Biblia Todo Logo
Bib sou entènèt

- Piblisite -




Filipenses 4:8 - Mixteco del suroeste de Tlaxiaco Oaxaca

8 Jee nu̱u̱nꞌ nɨ́ꞌɨ ka̱ꞌ kachiꞌ ni̱ꞌ ka̱ꞌ nu̱u̱nꞌ rán, ránoꞌó ñaniꞌ jín ku̱ꞌva. Kuꞌun iniꞌ rán jie̱ꞌe̱ꞌ nta̱ká tu̱ꞌun na̱a̱ꞌ, jín jie̱ꞌe̱ꞌ nta̱ká tiñu ya̱ íyó ñáꞌnú, jín jie̱ꞌe̱ꞌ nta̱ká tiñu ya̱ íyó na̱a̱ꞌ, jín jie̱ꞌe̱ꞌ nta̱ká tiñu ya̱ íyó ninuꞌun, jín jie̱ꞌe̱ꞌ nta̱ká tiñu ya̱ sáꞌá ya̱ níní viiꞌ kuvi iniꞌ ñɨvɨ, jín jie̱ꞌe̱ꞌ nta̱ká tiñu ya̱ sáꞌá ñáꞌnú ñɨvɨ nu̱u̱nꞌ‑u. Retú íyó tiñu ya̱ íyó váꞌa, jee retú íyó tiñu ya̱ íyó níꞌínꞌ‑i ya̱ nakuetúꞌún ñɨvɨ jie̱ꞌe̱ꞌ‑e, kuꞌun iniꞌ rán maa.

Gade chapit la Kopi




Filipenses 4:8
67 Referans Kwoze  

Soo ya̱ níchí ya̱ va̱ji ne̱ nu̱u̱nꞌ Ndiosíꞌ ví ya̱: xíꞌna ka̱ꞌ jiáꞌnu ninuꞌun ñɨvɨ, jee kuíre nééꞌ ñunkúún ráa, jee másúꞌ iniꞌ ráa, jee jiáku̱ꞌun iniꞌ ráa íyó maniꞌ ráa ya̱ káchíꞌ inka ñɨvɨ, jee kúkánáa ráa ya̱ náꞌví iniꞌ ráa, jee sáꞌá ráa ya̱ váꞌa ya̱ va̱ji ne̱ ánímaꞌ ráa kuéntáꞌ kúun rá vixíꞌ nu̱u̱nꞌ yutun, jee saɨn íyó iniꞌ ráa, jee nsú sansuꞌva íyó ráa.


jín nta̱ká tiñu. Jee noꞌó, saꞌá nú tiñu váꞌa sáva kuvi nú ɨɨn ichi váꞌa kunikɨnꞌ ráa. Ni xínéꞌénꞌ nú jee koo na̱a̱ꞌ nú, jín ya̱ koo ñáꞌnú iniꞌ nú,


Chi ñúꞌún iniꞌ ráníꞌ ya̱ sáꞌá na̱a̱ꞌ ránꞌ, jee nsú kua̱chi kuitɨꞌ ichinúúnꞌ maa I̱toꞌoꞌ‑ó ni, chisaꞌ suni ne̱ ichinúúnꞌ rá ñɨvɨ ranika̱ꞌ.


Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,


Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.


Ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ. Chi jíníꞌ va̱ꞌa ráníꞌ ya̱ ntu̱náꞌ ñúꞌún kua̱chi iniꞌ ránꞌ jín ya̱ kuíni ránꞌ ya̱ saꞌá na̱a̱ꞌ va̱ꞌa ránꞌ ntáká nu̱u̱nꞌ ntáká tiñu.


Kumí nú maánú, Timoteo, sáva nkújiááꞌ iniꞌ ni ɨɨn ñɨvɨ noꞌó, jie̱ꞌe̱ꞌ te̱e súchí ka̱ꞌ kúvi nú. Soo kaꞌanꞌ va̱ꞌa, kaka na̱a̱ꞌ, kunu̱u̱nꞌ nú ñɨvɨ jín Ndiosíꞌ, jee kuneí iniꞌ nú Cristo, jee ninuꞌun koo nú. Jee suꞌva suvinú kuvi ɨɨn ichi nu̱u̱nꞌ rá ñɨvɨ ínúꞌ iniꞌ ráa Cristo, ya̱ kunikɨnꞌ ráa ichi yaꞌá.


