Filipenses 4:9 - Mixteco del suroeste de Tlaxiaco Oaxaca

⁹ Saꞌá rán ya̱ nku̱tu̱ꞌva rán ya̱ nxi̱néꞌénꞌ ni̱ꞌ ránoꞌó, jín tu̱ꞌun ya̱ nníꞌinꞌ rán ya̱ ntaji ni̱ꞌ nu̱u̱nꞌ rán, jín ya̱ nteso̱ꞌo rán ya̱ nkachiꞌ ni̱ꞌ, jín ya̱ niniꞌ rán ya̱ nsa̱ꞌá ni̱ꞌ. Jee saꞌá rán maa, jee máá Ndiosíꞌ vá táji ya̱ kuneeꞌ va̱ꞌa rán, jee koo re̱ꞌ jín rán.

Filipenses 4:9 Referans Kwoze

Santiago 1:22

Jee íyó kuvi rán ñɨvɨ ya̱ síkúnkuvi ya̱ káchíꞌ Tu̱ꞌun Ndiosíꞌ, jee nsáꞌ kua̱chi tésóꞌo rán ni maa, chi suꞌva xínáꞌví rán maárán.

Filipenses 3:17

Ránoꞌó ñaniꞌ jín ku̱ꞌva. Nasaꞌá nɨꞌɨ rán sánikua̱ꞌ jiáꞌnu ni̱ꞌ. Tɨɨn rán kuéntáꞌ rá ñɨvɨ jiáꞌnu ichi sáá jiáꞌnu ránuꞌuꞌ.

2 Pedro 1:10

Saáva, ránoꞌó ñanitáꞌán, nikó néí rán kueꞌnu rán sánikua̱ꞌ kuíni re̱ꞌ sáva tu̱vi niji ya̱ nkana Ndiosíꞌ ránoꞌó jín ya̱ nkáji re̱ꞌ ránoꞌó kuvi rán ñɨvɨ re̱ꞌ. Jee retú saꞌá nijia rán ntáká rá tiñu yaꞌá jee ni nsáꞌ kininkava rán ntu íyó nanikó ya̱ta̱ꞌ iniꞌ rán ichi Cristo.

Juan 13:17

Retú jiáku̱ꞌun iniꞌ rán rá tu̱ꞌun yaꞌá, jee na̱ ka̱ꞌ va̱ꞌa ka̱ꞌ kúvi rán retú sikúnkuvi rán maa.

Filipenses 4:7

Jee nu̱u̱nꞌ sáꞌá rán sukuán taji Ndiosíꞌ ya̱ kuneeꞌ va̱ꞌa rán. Jee saꞌ víꞌí káꞌ taji re̱ꞌ sukuán ya̱ ntu kúvi ki̱ku̱ꞌun iniꞌ ñɨvɨ maa. Jee ya̱ kuneeꞌ va̱ꞌa rán vá kúmí‑i ánímaꞌ rán jín antúníꞌ rán, jie̱ꞌe̱ꞌ yɨ́ꞌɨ́ rán nu̱u̱nꞌ Cristo Jesús.

Romanos 16:20

Jee maá Ndiosíꞌ ya̱ sáꞌá re̱ꞌ ya̱ nééꞌ va̱ꞌa‑ó, jee ya̱chi̱ꞌ ni saꞌá re̱ꞌ ya̱ kuneí rán jín kui̱ꞌna̱ꞌ kúñáꞌnú ya̱ naní Satanás kuéntáꞌ kua̱xin rán maa chi̱ji jie̱ꞌe̱ꞌ rán. Jee na̱ ka̱ꞌ koo ma̱ni̱ꞌ iniꞌ I̱toꞌoꞌ‑ó Jesús kune̱ꞌyá re̱ꞌ ránoꞌó.

2 Corintios 13:11

Nu̱u̱nꞌ nɨ́ꞌɨ, tátúníꞌ ni̱ꞌ nu̱u̱nꞌ ránoꞌó ñanitáꞌán ya̱, na̱ ka̱ꞌ kusɨ̱ɨ̱ꞌ iniꞌ ánímaꞌ rán, na̱ ka̱ꞌ kujia noo iniꞌ rán nu̱u̱nꞌ Cristo ne̱ kuna̱a̱ꞌ rán, jee na̱ ka̱ꞌ tɨɨn kuéntáꞌ rán rá tu̱ꞌun ya̱ xínániꞌvɨꞌ ni̱ꞌ iniꞌ rán, jee na̱ ka̱ꞌ nuún kuꞌun iniꞌ rán, jee na̱ ka̱ꞌ ñunkúún kuneeꞌ rán jín ɨɨn inka táꞌán rán. Jee maá Ndiosíꞌ, ya̱ sáꞌá ya̱ kunu̱u̱nꞌ‑ó ɨɨn inka‑ó jín ya̱ kuneeꞌ ñunkúún‑ó jín ɨɨn inka‑ó, jee koo re̱ꞌ jín rán.

