Gálatas 4:15 - Mixteco del suroeste de Tlaxiaco Oaxaca

¹⁵ ¿Né nu̱u̱nꞌ kua̱ꞌa̱nꞌ ya̱ kúsɨ́ɨꞌ iniꞌ rán nékúvi? Náꞌán va̱ꞌa ni̱ꞌ jee káchíꞌ na̱a̱ꞌ ni̱ꞌ maa, ya̱ nna̱niꞌvɨꞌ iniꞌ rán jie̱ꞌe̱ꞌ ni̱ꞌ ya̱ ne̱ tavaꞌ rán nchinúún rán jee taji rán maa nu̱u̱nꞌ ni̱ꞌ nékúvi, sa̱naanꞌ re̱ꞌ chineí‑i nuꞌuꞌ.

Gálatas 4:15 Referans Kwoze

Romanos 5:2

Chi suni Cristo nsa̱ꞌá ya̱ nkívɨ‑ó nu̱u̱nꞌ ya̱ íyó mániꞌ iniꞌ Ndiosíꞌ néꞌyá re̱ꞌ yó, sú ntu íyó ni̱ꞌi̱nꞌ‑ó maa. Jee íñɨ́ ni̱ꞌin‑ó jín ya̱ íyó mániꞌ iniꞌ Ndiosíꞌ néꞌyá re̱ꞌ yó. Jee kúsɨ́ɨꞌ iniꞌ ánímaꞌ‑ó chi íyó tu̱neí iniꞌ‑ó kúnáaꞌ iniꞌ‑ó ya̱ taji re̱ꞌ nu̱u̱nꞌ‑ó ya̱ viiꞌ kúñáꞌnú‑ó jín re̱ꞌ.

Colosenses 4:13

Chi nuꞌuꞌ Pablo nástúvi ni̱ꞌ ya̱ naáꞌ nu̱u̱nꞌ rán, ya̱ sátíñú ni̱ꞌin nijia re̱ꞌ jie̱ꞌe̱ꞌ ránoꞌó, jín jie̱ꞌe̱ꞌ rá ñɨvɨ ya̱ kúneí iniꞌ ráa Cristo, ya̱ nééꞌ ráa nu̱u̱nꞌ ñuunꞌ Laodicea, jín nu̱u̱nꞌ ñuunꞌ Hierápolis.

1 Tesalonicenses 5:13

Jee íyó saꞌá ñáꞌnú víꞌí rán nu̱u̱nꞌ ráa jee íyó kunu̱u̱nꞌ rán ráa jie̱ꞌe̱ꞌ tiñu sáꞌá ráa. Jee ñunkúún kuneeꞌ ɨɨn inka rán.

1 Tesalonicenses 2:8

Na̱ ka̱ꞌ ñunkúún víꞌí iniꞌ ránꞌ néꞌyá ránꞌ ka̱ꞌ ránoꞌó, jee kúváꞌa víꞌí iniꞌ ránꞌ táji ránꞌ nu̱u̱nꞌ ránoꞌó tu̱ꞌun váꞌa Ndiosíꞌ. Jee nsú kua̱chi ntaji ránꞌ tu̱ꞌun vá ni, chi suni nku̱sɨ̱ɨ̱ꞌ víꞌí iniꞌ ránꞌ nneeꞌ ránꞌ jín ránoꞌó jee nchi̱neí táꞌán ránꞌ jín ránoꞌó. Chi nkenta ñúnúunꞌ ránꞌ ránoꞌó.

Gálatas 6:4

Soo ta ɨɨn ñɨvɨ kototúníꞌ‑i maáa jie̱ꞌe̱ꞌ tiñu sáꞌá‑a. Ña̱re nu̱u̱nꞌ sáꞌá va̱ꞌa rán, kuvi kusɨ̱ɨ̱ꞌ téyɨ́ɨ́ iniꞌ‑i jie̱ꞌe̱ꞌ ya̱ sáꞌá‑a jee nkúvi saꞌá nuún‑u maáa jín inka ñɨvɨ.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Gálatas 4:19

Ránoꞌó se̱ꞌya maáníꞌ. Nóꞌo ni̱ꞌ kuéntáꞌ téꞌnéꞌ iniꞌ ɨɨn ñaꞌan káku se̱ꞌya, chi nóꞌo ni̱ꞌ suꞌva ne̱kua̱ꞌ sama iniꞌ rán ne̱ nuún koo iniꞌ ánímaꞌ rán jín Cristo.

Gálatas 3:14

Saáva nchu̱náán nkáꞌnú Cristo Jesús suꞌva, sáva saꞌá Ndiosíꞌ ya̱ netuꞌ kuvi ñɨvɨ nta̱ká nación ya̱ yɨ́ꞌɨ́ nu̱u̱nꞌ Cristo Jesús, ya̱ nchi̱sóyuꞌú Ndiosíꞌ nu̱u̱nꞌ Abraham ya̱ saꞌá re̱ꞌ ya̱ netuꞌ kuvi ráa. Jee sáva ni̱ꞌi̱nꞌ‑ó Ta̱chi̱ꞌ Ííꞌ ya̱ nchi̱sóyuꞌú re̱ꞌ ya̱ taji re̱ꞌ nu̱u̱nꞌ‑ó jie̱ꞌe̱ꞌ kúneí iniꞌ‑ó re̱ꞌ.