Chi ñuꞌunꞌ re̱ꞌ ya̱ túúnꞌ iniꞌ ánímaꞌ‑ó, sáꞌá‑a ya̱ saꞌá‑ó ntáká tiñu váꞌa, jín ntáká tiñu na̱a̱ꞌ, jín ya̱ kaꞌanꞌ‑ó ya̱ naáꞌ.


Soo íyó kuvi re̱ꞌ ɨɨn te̱e ya̱ íyó maniꞌ iniꞌ, ya̱ ku̱ꞌva re̱ꞌ ntíꞌ veꞌi kino̱o ñɨvɨ jíka ichi, jín ya̱ ñúnúunꞌ ya̱ váꞌa, jín ya̱ jiáni kájí iniꞌ, jín ya̱ jíka na̱a̱ꞌ, jín ya̱ sáꞌá sɨ́ɨ́n re̱ꞌ maáréꞌ ya̱ nkɨ́ꞌɨ re̱ꞌ nu̱u̱nꞌ ya̱ níváꞌa sáni kuíni Ndiosíꞌ, jín ya̱ nákeꞌen re̱ꞌ maáréꞌ.


Jee nta̱ká ñɨvɨ ya̱ íyó túꞌun neí iniꞌ ráa ya̱ saꞌá re̱ꞌ yaꞌá, jee násaꞌá ninuꞌun ráa maáráa, kuéntáꞌ íyó ninuꞌun maáréꞌ.


Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.


Jee rá ñanitáꞌán‑ó íyó kutu̱ꞌva ráa kɨtíñú ráa saꞌá ráa tiñu váꞌa, sáva kɨtuvi ráa jín rá ñɨvɨ jíniñúꞌún ya̱ kutekuꞌ rává, jee sáva nkuéꞌnu ka̱ꞌá ráa.


Jee kueꞌnu na̱a̱ꞌ‑ó kuéntáꞌ kaka‑ó nuví jee nsú kuéntáꞌ nu̱u̱nꞌ neenꞌ. Jee koto sáꞌá‑ó rá viko néꞌí, jín ya̱ koto jíꞌi‑ó ku̱ni‑ó, jín ya̱ koto kúsíkɨ́ iniꞌ‑ó tiñu téní, jín ya̱ koto sáꞌá néꞌí‑ó, jín ya̱ koto kántáꞌán‑ó, jín ya̱ koto kóo u̱ꞌvi̱ꞌ iniꞌ‑ó.


Jee tɨ́ɨn kuéntáꞌ Tátáꞌ‑ó Ndiosíꞌ ya̱ néñu̱ꞌun ninuꞌun‑ó re̱ꞌ, jín ya̱ saɨn iniꞌ‑ó ya̱ néñu̱ꞌun‑ó re̱ꞌ retú sáꞌá‑ó yaꞌá: ya̱ chíneí‑ó rá kuáchí nkino̱o láꞌví jín rá ñaꞌan ya̱ nkino̱o náꞌví ráa, ya̱ kúkuíꞌyáꞌ iniꞌ ráa nu̱u̱nꞌ ya̱ nóꞌo ráa, jee suni ya̱ kúmí‑ó maáó ya̱ ntu sátéꞌén‑ó ánímaꞌ‑ó jín ya̱ niváꞌa ya̱ níyo iniꞌ ñɨvɨ ñɨ̱vɨ́.


Ránoꞌó ya̱ kúvi kuéntáꞌ se̱ꞌya ni̱ꞌ, koto ñúnúunꞌ‑ó jín kua̱chi tu̱ꞌun káꞌánꞌ‑ó jín yuꞌú‑ó, chisaꞌ kunu̱u̱nꞌ nijia‑ó jín tiñu váꞌa saꞌá‑ó.


Xinéꞌénꞌ nú rá te̱e ñáꞌnú, ya̱ ntu jíꞌi víꞌí jee ntu jíni ráa, jín ya̱ ñáꞌnú iniꞌ ráa, jín ya̱ kuꞌun kájí iniꞌ ráa, jín ya̱ kuiñɨ na̱a̱ꞌ kutú ráa ya̱ kúneí iniꞌ ráa Cristo, jín ya̱ kunu̱u̱nꞌ ráa rá ñɨvɨ jín Ndiosíꞌ, jín ya̱ kuni̱ꞌin ráa kuiñɨ ni̱ꞌin ráa jín Jesús.


