Gálatas 3:1 - Mixteco del suroeste de Tlaxiaco Oaxaca

¹ ¡Na̱ naanꞌ rán ka̱ꞌ! Rá ñaniꞌ ñuunꞌ Galacia. ¿Né ɨɨn nsa̱tásɨ́ ránoꞌó jee nxi̱náꞌví‑i ránoꞌó? Chi nxi̱néꞌénꞌ kájí ni̱ꞌ ránoꞌó na̱ja ni̱ꞌi̱ꞌ Jesús ya̱ kúvi Cristo nu̱u̱nꞌ kurúsiꞌ jie̱ꞌe̱ꞌ‑ó.

Gálatas 3:1 Referans Kwoze

2 Corintios 11:3

Soo yúꞌví ni̱ꞌ ya̱ sa̱naanꞌ jee kusɨ́ɨ́n rán nu̱u̱nꞌ yɨ́tíñú rán ne̱ saɨn ninuꞌun iniꞌ rán nu̱u̱nꞌ métúꞌún Cristo, jee sukuán jíta antúníꞌ rán, kuéntáꞌ nxi̱náꞌví ko̱o̱ꞌ Eva jín máñáꞌ ti̱ꞌ.

Apoclipsis 2:20

’Soo súka̱ꞌ sukuán íyó soo íyó ɨɨn kua̱chi si̱kɨ̱ꞌ rán nu̱u̱nꞌ ni̱ꞌ. Chi yɨ́netuꞌ rán néꞌyá rán nu̱u̱nꞌ ɨɨn ñaꞌan naní Jezabel ya̱ káchíꞌ ña nika̱ꞌ ya̱ kúvi ña ñaꞌan ya̱ nákani ña tu̱ꞌun kéne yuꞌú Ndiosíꞌ, soo ntu̱ví. Jee xínéꞌénꞌ ña jee xínáꞌví ña rá musúꞌ ni̱ꞌ ya̱ yɨ́tíñú ráa nu̱u̱nꞌ ni̱ꞌ, sáva saꞌá téní ráa, jín ya̱ kajiꞌ ráa rá sókóꞌ ñɨvɨ nu̱u̱nꞌ rá santúꞌ ñunéꞌyúꞌ.

Gálatas 1:6

Tívɨ́ xíniꞌ ni̱ꞌ ya̱ xínóo ñamaꞌ víꞌí rán Ndiosíꞌ, ya̱ nkana re̱ꞌ ránoꞌó kɨꞌɨ rán chi̱ji naꞌá re̱ꞌ, jie̱ꞌe̱ꞌ íyó mániꞌ iniꞌ Cristo néꞌyá re̱ꞌ ránoꞌó, sú ntu íyó ni̱ꞌi̱nꞌ rán maa. Jee ntɨɨn rán inka tu̱ꞌun káꞌánꞌ sɨ́ɨ́n, ya̱ káchíꞌ ráa ya̱ kúvi tu̱ꞌun váꞌa, naní evangelio.

1 Pedro 4:17

Chi ya nkenta tiempúꞌ ya̱ kijiéꞌé sanáaꞌ Ndiosíꞌ kua̱chi, soo xíꞌna ka̱ꞌ jín rá ñɨvɨ ya̱ kúvi ñɨvɨ veꞌi Ndiosíꞌ, jee retú ya nka̱jiéꞌé sanáaꞌ re̱ꞌ jie̱ꞌe̱ꞌ máá‑órán, ¿jee na̱ja ka̱ꞌ vá saꞌá na̱a̱ꞌ re̱ꞌ kua̱chi rá ñɨvɨ ya̱ ntu káníjiá ráa koo maniꞌ ráa tu̱ꞌun váꞌa re̱ꞌ rúja?

