Filipenses 4:4 - Mixteco del suroeste de Tlaxiaco Oaxaca

⁴ Sukuáni níní koo sɨ̱ɨ̱ꞌ iniꞌ ánímaꞌ rán jie̱ꞌe̱ꞌ I̱toꞌoꞌ‑ó, jee tukuni káchíꞌ ni̱ꞌ: koo sɨ̱ɨ̱ꞌ iniꞌ ánímaꞌ rán.

Filipenses 4:4 Referans Kwoze

Romanos 12:12

Jee kusɨ̱ɨ̱ꞌ iniꞌ ánímaꞌ rán jie̱ꞌe̱ꞌ ya̱ íyó tu̱neí iniꞌ rán ki̱vɨ̱ꞌ nétu rán ya̱ xinánitáꞌvíꞌ Cristo ránoꞌó. Jee keꞌneꞌ iniꞌ rán kuiñɨ ni̱ꞌin rán sáá nóꞌo rán tu̱nóꞌó. Jee kuni̱ꞌin kaꞌanꞌ rán jín Ndiosíꞌ.

Filipenses 3:1

Jee nu̱u̱nꞌ nɨ́ꞌɨ káchíꞌ ni̱ꞌ ka̱ꞌ nu̱u̱nꞌ rán, ránoꞌó ñaniꞌ jín ku̱ꞌva. Sɨ̱ɨ̱ꞌ koo iniꞌ ánímaꞌ rán jie̱ꞌe̱ꞌ I̱toꞌoꞌ‑ó. Nsú tiñu stáña̱ꞌán ví nu̱u̱nꞌ ni̱ꞌ, ya̱ tée tuku ni̱ꞌ ɨɨn ni tu̱ꞌun yaꞌá nu̱u̱nꞌ rán, jee kootiñu tu̱ꞌun vá sáva kukutú rán ka̱ꞌ.

Mateo 5:12

Na̱ ka̱ꞌ kusɨ̱ɨ̱ꞌ iniꞌ rán jee sɨ̱ɨ̱ꞌ kuvi ka̱ꞌ iniꞌ ánímaꞌ rán, chi mánasɨ́ ñáꞌnú ví ta̱ꞌvi̱ꞌ nataji Ndiosíꞌ nu̱u̱nꞌ rán ya̱ íyó ne̱ antivɨ́ súkún. Chi sánikua̱ꞌ sáꞌá kini ráa jín ránoꞌó suni sukuán nsa̱ꞌá kini rá ñɨvɨ jín rá te̱e nna̱kani tu̱ꞌun nkene yuꞌú máá maá Ndiosíꞌ ne̱ yanaꞌán ne̱ ntiáꞌan nkiji ránoꞌó.

1 Pedro 4:13

Chisaꞌ na̱ ka̱ꞌ íyó kusɨ̱ɨ̱ꞌ iniꞌ rán ya̱ jíꞌín rán nóꞌo tu̱nóꞌó jie̱ꞌe̱ꞌ yɨ́ꞌɨ́ rán nu̱u̱nꞌ Cristo, sáva suni ntántúníꞌ nasɨ́kuitɨꞌ nusɨ̱ɨ̱ꞌ iniꞌ rán kaꞌanꞌ kuekuꞌ rán ki̱vɨ̱ꞌ nenta nijinꞌ Cristo stúvi re̱ꞌ ya̱ viiꞌ nasɨ́kuitɨꞌ kúñáꞌnú re̱ꞌ nísotíñú re̱ꞌ.

Hechos 16:25

Soo yatin kuvi ñuún, Pablo jín Silas káꞌánꞌ ráa jín Ndiosíꞌ jee jíta ráa nákuetúꞌún ráa Ndiosíꞌ. Jee tésóꞌo rá inka ñɨvɨ násɨ́ꞌ iniꞌ veka̱a.

Hechos 5:41

I̱ña̱jée nkene rá apóstol nu̱u̱nꞌ Justicia. Jee kúsɨ́ɨꞌ iniꞌ ráa, chi jíníꞌ Ndiosíꞌ ya̱ níkɨ́nꞌ na̱a̱ꞌ ráa Jesús jee saáva nnoꞌo ráa tu̱nkánuun jie̱ꞌe̱ꞌ re̱ꞌ.

Gálatas 1:8

Retú maáránꞌ áxí retú ɨɨn najiáꞌáꞌ ííꞌ Ndiosíꞌ, va̱ji súkún stekútu̱ꞌún nu̱u̱nꞌ rán ɨɨn tu̱ꞌun ya̱ káꞌánꞌ sɨ́ɨ́n nu̱u̱nꞌ tu̱ꞌun váꞌa ya̱ ya nste̱kútu̱ꞌún ránꞌ nu̱u̱nꞌ rán, na̱ ka̱ꞌ xinóꞌo ka̱ꞌ Ndiosíꞌ maa nu̱u̱nꞌ ñúꞌúnꞌ xéénꞌ.

2 Corintios 6:10

jín sáá kúkuéká iniꞌ ránꞌ, soo sukuáni íyó tu̱ꞌun kúsɨ́ɨꞌ iniꞌ ánímaꞌ ránꞌ, jín te̱e láꞌví kúvi ránꞌ, soo jiáꞌa ránꞌ nu̱u̱nꞌ kue̱ꞌe̱ꞌ ñɨvɨ ya̱ yɨ́yáꞌvi ka̱ꞌ ya̱ jiáꞌa Ndiosíꞌ, jín sáá ni ntu̱náꞌ kúmí ránꞌ, soo kúmí ránꞌ nɨꞌɨ ya̱ yɨ́yáꞌvi ka̱ꞌ ya̱ níꞌínꞌ ránꞌ nu̱u̱nꞌ Ndiosíꞌ.

Filipenses 2:18

Jee suni suꞌva íyó koo sɨ̱ɨ̱ꞌ iniꞌ ánímaꞌ rán, jee kusɨ̱ɨ̱ꞌ iniꞌ rán jín nuꞌuꞌ.