Jee jíkánꞌ táꞌvíꞌ ráníꞌ nu̱u̱nꞌ Ndiosíꞌ, ya̱ ni nsáꞌá ránú ni ɨɨn ya̱ níváꞌa. Soo jíkánꞌ táꞌvíꞌ ráníꞌ suꞌva nsú sáva túvi ráníꞌ nu̱u̱nꞌ rán ya̱ kéne na̱a̱ꞌ ráníꞌ, chisaꞌ sáva saꞌá ránú ya̱ váꞌa, súnika̱ꞌ jiáni iniꞌ ránú ya̱ ránuꞌuꞌ ntu kéne na̱a̱ꞌ ráníꞌ.


Kuꞌun kájí xíniꞌ rán kueꞌnu ñunkúún rán sáni kuíni Ndiosíꞌ nteñu rá ñɨvɨ ya̱ ntu kúneí iniꞌ ráa Cristo, jee suꞌva ntu súkuíta rán tiempúꞌ ya̱ káꞌánꞌ rán jín ráa.


Jee ya̱ ñáꞌnú ka̱ꞌ nu̱u̱nꞌ nɨꞌɨ vá kukáñá iniꞌ rán kunu̱u̱nꞌ rán ɨɨn inka táꞌán rán, chi retú ñúnúunꞌ táꞌán‑ó, jee jiásɨ́ꞌ‑ó nu̱u̱nꞌ kue̱ꞌe̱ꞌ rá kua̱chi sáꞌá‑ó jie̱ꞌe̱ꞌ ya̱ nékáꞌnú iniꞌ‑ó ɨɨn inka táꞌán‑ó.


Chi rá ñɨvɨ tátúníꞌ, jee nsáꞌ nísotíñú ráa sáva chuyúꞌví ráa iniꞌ rá ñɨvɨ ya̱ sáꞌá tiñu váꞌa, chisaꞌ rá ñɨvɨ ya̱ sáꞌá tiñu niváꞌa. ¿Á kuíni nú ya̱ nsáꞌ kuyu̱ꞌví nú rá ñɨvɨ nísotíñú nu̱u̱nꞌ nú? Jee saꞌá nú ya̱ váꞌa, résa, jee ni̱ꞌi̱nꞌ nú ya̱ nakuetúꞌún ráa noꞌó.


Chi njia̱ꞌa re̱ꞌ maáréꞌ ya̱ kuviꞌ re̱ꞌ jie̱ꞌe̱ꞌ‑ó, sáva chunáán nkáꞌnú re̱ꞌ maáréꞌ nu̱u̱nꞌ Ndiosíꞌ jie̱ꞌe̱ꞌ‑ó, sáva nakani núne re̱ꞌ yó naꞌá nta̱ká nu̱u̱nꞌ ya̱ niva̱ꞌa. Jee nna̱saꞌá noo nɨꞌɨ kuitɨꞌ re̱ꞌ kua̱chi níso ánímaꞌ‑ó, sáva kuvi‑ó ñɨvɨ maáréꞌ, sáva kuꞌun káñá iniꞌ‑ó saꞌá‑ó ya̱ váꞌa.


Jee nu̱u̱nꞌ nɨ́ꞌɨ káchíꞌ ni̱ꞌ ka̱ꞌ nu̱u̱nꞌ rán, ránoꞌó ñaniꞌ jín ku̱ꞌva. Sɨ̱ɨ̱ꞌ koo iniꞌ ánímaꞌ rán jie̱ꞌe̱ꞌ I̱toꞌoꞌ‑ó. Nsú tiñu stáña̱ꞌán ví nu̱u̱nꞌ ni̱ꞌ, ya̱ tée tuku ni̱ꞌ ɨɨn ni tu̱ꞌun yaꞌá nu̱u̱nꞌ rán, jee kootiñu tu̱ꞌun vá sáva kukutú rán ka̱ꞌ.