2 Pedro 2:18

Chi jie̱ꞌe̱ꞌ rá tu̱ꞌun vi̱xi̱ꞌ káꞌánꞌ ka̱ꞌá ráa jie̱ꞌe̱ꞌ rá tiñu téní sɨ̱ɨ̱ꞌ iniꞌ jín rá tiñu kánéꞌí, jee sukuán ne̱ ñunkúún síjínúꞌ ráa iniꞌ rá ñɨvɨ ya̱ sukuán ni nkaku rává nkene rává nu̱u̱nꞌ rá ñɨvɨ jiáꞌnu ichi stívɨ́, jee náxtá ráa rá ñɨvɨ vá ni̱kóyátá rává kunikɨnꞌ rává ichi xínéꞌénꞌ ráa.

Hebreos 11:8

Jee Abraham ni̱nu̱ꞌ iniꞌ re̱ꞌ nku̱neí iniꞌ re̱ꞌ Ndiosíꞌ, sáá nkana Ndiosíꞌ re̱ꞌ, jee nka̱níjiá re̱ꞌ sáva kɨ̱ꞌɨ̱nꞌ re̱ꞌ ɨɨn nu̱u̱nꞌ kúvi nu̱u̱nꞌ ku̱ꞌva Ndiosíꞌ nu̱u̱nꞌ re̱ꞌ kuvi ta̱ꞌvi̱ꞌ re̱ꞌ maa. Jee nkene re̱ꞌ ñuunꞌ re̱ꞌ jee kua̱ꞌa̱nꞌ re̱ꞌ yukuán, súka̱ꞌ ntu̱ví jíníꞌ re̱ꞌ né núꞌ kúvi nu̱u̱nꞌ kɨ̱ꞌɨ̱nꞌ re̱ꞌ.

Efesios 4:14

Sáva nkúvi‑ó ka̱ꞌ kuéntáꞌ rá súchí lúlí ya̱ ntu ɨɨn ni jiáni iniꞌ ráa, jee sáva ntu kúvi‑ó ka̱ꞌ kuéntáꞌ ɨɨn nantíñú xínó xíníji ta̱chi̱ꞌ víjin chínaꞌá‑a cháꞌá chúkuán ya̱ súkuíkó‑o, chi nsáꞌ síkívɨ inka tu̱ꞌun ka̱ꞌ maáó yaꞌá yukuán, ya̱ xínéꞌénꞌ rá te̱e xínáꞌví cháꞌá chúkuán, ya̱ nito nasɨ́kuitɨꞌ íyó ráa jee máñáꞌ ráa jín tu̱ꞌun jíta xínéꞌénꞌ ráa.

Gálatas 4:9

Soo vitan re ya̱ ma̱ni̱ꞌ rán jín Ndiosíꞌ. Soo va̱ꞌa ka̱ꞌ kachiꞌ‑ó ya̱ ma̱ni̱ꞌ Ndiosíꞌ jín ránoꞌó. ¿Na̱ja kúvi ya̱ nikó rán rá ñujiínꞌ saɨn sáꞌá ñɨvɨ ñɨ̱vɨ́, ya̱ ntu íyótiñu rúja? Jee, ¿na̱ja kúvi ya̱ kuíni rán ki̱vɨ tuku rán chi̱ji xi̱ntíín ráa, sáva kuvi tuku rán ɨɨn musúꞌ ya̱ sátíñú ka̱ꞌá rán nu̱u̱nꞌ ráa rúja?

Gálatas 3:3

¿Na̱ja kúvi ya̱ naanꞌ víꞌí ránoꞌó sukuán? Chi xíꞌna ka̱ꞌ nni̱ꞌi̱nꞌ rán Ta̱chi̱ꞌ Ííꞌ ya̱ nsa̱ꞌá re̱ꞌ ya̱ nka̱jiéꞌé jiáꞌnu rán ichi Ndiosíꞌ, jee ntañúꞌún, ¿á nánukú rán i̱nu rán kueꞌnu rán jín ya̱ núkú rán saꞌá rán rá costumbre vá jín fesáꞌ ñunéꞌyúꞌ maárán, rúsa?

1 Pedro 1:22

Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.

