Gálatas 3:26 - Mixteco del suroeste de Tlaxiaco Oaxaca

²⁶ Jee nta̱ká ránoꞌó ví nijia se̱ꞌya Ndiosíꞌ jie̱ꞌe̱ꞌ ya̱ kúneí iniꞌ rán Cristo Jesús jee yɨ́ꞌɨ́ rán chi̱ji naꞌá re̱ꞌ.

Gálatas 3:26 Referans Kwoze

Efesios 1:5

jee saá ya̱ nkuna̱a̱ꞌ ya̱chi̱ꞌ iniꞌ re̱ꞌ ya̱ nakeꞌen re̱ꞌ yó sáva kuvi‑ó se̱ꞌya re̱ꞌ jie̱ꞌe̱ꞌ ya̱ nsa̱ꞌá Jesús ya̱ kúvi Cristo. Nkuna̱a̱ꞌ ya̱chi̱ꞌ iniꞌ re̱ꞌ saꞌá re̱ꞌ suꞌva sánikua̱ꞌ nkuini re̱ꞌ sáni kúváꞌa iniꞌ re̱ꞌ.

2 Corintios 6:18

Jee kuvi ni̱ꞌ Tátáꞌ rán, jee kuvi rán rá se̱ꞌya yɨ́ɨ́ ni̱ꞌ jín rá se̱ꞌya sɨ́ꞌɨ́ ni̱ꞌ, káchíꞌ I̱toꞌoꞌ‑ó Ndiosíꞌ ya̱ níso nɨꞌɨ fuersáꞌ kúñáꞌnú nasɨ́kuitɨꞌ re̱ꞌ nu̱u̱nꞌ kua̱íyó.

Filipenses 2:15

Sáva nkúvi chikua̱chi ñɨvɨ ránoꞌó, chisaꞌ ninuꞌun koo rán, ya̱ kúvi rán se̱ꞌya Ndiosíꞌ, ya̱ íyó noo nteñu rá ñɨvɨ tiempúꞌ vitan ya̱ sáꞌá tiákuá ráa jee kánéꞌén ráa. Jee tu̱vi rán nteñu ráa kuéntáꞌ jiánu̱te̱ꞌ tiu̱u̱nꞌ íyó súkún nu̱u̱nꞌ ñɨ̱vɨ́ neenꞌ,

Apoclipsis 21:7

Jee ɨɨn ñɨvɨ ya̱ kuneí‑i si̱kɨ̱ꞌ ntáká tiñu níváꞌa, jee ni̱ꞌi̱nꞌ ñɨvɨ vá ntáká rá yaꞌá kuvi ta̱ꞌvi̱ꞌ‑i. Chi nuꞌuꞌ kuvi ni̱ꞌ Ndiosíꞌ ñɨvɨ vá, jee kuvi‑i se̱ꞌya ni̱ꞌ.

Efesios 5:1

Jee saáva íyó naku rán iniꞌ máá Ndiosíꞌ, kuéntáꞌ íyó saꞌá rá se̱ꞌya re̱ꞌ, chi kúvi rán se̱ꞌya re̱ꞌ ya̱ ñúnúunꞌ re̱ꞌ ránoꞌó.

Juan 20:17

Jee nkachiꞌ Jesús nu̱u̱nꞌ ña: ―Koto tɨ́ɨn nú nuꞌuꞌ chinetu nú, chi ntiáꞌan kɨ̱naa ni̱ꞌ nu̱u̱nꞌ Tátáꞌ ni̱ꞌ. Soo kuáꞌán nu̱u̱nꞌ rá ñaniꞌ ni̱ꞌ, ya nsu̱kuáꞌa ni̱ꞌ ráa, jee kachiꞌ nú nu̱u̱nꞌ ráa ya̱ kɨ̱naa ni̱ꞌ nu̱u̱nꞌ Tátáꞌ maáníꞌ ya̱ kúvi Tátáꞌ ránoꞌó ranika̱ꞌ, jín ya̱ kúvi Ndiosíꞌ ni̱ꞌ jín Ndiosíꞌ ránoꞌó ―nkachiꞌ Jesús.

