Filipenses 4:1 - Mixteco del suroeste de Tlaxiaco Oaxaca

¹ I̱ña̱jée, ránoꞌó ñaniꞌ ni̱ꞌ jín ku̱ꞌva ni̱ꞌ, ya̱ ñúnúunꞌ ni̱ꞌ jee níyo víꞌí iniꞌ ni̱ꞌ kune̱ꞌyá ni̱ꞌ ránoꞌó. Maárán ví ya̱ násaꞌá sɨ́ɨꞌ iniꞌ ánímaꞌ ni̱ꞌ. Jee kuéntáꞌ ta̱ꞌvi̱ꞌ ví ránoꞌó ya̱ ni̱ꞌi̱nꞌ ni̱ꞌ sáá kuneí ni̱ꞌ carrera. Saáva kuiñɨ ni̱ꞌin rán jín I̱toꞌoꞌ‑ó, ránoꞌó ya̱ ñúnúunꞌ ni̱ꞌ.

Filipenses 4:1 Referans Kwoze

Filipenses 1:27

Ñáꞌnú ka̱ꞌ ví ya̱ kueꞌnu na̱a̱ꞌ rán nu̱u̱nꞌ Ndiosíꞌ na̱kua̱ꞌ íyó kueꞌnu rá ñɨvɨ ya̱ tɨɨn tu̱ꞌun va̱ꞌa Cristo. Jee suꞌva, vasúꞌ kua̱jiaaꞌ kune̱ꞌyá ni̱ꞌ ránoꞌó, áxí vasúꞌ koo íká ni̱ꞌ nu̱u̱nꞌ rán, jee teso̱ꞌo ni̱ꞌ, ya̱ nuún íñɨ́ ni̱ꞌin rán jín tu̱ꞌun va̱ꞌa vá, jín ya̱ nuún ñúꞌún iniꞌ rán, jín ya̱ nuún nunasɨ́ tútú ni̱ꞌin rán sátíñú rán nu̱u̱nꞌ tu̱ꞌun va̱ꞌa Jesús ya̱ kúneí iniꞌ rán.

1 Corintios 16:13

Nito koo rán, kuiñɨ ni̱ꞌin rán kuneí iniꞌ rán Cristo, sáneí rán iniꞌ rán, jee tiɨ́kɨ́ koo iniꞌ rán.

Filipenses 2:16

ni jiáꞌnu ni̱ꞌin rán jín tu̱ꞌun Jesús ya̱ sáꞌá‑a ya̱ kutekuꞌ nijia ñɨvɨ jín Ndiosíꞌ. Jee nu̱u̱nꞌ jiáꞌnu rán suꞌva, jee kuvi kusɨ̱ɨ̱ꞌ téyɨ́ɨ́ iniꞌ ni̱ꞌ jie̱ꞌe̱ꞌ rán ki̱vɨ̱ꞌ niji Cristo, ya̱ nsáꞌ ka̱ꞌá ninu ni̱ꞌ nika ni̱ꞌ ichi re̱ꞌ, jee nsáꞌ ka̱ꞌá nsa̱tíñú ni̱ꞌ nu̱u̱nꞌ re̱ꞌ.

1 Corintios 15:58

Jee saáva ránoꞌó ñaniꞌ jín ku̱ꞌva maáníꞌ ya̱ ñúnúunꞌ ni̱ꞌ, kuiñɨ ni̱ꞌin rán jín ya̱ yɨ́táꞌán kunikɨnꞌ rán Cristo, sukuáni sáꞌá rán ka̱ꞌ tiñu I̱toꞌoꞌ‑ó. Chi jíníꞌ rán ya̱ ntu sátíñú ka̱ꞌá rán jie̱ꞌe̱ꞌ yɨ́ꞌɨ́ rán nu̱u̱nꞌ I̱toꞌoꞌ‑ó.

Filipenses 1:8

Chi jíníꞌ Ndiosíꞌ, ya̱ ñúnúunꞌ ni̱ꞌ nta̱ká ránoꞌó sáni ñúnúunꞌ Cristo Jesús yó.

