Filipenses 4:5 - Mixteco del suroeste de Tlaxiaco Oaxaca

⁵ Koo másúꞌ iniꞌ rán jín nta̱ká ñɨvɨ, sáva kuniꞌ nɨꞌɨ ráa ya̱ íyó rán suꞌva. I̱toꞌoꞌ‑ó íyó yatin.

Filipenses 4:5 Referans Kwoze

Mateo 6:25

’Jee saáva káchíꞌ ni̱ꞌ nu̱u̱nꞌ rán ya̱ koto nániꞌvɨꞌ iniꞌ rán jie̱ꞌe̱ꞌ na̱ja kutekuꞌ rán, va̱ni jie̱ꞌe̱ꞌ rénákúvi ya̱ kajiꞌ rán, áxí, rénákúvi ya̱ koꞌo rán, jee koto nániꞌvɨꞌ iniꞌ rán jie̱ꞌe̱ꞌ yɨkɨkúñu rán, va̱ni ré jie̱ꞌe̱ꞌ na̱ saꞌma kuꞌun rán. Chi, ¿á nsáꞌ ya̱ yɨ́yáꞌvi ka̱ꞌ ví ya̱ sáꞌá Ndiosíꞌ jín‑ó ni tékúꞌ‑ó nsú ka̱ꞌ ya̱ kajiꞌ‑ó rúja?, jee, ¿á nsáꞌ yɨ́yáꞌvi ka̱ꞌ yɨkɨkúñu‑ó, nsú káꞌ saꞌma ñúꞌún‑ó rúja?

Tito 3:2

jín ya̱ nkákuíyuꞌú ráa jie̱ꞌe̱ꞌ ni ɨɨn ñɨvɨ, jín ya̱ nkántátúꞌún ráa, chisaꞌ koo ñunkúún iniꞌ ráa, jín ya̱ koo másúꞌ iniꞌ ráa jín nɨꞌɨ ñɨvɨ.

Hebreos 10:37

Chi káchíꞌ nu̱u̱nꞌ Tutuꞌ Ííꞌ: Yakuꞌ tíꞌínꞌ ni ka̱ꞌ tiempúꞌ kúníꞌ, jee kiji tuku Cristo ya̱ maáréꞌ vá íyó niji. Jee nsáꞌ kukuéé re̱ꞌ jee tiaaꞌ re̱ꞌ.

1 Pedro 4:7

Soo ya̱ va̱kuyatin ya̱ nɨꞌɨ ntáká rá íyó, saáva nito koo rán kuꞌun kájí iniꞌ rán sáva kuvi kaꞌanꞌ rán jín Ndiosíꞌ.

1 Corintios 6:7

Jee saáva, ya nstívɨ́ rán maárán jie̱ꞌe̱ꞌ ya̱ íyó tuntíxín ya̱ kántáꞌán rán nteñu maárán jín táꞌán rán jee kua̱ꞌa̱nꞌ rán nu̱u̱nꞌ te̱e nísotíñú sáva sanáaꞌ maa. ¿Á ntu̱ví íyó váꞌa ka̱ꞌ keꞌneꞌ iniꞌ rán ya̱ saꞌá niváꞌa ñɨvɨ jín ránoꞌó résa? Jín, ¿á ntu̱ví íyó váꞌa ka̱ꞌ keꞌneꞌ iniꞌ rán ya̱ saꞌá máñáꞌ ñɨvɨ jín rán rúja?

Hebreos 10:25

Jee ntu íyó xinóo‑ó nutútú‑ó kuneñu̱ꞌun‑ó Ndiosíꞌ, kuéntáꞌ kua̱ꞌ ya̱ nka̱an sava rá ñɨvɨ sáꞌá ráa ya̱ ni ntu nútútú ráa. Chisaꞌ nakutíñú‑ó nachuneí‑ó iniꞌ ɨɨn inka‑ó, jee saꞌ víꞌí káꞌ chi jíníꞌ‑ó ya̱ kua̱kuyatin ki̱vɨ̱ꞌ nenta I̱toꞌoꞌ‑ó Jesús.

Apoclipsis 22:7

―¡Kune̱ꞌyá rán!, chi ñamani niji tuku ni̱ꞌ ―nkachiꞌ Jesús― jee netuꞌ kuvi rá ñɨvɨ ya̱ chúꞌun iniꞌ ráa tu̱ꞌun nkene yuꞌú Ndiosíꞌ ya̱ nééꞌ nu̱u̱nꞌ tutuꞌ yaꞌá.

1 Corintios 8:13

Jee saáva, retú jie̱ꞌe̱ꞌ yájíꞌ ni̱ꞌ ku̱ñu jee sukuán sikíninkava ni̱ꞌ ñanitáꞌán‑ó nu̱u̱nꞌ kua̱chi jee ni nsáꞌ kajiꞌ kuitɨꞌ ni̱ꞌ ka̱ꞌ ku̱ñu ni tékúꞌ ni̱ꞌ, sáva ntu̱ví saꞌá ni̱ꞌ ya̱ kininkava ñanitáꞌán‑ó nu̱u̱nꞌ kua̱chi.

Mateo 6:34

Jee saáva, koto nániꞌvɨꞌ iniꞌ rán jie̱ꞌe̱ꞌ ya̱ kiji ki̱vɨ̱ꞌ steñu̱ꞌún, chi kiji ya̱ naniꞌvɨꞌ iniꞌ rán steñu̱ꞌún. Jee ya̱ nkuvi ni nániꞌvɨꞌ iniꞌ rán jie̱ꞌe̱ꞌ rá tiñu íyó vitan.

