sóyuꞌú re̱ꞌ.

Juan 15:9

’Kuéntáꞌ sánikua̱ꞌ ñúnúunꞌ Tátáꞌ ni̱ꞌ nuꞌuꞌ, jee suni sukuán ñúnúunꞌ ni̱ꞌ ránoꞌó. Jee íyó kino̱o kutú rán kuiñɨ ni̱ꞌin rán nu̱u̱nꞌ tu̱ꞌun ñúnúunꞌ ni̱ꞌ ránoꞌó.

Juan 3:5

Jee nna̱xiníkó Jesús, jee nkachiꞌ re̱ꞌ: ―Máá nááꞌ vá káchíꞌ ni̱ꞌ nu̱u̱nꞌ nú ya̱ retú ntu nákaku jiáá tuku ɨɨn ñɨvɨ jee ntu kuvi ki̱vɨ‑ɨ naꞌá Ndiosíꞌ. Íyó nonoo kua̱chi ñɨvɨ kuéntáꞌ sáꞌá noo nute jee nakaku‑u sáꞌá Ta̱chi̱ꞌ Ííꞌ Ndiosíꞌ.

Romanos 8:1

Saájee vitan jee ni ntu̱náꞌ íyó ya̱ sijíta Ndiosíꞌ xinóꞌo re̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Cristo Jesús, [ya̱ ntu jiáꞌnu ráa ka̱ꞌ sáni níyo néꞌén iniꞌ ráa jín yɨkɨkúñu ráa, chisaꞌ jiáꞌnu ráa sáni kuíni Ta̱chi̱ꞌ Ííꞌ Ndiosíꞌ].