Hebreos 10:23

Jee saáva kuiñɨ ni̱ꞌin‑ó jín tu̱ꞌun váꞌa ya̱ jiáꞌayuꞌú‑ó ya̱ íyó tu̱neí iniꞌ‑ó kúnáaꞌ iniꞌ‑ó ya̱ ki̱vɨ‑ó nu̱u̱nꞌ nééꞌ Ndiosíꞌ. Jee koto ɨɨn u̱vi̱ꞌ jiáni iniꞌ‑ó, chi Ndiosíꞌ nchi̱sóyuꞌú re̱ꞌ maa nu̱u̱nꞌ‑ó, jee síkúnkuvi na̱a̱ꞌ nijia re̱ꞌ ya̱ káchíꞌ re̱ꞌ.

Romanos 2:7

Jee rá ñɨvɨ níkɨ́nꞌ ni̱ꞌin ráa sáꞌá ráa ya̱ váꞌa chi núkú ráa ya̱ saꞌá Ndiosíꞌ ya̱ nuñáꞌnú ráa, jín ya̱ nakuatáꞌví re̱ꞌ ráa jín ya̱ nku̱víꞌ ráa ka̱ꞌ. Jee nachunáán re̱ꞌ nu̱u̱nꞌ ráa ya̱ kutekuꞌ ráa jín re̱ꞌ nɨ́ɨ́nkání.

Juan 8:31

Saájee nkachiꞌ Jesús nu̱u̱nꞌ rá ñɨvɨ Israel ya̱ nínuꞌ iniꞌ ráa re̱ꞌ: ―Retú kɨꞌɨ ni̱ꞌin rán nu̱u̱nꞌ rá tu̱ꞌun ya̱ xínéꞌénꞌ ni̱ꞌ ránoꞌó, saájee kúvi nijia rán ñɨvɨ ya̱ súkuáꞌa ni̱ꞌ ránoꞌó.

2 Timoteo 2:1

Saáva noꞌó, ya̱ kúvi kuéntáꞌ se̱ꞌya maáníꞌ, chuneí iniꞌ nú jie̱ꞌe̱ꞌ ya̱ íyó mániꞌ iniꞌ Ndiosíꞌ néꞌyá re̱ꞌ yó, ya̱ yɨ́ꞌɨ́‑ó nu̱u̱nꞌ Cristo Jesús.

Filipenses 2:26

Jiáni iniꞌ ni̱ꞌ chuichí ni̱ꞌ re̱ꞌ nu̱u̱nꞌ rán, chi níyo iniꞌ re̱ꞌ kua̱jiaaꞌ ne̱ꞌyá re̱ꞌ ránoꞌó, chi nániꞌvɨꞌ iniꞌ re̱ꞌ jie̱ꞌe̱ꞌ rán, chi nku̱káꞌnú iniꞌ rán ya̱ kúꞌvíꞌ re̱ꞌ.

2 Corintios 1:14

sánikua̱ꞌ ya̱ ña̱ku̱ꞌun iniꞌ rán sava. Chi maáráníꞌ kúvi jie̱ꞌe̱ꞌ kaꞌanꞌ téyɨ́ɨ́ ránú, sánikua̱ꞌ maáránú kúvi jie̱ꞌe̱ꞌ kaꞌanꞌ téyɨ́ɨ́ ráníꞌ ki̱vɨ̱ꞌ niji I̱toꞌoꞌ‑ó Jesús.

Hechos 11:23

Sáá nkenta re̱ꞌ yukuán, niniꞌ re̱ꞌ ya̱ va̱ꞌa nsa̱ꞌá Ndiosíꞌ nu̱u̱nꞌ ráa chi ma̱ni̱ꞌ re̱ꞌ néꞌyá re̱ꞌ ráa. Jee nnusɨ̱ɨ̱ꞌ iniꞌ Bernabé. Jee nna̱chuꞌun neí re̱ꞌ iniꞌ ráa kukáñá víꞌí iniꞌ ánímaꞌ ráa ya̱ kuiñɨ na̱a̱ꞌ ráa jín I̱toꞌoꞌ‑ó.