Hebreos 5:9

Jee sáá ni̱yo tu̱ꞌva re̱ꞌ sukuán, jee nkenta kúvi re̱ꞌ ne̱ nu̱u̱nꞌ váji ya̱ nene ñɨvɨ nu̱u̱nꞌ kua̱chi ráa jee sikáku re̱ꞌ nɨ́ɨ́nkání ntáká rá ñɨvɨ ya̱ káníjiá ráa re̱ꞌ.

Efesios 5:15

Saáva kumí va̱ꞌa rán na̱ja jiáꞌnu rán. Koto jiáꞌnu rán kuéntáꞌ kua̱ꞌ jiáꞌnu rá ñɨvɨ ya̱ ntu ñúꞌún kájí xi̱ni̱ꞌ, chisaꞌ kueꞌnu rán kuéntáꞌ kua̱ꞌ ñɨvɨ ñúꞌún kájí xíniꞌ.

1 Timoteo 6:4

jee vi̱xi̱ꞌ ñɨvɨ vá, jee ntu̱náꞌ jiáku̱ꞌun iniꞌ‑i. Kúꞌvíꞌ xi̱ni̱ꞌ‑i níní káꞌánꞌ‑a jie̱ꞌe̱ꞌ rá kue̱ꞌe̱ꞌ tu̱ꞌun jee kantátúꞌun‑u, jee nu̱u̱nꞌ yaꞌá va̱ji ya̱ sáꞌá úꞌvi iniꞌ ñɨvɨ, jee kútíxín ráa, jee kákuíyuꞌú ráa, jee jiáni niva̱ꞌa iniꞌ ɨɨn inka ráa,

Gálatas 2:14

Soo sáá niniꞌ ni̱ꞌ ya̱ ntu jiáꞌnu na̱a̱ꞌ ráa sáni káchíꞌ ya̱ naáꞌ tu̱ꞌun váꞌa Jesús, jee nkachiꞌ ni̱ꞌ nu̱u̱nꞌ Pedro ichinúúnꞌ nɨꞌɨ ráa: “Noꞌó ví te̱e Israel, jee nu̱u̱nꞌ jiáꞌnu nú kuéntáꞌ te̱e rá inka nación, jee nu̱u̱nꞌ nsáꞌ jiáꞌnu nú kuéntáꞌ te̱e Israel, ¿na̱ja kúvi tetuvi nú rá ñɨvɨ rá inka nación sikúnkuvi ráa rá ñujiínꞌ rá ñɨvɨ ichiyúkúnꞌ Israel?”

1 Corintios 11:26

Jee saáva ntáká íchí ya̱ kajiꞌ rán i̱xta̱tíláꞌ yaꞌá jín ya̱ koꞌo rán ya̱ ñúꞌún iniꞌ vasúꞌ yaꞌá, jee stékútu̱ꞌún rán ya̱ ni̱ꞌi̱ꞌ I̱toꞌoꞌ‑ó jie̱ꞌe̱ꞌ kua̱chi‑ó nekuaꞌ niji tuku re̱ꞌ.

1 Corintios 2:2

Chi sáá nééꞌ ni̱ꞌ jín rán, jee nkuna̱a̱ꞌ iniꞌ ni̱ꞌ ya̱ ni ntu̱náꞌ inka ka̱ꞌ tu̱ꞌun kachitu̱ꞌún ni̱ꞌ nu̱u̱nꞌ rán, chisaꞌ ñuꞌun iniꞌ ni̱ꞌ kachitu̱ꞌún ni̱ꞌ kua̱chi tu̱ꞌun jie̱ꞌe̱ꞌ Jesús ya̱ kúvi Cristo nkachiꞌ ni̱ꞌ nu̱u̱nꞌ rán, jín jie̱ꞌe̱ꞌ ya̱ níꞌiꞌ re̱ꞌ nu̱u̱nꞌ kurúsiꞌ sáva natavaꞌ re̱ꞌ yó nu̱u̱nꞌ kua̱chi‑ó sikáku re̱ꞌ yó.