Lucas 6:46

Saájee nkachiꞌ re̱ꞌ: ―¿Na̱ jie̱ꞌe̱ꞌ chi káꞌánꞌ rán nuꞌuꞌ, “I̱toꞌoꞌ ráníꞌ, I̱toꞌoꞌ ráníꞌ”, jee ni ntu sáꞌá ránú ya̱ káchíꞌ ni̱ꞌ rúja?

Mateo 28:20

Jee xinéꞌénꞌ rán ráa ya̱ kaníjiá ráa ntáká ya̱ nta̱túníꞌ ni̱ꞌ nu̱u̱nꞌ rán, jee nuꞌuꞌ koo ni̱ꞌ jín rán ntáká ki̱vɨ̱ꞌ ne̱kua̱ꞌ kenta ji̱nu tiempúꞌ nu̱u̱nꞌ nɨ́ꞌɨ. Sukuán koo.

Mateo 7:21

’Nsú ntáká ñɨvɨ ya̱ káchíꞌ ráa nu̱u̱nꞌ nuꞌuꞌ “I̱toꞌoꞌ ni̱ꞌ, I̱toꞌoꞌ ni̱ꞌ”, ni̱ꞌi̱nꞌ ráa ki̱vɨ ráa naꞌá Ndiosíꞌ ya̱ nééꞌ antivɨ́ súkún, chisaꞌ sáni rá ñɨvɨ ya̱ síkúnkuvi nijia rá tiñu sáni kuíni Tátáꞌ ni̱ꞌ Ndiosíꞌ íyó antivɨ́ súkún.

2 Tesalonicenses 3:4

Jee ne̱ yuchí kúkáꞌnú iniꞌ ráníꞌ I̱toꞌoꞌ‑ó jie̱ꞌe̱ꞌ ránoꞌó, ya̱ síkúnkuvi ránú ya̱ tátúníꞌ ráníꞌ nu̱u̱nꞌ ránoꞌó, jín ya̱ saꞌá rán ka̱ꞌ sukuán.

1 Tesalonicenses 1:6

Jee nkenta sáꞌá ránú mákua sáꞌá ráníꞌ jín mákua sáꞌá I̱toꞌoꞌ‑ó, chi nuún násaꞌá ránoꞌó jín ránuꞌuꞌ, chi ntɨɨn rán tu̱ꞌun jie̱ꞌe̱ꞌ Cristo, súka̱ꞌ nóꞌo víꞌí rán, [ya̱ jíto u̱ꞌvi̱ꞌ ñɨvɨ ránoꞌó jie̱ꞌe̱ꞌ vá]. Jee ne̱ iniꞌ ánímaꞌ rán nku̱sɨ̱ɨ̱ꞌ nsa̱ꞌá Ta̱chi̱ꞌ Ííꞌ Ndiosíꞌ.

1 Tesalonicenses 5:23

Ndiosíꞌ ví ya̱ sáꞌá‑a ya̱ kuneeꞌ ñunkúún ñɨvɨ. Jee ñúꞌún iniꞌ ni̱ꞌ ya̱ na̱ ka̱ꞌ sasɨ́ɨ́n re̱ꞌ ka̱ꞌ ránoꞌó ya̱ nkɨ́ꞌɨ rán ka̱ꞌ nu̱u̱nꞌ ya̱ níváꞌa, ya̱ kɨtíñú noo rán nu̱u̱nꞌ re̱ꞌ. Jee ñúꞌún iniꞌ ni̱ꞌ ya̱ na̱ ka̱ꞌ kumí re̱ꞌ ka̱ꞌ kávii kuitɨꞌ sáá íyó rán, va̱ni ánímaꞌ rán, va̱ni antúníꞌ rán, va̱ni yɨkɨkúñu rán, sáva ntu̱náꞌ kua̱chi koo si̱kɨ̱ꞌ ránoꞌó, sáá kiji tuku I̱toꞌoꞌ‑ó Jesús ya̱ kúvi Cristo.

Romanos 15:33

Jee maá Ndiosíꞌ ya̱ sáꞌá ya̱ kuneeꞌ va̱ꞌa‑ó, na̱ ka̱ꞌ koo re̱ꞌ jín ntáká rán. Sukuán koo. Amén.

Juan 2:5

Saájee nkachiꞌ nánáꞌ Jesús nu̱u̱nꞌ rá ñɨvɨ ya̱ chúꞌun nixiꞌ: ―Saꞌá rán néni ɨɨn tiñu ya̱ kachiꞌ re̱ꞌ nu̱u̱nꞌ rán ―nkachiꞌ ña.

