Gálatas 4:24 - Mixteco del suroeste de Tlaxiaco Oaxaca

²⁴ Nakani ni̱ꞌ ɨɨn tu̱ꞌun ya̱ kúnkunuún káꞌánꞌ ni̱ꞌ jie̱ꞌe̱ꞌ rá u̱vi̱ꞌ ñaꞌan yaꞌá. Núvíꞌ rá ñaꞌan kúvi ráa kuéntáꞌ u̱vi̱ꞌ tratúꞌ nsa̱ꞌá Ndiosíꞌ. Ɨɨn ñaꞌan naní Agar kúvi ña musúꞌ nkeꞌen ñɨvɨ ya̱ nyɨ̱ꞌɨ ña xi̱ntíín Abraham, jee kúvi ña kuéntáꞌ tratúꞌ ya̱ kúvi tu̱ꞌun ley nta̱túníꞌ Ndiosíꞌ ya̱ njia̱ꞌa re̱ꞌ nu̱u̱nꞌ Moisés nu̱u̱nꞌ yuku Sinaí. Rá ñɨvɨ yɨ́ꞌɨ́ xi̱ntíín tratúꞌ vá kúvi ráa musúꞌ sátíñú saɨn ya̱ yɨ́ꞌɨ́ ráa xi̱ntíín tu̱ꞌun ley vá kuéntáꞌ se̱ꞌya ña nkuvi musúꞌ nkeꞌen ñɨvɨ.

Gálatas 4:24 Referans Kwoze

Gálatas 4:25

Chi Agar kúvi kuéntáꞌ yuku Sinaí ya̱ íñɨ́ nu̱u̱nꞌ ñuꞌun Arabia. Jee suni kúvi ña kuéntáꞌ ñuunꞌ Jerusalén ya̱ íyó‑o vitan. Chi rá se̱ꞌya ñuunꞌ vá kúvi ráa musúꞌ sátíñú saɨn ya̱ yɨ́ꞌɨ́ ráa chi̱ji xi̱ntíín tu̱ꞌun ley vá ya̱ nta̱túníꞌ Ndiosíꞌ.

1 Corintios 10:11

Saájee ntáká ya̱ nnoꞌo rá ñɨvɨ vá, táji ɨɨn ichi nu̱u̱nꞌ‑ó sáva ntu saꞌá‑ó sukuán. Chi rá tu̱ꞌun yaꞌá jee nkino̱o nééꞌ‑e nu̱u̱nꞌ Tutuꞌ níso Tu̱ꞌun Ndiosíꞌ sáva kaꞌvi‑ó maa, jee stúꞌva tu̱ꞌun vá yó sáva nkúꞌun iniꞌ‑ó ya̱ saꞌá‑ó tiñu níváꞌa sukuán, chi maáó kúvi‑ó ñɨvɨ ya̱ tékúꞌ ka̱ꞌ rá tiempúꞌ kuánɨꞌɨ.

Mateo 13:35

Nsa̱ꞌá re̱ꞌ sukuán sáva sikúnkuvi tu̱ꞌun njiáꞌa Ndiosíꞌ sákachiꞌ te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán, ya̱ káchíꞌ‑i suꞌva: Kaꞌanꞌ ni̱ꞌ tu̱ꞌun kúnkunuún kaꞌanꞌ‑a nu̱u̱nꞌ rá ñɨvɨ, jee kachiꞌ ni̱ꞌ jie̱ꞌe̱ꞌ rá tiñu nyɨse̱ꞌí ne̱ sáá nka̱jiéꞌé ña̱ko̱o ñɨ̱vɨ́.

Génesis 25:12

Rá yaꞌá kúvi rá ichiyúkúnꞌ nkene nu̱u̱nꞌ se̱ꞌya yɨ́ɨ́ Abraham ya̱ naní Ismael ya̱ níyo jín inka ñaꞌan ya̱ naní Agar, ñaꞌan ñuunꞌ Egipto ya̱ nkuvi musúꞌ ña̱tíñú saɨn Sara.

Génesis 16:8

Jee nkachiꞌ re̱ꞌ: ―Agar, musúꞌ Sarai, ¿né núꞌ va̱ji nú?, jee, ¿né núꞌ kɨ̱ꞌɨ̱nꞌ nú? Jee nkachiꞌ ña: ―Nu̱u̱nꞌ i̱toꞌoꞌ ni̱ꞌ Sarai jínu ni̱ꞌ síyo ni̱ꞌ ―nkachiꞌ ña.

