Gálatas 3:27 - Mixteco del suroeste de Tlaxiaco Oaxaca

²⁷ Chi nta̱ká ránoꞌó ya̱ ña̱nuté rán sáva xinéꞌénꞌ rán ya̱ yɨ́ꞌɨ́ rán nu̱u̱nꞌ Cristo, jee nkenta kuvi rán kuéntáꞌ kúvi Cristo.

Gálatas 3:27 Referans Kwoze

Romanos 13:14

Chisaꞌ íyó koo‑ó kuéntáꞌ I̱toꞌoꞌ‑ó Jesús ya̱ kúvi Cristo, jee koto ñúꞌún iniꞌ‑ó ka̱ꞌ saꞌá‑ó máá tiñu niváꞌa ka̱ꞌ ya̱ sáni níyo iniꞌ‑ó jín yɨkɨkúñu kua̱chi‑ó.

1 Corintios 12:13

Chi suni nsi̱kuánuté Cristo yó jín métúꞌún ni Ta̱chi̱ꞌ Ííꞌ vá sáva kɨꞌɨ‑ɨ iniꞌ ánímaꞌ‑ó jee nsa̱ꞌá Ta̱chi̱ꞌ Ííꞌ vá ya̱ kɨꞌɨ ntáká‑ó nu̱u̱nꞌ Cristo kuéntáꞌ nki̱vɨ‑ó nu̱u̱nꞌ ɨɨn ni yɨkɨkúñu re̱ꞌ. Ya̱ súka̱ꞌ ñɨvɨ Israel kúvi‑ó, áxí ñɨvɨ ntu kúvi‑ó Israel, áxí súka̱ꞌ ñɨvɨ ya̱ kúvi musúꞌ ya̱ nkeꞌen ñɨvɨ maa, áxí va̱ni ñɨvɨ ya̱ íyó núne ya̱ sátíñú‑u tiñu maá‑a, chi ntáká‑ó chi yɨ́ꞌɨ́‑ó nu̱u̱nꞌ rá ñɨvɨ Ndiosíꞌ, chi ɨɨn ni Ta̱chi̱ꞌ Ííꞌ níꞌínꞌ nɨꞌɨ‑ó.

1 Pedro 3:21

Jee kuéntáꞌ kua̱ꞌ nkáku ráa nu̱u̱nꞌ nute vá, jee suni kuéntáꞌ sukuán kúnkunuún kúvi‑i ya̱ jiánuté‑ó tiempúꞌ vitan síkáku‑u ñɨvɨ, jie̱ꞌe̱ꞌ ya̱ nna̱tekuꞌ i̱i̱ꞌ Jesús ya̱ kúvi Cristo nkene‑e nteñu rá níyɨ. Soo nsú jie̱ꞌe̱ꞌ ya̱ siíyo rá téꞌén ñunéꞌyúꞌ‑ó jín nute, chisaꞌ jiánuté‑ó sáva stúvi‑ó ya̱ ne̱ ánímaꞌ‑ó chisóyuꞌú‑ó kueꞌnu na̱a̱ꞌ‑ó nu̱u̱nꞌ Ndiosíꞌ jín ya̱ jíkánꞌ táꞌvíꞌ‑ó nu̱u̱nꞌ Ndiosíꞌ ya̱ sííyo kua̱chi‑ó nonoo ánímaꞌ‑ó ya̱ jíníꞌ‑ó ya̱ ntu níso‑ó kua̱chi.

Colosenses 3:10

Jee vitan jee nsama iniꞌ rán nnuvi rán ñɨvɨ jiáá. Chi násaꞌá jiáá Ndiosíꞌ iniꞌ ánímaꞌ ránoꞌó, ne̱kua̱ꞌ kuniꞌ va̱ꞌa rán re̱ꞌ, sáva koo rán ka̱ꞌ kua̱ꞌ íyó maáréꞌ ya̱ nsa̱ꞌá jiáá re̱ꞌ ránoꞌó.