Chisaꞌ ñɨvɨ Israel nijia jee ne̱ ánímaꞌ‑a kúvi‑i vá. Jee tiñu sáꞌá Ta̱chi̱ꞌ Ííꞌ Ndiosíꞌ iniꞌ ánímaꞌ ñɨvɨ ví circuncisión nijia ya̱ kúvi seña ya̱ stúvi ya̱ kúvi‑i ñɨvɨ Ndiosíꞌ jee nsú jie̱ꞌe̱ꞌ nánukú ráa sikúnkuvi ráa ley ya̱ níso nu̱u̱nꞌ Tutuꞌ Ííꞌ. Jee ñɨvɨ sukuán, nsú rá ñɨvɨ nákuetúꞌún maa, chisaꞌ ne̱ nu̱u̱nꞌ Ndiosíꞌ va̱ji ya̱ nákuetúꞌún re̱ꞌ maa.


Jee suni sukuán náxiníꞌvɨ́ꞌ ni̱ꞌ iniꞌ ñanitáꞌán‑ó ya̱ kaꞌanꞌ‑ó jín Ndiosíꞌ jie̱ꞌe̱ꞌ rá te̱e, ya̱ tátúníꞌ nu̱u̱nꞌ rá ñuunꞌ, jín jie̱ꞌe̱ꞌ nta̱ká rá te̱e nísotíñú, sáva kuvi kuneeꞌ ñunkúún‑ó jee kuneeꞌ va̱ꞌa‑ó, ni jiáꞌnu‑ó ichi na̱a̱ꞌ sáni kuíni Ndiosíꞌ jee jiáꞌnu ñáꞌnú‑ó.


jee retú túvi ya̱ váꞌa sáꞌá ña nu̱u̱nꞌ inka ñɨvɨ, jee retú nsi̱kuéꞌnu va̱ꞌa ña se̱ꞌya ña, jee retú ni̱yo ma̱ni̱ꞌ iniꞌ ña, ya̱ njia̱ꞌa ña ntíꞌ veꞌi ña kino̱o ñɨvɨ jíka ichi, jee retú nsa̱ꞌá ña tiñu suꞌva, sáva kootiñu ña nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, sú tiñu láꞌví ví‑i ya̱ nna̱kete ña jie̱ꞌe̱ꞌ ráa, jee retú nchi̱neí ña rá ñɨvɨ nóꞌo, jee retú nyɨ̱tíñú ña nsa̱ꞌá ña nta̱ká nu̱u̱nꞌ ya̱ váꞌa.


Jee saáva kuiñɨ ni̱ꞌin rán satúꞌva rán maárán kukutú rán jín tu̱ꞌun na̱a̱ꞌ Ndiosíꞌ, jee yukuán kúvi kuéntáꞌ núꞌníꞌ kutú va̱ꞌa chi̱ji rán. Jee ñúꞌún kutú iniꞌ ánímaꞌ rán ya̱ kínóo na̱a̱ꞌ rán nu̱u̱nꞌ Ndiosíꞌ. Sukuán sikútú rán maárán kuéntáꞌ nákúꞌun ɨɨn soldado saꞌma ka̱a‑a sáva náma‑a maáa sáá kɨ̱kantáꞌán‑a.


Íyó saꞌá suꞌva sáva kaka ñáꞌnú rán nu̱u̱nꞌ rá inka ñɨvɨ ntu yɨ́ꞌɨ́ ráa nu̱u̱nꞌ Jesús. Jee sákua nku̱mániꞌ nu̱u̱nꞌ rán.


Jee saáva ránoꞌó siíyo rán tuntúꞌún yɨ́ꞌɨ́ yuꞌú rán, chisaꞌ kaꞌanꞌ rán jín tu̱ꞌun na̱a̱ꞌ nu̱u̱nꞌ rá ñanitáꞌán rán, chi ɨɨn ni ñɨvɨ kúvi‑ó.


