Gálatas 4:14 - Mixteco del suroeste de Tlaxiaco Oaxaca

¹⁴ Jee súnika̱ꞌ nnoꞌo rán jie̱ꞌe̱ꞌ ya̱ nkuꞌviꞌ ni̱ꞌ, ntu nkúníichiꞌ iniꞌ rán nne̱ꞌyá rán nuꞌuꞌ, jee ni ntu nkúíchi iniꞌ rán nuꞌuꞌ. Chi nna̱kuatáꞌví rán nuꞌuꞌ, kuéntáꞌ kúvi ni̱ꞌ ɨɨn najiáꞌáꞌ Ndiosíꞌ va̱ji ne̱ súkún, áxí kuéntáꞌ kúvi ni̱ꞌ Cristo Jesús.

Gálatas 4:14 Referans Kwoze

Mateo 10:40

’Jee ɨɨn ñɨvɨ ya̱ íyó maniꞌ iniꞌ‑i nákuatáꞌví‑i ránoꞌó jee suni íyó maniꞌ iniꞌ‑i nakuatáꞌví‑i nuꞌuꞌ ranika̱ꞌ. Jee ñɨvɨ ya̱ íyó maniꞌ iniꞌ‑i nakuatáꞌví‑i nuꞌuꞌ jee íyó maniꞌ iniꞌ‑i nákuatáꞌví‑i Ndiosíꞌ ranika̱ꞌ ya̱ nchu̱ichí nuꞌuꞌ va̱ji ni̱ꞌ.

1 Tesalonicenses 2:13

Jee suni yɨ́táꞌán jiáꞌa ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ, chi ntɨɨn ránú tu̱ꞌun nteso̱ꞌo rán ya̱ nkachitu̱ꞌún ráníꞌ. Soo ntu̱ví ntɨ́ɨn ránú tu̱ꞌun vá kuéntáꞌ tu̱ꞌun káꞌánꞌ métúꞌún te̱e ni. Chisaꞌ ntɨɨn rán maá kuéntáꞌ Tu̱ꞌun Ndiosíꞌ kúvi‑i, ya̱ máá nááꞌ nijia ya̱ Tu̱ꞌun Ndiosíꞌ kúvi‑i. Jee tu̱ꞌun vá sátíñú iniꞌ ránoꞌó ya̱ kúneí iniꞌ rán Cristo.

Hebreos 13:2

Jee koto náánꞌ iniꞌ rán ya̱ ku̱ꞌvanúún rán veꞌi rán kino̱o rá ñɨvɨ sáá jíniñúꞌún‑u nu̱u̱nꞌ kino̱o‑o. Chi jie̱ꞌe̱ꞌ vá, jee íyó ñɨvɨ káꞌvi ni ya̱ njia̱ꞌanúún ráa veꞌi ráa nu̱u̱nꞌ rá najiáꞌáꞌ ííꞌ Ndiosíꞌ nkino̱o rává sú ntu jíníꞌ ráa maa.

2 Corintios 5:20

Jee saáva ránuꞌuꞌ, nta̱jí Cristo yɨ́tíñú ránꞌ nu̱u̱nꞌ tiñu re̱ꞌ, maá Ndiosíꞌ jiátíñú re̱ꞌ ránuꞌuꞌ jíkánꞌ táꞌvíꞌ re̱ꞌ nu̱u̱nꞌ ránoꞌó ya̱ kuéntáꞌ káꞌánꞌ re̱ꞌ sáá káꞌánꞌ ránꞌ. Jee nu̱u̱nꞌ súví Cristo, jíkánꞌ táꞌvíꞌ ránꞌ nu̱u̱nꞌ ránoꞌó, ya̱ numa̱ni̱ꞌ ránú jín Ndiosíꞌ.

1 Tesalonicenses 4:8

Saáva ɨɨn ñɨvɨ ya̱ kúíchi iniꞌ‑i tu̱ꞌun yaꞌá, ntu kúíchi iniꞌ ñɨvɨ vá ɨɨn te̱e, chisaꞌ kúíchi iniꞌ ñɨvɨ vá Ndiosíꞌ. Suvire̱ꞌ ví ya̱ táji re̱ꞌ Ta̱chi̱ꞌ Ííꞌ re̱ꞌ nu̱u̱nꞌ ránoꞌó.

Gálatas 4:13

Jee jíníꞌ va̱ꞌa rán, ya̱ jie̱ꞌe̱ꞌ ya̱ nkuꞌviꞌ ni̱ꞌ vá nkino̱o ni̱ꞌ ñuunꞌ rán nste̱kútu̱ꞌún ni̱ꞌ tu̱ꞌun va̱ꞌa Jesús nu̱u̱nꞌ rán ya̱ xíꞌnañúꞌún ka̱ꞌ.

1 Corintios 4:10

Jee ránuꞌuꞌ chi káꞌvi iniꞌ rá ñɨvɨ ya̱ sáꞌá xíniꞌ ránꞌ jie̱ꞌe̱ꞌ yɨ́tíñú ránꞌ nu̱u̱nꞌ Cristo, soo ránoꞌó chi káꞌvi iniꞌ ránú ya̱ níchí víꞌí xi̱ni̱ꞌ ránú. Jee ránuꞌuꞌ chi jiáni iniꞌ ráa ya̱ táyáꞌ iniꞌ ránꞌ, soo ránoꞌó jiáni iniꞌ ránú ya̱ tiɨ́kɨ́ víꞌí iniꞌ rán. Jee ránoꞌó chi sáꞌá ñáꞌnú rá ñɨvɨ nu̱u̱nꞌ ránoꞌó, soo ránuꞌuꞌ chi kúníichiꞌ ráa néꞌyá ráa ránuꞌuꞌ.

