Gálatas 2:14 - Mixteco del suroeste de Tlaxiaco Oaxaca

¹⁴ Soo sáá niniꞌ ni̱ꞌ ya̱ ntu jiáꞌnu na̱a̱ꞌ ráa sáni káchíꞌ ya̱ naáꞌ tu̱ꞌun váꞌa Jesús, jee nkachiꞌ ni̱ꞌ nu̱u̱nꞌ Pedro ichinúúnꞌ nɨꞌɨ ráa: “Noꞌó ví te̱e Israel, jee nu̱u̱nꞌ jiáꞌnu nú kuéntáꞌ te̱e rá inka nación, jee nu̱u̱nꞌ nsáꞌ jiáꞌnu nú kuéntáꞌ te̱e Israel, ¿na̱ja kúvi tetuvi nú rá ñɨvɨ rá inka nación sikúnkuvi ráa rá ñujiínꞌ rá ñɨvɨ ichiyúkúnꞌ Israel?”

Gálatas 2:14 Referans Kwoze

Gálatas 2:5

Nintíꞌínꞌ ntu njiáꞌa ránꞌ koo suꞌva ya̱ kuíni ráa, sáva kino̱o ya̱ naáꞌ tu̱ꞌun va̱ꞌa Jesús jín rán.

Hechos 10:28

Jee nkachiꞌ re̱ꞌ nu̱u̱nꞌ ráa: ―Suvirán jíníꞌ ya̱ ntu jiáꞌa ñujiínꞌ níkɨ́nꞌ ráníꞌ ví ya̱ koo ma̱ni̱ꞌ táꞌán ɨɨn te̱e Israel jín ɨɨn ñɨvɨ ya̱ ntu kúvi Israel, áxí ya̱ kɨ̱ne̱ꞌyá ránꞌ maa. Soo Ndiosíꞌ nxi̱néꞌénꞌ re̱ꞌ nu̱u̱nꞌ ni̱ꞌ, ya̱ ni ɨɨn ñɨvɨ nkáchíꞌ ni̱ꞌ ya̱ ntu íyó noo, ni ya̱ ntu ninuꞌun ráa.

1 Timoteo 5:20

Jee ichinúúnꞌ nɨꞌɨ, nuxeenꞌ nú nu̱u̱nꞌ rá ñɨvɨ níkɨ́nꞌ ichi kua̱chi, sáva kuyu̱ꞌví sava ka̱ꞌ rá ñɨvɨ, sáva nsáꞌá ráa maa.

Gálatas 6:12

Rá te̱e ya̱ kuíni kino̱o va̱ꞌa ráa nu̱u̱nꞌ rá inka ñɨvɨ jie̱ꞌe̱ꞌ ya̱ sáꞌá ráa, suviráa ví ya̱ tétuvi ráa ya̱ sikúnkuvi rán costumbre ñuunꞌ Israel ya̱ sáꞌá circuncidar rán maárán. Sáꞌá ráa suꞌva sáva nkóto u̱ꞌvi̱ꞌ rá ñɨvɨ ráa jie̱ꞌe̱ꞌ tu̱ꞌun ya̱ níꞌiꞌ Cristo nu̱u̱nꞌ kurúsiꞌ jie̱ꞌe̱ꞌ‑ó.

Hebreos 12:13

Jee kɨ̱ꞌɨ̱nꞌ rán nukú rán nakunikɨnꞌ rán ichi na̱a̱ꞌ váꞌa sáva ntu kúvi rán kuéntáꞌ te̱e lénkó ya̱ yaꞌá yukuán chúꞌun‑u jie̱ꞌe̱ꞌ‑e jee nataꞌnu jie̱ꞌe̱ꞌ‑e. Chisaꞌ nuvi rán sáva nakaka na̱a̱ꞌ rán.

Hebreos 9:10

Chi ntáká rá tiñu yukuán, jee kua̱chi kuitɨꞌ kúvi‑i tu̱ꞌun ya̱ tátúníꞌ‑i na̱ja saꞌá‑ó jín yɨkɨkúñu‑ó. Chi tátúníꞌ‑i jie̱ꞌe̱ꞌ ya̱ yájíꞌ, jín ya̱ jíꞌi, jín jie̱ꞌe̱ꞌ na̱ja nasaꞌá noo‑ó yɨkɨkúñu‑ó. Jee ñakɨnꞌ Ndiosíꞌ tiñu vá ne̱kua̱ꞌ tiempúꞌ nasaꞌá jiáá na̱a̱ꞌ re̱ꞌ nɨꞌɨ.

Gálatas 2:9

Jee jíníꞌ rá ñɨvɨ ya̱ Jacobo, Pedro, jín Juan ví rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. Jee ni núníꞌ ráa nsa̱ꞌá kuéntáꞌ ya̱ ntaji Ndiosíꞌ tiñu vá nu̱u̱nꞌ ni̱ꞌ jee chíneí chítuvi re̱ꞌ nuꞌuꞌ. Jee ntɨɨn ráa naꞌá ni̱ꞌ jín Bernabé, jie̱ꞌe̱ꞌ nkuva̱ꞌa iniꞌ ráa nne̱ꞌyá ráa ránuꞌuꞌ. Nsa̱ꞌá ráa suꞌva sáva stúvi ráa ya̱ kúnuún iniꞌ nta̱ká ránꞌ ya̱ kɨ̱satíñú ni̱ꞌ jín Bernabé nteñu rá ñɨvɨ inka nación, jee kɨ̱satíñú ráa nteñu rá ñɨvɨ ya̱ kúvi ichiyúkúnꞌ Israel.