Juan 1:7

Jee te̱e yaꞌá nkiji re̱ꞌ sáva kuvi re̱ꞌ te̱e ya̱ ku̱ꞌva re̱ꞌ ya̱ naáꞌ, sáva ku̱ꞌva re̱ꞌ ya̱ naáꞌ jie̱ꞌe̱ꞌ ɨɨn re̱ꞌ ya̱ kúvi ñuꞌunꞌ vá, jee sáva i̱nu̱ꞌ iniꞌ ntáká ñɨvɨ maáréꞌ ya̱ kúvi ñuꞌunꞌ vá jie̱ꞌe̱ꞌ tu̱ꞌun kachiꞌ Juan.

Romanos 8:1

Saájee vitan jee ni ntu̱náꞌ íyó ya̱ sijíta Ndiosíꞌ xinóꞌo re̱ꞌ rá ñɨvɨ ya̱ yɨ́ꞌɨ́ ráa nu̱u̱nꞌ Cristo Jesús, [ya̱ ntu jiáꞌnu ráa ka̱ꞌ sáni níyo néꞌén iniꞌ ráa jín yɨkɨkúñu ráa, chisaꞌ jiáꞌnu ráa sáni kuíni Ta̱chi̱ꞌ Ííꞌ Ndiosíꞌ].

Romanos 8:19

Chi ntáká ya̱ nsa̱ꞌá Ndiosíꞌ nétu numíjiꞌíꞌ ráa ya̱ nasaꞌá Ndiosíꞌ yó ya̱ kájíkuitɨꞌ tu̱vi‑ó sukuán ya̱ kúvi nijia‑ó se̱ꞌya re̱ꞌ.

2 Corintios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Nuꞌuꞌ jín ñaniꞌ‑ó Timoteo táji ránꞌ tutuꞌ yaꞌá nu̱u̱nꞌ ránoꞌó, ya̱ kúvi ñɨvɨ Ndiosíꞌ ya̱ jínúꞌ iniꞌ rán Jesús, ya̱ nééꞌ rán ñuunꞌ Corinto, ya̱ kútútú rán yukuán. Jee suni táji ránꞌ maa nu̱u̱nꞌ ntáká rá ñɨvɨ ya̱ nsásɨ́ɨ́n Ndiosíꞌ sáva kɨꞌɨ ráa nu̱u̱nꞌ re̱ꞌ, ya̱ nééꞌ ráa ntáká rá ñuunꞌ sánitɨ́ɨn Acaya.

Gálatas 3:28

Maáóránꞌ ya̱ yɨ́ꞌɨ́‑ó nu̱u̱nꞌ Cristo Jesús, ntu sɨ́ɨ́n íyó‑ó nu̱u̱nꞌ Ndiosíꞌ, sú kúvi rán ñɨvɨ Israel áxí ñɨvɨ ntu kúvi Israel, ni te̱e kúvi musúꞌ ya̱ nkeꞌen ñɨvɨ, ni te̱e xí tiñu ya̱ íñɨ́ núne, ni te̱e jín ni ñaꞌan, chi ɨɨn ni kúvi nɨꞌɨ‑ó nu̱u̱nꞌ Ndiosíꞌ, ya̱ yɨ́ꞌɨ́‑ó nu̱u̱nꞌ Cristo Jesús.

Gálatas 4:14

Jee súnika̱ꞌ nnoꞌo rán jie̱ꞌe̱ꞌ ya̱ nkuꞌviꞌ ni̱ꞌ, ntu nkúníichiꞌ iniꞌ rán nne̱ꞌyá rán nuꞌuꞌ, jee ni ntu nkúíchi iniꞌ rán nuꞌuꞌ. Chi nna̱kuatáꞌví rán nuꞌuꞌ, kuéntáꞌ kúvi ni̱ꞌ ɨɨn najiáꞌáꞌ Ndiosíꞌ va̱ji ne̱ súkún, áxí kuéntáꞌ kúvi ni̱ꞌ Cristo Jesús.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Gálatas 5:24

Saájee rá ñɨvɨ yɨ́ꞌɨ́ nu̱u̱nꞌ Cristo Jesús, ñaꞌniꞌ ráa ya̱ níyo néꞌén iniꞌ ráa nu̱u̱nꞌ kurúsiꞌ, jín ne̱ ya̱ néꞌén ya̱ nóꞌónꞌ iniꞌ ráa saꞌá ráa, jín ne̱ ya̱ néꞌén ya̱ tíntɨ́ ráa.