Jee suni stúvi ránꞌ sáá sátíñú ránꞌ nu̱u̱nꞌ Ndiosíꞌ sáá sáꞌá ñáꞌnú ñɨvɨ nu̱u̱nꞌ ránuꞌuꞌ, jín sáá jiáꞌa ráa tu̱ꞌun kánuun nu̱u̱nꞌ ránuꞌuꞌ, jín sáá káꞌánꞌ va̱ꞌa ñɨvɨ jie̱ꞌe̱ꞌ ránꞌ, jín sáá káꞌánꞌ niva̱ꞌa ñɨvɨ jie̱ꞌe̱ꞌ ránꞌ, jín sáá káchíꞌ ñɨvɨ ya̱ te̱e xínáꞌví ví ránꞌ sú te̱e na̱a̱ꞌ ví ránꞌ,


Jee nna̱xiníkó ráa: ―Capitán Cornelio kúvi re̱ꞌ te̱e na̱a̱ꞌ nu̱u̱nꞌ Ndiosíꞌ, jee ñúyúꞌví iniꞌ re̱ꞌ néñu̱ꞌun re̱ꞌ Ndiosíꞌ. Jee nɨꞌɨ rá ñɨvɨ Israel jiáꞌa ráa ya̱ naáꞌ ya̱ kúvi re̱ꞌ suꞌva. Ɨɨn najiáꞌáꞌ ííꞌ Ndiosíꞌ nkachiꞌ‑i nu̱u̱nꞌ re̱ꞌ, ya̱ kána re̱ꞌ nó kɨ̱ꞌɨ̱nꞌ nú nu̱u̱nꞌ veꞌi re̱ꞌ, sáva teso̱ꞌo re̱ꞌ tu̱ꞌun ya̱ kachiꞌ nú nu̱u̱nꞌ re̱ꞌ ―nkachiꞌ ráa nu̱u̱nꞌ Pedro.


Chi ɨɨn ñɨvɨ ya̱ káꞌánꞌ‑a rá tu̱ꞌun ya̱ jiáni iniꞌ maáa, jee ñɨvɨ vá nukú‑u ya̱ nakuetúꞌún ñɨvɨ maa. Soo ɨɨn ñɨvɨ ya̱ nánukú‑u ya̱ nakuetúꞌún rá ñɨvɨ maáréꞌ ya̱ nchu̱ichí maa, ñɨvɨ na̱a̱ꞌ kúvi‑i, jee ntu yɨ́ꞌɨ́ tu̱ꞌun túꞌún iniꞌ‑i.


Jee saájee ni̱yo ɨɨn te̱e naní Simeón, jee nééꞌ re̱ꞌ Jerusalén jee kúvi re̱ꞌ ɨɨn te̱e na̱a̱ꞌ ya̱ yɨ́tíñú re̱ꞌ nu̱u̱nꞌ Ndiosíꞌ, jee ñúꞌún iniꞌ re̱ꞌ nétu re̱ꞌ ya̱ kiji I̱toꞌoꞌ‑ó sikáku re̱ꞌ rá ñɨvɨ ñuunꞌ Israel nasaváꞌa re̱ꞌ iniꞌ ráa. Jee Ta̱chi̱ꞌ Ííꞌ Ndiosíꞌ íyó‑o jín Simeón.


Chi ñúyúꞌví iniꞌ Herodes néꞌyá re̱ꞌ Juan, chi jíníꞌ re̱ꞌ ya̱ te̱e na̱a̱ꞌ jín ya̱ yɨ́tíñú nu̱u̱nꞌ Ndiosíꞌ ví Juan. Jee nku̱mí váꞌa re̱ꞌ maa nu̱u̱nꞌ ña. Jee sáá tésóꞌo re̱ꞌ tu̱ꞌun káchíꞌ Juan jee nku̱kuáchí iniꞌ re̱ꞌ, soo ntaꞌanꞌ iniꞌ re̱ꞌ teso̱ꞌo re̱ꞌ maa.


Jee nkachiꞌ re̱ꞌ nu̱u̱nꞌ ráa: ―Ránoꞌó jee sáꞌá rán nika̱ꞌ ya̱ kúvi rán te̱e na̱a̱ꞌ nu̱u̱nꞌ rá ñɨvɨ. Soo Ndiosíꞌ jee jíníꞌ re̱ꞌ na̱ja jiáni iniꞌ ánímaꞌ rán. Chi rá tiñu ya̱ jiáni iniꞌ rá ñɨvɨ ya̱ yɨ́yáꞌvi‑i nu̱u̱nꞌ ráa, soo nu̱u̱nꞌ Ndiosíꞌ chi maa tiñu néꞌí níváꞌa ví‑i nu̱u̱nꞌ re̱ꞌ.


