Gálatas 3:21 - Mixteco del suroeste de Tlaxiaco Oaxaca

²¹ Saájee, ¿á kénta tu̱ꞌun ley vá si̱kɨ̱ꞌ ya̱ nchi̱sóyuꞌú Ndiosíꞌ rúja? ¡Ntu̱ví kuitɨꞌ!, chi retánꞌ ntaji Ndiosíꞌ néni ɨɨn ley ya̱ kúvi xitékúꞌ‑u yó nɨ́ɨ́nkání jín re̱ꞌ, nékúvi, ña̱re kúvi saꞌá ley vá ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ síkúnkuvi‑ó ya̱ káchíꞌ ley vá, nékúvi.

Gálatas 3:21 Referans Kwoze

Gálatas 2:21

Ntu kújiááꞌ iniꞌ ni̱ꞌ ya̱ váꞌa ntaji Ndiosíꞌ nu̱u̱nꞌ‑ó ya̱ íyó mániꞌ iniꞌ re̱ꞌ néꞌyá re̱ꞌ yó ya̱ ntu íyó ni̱ꞌi̱nꞌ‑ó. Chi retú kino̱o na̱a̱ꞌ‑ó nu̱u̱nꞌ Ndiosíꞌ jee sííyo re̱ꞌ kua̱chi‑ó jie̱ꞌe̱ꞌ ya̱ núkú‑ó ya̱ saꞌá‑ó ya̱ káchíꞌ ley vá, sú ntu kúvi sukuán, soo retánꞌ sukuán, yukuán jee kuéntáꞌ ntu níyotiñu ya̱ ni̱ꞌi̱ꞌ Cristo jie̱ꞌe̱ꞌ‑ó, nékúvi.

Romanos 9:31

Soo rá ñɨvɨ Israel nnu̱kú ráa sikúnkuvi ráa ɨɨn ley sáva kino̱o na̱a̱ꞌ ráa nu̱u̱nꞌ Ndiosíꞌ soo ntu̱ví nkúneí ráa ni̱ꞌi̱nꞌ ráa maa.

Gálatas 2:19

Chi jie̱ꞌe̱ꞌ maá ley vá káchíꞌ ya̱ íyó kuviꞌ ni̱ꞌ jie̱ꞌe̱ꞌ ya̱ njiáꞌa ni̱ꞌ nu̱u̱nꞌ ley vá, jee suꞌva nsa̱ꞌá‑a ya̱ níꞌiꞌ ni̱ꞌ nu̱u̱nꞌ ley vá, sáva kutekuꞌ ni̱ꞌ jín Ndiosíꞌ jee kueꞌnu ni̱ꞌ ichi re̱ꞌ.

Gálatas 2:17

Soo nu̱u̱nꞌ nánukú‑ó ya̱ sííyo Ndiosíꞌ kua̱chi‑ó jie̱ꞌe̱ꞌ yɨ́ꞌɨ́‑ó nu̱u̱nꞌ Cristo, jee ré níní nákuniꞌ‑ó ya̱ suni kúvi‑ó ñɨvɨ kua̱chi nu̱u̱nꞌ Ndiosíꞌ, sáni xínéꞌénꞌ ley Moisés nu̱u̱nꞌ‑ó, ¿á sáꞌá Cristo ya̱ kívɨ‑ó nu̱u̱nꞌ kua̱chi? Ntu̱né kúvi suꞌva.

Romanos 3:31

Saájee retú sííyo Ndiosíꞌ kua̱chi‑ó jie̱ꞌe̱ꞌ ya̱ kúneí iniꞌ‑ó Jesús, ¿á síjíta‑ó tu̱ꞌun káꞌánꞌ ley vá? ¡Ni ntu̱ví kuitɨꞌ! Chisaꞌ kúnáaꞌ iniꞌ‑ó ya̱ yɨ́yáꞌvi ley vá.

Romanos 3:4

¡Ntu̱né íyó sukuán! Chisaꞌ na̱a̱ꞌ kúvi Ndiosíꞌ súnika̱ꞌ nta̱ká ñɨvɨ kúvi ráa ñɨvɨ túꞌún, sáni káchíꞌ nu̱u̱nꞌ Tutuꞌ níso Tu̱ꞌun Ndiosíꞌ: Sáva kene na̱a̱ꞌ nú jín tu̱ꞌun káꞌánꞌ nú, jee kuneí nú sáá tée ñɨvɨ kua̱chi si̱kɨ̱ꞌ nú. Káchíꞌ David nu̱u̱nꞌ Ndiosíꞌ.

Romanos 3:6

¡Ntu̱né íyó sukuán! Chi retú ntu sáꞌá na̱a̱ꞌ Ndiosíꞌ, ¿na̱sa keꞌneꞌ re̱ꞌ kua̱chi rá ñɨvɨ ñɨ̱vɨ́, résa?