2 Corintios 8:3

Jiáꞌa ni̱ꞌ ya̱ naáꞌ ya̱ nkene xi̱ni̱ꞌ maáráa njia̱ꞌa ráa na̱sa kua̱ꞌ kúvi ku̱ꞌva ráa, jee njia̱ꞌa ráa ka̱ꞌ nsú káꞌ kua̱ꞌ kuvi ku̱ꞌva ráa. Jee jie̱ꞌe̱ꞌ kuíni máá maáráa nsa̱ꞌá ráa maa.

Romanos 15:13

Jee maá Ndiosíꞌ ví ya̱ sáꞌá re̱ꞌ ya̱ íyó tu̱neí iniꞌ‑ó kuna̱a̱ꞌ iniꞌ‑ó ni̱ꞌi̱nꞌ‑ó ya̱ táji re̱ꞌ. Jee na̱ ka̱ꞌ saꞌá re̱ꞌ ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ rán, jín ya̱ ne̱ va̱ꞌa kuvi ánímaꞌ rán kuneeꞌ va̱ꞌa rán, jie̱ꞌe̱ꞌ ya̱ kúneí iniꞌ rán re̱ꞌ. Jee sáva fuersáꞌ ííꞌ Ta̱chi̱ꞌ Ííꞌ re̱ꞌ saꞌá‑a ya̱ kukueꞌeꞌ víꞌí ka̱ꞌ koo tu̱neí iniꞌ rán jie̱ꞌe̱ꞌ ya̱ váꞌa nchi̱sóyuꞌú re̱ꞌ saꞌá‑a jín ránoꞌó.

Romanos 10:2

Chi jiáꞌa ni̱ꞌ ya̱ naáꞌ jie̱ꞌe̱ꞌ ráa ya̱ ñúkáñá iniꞌ ráa chiñúꞌún ráa Ndiosíꞌ, soo nsú sáni tu̱ꞌun na̱a̱ꞌ nsi̱kúkáꞌnú re̱ꞌ iniꞌ‑ó.

Romanos 9:3

jie̱ꞌe̱ꞌ rá ñanitáꞌán ni̱ꞌ, ya̱ kúvi ñɨvɨ táꞌán tataꞌ ni̱ꞌ, ya̱ kúvi rá ñɨvɨ tataꞌ Israel. Chi kuvi niyo iniꞌ ni̱ꞌ ya̱ xinóꞌo Ndiosíꞌ nuꞌuꞌ jín ya̱ kusɨ́ɨ́n ni̱ꞌ nu̱u̱nꞌ Cristo nékúvi, sáva chunáán ni̱ꞌ maáníꞌ nu̱u̱nꞌ Ndiosíꞌ nu̱u̱nꞌ kua̱chi ráa nékúvi, retú sukuán kúvi natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa nékúvi. Chi nna̱keꞌen Ndiosíꞌ ráa sáva kuvi ráa se̱ꞌya re̱ꞌ. Jee nteñu vi̱ko̱ꞌ ñanu̱te̱ꞌ re̱ꞌ nneeꞌ re̱ꞌ jín ráa. Jee nsa̱ꞌá re̱ꞌ tratúꞌ jín ráa. Jee nni̱ꞌi̱nꞌ ráa tu̱ꞌun nta̱túníꞌ re̱ꞌ ya̱ njia̱ꞌa re̱ꞌ nu̱u̱nꞌ Moisés. Jee nxi̱néꞌénꞌ re̱ꞌ ráa na̱sa kuneñu̱ꞌun ráa re̱ꞌ. Jee kue̱ꞌe̱ꞌ jie̱ꞌe̱ꞌ nchi̱sóyuꞌú re̱ꞌ nu̱u̱nꞌ ráa ya̱ saꞌá re̱ꞌ ya̱ váꞌa nu̱u̱nꞌ ráa.

Lucas 8:13

Jee rá nikɨn ya̱ ñákava ráa nu̱u̱nꞌ yúúꞌ kúvi ráa rá ñɨvɨ ya̱ sáá tésóꞌo ráa Tu̱ꞌun Ndiosíꞌ jee ne̱ kúsɨ́ɨꞌ iniꞌ ráa tɨ́ɨn ráa maa, soo ntu kúun yoꞌo tu̱ꞌun vá iniꞌ ánímaꞌ ráa chi ntu kúkutú ráa ntu kúníꞌin ráa jín‑i, chi yakuꞌ ni tiempúꞌ jínúꞌ iniꞌ ráa maa. Chi sáá kenta táꞌán ráa tu̱nóꞌó, jee níkóyátá iniꞌ ráa nu̱u̱nꞌ tu̱ꞌun vá.

Gálatas 4:14

Jee súnika̱ꞌ nnoꞌo rán jie̱ꞌe̱ꞌ ya̱ nkuꞌviꞌ ni̱ꞌ, ntu nkúníichiꞌ iniꞌ rán nne̱ꞌyá rán nuꞌuꞌ, jee ni ntu nkúíchi iniꞌ rán nuꞌuꞌ. Chi nna̱kuatáꞌví rán nuꞌuꞌ, kuéntáꞌ kúvi ni̱ꞌ ɨɨn najiáꞌáꞌ Ndiosíꞌ va̱ji ne̱ súkún, áxí kuéntáꞌ kúvi ni̱ꞌ Cristo Jesús.

Gálatas 4:16

¿Á kénta ni̱ꞌ si̱kɨ̱ꞌ rán ya̱ káchíꞌ ni̱ꞌ ya̱ naáꞌ nu̱u̱nꞌ rán rúja? Soo ntu̱ví.