Efesios 4:24

Jee vitan jee sama iniꞌ rán ya̱ nujiáá rán, sáni násaꞌá jiáá Ndiosíꞌ iniꞌ ánímaꞌ ránoꞌó, sáva koo rán ka̱ꞌ kua̱ꞌ íyó maáréꞌ, sáva na̱a̱ꞌ koo rán jín sáva koo sɨ́ɨ́n rán nu̱u̱nꞌ rá niváꞌa, sánikua̱ꞌ káchíꞌ tu̱ꞌun nááꞌ Ndiosíꞌ.

Hechos 2:38

Jee nna̱xiníkó Pedro nu̱u̱nꞌ ráa: ―Nakani iniꞌ rán kua̱chi rán, jee kuanuté rán, sáva stúvi rán ya̱ ya nki̱vɨ rán nu̱u̱nꞌ Jesús ya̱ kúvi Cristo, sáva kunekáꞌnú iniꞌ Ndiosíꞌ kua̱chi rán, jee kutaꞌviꞌ rán Ta̱chi̱ꞌ Ííꞌ re̱ꞌ.

Romanos 3:22

Chi Ndiosíꞌ sáꞌá re̱ꞌ ya̱ kínóo na̱a̱ꞌ ñɨvɨ nu̱u̱nꞌ re̱ꞌ jie̱ꞌe̱ꞌ ya̱ kúneí iniꞌ ráa Jesús ya̱ kúvi Cristo. Sáꞌá Ndiosíꞌ sukuán jín ntáká ráa ya̱ kúneí iniꞌ ráa Cristo chi ntu sɨ́ɨ́n sáꞌá re̱ꞌ jín ɨɨn inka ráa.

Hechos 16:15

Jee sáá ña̱nuté ña jín rá táꞌán veꞌi ña, nkana ña ránuꞌuꞌ jee ni̱ka̱nꞌ táꞌvíꞌ ña: ―Ré káꞌvi iniꞌ rán ya̱ kúneí nijia iniꞌ ni̱ꞌ Jesús, kiji rán kino̱o rán veꞌi ni̱ꞌ. Jee nsi̱ínúꞌ ña iniꞌ ránꞌ.

Hechos 8:16

Chi ntiáꞌan ki̱vɨ re̱ꞌ iniꞌ ni ɨɨn ráa. Chisaꞌ kua̱chi ña̱nuté ráa sáva stúvi ráa ya̱ ya nki̱vɨ ráa nu̱u̱nꞌ I̱toꞌoꞌ‑ó Jesús.

Hechos 9:18

Kuísá ntañúꞌún nkoyo rá nantíñú ya̱ íyó kuéntáꞌ íyó meeriáꞌ tia̱ká nchinúún re̱ꞌ, jee nu̱nijínꞌ nchinúún re̱ꞌ. Jee nnako̱o re̱ꞌ jee ña̱nuté re̱ꞌ.

Lucas 15:22

’Soo nkachiꞌ tátáꞌ‑a nu̱u̱nꞌ rá musúꞌ re̱ꞌ: “Ñamaꞌ kuátava ɨɨn saꞌma máá váꞌa ka̱ꞌ jee nachuꞌun maa re̱ꞌ jee suni nachuꞌun ɨɨn xeꞌi naꞌá re̱ꞌ, jee nachiꞌi ni̱jia̱nꞌ jie̱ꞌe̱ꞌ‑e.

1 Corintios 10:2

Jee sukuán nchiꞌi ráa maáráa xi̱ntíín Moisés, kuéntáꞌ ña̱nuté ráa, chi nnikɨnꞌ ráa re̱ꞌ chi̱ji vi̱ko̱ꞌ, jín ya̱ njiáꞌa ráa jín re̱ꞌ ma̱ꞌñú nteñúꞌún.