Romanos 6:17

Soo nkútaꞌviꞌ‑ó nu̱u̱nꞌ Ndiosíꞌ, ya̱ súnika̱ꞌ nyɨ̱ꞌɨ rán xi̱ntíín kua̱chi kuéntáꞌ musúꞌ kéꞌen, nékúvi, soo vitan jee nka̱níjiá rán ne̱ ánímaꞌ rán Tu̱ꞌun Ndiosíꞌ ya̱ nxi̱néꞌénꞌ ráa nu̱u̱nꞌ ránoꞌó.

Romanos 2:8

Soo kítɨ́ꞌ iniꞌ re̱ꞌ nachunáán re̱ꞌ xinóꞌo re̱ꞌ nu̱u̱nꞌ rá ñɨvɨ kua̱sɨ́n iniꞌ ráa jín ya̱ ntu káníjiá ráa nu̱u̱nꞌ ya̱ naáꞌ, chisaꞌ káníjiá ráa ya̱ niváꞌa.

Hechos 6:7

Jee ñe̱te̱nuun Tu̱ꞌun Ndiosíꞌ. Jee kúkueꞌeꞌ rá ñɨvɨ ñuunꞌ Jerusalén tɨ́ɨn ráa Tu̱ꞌun Ndiosíꞌ. Jee kue̱ꞌe̱ꞌ víꞌí rá su̱tu̱ꞌ káníjiá ráa tu̱ꞌun ya̱ kúneí iniꞌ ráa Jesús.

Apoclipsis 18:3

Nnaanꞌ ñuunꞌ vá chi nsi̱kúvi ráa iniꞌ rá ñɨvɨ ntáká nación nxi̱nóo rává Ndiosíꞌ sáva kuneñu̱ꞌun rává inka ka̱ꞌ, kuéntáꞌ njia̱ꞌa ráa nixiꞌ vinúꞌ xe̱e̱nꞌ niꞌi rává jísóꞌ ni̱ñɨ̱ꞌ rává nsa̱ꞌá téní rává jín ñɨvɨ ñuunꞌ vá. Jee rá ñɨvɨ nísotíñú ya̱ tátúníꞌ nu̱u̱nꞌ rá ñuunꞌ íyó ñɨ̱vɨ́, suni sukuán nsa̱ꞌá néꞌí ráa jín ñɨvɨ ñuunꞌ vá. Jee rá ñɨvɨ xíkó jee nku̱kúká ráa jín rá kue̱ꞌe̱ꞌ nantíñú yɨ́yáꞌvi nkeꞌen ñuunꞌ vá, nkachiꞌ najiáꞌáꞌ ííꞌ vá.

2 Tesalonicenses 1:8

Jee kenta re̱ꞌ jín ñuꞌunꞌ itaꞌ, jee nachunáán re̱ꞌ xinóꞌo re̱ꞌ rá ñɨvɨ ntu mániꞌ ráa jín Ndiosíꞌ jee ntu íyó mániꞌ ráa tu̱ꞌun váꞌa jie̱ꞌe̱ꞌ I̱toꞌoꞌ‑ó Jesús.

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

2 Corintios 10:5

Jee xínáánꞌ ránꞌ tu̱ꞌun ya̱ va̱ji xi̱ni̱ꞌ ñɨvɨ, jee xínáánꞌ ránꞌ nta̱ká tu̱ꞌun jiáni téyɨ́ɨ́ iniꞌ‑i ya̱ jiásɨ́ꞌ ya̱ kuniꞌ ñɨvɨ iniꞌ Ndiosíꞌ, jee sáꞌá ránꞌ ya̱ nakɨ̱ꞌɨ nta̱ká antúníꞌ rá ñɨvɨ xi̱ntíín Cristo, sáva kaníjiá ráa re̱ꞌ.

