Gálatas 3:17 - Mixteco del suroeste de Tlaxiaco Oaxaca

¹⁷ Yaꞌá ví ya̱ káchíꞌ ni̱ꞌ: Xíꞌna ka̱ꞌ nsa̱náaꞌ Ndiosíꞌ tratúꞌ nsa̱ꞌá re̱ꞌ jín Abraham. Ña̱re njia̱ꞌa Ndiosíꞌ tu̱ꞌun ley nu̱u̱nꞌ Moisés ku̱mi̱ꞌ sientúꞌ o̱ko̱ꞌ u̱ji̱ꞌ (430) kui̱ya̱ꞌ kuéé ka̱ꞌ. Saájee ntu síkɨ́kui̱ñɨ̱ꞌ ley tratúꞌ ya̱ nsa̱ꞌá Ndiosíꞌ xíꞌnañúꞌún ka̱ꞌ. Ni ntu síjíta‑a ya̱ nchi̱sóyuꞌú Ndiosíꞌ.

Gálatas 3:17 Referans Kwoze

Génesis 15:13

Jee nkachiꞌ Ndiosíꞌ nu̱u̱nꞌ Abram: ―Kuniꞌ nijia nú ya̱ rá ichiyúkúnꞌ ya̱ kene nu̱u̱nꞌ nú kuvi ráa to̱ꞌo̱ꞌ kuneeꞌ ráa inka ñuunꞌ ya̱ ntu kúvi ñuunꞌ ráa. Jee satíñú ráa nu̱u̱nꞌ rá ñɨvɨ ñuunꞌ vá jee kuvi ráa musúꞌ keꞌen ñɨvɨ, jee koto u̱ꞌvi̱ꞌ rá ñɨvɨ vá ráa ku̱mi̱ꞌ sientúꞌ (400) kui̱ya̱ꞌ.

2 Corintios 1:20

Chi maá Cristo ví ya̱ síkúnkuvi nta̱ká rá tu̱ꞌun ya̱ nchi̱sóyuꞌú Ndiosíꞌ, jee káchíꞌ re̱ꞌ “kuvi”. Saáva jie̱ꞌe̱ꞌ Cristo káchíꞌ‑ó “sukuán koo”, “amén”, sáva nákuetúꞌún‑ó ya̱ viiꞌ nasɨ́kuitɨꞌ kúñáꞌnú Ndiosíꞌ.

Romanos 3:3

Jee, ¿ná kuvi retú sava ráa ntu nsi̱kúnkuvi na̱a̱ꞌ ráa nu̱u̱nꞌ Ndiosíꞌ? ¿Á saꞌá yukuán ya̱ nsáꞌ sikúnkuvi na̱a̱ꞌ Ndiosíꞌ tu̱ꞌun njia̱ꞌayuꞌú re̱ꞌ rúja?

Colosenses 2:4

Jee káchíꞌ ni̱ꞌ tu̱ꞌun yaꞌá nu̱u̱nꞌ rán, sáva ni ɨɨn ñɨvɨ ntu xínáꞌví ráa ránoꞌó jín tu̱ꞌun viiꞌ káꞌánꞌ ráa ya̱ nukú ráa sijínúꞌ ráa iniꞌ ránoꞌó.

Gálatas 5:4

Ránoꞌó ya̱ nánukú kino̱o na̱a̱ꞌ rán nu̱u̱nꞌ Ndiosíꞌ jie̱ꞌe̱ꞌ ya̱ núkú rán ya̱ saꞌá rán ya̱ tátúníꞌ ley vá, ña̱re nsa̱ꞌá sɨ́ɨ́n rán maárán nu̱u̱nꞌ Cristo. Jee nxi̱nóo rán tu̱ꞌun íyó ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

Gálatas 3:15

Ránoꞌó ñaniꞌ, káꞌánꞌ ni̱ꞌ jín rán ɨɨn tu̱ꞌun na̱sa sáꞌá rá ñɨvɨ. Retú nsa̱ꞌá ɨɨn te̱e tratúꞌ, ni ɨɨn ñɨvɨ ntu kúvi sikɨ́kui̱ñɨ̱ꞌ tratúꞌ vá, ni ntu kúvi nachisó‑o ka̱ꞌ tu̱ꞌun ya̱ ya nna̱túꞌún ráa.