Saáva, koto sáꞌá náaꞌ rán si̱kɨ̱ꞌ táꞌán rán nekuaꞌ niji maá I̱toꞌoꞌ‑ó. Maáréꞌ nastúvi nijinꞌ re̱ꞌ rá tiñu nsa̱ꞌá yuꞌuꞌ‑ó nu̱u̱nꞌ neenꞌ, jee nastúvi re̱ꞌ ya̱ ñúꞌún iniꞌ ánímaꞌ‑ó. Saájee nakuetúꞌún Ndiosíꞌ ta ɨɨn ɨɨn ñɨvɨ sánikua̱ꞌ íyó ni̱ꞌi̱nꞌ maa.


’Íyó ɨɨn te̱e naní Ananías. Kúvi re̱ꞌ te̱e yɨ́tíñú síkúnkuvi re̱ꞌ tu̱ꞌun ley njia̱ꞌa Ndiosíꞌ nu̱u̱nꞌ Moisés. Nɨꞌɨ rá ñɨvɨ Israel ya̱ nééꞌ yukuán káꞌánꞌ va̱ꞌa ráa jie̱ꞌe̱ꞌ re̱ꞌ.


Chi nka̱ji ni̱ꞌ re̱ꞌ sáva tatúníꞌ re̱ꞌ nu̱u̱nꞌ rá se̱ꞌya re̱ꞌ jín nu̱u̱nꞌ rá ichiyúkúnꞌ re̱ꞌ kiji tiempúꞌ ichinúúnꞌ sáva chuꞌun re̱ꞌ ráa ichi I̱toꞌoꞌ kunikɨnꞌ ráa maa sáva saꞌá ráa nɨꞌɨ ya̱ kúvi ya̱ váꞌa jín ya̱ íyó na̱a̱ꞌ sáva sikúnkuvi ni̱ꞌ ya̱ nkachiꞌ ni̱ꞌ saꞌá ni̱ꞌ nu̱u̱nꞌ re̱ꞌ, ya̱ kúvi ni̱ꞌ I̱toꞌoꞌ.”


Ránoꞌó ya̱ ñúnúunꞌ ni̱ꞌ, koto jínúꞌ iniꞌ rán nta̱ká rá ñɨvɨ ya̱ káchíꞌ ráa ya̱ káꞌánꞌ ráa tu̱ꞌun ya̱ njia̱ꞌa Ta̱chi̱ꞌ Ííꞌ sákachiꞌ ráa. Chisaꞌ kototúníꞌ rán ráa sáva nanukútúꞌun rán retú ta̱chi̱ꞌ njia̱ꞌa rá tu̱ꞌun káꞌánꞌ ráa kúvi Ta̱chi̱ꞌ Ííꞌ ya̱ va̱ji ne̱ nu̱u̱nꞌ Ndiosíꞌ áxí ntu̱ví. Chi kue̱ꞌe̱ꞌ víꞌí ñɨvɨ jíkanuun ñɨ̱vɨ́ yaꞌá káꞌánꞌ ráa tuntúꞌún, ya̱ kátúꞌún ráa nika̱ꞌ ya̱ kúvi ráa ñɨvɨ ya̱ nákani ráa tu̱ꞌun kéne yuꞌú Ndiosíꞌ.


jín nu̱u̱nꞌ rá ñaꞌan ñáꞌnú kuéntáꞌ káꞌánꞌ nú jín náánꞌ maánú, jín nu̱u̱nꞌ ráña súchí ka̱ꞌ kuéntáꞌ káꞌánꞌ nú jín rá ku̱ꞌva maánú. Jee kaꞌanꞌ ninuꞌun nú jín ráña.


Jee ni̱yo ɨɨn te̱e naní José ya̱ kúvi re̱ꞌ te̱e ñuunꞌ Arimatea, ya̱ yɨ́ꞌɨ́‑ɨ xi̱ntíín ñuunꞌ Judea, jee suni yɨ́ꞌɨ́ re̱ꞌ nu̱u̱nꞌ Justicia Ñáꞌnú nu̱u̱nꞌ ñuunꞌ Israel. Jee te̱e váꞌa te̱e na̱a̱ꞌ kúvi re̱ꞌ.