Hebreos 11:7

Jee Noé ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, sáá nstúꞌva Ndiosíꞌ re̱ꞌ jie̱ꞌe̱ꞌ rá tu̱nóꞌó xéénꞌ koo ya̱ ni ntiáꞌan kuniꞌ maa. Jee ñúyúꞌví iniꞌ re̱ꞌ Ndiosíꞌ jee nsa̱ꞌá re̱ꞌ ɨɨn barkúꞌ maá káꞌnú nasɨ́kuitɨꞌ ya̱ naní arca, sáva ka̱ku re̱ꞌ jín ntáká rá ñɨvɨ táꞌán veꞌi re̱ꞌ. Jee jie̱ꞌe̱ꞌ nku̱neí iniꞌ Noé Ndiosíꞌ, jee nsi̱jíta re̱ꞌ kua̱íyó rá ñɨvɨ ñɨ̱vɨ́ vá nu̱u̱nꞌ kua̱chi ráa. Jee ni̱ꞌi̱nꞌ re̱ꞌ ta̱ꞌvi̱ꞌ ninima̱ni̱ꞌ Ndiosíꞌ ya̱ nsa̱náaꞌ‑a ya̱ kúvi re̱ꞌ te̱e na̱a̱ꞌ jie̱ꞌe̱ꞌ nku̱neí iniꞌ re̱ꞌ Ndiosíꞌ.

Lucas 20:16

Kiji re̱ꞌ jee xináánꞌ re̱ꞌ rá te̱e sátíñú vá. Jee ku̱ꞌvanúún re̱ꞌ ñuꞌun vá nu̱u̱nꞌ káá tataꞌ uva nu̱u̱nꞌ rá inka ka̱ꞌ rá ñɨvɨ ―nkachiꞌ Jesús. Jee sáá nteso̱ꞌo rá ñɨvɨ ya̱ nkachiꞌ Jesús sukuán, jee nkachiꞌ ráa: ―Vankée sukuán ―nkachiꞌ ráa.

2 Corintios 3:7

Jee ley vá ya̱ sáꞌá‑a ya̱ kuéntáꞌ níꞌiꞌ ñɨvɨ nu̱u̱nꞌ Ndiosíꞌ, jee ntee Ndiosíꞌ maa nu̱u̱nꞌ yu̱u̱ꞌ tiáxín jee njia̱ꞌa re̱ꞌ maa nu̱u̱nꞌ Moisés, jee viiꞌ kúñáꞌnú ley vá ya̱ nkenta nu̱u̱nꞌ Moisés ya̱ ñanu̱te̱ꞌ nasɨ́kuitɨꞌ nu̱u̱nꞌ re̱ꞌ, ya̱ ni ntu̱ví nkúvi kune̱ꞌyá va̱ꞌa rá ñɨvɨ Israel nu̱u̱nꞌ re̱ꞌ. Saájee kuééni kuééni na̱ꞌva̱ꞌ nuva vá nu̱u̱nꞌ re̱ꞌ. Jee retú maá ñáꞌnú nasɨ́kuitɨꞌ kúvi ley vá ya̱ sáꞌá‑a ya̱ kuéntáꞌ níꞌiꞌ ñɨvɨ nu̱u̱nꞌ Ndiosíꞌ,

Gálatas 6:14

Soo maáníꞌ ntu̱náꞌ káꞌánꞌ téyɨ́ɨ́ ni̱ꞌ. Kua̱chi káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ níꞌiꞌ I̱toꞌoꞌ‑ó Jesucristo nu̱u̱nꞌ kurúsiꞌ jie̱ꞌe̱ꞌ‑ó. Chi jie̱ꞌe̱ꞌ yukuán jee kúvi kuéntáꞌ níꞌiꞌ rá ñujiínꞌ jiáꞌnu ñɨvɨ ñɨ̱vɨ́ nu̱u̱nꞌ kurúsiꞌ nu̱u̱nꞌ ni̱ꞌ. Chi suni kúvi kuéntáꞌ níꞌiꞌ ni̱ꞌ nu̱u̱nꞌ rá ñujiínꞌ vá, chi ntu yɨ́ꞌɨ́ ni̱ꞌ ka̱ꞌ chi̱ji naꞌá rává.

Hebreos 7:18

Saáva nsi̱jíta tu̱ꞌun ya̱ nta̱túníꞌ ley yanaꞌán chi táyáꞌ‑a jee ntu íyótiñu‑u.

Hebreos 7:19

Chi ntu̱náꞌ nsáꞌá ley Moisés ya̱ kino̱o na̱a̱ꞌ ñɨvɨ nu̱u̱nꞌ Ndiosíꞌ. Soo vitan nkenta nni̱ꞌi̱nꞌ‑ó ya̱ koo tu̱neí iniꞌ‑ó ya̱ váꞌa ka̱ꞌ ya̱ kino̱o na̱a̱ꞌ‑ó nu̱u̱nꞌ re̱ꞌ, chi jie̱ꞌe̱ꞌ vá natuꞌva‑ó nu̱u̱nꞌ Ndiosíꞌ.