1 Corintios 1:17

Chi nsáꞌ nchu̱ichí Cristo nuꞌuꞌ sáva sikuánuté ni̱ꞌ, chisaꞌ nchu̱ichí re̱ꞌ nuꞌuꞌ stékútu̱ꞌún ni̱ꞌ tu̱ꞌun váꞌa jie̱ꞌe̱ꞌ Jesús, soo ntu káꞌánꞌ ni̱ꞌ jín rán jín tu̱ꞌun ya̱ váji xi̱ni̱ꞌ ñɨvɨ ya̱ jiáni iniꞌ rá ñɨvɨ ñɨ̱vɨ́ ya̱ kúvi tu̱ꞌun níchí, chi retú kaꞌanꞌ ni̱ꞌ suꞌva nékúvi kasɨꞌ ni̱ꞌ ya̱ satíñú iniꞌ ánímaꞌ rán tu̱ꞌun jie̱ꞌe̱ꞌ ná kúvi tiñu ya̱ nsa̱ꞌá Cristo sáá ni̱ꞌi̱ꞌ re̱ꞌ nu̱u̱nꞌ kurúsiꞌ, jee nsáꞌ sáꞌá ni̱ꞌ suꞌva.

Juan 1:17

Chi njia̱ꞌa Ndiosíꞌ nu̱u̱nꞌ Moisés tu̱ꞌun ley re̱ꞌ sáva ku̱ꞌva‑a vá nu̱u̱nꞌ rá ñɨvɨ. Jee, Jesús ya̱ kúvi Cristo, nsa̱ꞌá Ndiosíꞌ ya̱ nsa̱ꞌá re̱ꞌ ya̱ nni̱ꞌi̱nꞌ‑ó ya̱ váꞌa ma̱ni̱ꞌ iniꞌ Ndiosíꞌ jín ya̱ naáꞌ.

1 Pedro 1:20

Chi ne̱ sáá ntiáꞌan ka̱ꞌ kiko̱o ñɨ̱vɨ́ yaꞌá jee saá ya̱ ñani Ndiosíꞌ Cristo sáva kunoꞌo‑o sukuán, ya̱ saá nkiji nijinꞌ‑i tiempúꞌ kuánɨꞌɨ yaꞌá, nsa̱ꞌá Ndiosíꞌ sukuán jie̱ꞌe̱ꞌ ya̱ kuvi ya̱ váꞌa ránoꞌó.

Hebreos 11:13

Jee ntáká rá ñɨvɨ vá ni̱ꞌi̱ꞌ ráa súka̱ꞌ nku̱neí iniꞌ ráa Ndiosíꞌ. Súnika̱ꞌ ntu nni̱ꞌi̱nꞌ ráa ya̱ nchi̱sóyuꞌú Ndiosíꞌ nu̱u̱nꞌ ráa, soo ne̱ íká niniꞌ váꞌa ráa jie̱ꞌe̱ꞌ ya̱ koo ichinúúnꞌ, jee ne̱ nku̱sɨ̱ɨ̱ꞌ iniꞌ ráa jie̱ꞌe̱ꞌ‑e. Jee njia̱ꞌayuꞌú ráa ya̱ kúvi ráa to̱ꞌo̱ꞌ ya̱ yakuꞌ ni tiempúꞌ néénúún ráa iniꞌ ñɨ̱vɨ́ yaꞌá.

Hebreos 7:18

Saáva nsi̱jíta tu̱ꞌun ya̱ nta̱túníꞌ ley yanaꞌán chi táyáꞌ‑a jee ntu íyótiñu‑u.