Romanos 10:16

Soo nsú ntáká rá ñɨvɨ Israel nka̱níjiá ráa ntɨɨn ráa rá tu̱ꞌun váꞌa Ndiosíꞌ, sáni nkachiꞌ Isaías: “I̱toꞌoꞌ, ¿né ɨɨn ni̱nu̱ꞌ iniꞌ rá tu̱ꞌun nteso̱ꞌo ráa ya̱ nkachitu̱ꞌún ránꞌ?”

Lucas 24:25

Saájee nkachiꞌ Jesús nu̱u̱nꞌ ráa: ―¡Na̱ ka̱ꞌ te̱e naanꞌ!, ya̱ kuéé ínúꞌ iniꞌ ánímaꞌ rán ntáká rá tu̱ꞌun ya̱ nkachiꞌ rá te̱e ya̱ nna̱kani tu̱ꞌun kene yuꞌú Ndiosíꞌ.

Mateo 24:24

Chi kiji rá te̱e xínáꞌví ya̱ kachiꞌ ráa nika̱ꞌ ya̱ Cristo ví ráa. Jee kenta rá ñɨvɨ ya̱ kachiꞌ ráa nika̱ꞌ ya̱ nákani ráa tu̱ꞌun kéne yuꞌú Ndiosíꞌ, jee saꞌá ráa rá seña a̱nasɨ́ jín rá tiñu a̱nasɨ́ ya̱ ti̱vɨ́ xíniꞌ rá ñɨvɨ sáva xináꞌví ráa rá ñɨvɨ. Jee saꞌá ráa maa sáva xináꞌví ráa ne̱ rá ñɨvɨ nka̱ji Ndiosíꞌ, retú sa̱naanꞌ kuvi.

Mateo 7:26

Jee nta̱ká ñɨvɨ tésóꞌo ráa rá tu̱ꞌun káꞌánꞌ ni̱ꞌ yaꞌá, jee ntu sáꞌá‑a vá, jee kúvi‑i kuéntáꞌ ɨɨn te̱e naanꞌ, ya̱ ñani re̱ꞌ veꞌi re̱ꞌ nu̱u̱nꞌ ñuítɨ́.

Hechos 16:6

Jee njia̱ꞌa ráa kua̱ꞌa̱nꞌ ráa sánitɨ́ɨn Frigia jín Galacia, chi ntu njiáꞌa Ta̱chi̱ꞌ Ííꞌ Ndiosíꞌ stekútu̱ꞌún ráa tu̱ꞌun va̱ꞌa sánitɨ́ɨn Asia.

Gálatas 1:2

Maáníꞌ jín nɨꞌɨ rá ñaniꞌ kúneí iniꞌ ráa Jesús ya̱ kútáꞌán jín ni̱ꞌ, tájí ránꞌ tutuꞌ yaꞌá nu̱u̱nꞌ ránoꞌó ñɨvɨ, ya̱ kúneí iniꞌ rán Jesús, ya̱ nééꞌ nu̱u̱nꞌ rá ñuunꞌ Galacia, ya̱ kútútú rán nu̱u̱nꞌ rá ñuunꞌ yukuán.

Gálatas 5:11

Soo, ránoꞌó ñaniꞌ, réáꞌ stékútu̱ꞌún i̱i̱ꞌ ni̱ꞌ, nékúvi, ya̱ íyó sáꞌá circuncidar‑ó, ¿na̱ kuvi chi jíto u̱ꞌvi̱ꞌ i̱i̱ꞌ rá ñɨvɨ ñuunꞌ Israel nuꞌuꞌ? Chi réáꞌ stékútu̱ꞌún i̱i̱ꞌ ni̱ꞌ suꞌva, nékúvi, jee nkóo ka̱ꞌ tu̱ꞌun kuníní ka̱ꞌ iniꞌ ráa, nékúvi, jie̱ꞌe̱ꞌ tu̱ꞌun ya̱ Jesús ni̱ꞌi̱ꞌ nu̱u̱nꞌ kurúsiꞌ sáva saꞌá re̱ꞌ ya̱ nánitáꞌvíꞌ‑ó.