Gálatas 4:17 - Mixteco del suroeste de Tlaxiaco Oaxaca

¹⁷ Rá te̱e káꞌánꞌ sɨ́ɨ́n, ñúꞌún kuíñɨ́ iniꞌ ráa koo ma̱ni̱ꞌ ráa jín rán. Soo nsáꞌ jiáni va̱ꞌa iniꞌ ráa saꞌá ráa jín rán. Chi kuíni ráa saꞌá sɨ́ɨ́n ráa ránoꞌó nu̱u̱nꞌ ránꞌ, sáva kuꞌun kuíñɨ́ iniꞌ rán koo ma̱ni̱ꞌ rán jín ráa.

Gálatas 4:17 Referans Kwoze

Romanos 16:18

Chi rá ñɨvɨ sáꞌá sukuán jee ntu yɨ́tíñú ráa nu̱u̱nꞌ I̱toꞌoꞌ‑ó Cristo, chisaꞌ chíñúꞌún ráa chi̱ji maáráa. Jee ne̱ jiákɨ́nꞌ ráa tu̱ꞌun káꞌánꞌ ráa jín tu̱ꞌun yɨ́ñúꞌún káꞌánꞌ ráa, jee sukuán xínáꞌví ráa ánímaꞌ rá ñɨvɨ ya̱ ntiáꞌan kujia iniꞌ rává Tu̱ꞌun Ndiosíꞌ.

2 Pedro 2:3

Jee jie̱ꞌe̱ꞌ ya̱ uꞌvi iniꞌ ráa jee jíchíꞌ ráa ránoꞌó jín rá tu̱ꞌun túꞌún kéne xi̱ni̱ꞌ ráa ya̱ xínéꞌénꞌ ráa. Jee ne̱ yanaꞌán víꞌí ya̱ íyó stákoo ya̱ sijíta Ndiosíꞌ ráa jee kɨ̱naanꞌ nijia ráa.

1 Corintios 4:8

Chi ya kúváꞌa iniꞌ rán ya̱ jiáni iniꞌ rán ya̱ kúmí rán nɨꞌɨ ya̱ jíniñúꞌún rán, ya̱ kuéntáꞌ retú ya nkukúká rán. Jee jiáni iniꞌ rán ya̱ kuvi tatúníꞌ maárán, jee ni ntu ka̱ꞌ jíniñúꞌún rán ránuꞌuꞌ kúníꞌ rán. Jee varésukuán jee kuvi tatúníꞌ nijia rán, sáva suni kuvi tatúníꞌ ránuꞌuꞌ jín ránoꞌó.

Romanos 10:2

Chi jiáꞌa ni̱ꞌ ya̱ naáꞌ jie̱ꞌe̱ꞌ ráa ya̱ ñúkáñá iniꞌ ráa chiñúꞌún ráa Ndiosíꞌ, soo nsú sáni tu̱ꞌun na̱a̱ꞌ nsi̱kúkáꞌnú re̱ꞌ iniꞌ‑ó.

Mateo 23:15

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, ¡chi te̱e sansuꞌva kúvi rán! Chi ránoꞌó, jee jíkanuun rán nɨ́ɨ́nkáꞌnú, va̱ni nu̱u̱nꞌ nteñúꞌún, va̱ni nu̱u̱nꞌ ñuíchí núkú rán ɨɨn ñɨvɨ síjínúꞌ rán iniꞌ‑i rá tu̱ꞌun xinéꞌénꞌ maárán, jee retú kúneí rán síjínúꞌ rán iniꞌ ñɨvɨ vá, jee síkúniso rán ka̱ꞌ kua̱chi si̱kɨ̱ꞌ‑ɨ ya̱ ne̱ u̱vi̱ꞌ íchí ka̱ꞌ íyó ni̱ꞌi̱nꞌ‑i ya̱ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ nsú káꞌ íyó kɨ̱ꞌɨ̱nꞌ ránoꞌó nu̱u̱nꞌ ñúꞌúnꞌ xéénꞌ.

2 Pedro 2:18

Chi jie̱ꞌe̱ꞌ rá tu̱ꞌun vi̱xi̱ꞌ káꞌánꞌ ka̱ꞌá ráa jie̱ꞌe̱ꞌ rá tiñu téní sɨ̱ɨ̱ꞌ iniꞌ jín rá tiñu kánéꞌí, jee sukuán ne̱ ñunkúún síjínúꞌ ráa iniꞌ rá ñɨvɨ ya̱ sukuán ni nkaku rává nkene rává nu̱u̱nꞌ rá ñɨvɨ jiáꞌnu ichi stívɨ́, jee náxtá ráa rá ñɨvɨ vá ni̱kóyátá rává kunikɨnꞌ rává ichi xínéꞌénꞌ ráa.

Filipenses 2:21

Chi nɨꞌɨ ráa nánukú tiñu ya̱ kino̱o va̱ꞌa nu̱u̱nꞌ maáráa, jee nsú tiñu Jesucristo nánukú ráa.

2 Corintios 11:3

Soo yúꞌví ni̱ꞌ ya̱ sa̱naanꞌ jee kusɨ́ɨ́n rán nu̱u̱nꞌ yɨ́tíñú rán ne̱ saɨn ninuꞌun iniꞌ rán nu̱u̱nꞌ métúꞌún Cristo, jee sukuán jíta antúníꞌ rán, kuéntáꞌ nxi̱náꞌví ko̱o̱ꞌ Eva jín máñáꞌ ti̱ꞌ.

1 Corintios 11:2

Nákuetúꞌún ni̱ꞌ ránoꞌó [rá ñaniꞌ jín ku̱ꞌva], chi níní sukuáni nákúꞌun iniꞌ rán nuꞌuꞌ, jee kuiñɨ kutú rán jín Tu̱ꞌun Ndiosíꞌ sánikua̱ꞌ nxi̱néꞌénꞌ ni̱ꞌ ránoꞌó.

1 Corintios 4:18

Soo ñúꞌún víꞌí tu̱ꞌun téyɨ́ɨ́ iniꞌ sava rán, chi jiáni iniꞌ ráa ya̱ nsáꞌ kua̱jiaaꞌ néꞌyá ni̱ꞌ ránoꞌó.

Gálatas 4:16

¿Á kénta ni̱ꞌ si̱kɨ̱ꞌ rán ya̱ káchíꞌ ni̱ꞌ ya̱ naáꞌ nu̱u̱nꞌ rán rúja? Soo ntu̱ví.

Gálatas 4:18

Soo sukuáni íyó va̱ꞌa kukuíñɨ́ iniꞌ‑i jie̱ꞌe̱ꞌ tiñu váꞌa. Nsú kua̱chi sáá íñɨ́ ni̱ꞌ nteñu rán.