Gálatas 2:7

Chisaꞌ nsa̱ꞌá ráa kuéntáꞌ ya̱ nte̱tíñú Ndiosíꞌ nuꞌuꞌ ya̱ stekútu̱ꞌún ni̱ꞌ tu̱ꞌun váꞌa Jesús nu̱u̱nꞌ rá se̱ꞌya inka nación, ya̱ ntu sáꞌá circuncidar ráa, kuéntáꞌ nte̱tíñú re̱ꞌ Pedro ya̱ stekútu̱ꞌún‑u tu̱ꞌun vá nu̱u̱nꞌ rá ñɨvɨ ya̱ kúvi ichiyúkúnꞌ Israel, ya̱ sáꞌá circuncidar ráa.

Romanos 14:14

Jee jie̱ꞌe̱ꞌ yɨ́ꞌɨ́ ni̱ꞌ nu̱u̱nꞌ I̱toꞌoꞌ‑ó Jesús, jíníꞌ ni̱ꞌ jee ínúꞌ nijia iniꞌ ni̱ꞌ ya̱ ntu kúvi kachiꞌ‑ó ya̱ ntu íyó ninuꞌun ni ɨɨn rá nantíñú ya̱ nsa̱ꞌá Ndiosíꞌ chi íyó ninuꞌun maá maáa. Soo retú ɨɨn ñɨvɨ jiáni iniꞌ‑i ya̱ ntu íyó ninuꞌun ɨɨn tiñu áxí nantíñú, saájee stívɨ́‑ɨ maáa retú saꞌá‑a vá.

Hechos 15:24

’Nteso̱ꞌo ránꞌ ya̱ sava rá táꞌán ráníꞌ nkene ráa nteñu ránuꞌuꞌ kua̱ne̱ꞌyá ráa ránoꞌó jee nxtaña̱ꞌán ráa ránoꞌó jín tu̱ꞌun ráa, jee nku̱naanꞌ rán nsa̱ꞌá ráa. Soo ntu̱náꞌ tiñu njia̱ꞌa ráníꞌ nu̱u̱nꞌ ráa.

Gálatas 2:3

Yukuán nneeꞌ Tito jín ránꞌ. Jee sú kúvi re̱ꞌ te̱e ichiyúkúnꞌ se̱ꞌya ñuunꞌ Grecia, ya̱ ntu kúvi re̱ꞌ te̱e ñuunꞌ Israel, soo ntu ntétuvi ráa saꞌá re̱ꞌ costumbre rá ñɨvɨ Israel, na̱ni circuncisión.

Hechos 15:1

Kéꞌín rá te̱e va̱ji ne̱ Judea jee ntiaaꞌ ráa Antioquía. Jee xínéꞌénꞌ ráa rá ñaniꞌ kúneí iniꞌ Jesús ya̱: “Nsáꞌ nánitáꞌvíꞌ rán, ré ntu sáꞌá circuncidar rán maárán sánikua̱ꞌ ñujiínꞌ njiáꞌa nu̱u̱nꞌ Moisés ñakɨnꞌ re̱ꞌ.”

Hechos 15:5

Soo nna̱kuiñɨꞌ kéꞌín rá te̱e kúneí iniꞌ Jesús, ya̱ yɨ́ꞌɨ́ ñujiínꞌ fariseo, jee nkachiꞌ ráa: ―Íyó saꞌá circuncidar‑ó ráa, jee íyó tatúníꞌ‑ó ya̱ sikúnkuvi ráa tu̱ꞌun ley nta̱túníꞌ Ndiosíꞌ, ya̱ njiáꞌa re̱ꞌ nu̱u̱nꞌ Moisés.

Gálatas 1:6

Tívɨ́ xíniꞌ ni̱ꞌ ya̱ xínóo ñamaꞌ víꞌí rán Ndiosíꞌ, ya̱ nkana re̱ꞌ ránoꞌó kɨꞌɨ rán chi̱ji naꞌá re̱ꞌ, jie̱ꞌe̱ꞌ íyó mániꞌ iniꞌ Cristo néꞌyá re̱ꞌ ránoꞌó, sú ntu íyó ni̱ꞌi̱nꞌ rán maa. Jee ntɨɨn rán inka tu̱ꞌun káꞌánꞌ sɨ́ɨ́n, ya̱ káchíꞌ ráa ya̱ kúvi tu̱ꞌun váꞌa, naní evangelio.

Gálatas 1:18

Saájee njia̱ꞌa u̱ni̱ꞌ kui̱ya̱ꞌ, jee ña̱ꞌa̱nꞌ ni̱ꞌ ñuunꞌ Jerusalén nne̱ꞌyá ni̱ꞌ Pedro. Saájee nkino̱o ni̱ꞌ xa̱ꞌu̱nꞌ (15) ki̱vɨ̱ꞌ yukuán jín re̱ꞌ.

Colosenses 1:5

Jiáꞌnu rán suꞌva chi jie̱ꞌe̱ꞌ ni ka̱ꞌ íyó tu̱ꞌun neí iniꞌ rán ni̱ꞌi̱nꞌ rán ta̱ꞌvi̱ꞌ ya̱ nanitáꞌvíꞌ rán ya̱ ñúꞌún va̱ꞌa ne̱ ñuunꞌ íyó súkún nu̱u̱nꞌ íyó Ndiosíꞌ. Jie̱ꞌe̱ꞌ ta̱ꞌvi̱ꞌ vá ví ya̱ ya nteso̱ꞌo rán nu̱u̱nꞌ tu̱ꞌun na̱a̱ꞌ, ya̱ kúvi tu̱ꞌun váꞌa jie̱ꞌe̱ꞌ Cristo, naní evangelio.