Apoclipsis 22:20

Jee maá Jesús jiáꞌa ya̱ naáꞌ jie̱ꞌe̱ꞌ ntáká rá tu̱ꞌun yaꞌá, jee káchíꞌ re̱ꞌ: ―Máá naáꞌ nijia kúvi ya̱ ñamani niji ni̱ꞌ ―kachiꞌ re̱ꞌ. Jee nkachiꞌ ni̱ꞌ nu̱u̱nꞌ re̱ꞌ: ―¡Amén! ¡Sukuán koo! ¡Neꞌenꞌ I̱toꞌoꞌ ni̱ꞌ Jesús! ―nkachiꞌ ni̱ꞌ.

1 Pedro 1:11

Jee nna̱nukú ráa na̱ tiempúꞌ jín na̱ja koo ntáká tu̱ꞌun stúvi ya̱chi̱ꞌ Ta̱chi̱ꞌ Ííꞌ Cristo ya̱ yɨ́ꞌɨ́ iniꞌ ráa nu̱u̱nꞌ ráa, ya̱ nkachiꞌ ya̱chi̱ꞌ‑i ya̱ kiji tu̱nóꞌó kunoꞌo Cristo, jín na̱ja vá viiꞌ nuñáꞌnú nasɨ́kuitɨꞌ re̱ꞌ sáá jiáꞌa tu̱nóꞌó vá.

1 Corintios 9:25

Chi ntáká ñɨvɨ síkɨ́ jee núnasɨ́ ráa sátúꞌva ráa maáráa kúmí ráa ñunéꞌyúꞌ ráa sáva kuneí ráa jee ni̱ꞌi̱nꞌ ráa kutaꞌviꞌ ráa ɨɨn ta̱ꞌvi̱ꞌ, ya̱ ntu̱ví kínóo ntáká tiempúꞌ chi náánꞌ‑á. Soo maáó chi ni̱ꞌi̱nꞌ‑ó ɨɨn ta̱ꞌvi̱ꞌ ya̱ kutaꞌviꞌ‑ó ya̱ koo jín‑ó nɨ́ɨ́nkání ya̱ ntu̱ví náánꞌ‑a.

2 Tesalonicenses 2:2

koto jiáꞌa rán sisákánuun ñamaꞌ ñɨvɨ antúníꞌ ránoꞌó, jee koto kuníní iniꞌ rán jie̱ꞌe̱ꞌ tu̱ꞌun káchíꞌ ñɨvɨ yukuán nu̱u̱nꞌ rán, ya̱ ya nkenta ki̱vɨ̱ꞌ ya̱ niji tuku I̱toꞌoꞌ‑ó, sáva tatúníꞌ re̱ꞌ nu̱u̱nꞌ nɨꞌɨ jee keꞌneꞌ re̱ꞌ kua̱chi. Jee koto sáꞌá rán kuéntáꞌ nu̱u̱nꞌ tu̱ꞌun vá, sú káchíꞌ ráa ya̱ tu̱ꞌun vá va̱ji‑i nu̱u̱nꞌ Ta̱chi̱ꞌ Ííꞌ, áxí ya̱ va̱ji‑i nu̱u̱nꞌ tu̱ꞌun yuꞌuꞌ ránuꞌuꞌ, áxí nu̱u̱nꞌ tutuꞌ ntee ránꞌ níso tu̱ꞌun vá ya̱ nkene nu̱u̱nꞌ ránuꞌuꞌ.

Lucas 21:34

’Saáva kumí rán maárán ya̱ koto túví rán maárán nu̱u̱nꞌ ñujiínꞌ ya̱ stívɨ́ rán maárán, jín nu̱u̱nꞌ ya̱ ku̱ka̱ꞌva rán nu̱u̱nꞌ nixiꞌ, jín nu̱u̱nꞌ ya̱ nívini naniꞌvɨꞌ iniꞌ rán na̱ni jie̱ꞌe̱ꞌ ya̱ íyó ni tékúꞌ rán iniꞌ ñɨ̱vɨ́ yaꞌá, sáva ntu kininkava sa̱naanꞌ kuitɨꞌ ki̱vɨ̱ꞌ vá ya̱ta̱ꞌ rán,

1 Corintios 16:22

Retú néni ɨɨn ñɨvɨ ntu ñúnúunꞌ‑u I̱toꞌoꞌ‑ó, ¡kosoni̱nu ñɨvɨ vá! ¡I̱toꞌoꞌ‑ó neꞌenꞌ!

2 Corintios 10:1

Nuꞌuꞌ Pablo jíkánꞌ táꞌvíꞌ ni̱ꞌ nu̱u̱nꞌ ránoꞌó jee másúꞌ káꞌánꞌ ni̱ꞌ jee káꞌánꞌ vi̱tá ni̱ꞌ kuéntáꞌ káꞌánꞌ Cristo. Jee ñɨvɨ káꞌvi ni káchíꞌ ya̱ sáá nééꞌ ni̱ꞌ jín rán jee ñúꞌún láꞌví iniꞌ ni̱ꞌ, soo sáá íyó íká ni̱ꞌ nu̱u̱nꞌ rán jee ñúꞌún tiɨ́kɨ́ iniꞌ ni̱ꞌ káꞌánꞌ ni̱ꞌ jín ránoꞌó, sáá tée ni̱ꞌ nu̱u̱nꞌ tutuꞌ nu̱u̱nꞌ rán.