Hebreos 13:20

Jee maá Ndiosíꞌ ya̱ sáꞌá re̱ꞌ ya̱ nééꞌ va̱ꞌa ñunkúún‑ó, jee maáréꞌ nxi̱nákóo re̱ꞌ nna̱xtekúꞌ re̱ꞌ I̱toꞌoꞌ‑ó Jesús ya̱ kúvi Cristo nene‑e nteñu rá ni̱yɨ, ɨɨn pasto kúñáꞌnú nu̱u̱nꞌ‑ó ya̱ náka‑a yó kuéntáꞌ lanchi. Chi jín ni̱ñɨ̱ꞌ maáa ya̱ ñatɨ sáá ni̱ꞌi̱ꞌ‑i yukuán kúvi ya̱ ñakɨnꞌ kutú‑u tratúꞌ‑u ya̱ koo nɨ́ɨ́nkání.

Hebreos 12:24

Jee nkikuyatin rán nu̱u̱nꞌ Jesús ya̱ níso re̱ꞌ tiñu ñujiínꞌ jie̱ꞌe̱ꞌ tratúꞌ jiáá ñakɨnꞌ re̱ꞌ, ya̱ yɨ́tuvi re̱ꞌ jie̱ꞌe̱ꞌ‑ó nu̱u̱nꞌ Ndiosíꞌ, jín nu̱u̱nꞌ ni̱ñɨ̱ꞌ re̱ꞌ ya̱ ñatɨ‑ɨ ya̱ násaꞌá noo‑o yó nu̱u̱nꞌ kua̱chi‑ó. Jee nkakua̱chi ni̱ñɨ̱ꞌ re̱ꞌ nu̱u̱nꞌ Ndiosíꞌ tu̱ꞌun máá ñáꞌnú va̱ꞌa ka̱ꞌ nsú káꞌ ni̱ñɨ̱ꞌ Abel ya̱ ñatɨ sáá ni̱ꞌi̱ꞌ‑i.

Hebreos 11:19

Jee nkuna̱a̱ꞌ iniꞌ Abraham ya̱ Ndiosíꞌ níso‑o fesáꞌ níꞌin ííꞌ ne̱ ya̱ nastekúꞌ‑u rá ni̱yɨ. Jee kuéntáꞌ sukuán nkuvi chi kuéntáꞌ níꞌiꞌ Isaac jee nna̱niꞌinꞌ tuku Abraham se̱ꞌya re̱ꞌ chi kuéntáꞌ nna̱tekuꞌ‑u nkene‑e nteñu rá níꞌiꞌ.

Hebreos 7:22

Jee jie̱ꞌe̱ꞌ vá, jee nkenta kúvi Jesús ya̱ sáꞌá re̱ꞌ ya̱ kúkutú ɨɨn tratúꞌ váꞌa ka̱ꞌ nsú káꞌ tratúꞌ ley yanaꞌán.

Gálatas 5:1

Nna̱kani núne Cristo yó, sáva kuiñɨ núne yó. Saáva kuiñɨ ni̱ꞌin núne rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ. Jee koto kíninkava tuku rán xi̱ntíín tu̱ꞌun vá ya̱ kuvi tuku rán musúꞌ sátíñú saɨn.

1 Corintios 10:4

Jee suni ntáká ráa nni̱ꞌi̱nꞌ ráa nute njiáꞌa Ndiosíꞌ nu̱u̱nꞌ ráa, chi jíꞌíꞌ ráa nute ya̱ nsa̱ꞌá re̱ꞌ ya̱ nkene‑e i̱ka̱ꞌ niyo ya̱ njiáꞌa Ndiosíꞌ jín ya̱ kútáꞌán niyo vá jín ráa sáá kua̱ꞌa̱nꞌ ráa jíka ráa. Jee Cristo kúvi kava vá.

Romanos 8:15

Chi nsáꞌ nníꞌinꞌ rán ɨɨn ta̱chi̱ꞌ ya̱ sáꞌá‑a ya̱ kuvi tuku rán kuéntáꞌ musúꞌ kéꞌen ñɨvɨ ya̱ yɨ́ꞌɨ́ rán xi̱ntíín nu̱u̱nꞌ chuyúꞌví iniꞌ rán. Chisaꞌ nni̱ꞌi̱nꞌ rán Ta̱chi̱ꞌ Ííꞌ ya̱ nákeꞌen re̱ꞌ yó nuvi‑ó se̱ꞌya Ndiosíꞌ. Jee Ta̱chi̱ꞌ Ííꞌ yaꞌá sáꞌá ya̱ káchíꞌ‑ó nu̱u̱nꞌ Ndiosíꞌ: “¡Tááꞌ ni̱ꞌ!”

Gálatas 4:3

Jee suni sukuán nnoꞌo‑ó ne̱ ntiáꞌan kuniꞌ‑ó Jesús, jee nkuvi‑ó kuéntáꞌ ɨɨn te̱e lúlí, chi nyɨ̱ꞌɨ‑ó chi̱ji xi̱ntíín rá ñujiínꞌ sáꞌá ka̱ꞌá ñɨvɨ ñɨ̱vɨ́, kuéntáꞌ ɨɨn musúꞌ kéꞌen ñɨvɨ nkuvi‑ó.