1 Corintios 1:28

Jee suni nka̱ji re̱ꞌ rá ñɨvɨ ya̱ nkaku nu̱u̱nꞌ ñɨvɨ ya̱ ntu kúñáꞌnú ka̱ꞌ nu̱u̱nꞌ rá ñɨvɨ ñɨ̱vɨ́, jee suni nka̱ji re̱ꞌ rá ñɨvɨ kúníichiꞌ rá ñɨvɨ ñɨ̱vɨ́ ráa. Jee suni nka̱ji re̱ꞌ rá ntu yɨ́yáꞌvi nu̱u̱nꞌ rá ñɨvɨ ñɨ̱vɨ́ sáva xinúun re̱ꞌ rá yɨ́yáꞌvi rá ñɨvɨ ñɨ̱vɨ́.

Juan 13:20

Máá nááꞌ vá káchíꞌ ni̱ꞌ nu̱u̱nꞌ rán: néni ɨɨn ñɨvɨ ya̱ íyó maniꞌ iniꞌ‑i nákuatáꞌví‑i ñɨvɨ ya̱ chuichí ni̱ꞌ jee íyó maniꞌ iniꞌ‑i nákuatáꞌví‑i nuꞌuꞌ ranika̱ꞌ. Jee ñɨvɨ vá ya̱ íyó maniꞌ iniꞌ‑i nákuatáꞌví nuꞌuꞌ, jee suni íyó maniꞌ iniꞌ‑i nákuatáꞌví‑i ne̱ Ndiosíꞌ ranika̱ꞌ ya̱ nchu̱ichí re̱ꞌ nuꞌuꞌ va̱ji ni̱ꞌ.

Lucas 10:16

[Jee nkachiꞌ re̱ꞌ ka̱ꞌ nu̱u̱nꞌ rá te̱e ya̱ nchu̱ichí re̱ꞌ kɨ̱ꞌɨ̱nꞌ:] ―Ñɨvɨ ya̱ tésóꞌo‑o rá tu̱ꞌun káchítu̱ꞌún ránú, jee suni tésóꞌo‑o tu̱ꞌun káchítu̱ꞌún ni̱ꞌ. Jee ñɨvɨ ya̱ kúíchi iniꞌ‑i ránoꞌó, jee suni kúíchi iniꞌ‑i nuꞌuꞌ ranika̱ꞌ. Jee ñɨvɨ ya̱ kúíchi iniꞌ‑i nuꞌuꞌ, jee suni kúíchi iniꞌ‑i Ndiosíꞌ ranika̱ꞌ ya̱ nchu̱ichí‑i nuꞌuꞌ va̱ji ni̱ꞌ ―nkachiꞌ Jesús.

Mateo 25:40

’Jee nuꞌuꞌ ya̱ kúvi ya̱ tátúníꞌ nu̱u̱nꞌ nɨꞌɨ naxiníkó ni̱ꞌ nu̱u̱nꞌ ráa, jee kachiꞌ ni̱ꞌ: “Máá nááꞌ vá káchíꞌ ni̱ꞌ nu̱u̱nꞌ rán ya̱, mákua sukuán nsa̱ꞌá rán jín ɨɨn rá ñanitáꞌán ni̱ꞌ yaꞌá, ya̱ kúneí iniꞌ ráa nuꞌuꞌ, sú ɨɨn máá ñɨvɨ láꞌví ka̱ꞌ kúvi‑i, saájee nu̱u̱nꞌ nuꞌuꞌ nsa̱ꞌá rán maa”, kachiꞌ ni̱ꞌ.

Mateo 18:5

Jee néni ɨɨn ñɨvɨ ya̱ nu̱u̱nꞌ súví nuꞌuꞌ íyó maniꞌ iniꞌ‑i nakuatáꞌví‑i ɨɨn rá su̱chí lúlí kuéntáꞌ yaꞌá, jee suni íyó maniꞌ iniꞌ‑i nákuatáꞌví‑i nuꞌuꞌ ranika̱ꞌ.

Gálatas 3:26

Jee nta̱ká ránoꞌó ví nijia se̱ꞌya Ndiosíꞌ jie̱ꞌe̱ꞌ ya̱ kúneí iniꞌ rán Cristo Jesús jee yɨ́ꞌɨ́ rán chi̱ji naꞌá re̱ꞌ.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

Gálatas 4:15

¿Né nu̱u̱nꞌ kua̱ꞌa̱nꞌ ya̱ kúsɨ́ɨꞌ iniꞌ rán nékúvi? Náꞌán va̱ꞌa ni̱ꞌ jee káchíꞌ na̱a̱ꞌ ni̱ꞌ maa, ya̱ nna̱niꞌvɨꞌ iniꞌ rán jie̱ꞌe̱ꞌ ni̱ꞌ ya̱ ne̱ tavaꞌ rán nchinúún rán jee taji rán maa nu̱u̱nꞌ ni̱ꞌ nékúvi, sa̱naanꞌ re̱ꞌ chineí‑i nuꞌuꞌ.