Efesios 4:17

Saáva káchíꞌ ni̱ꞌ nu̱u̱nꞌ rán jee íchí sánáaꞌ ni̱ꞌ nu̱u̱nꞌ súví I̱toꞌoꞌ‑ó: ya̱ koto jiáꞌnu rán ka̱ꞌ kua̱ꞌ jiáꞌnu rá inka ñɨvɨ ntu kúvi ñɨvɨ Israel, ya̱ jiáꞌnu ráa tiñu jiáni ka̱ꞌá iniꞌ antúníꞌ ráa.

Gálatas 3:21

Saájee, ¿á kénta tu̱ꞌun ley vá si̱kɨ̱ꞌ ya̱ nchi̱sóyuꞌú Ndiosíꞌ rúja? ¡Ntu̱ví kuitɨꞌ!, chi retánꞌ ntaji Ndiosíꞌ néni ɨɨn ley ya̱ kúvi xitékúꞌ‑u yó nɨ́ɨ́nkání jín re̱ꞌ, nékúvi, ña̱re kúvi saꞌá ley vá ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ síkúnkuvi‑ó ya̱ káchíꞌ ley vá, nékúvi.

2 Corintios 9:6

Soo tɨɨn kuéntáꞌ rán ya̱ ñɨvɨ ya̱ yakuꞌ taji re̱ꞌ tataꞌ sáꞌá, suni sukuán yakuꞌ nastútú re̱ꞌ. Jee suni ɨɨn ñɨvɨ taji víꞌí‑i suni sukuán nastútú víꞌí‑i.

1 Corintios 10:19

¿Ná kúvi ya̱ káchíꞌ ni̱ꞌ résa? ¿Á káchíꞌ ni̱ꞌ ya̱ íyótíñú ɨɨn ku̱ñu ya̱ sókóꞌ rá ñɨvɨ nu̱u̱nꞌ ɨɨn nantíñú ya̱ ntu kúvi Ndiosíꞌ?, áxí, ¿á íyótíñú ɨɨn nantíñú nsa̱ꞌá jín naꞌá vá ya̱ néñu̱ꞌun ráa résa?

1 Corintios 7:29

Ránoꞌó ñani jín ku̱ꞌva, káchíꞌ ni̱ꞌ rá tu̱ꞌun yaꞌá nu̱u̱nꞌ rán chi kuítɨ́ ni tiempúꞌ, jee saáva rá te̱e íyó ñasɨ́ꞌɨ́, jee íyó naniꞌvɨꞌ ka̱ꞌ iniꞌ ráa kuꞌun iniꞌ ráa kɨtíñú ráa nu̱u̱nꞌ I̱toꞌoꞌ‑ó, nsú káꞌ nu̱u̱nꞌ ñasɨ́ꞌɨ́ ráa, suꞌva koo ráa kuéntáꞌ ntu íyó ñasɨ́ꞌɨ́ ráa.

1 Corintios 1:12

Káchíꞌ ni̱ꞌ yaꞌá chi ta ɨɨn ránoꞌó káchíꞌ rán: “Nuꞌuꞌ chi íñɨ́ ni̱ꞌ jín Pablo”, áxí: “Nuꞌuꞌ chi íñɨ́ ni̱ꞌ jín Apolos”, áxí: “Nuꞌuꞌ íñɨ́ ni̱ꞌ jín Cefas”, áxí: “Nuꞌuꞌ chi íñɨ́ ni̱ꞌ jín Cristo”, káchíꞌ rán.