Efesios 1:1

Nuꞌuꞌ Pablo, Cristo Jesús nte̱tíñú re̱ꞌ nuꞌuꞌ, kuniso ni̱ꞌ tiñu apóstol ya̱ chúichí re̱ꞌ nuꞌuꞌ sáva stúvi ni̱ꞌ tu̱ꞌun re̱ꞌ, sáni kuíni Ndiosíꞌ. Tée ni̱ꞌ tutuꞌ yaꞌá nu̱u̱nꞌ ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨtíñú rán nu̱u̱nꞌ Cristo, ya̱ nééꞌ rán ñuunꞌ Éfeso. Suvirán níkɨ́nꞌ va̱ꞌa jiáꞌnu na̱a̱ꞌ rán nu̱u̱nꞌ Cristo Jesús, ya̱ ñani Ndiosíꞌ re̱ꞌ sáva tatúníꞌ re̱ꞌ ñɨ̱vɨ́.

Filipenses 1:1

Maáníꞌ Pablo jín Timoteo, kúvi ránꞌ musúꞌ Cristo Jesús. Tée ránꞌ tutuꞌ yaꞌá nu̱u̱nꞌ nta̱ká ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Filipos, jín nu̱u̱nꞌ rá te̱e kúñáꞌnú nu̱u̱nꞌ rán, jín nu̱u̱nꞌ rá ñaniꞌ rán ya̱ chíneí ráa ránoꞌó.

Filipenses 1:8

Chi jíníꞌ Ndiosíꞌ, ya̱ ñúnúunꞌ ni̱ꞌ nta̱ká ránoꞌó sáni ñúnúunꞌ Cristo Jesús yó.

Colosenses 1:4

Chi nteso̱ꞌo ránꞌ tu̱ꞌun jie̱ꞌe̱ꞌ ya̱ kúneí iniꞌ rán Cristo Jesús, jín jie̱ꞌe̱ꞌ ya̱ ñúnúunꞌ rán nta̱ká rá ñɨvɨ ya̱ nsa̱ꞌá sɨ́ɨ́n Ndiosíꞌ ráa sáva kɨꞌɨ ráa nu̱u̱nꞌ Cristo Jesús.

Colosenses 2:6

Jee saáva sánikua̱ꞌ njia̱ꞌayuꞌú rán ya̱ Cristo Jesús kúvi I̱toꞌoꞌ rán, jee suni sukuán kaka rán ichi na̱a̱ꞌ nu̱u̱nꞌ re̱ꞌ.

Filemón 1:1

Maáníꞌ, Pablo, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ yɨ́tíñú ni̱ꞌ nu̱u̱nꞌ Jesús ya̱ nísotíñú re̱ꞌ ya̱ kúvi máá Cristo, ya̱ ñani Ndiosíꞌ sáva tatúníꞌ nu̱u̱nꞌ nɨꞌɨ, jee nuꞌuꞌ jín ñaniꞌ‑ó Timoteo tájí ránꞌ tutuꞌ yaꞌá nu̱u̱nꞌ noꞌó, Filemón, ya̱ ñúnúunꞌ ránꞌ xá, jín ya̱ táꞌán sátíñú nú jín ránuꞌuꞌ nu̱u̱nꞌ tiñu Cristo.

Filemón 1:9

Soo jie̱ꞌe̱ꞌ ñúnúunꞌ táꞌán‑ó, jee káꞌvi iniꞌ ni̱ꞌ va̱ꞌa ka̱ꞌ jíkánꞌ táꞌvíꞌ ni̱ꞌ ɨɨn tu̱ꞌun kákua̱chi nu̱u̱nꞌ nú. Jee nuꞌuꞌ, Pablo, ya̱ kúvi ni̱ꞌ ɨɨn jííꞌ jee suni vitan yɨ́ꞌɨ́ ni̱ꞌ veka̱a jie̱ꞌe̱ꞌ tiñu Jesús ya̱ kúvi Cristo,