Jee íyó kosoꞌ va̱ꞌa re̱ꞌ nu̱u̱nꞌ táꞌán veꞌi maáréꞌ, ya̱ kɨꞌɨ rá se̱ꞌya re̱ꞌ naꞌá re̱ꞌ, jee kueꞌnu ñáꞌnú ráa.


Saájee, ránoꞌó ñaniꞌ, ka̱ji rán u̱xa̱ꞌ te̱e nteñu rán, ya̱ jíníꞌ nɨꞌɨ rán, ya̱ kúneí Ta̱chi̱ꞌ Ííꞌ Ndiosíꞌ jín ráa, jee ya̱ kúvi ráa te̱e ñúꞌún kájí iniꞌ ráa. Jee kani ráníꞌ ráa, sáva saꞌá ráa tiñu yaꞌá.


Jee nchu̱ichí ráa sava rá te̱e súkuáꞌa ráa rává jín sava rá te̱e íñɨ́ jín Herodes kua̱ꞌa̱nꞌ rává nu̱u̱nꞌ Jesús, jee nkachiꞌ rává nu̱u̱nꞌ re̱ꞌ: ―Mestrúꞌ, jíníꞌ ráníꞌ ya̱ ɨɨn te̱e na̱a̱ꞌ kúvi nú, jee na̱a̱ꞌ xínéꞌénꞌ nú rá ñɨvɨ ichi Ndiosíꞌ, chi ntu nániꞌvɨꞌ iniꞌ nú na̱ja jiáni iniꞌ ñɨvɨ, chi ntu sáꞌá nú kuéntáꞌ na̱ja íyó rá ñɨvɨ.


Chi jie̱ꞌe̱ꞌ ya̱ nínuꞌ iniꞌ rá jííꞌ‑ó yanaꞌán nku̱neí iniꞌ ráa Ndiosíꞌ jee saáva nna̱kuetúꞌún Ndiosíꞌ jie̱ꞌe̱ꞌ ráa.


Suni sukuán, rá ñaꞌan íyó kueꞌnu ñáꞌnú ráña, jee íyó kuvi ráa rá ñaꞌan, ya̱ ntu sátúꞌún ráña si̱kɨ̱ꞌ inka ñɨvɨ, jín ya̱ ntu jíꞌi víꞌí ráña nixiꞌ, jín ya̱ sukuáni síkúnkuvi ráña nɨꞌɨ ya̱ káchíꞌ ráña ya̱ kúvi kuneí iniꞌ ñɨvɨ ráña.


Jee chúichí ráníꞌ ɨɨn ñanitáꞌán‑ó jín Tito. Jee jie̱ꞌe̱ꞌ ñaniꞌ vá, nta̱ká rá grupo ñɨvɨ kútútú ráa ya̱ kúneí iniꞌ ráa Cristo nákuetúꞌún ráa maa jie̱ꞌe̱ꞌ sátíñú va̱ꞌa‑a nu̱u̱nꞌ tu̱ꞌun váꞌa jie̱ꞌe̱ꞌ Cristo.


Ránoꞌó ya̱ ñúnúunꞌ ni̱ꞌ, yaꞌá kúvi tutuꞌ uvíꞌ ya̱ tée ni̱ꞌ nu̱u̱nꞌ ránoꞌó. Jee tée ni̱ꞌ nu̱u̱nꞌ ni núvíꞌ rá tutuꞌ yaꞌá sáva xinákúꞌun ni̱ꞌ iniꞌ rán sáva xiníꞌvɨ́ꞌ ni̱ꞌ iniꞌ rán ya̱ kani ninuꞌun antúníꞌ rán,


Chi ñɨvɨ ya̱ sukuán yɨ́tíñú‑u nu̱u̱nꞌ Cristo, jee kúváꞌa iniꞌ Ndiosíꞌ néꞌyá re̱ꞌ maa, jee kúváꞌa iniꞌ rá inka ñɨvɨ jie̱ꞌe̱ꞌ ya̱ sáꞌá‑a.


Swiv nou:

Piblisite


Piblisite