Romanos 3:25

Chi ñani Ndiosíꞌ Jesús sáva kuviꞌ re̱ꞌ jee katɨ ni̱ñɨ̱ꞌ re̱ꞌ sáva so̱ko̱ꞌ re̱ꞌ maáréꞌ jie̱ꞌe̱ꞌ kua̱chi‑ó, sáva kunekáꞌnú iniꞌ Ndiosíꞌ kua̱chi‑ó, jie̱ꞌe̱ꞌ kúneí iniꞌ‑ó Jesús. Jee sukuán stúvi Ndiosíꞌ ya̱ na̱a̱ꞌ kúvi re̱ꞌ chi njia̱ꞌa re̱ꞌ nu̱u̱nꞌ rá kua̱chi nsa̱ꞌá ñɨvɨ tiempúꞌ yanaꞌán, jee ntu nxínóꞌo re̱ꞌ ráa,

Hechos 7:6

’Jee nkachiꞌ Ndiosíꞌ sukuán, ya̱ rá ichiyúkúnꞌ kene nu̱u̱nꞌ re̱ꞌ kuvi ráa to̱ꞌo̱ꞌ kuneeꞌ ráa inka nación ya̱ tátúníꞌ inka ñɨvɨ. Jee rá ñɨvɨ yukuán saꞌá ráa rává musúꞌ kéꞌen ráa. Jee saꞌá kini ráa rává ku̱mi̱ꞌ sientúꞌ (400) kui̱ya̱ꞌ.

Génesis 17:19

Soo nkachiꞌ Ndiosíꞌ: ―Sara ya̱ kúvi ñasɨ́ꞌɨ́ nú sikáku ña ɨɨn se̱ꞌya yɨ́ɨ́ nú, jee sikúnání nú súví‑i Isaac, jee kakɨnꞌ ni̱ꞌ tratúꞌ ni̱ꞌ jín‑i ya̱ kúvi tratúꞌ ya̱ kino̱o nɨ́ɨ́nkání jín rá ichiyúkúnꞌ‑u ya̱ kiji tiempúꞌ ichinúúnꞌ.

Génesis 15:18

Máá ki̱vɨ̱ꞌ yukuán ñakɨnꞌ I̱toꞌoꞌ‑ó tratúꞌ jín Abram jee nchi̱sóyuꞌú re̱ꞌ nu̱u̱nꞌ Abram: ―Nu̱u̱nꞌ rá se̱ꞌya ichiyúkúnꞌ nú ya̱ váji ichinúúnꞌ ku̱ꞌva ni̱ꞌ ñuꞌun yaꞌá kénta ne̱ ntekáꞌnú naní Egipto jín ne̱ ntekáꞌnú naní Éufrates,

Gálatas 5:16

Soo tu̱ꞌun ya̱ káchíꞌ ni̱ꞌ nu̱u̱nꞌ rán ví yaꞌá: Kaka rán ichi sáni jiáni Ta̱chi̱ꞌ Ííꞌ Ndiosíꞌ ránoꞌó, jee nsíkúnkuvi rán tiñu ya̱ níyo iniꞌ rán saꞌá rán jín ñunéꞌyúꞌ kua̱chi.

Efesios 2:12

jee ntu̱ví níyo rán jín Cristo nékúvi. Kúvi rán to̱ꞌo̱ꞌ sɨ́ɨ́n nu̱u̱nꞌ ñuunꞌ Israel, ya̱ nka̱ji Ndiosíꞌ ráa. Jee ntu̱ví yɨ́ꞌɨ́ rán nu̱u̱nꞌ tratúꞌ ya̱ nsa̱ꞌá Ndiosíꞌ jín rá ñɨvɨ re̱ꞌ ya̱ nchi̱sóyuꞌú re̱ꞌ ya̱ váꞌa saꞌá re̱ꞌ nu̱u̱nꞌ ráa. Jee ni ntu̱náꞌ tu̱neí iniꞌ rán íyó ya̱ ni̱ꞌi̱nꞌ rán ya̱ váꞌa ya̱ íyó nu̱u̱nꞌ re̱ꞌ nékúvi, jee ni ntu̱ví íyó Ndiosíꞌ nu̱u̱nꞌ rán ni nééꞌ rán iniꞌ ñɨ̱vɨ́ yaꞌá.