Lucas 8:21

Jee nna̱xiníkó Jesús: ―Nánáꞌ ni̱ꞌ jín rá ñaniꞌ ni̱ꞌ kúvi rá ñɨvɨ ya̱ tésóꞌo ráa Tu̱ꞌun Ndiosíꞌ jee síkúnkuvi ráa maa ―nkachiꞌ re̱ꞌ.

1 Tesalonicenses 2:14

Chi, ránoꞌó ñanitáꞌán, nkenta nuún nnoꞌo rán kuéntáꞌ nnoꞌo rá grupo ñɨvɨ, ya̱ ínúꞌ iniꞌ ráa Cristo, ya̱ nééꞌ ráa rá ñuunꞌ tɨ́ɨn Judea, ya̱ yɨ́ꞌɨ́ ráa nu̱u̱nꞌ Ndiosíꞌ jín nu̱u̱nꞌ Cristo Jesús. Chi suni nito u̱ꞌvi̱ꞌ rá táꞌán ránú ránoꞌó, kuéntáꞌ nito u̱ꞌvi̱ꞌ rá táꞌán ñɨvɨ ñuunꞌ ráa Israel maáráa.

1 Corintios 10:31

Saáva va̱ni yájíꞌ ránú áxí va̱ni jíꞌi rán áxí na̱ jie̱ꞌe̱ꞌ tiñu sáꞌá rán, jee saꞌá rán ntáká tiñu sáva nakuetúꞌún rá ñɨvɨ jie̱ꞌe̱ꞌ Ndiosíꞌ ya̱ kuniꞌ ráa ya̱ viiꞌ nasɨ́kuitɨꞌ kúñáꞌnú re̱ꞌ.

Hechos 9:6

Nkisɨ Saulo máá ñúyúꞌví iniꞌ re̱ꞌ, jee nkachiꞌ re̱ꞌ: ―I̱toꞌoꞌ ni̱ꞌ, ¿ná kúvi ya̱ kuíni nú ya̱ saꞌá ni̱ꞌ? Jee I̱toꞌoꞌ‑ó nkachiꞌ: ―Nako̱o jee ki̱vɨ ñuunꞌ vá. Jee yukuán kachiꞌ ɨɨn ñɨvɨ ná kúvi ya̱ íyó saꞌá nú.

2 Timoteo 4:22

Jee na̱ ka̱ꞌ I̱toꞌoꞌ‑ó kunaka ñaꞌán re̱ꞌ ka̱ꞌ noꞌó. Na̱ ka̱ꞌ koo ma̱ni̱ꞌ iniꞌ Ndiosíꞌ ka̱ꞌ jín ránoꞌó. Sukuán koo. Amén.

1 Corintios 14:33

Chi Ndiosíꞌ chi ntu kúvi re̱ꞌ Ndiosíꞌ ya̱ sísákánuun re̱ꞌ xi̱ni̱ꞌ‑ó, chisaꞌ sáꞌá re̱ꞌ ya̱ nééꞌ ñunkúún‑ó jín ɨɨn inka‑ó. Kuéntáꞌ sáꞌá‑ó iniꞌ ntáká rá grupo ñɨvɨ kúneí iniꞌ ráa Cristo ya̱ nsa̱ꞌá sɨ́ɨ́n re̱ꞌ yɨ́ꞌɨ́ ráa nu̱u̱nꞌ Ndiosíꞌ,

Juan 15:14

’Jee ránoꞌó, chi ñɨvɨ kámani jín ni̱ꞌ kúvi rán, retú síkúnkuvi na̱a̱ꞌ nijia rán rá tu̱ꞌun ni̱ꞌ ya̱ nta̱túníꞌ ni̱ꞌ nu̱u̱nꞌ rán.

1 Juan 3:22

jee suni na̱ni kúvi ya̱ ka̱ka̱nꞌ‑ó nu̱u̱nꞌ re̱ꞌ, jee ni̱ꞌi̱nꞌ‑ó maa nu̱u̱nꞌ re̱ꞌ, chi síkúnkuvi‑ó ya̱ tátúníꞌ re̱ꞌ, chi sáꞌá‑ó ya̱ kúváꞌa iniꞌ re̱ꞌ néꞌyá re̱ꞌ maa.

Mateo 1:23

Kune̱ꞌyá rán, ɨɨn ñaꞌan súchí núún, nanise̱ꞌya ña, jee sikáku ña ɨɨn su̱chí yɨ́ɨ́, jee sikúnání ráa maa Emanuel káchíꞌ nu̱u̱nꞌ Tutuꞌ Ííꞌ. Emanuel kuíni kachiꞌ: Ndiosíꞌ íyó re̱ꞌ jín‑ó.

1 Corintios 4:16

Jee saáva jíkánꞌ táꞌvíꞌ ni̱ꞌ nu̱u̱nꞌ ránoꞌó ya̱ kunikɨnꞌ rán kueꞌnu rán ichi kuéntáꞌ jiáꞌnu nuꞌuꞌ.