Hechos 2:42

Jee níkɨ́nꞌ ni̱ꞌin ráa tu̱ꞌun xínéꞌénꞌ rá te̱e níso rává tiñu apóstol. Jee sukuáni nééꞌ ñunkúún ráa. Jee sukuáni yájíꞌ tútú ráa neyu [nu̱u̱nꞌ tásáva ráa i̱xta̱tíláꞌ, sáva naku̱ꞌun iniꞌ ráa, ya̱ ni̱ꞌi̱ꞌ Jesús jie̱ꞌe̱ꞌ kua̱chi ráa]. Jee sukuáni káꞌánꞌ tútú ráa jín Ndiosíꞌ.

2 Pedro 3:17

Soo ránoꞌó ñanitáꞌán ya̱ ñúnúunꞌ ni̱ꞌ, ya̱ jíníꞌ rán ya̱ íyó ñɨvɨ ya̱ násama ráa na̱sa kua̱ꞌ kuíni káchíꞌ Tu̱ꞌun Ndiosíꞌ, saájee kumí rán maárán, sáva ntu xtakaa rá te̱e kánéꞌén vá ránoꞌó sáva ntu chinikɨn rán rá tu̱ꞌun xtívɨ́ ya̱ xínéꞌénꞌ ráa, jee sáva ntu kininkava rán nu̱u̱nꞌ íñɨ́ kutú rán jín Tu̱ꞌun Ndiosíꞌ.

Hebreos 4:14

Íyó jín‑ó ɨɨn su̱tu̱ꞌ kúñáꞌnú ka̱ꞌ ya̱ nnaa re̱ꞌ súkún nu̱u̱nꞌ nééꞌ Ndiosíꞌ. Jesús ví su̱tu̱ꞌ vá, ya̱ kúvi re̱ꞌ Se̱ꞌya Ndiosíꞌ. Saáva íyó kuiñɨ ni̱ꞌin‑ó jín tu̱ꞌun njia̱ꞌayuꞌú‑ó ya̱ jínúꞌ iniꞌ‑ó.

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

2 Tesalonicenses 2:15

Saáva, ránoꞌó ñanitáꞌán, kuiñɨ ni̱ꞌin rán jín tu̱ꞌun nxi̱néꞌénꞌ ránꞌ ránoꞌó, jee tɨɨn ni̱ꞌin rán maa, va̱ni tu̱ꞌun yuꞌú ránꞌ nkachiꞌ ránꞌ nu̱u̱nꞌ ránoꞌó áxí va̱ni ntee ránꞌ maa nu̱u̱nꞌ tutuꞌ nta̱jí ránꞌ nu̱u̱nꞌ ránoꞌó.

Colosenses 4:12

Tájí Epafras tu̱ꞌun jíkátu̱ꞌún re̱ꞌ jie̱ꞌe̱ꞌ ránoꞌó, ya̱ suni kúvi re̱ꞌ táꞌán ñuunꞌ rán, jee kúvi re̱ꞌ musúꞌ ya̱ jiátíñú Cristo Jesús. Jee sáá káꞌánꞌ re̱ꞌ jín Ndiosíꞌ, jee sukuáni núnasɨ́ re̱ꞌ jíkánꞌ táꞌvíꞌ víꞌí re̱ꞌ jie̱ꞌe̱ꞌ rán, ya̱ kuiñɨ ni̱ꞌin rán, ya̱ kujia iniꞌ rán nu̱u̱nꞌ tu̱ꞌun kúneí iniꞌ rán, jee ya̱ koo kutú rán nu̱u̱nꞌ nɨꞌɨ ya̱ kuíni maá Ndiosíꞌ.

Gálatas 5:1

Nna̱kani núne Cristo yó, sáva kuiñɨ núne yó. Saáva kuiñɨ ni̱ꞌin núne rán nu̱u̱nꞌ tu̱ꞌun ley vá ya̱ nta̱túníꞌ Ndiosíꞌ. Jee koto kíninkava tuku rán xi̱ntíín tu̱ꞌun vá ya̱ kuvi tuku rán musúꞌ sátíñú saɨn.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

1 Tesalonicenses 3:13

Jee jíkánꞌ táꞌvíꞌ ráníꞌ suꞌva, sáva saꞌá re̱ꞌ ya̱ kuiñɨ kutú ránú ne̱ jín ánímaꞌ rán, ya̱ kusɨ́ɨ́n rán ya̱ nkɨ́ꞌɨ rán nu̱u̱nꞌ ya̱ níváꞌa. Sáva ni ɨɨn ñɨvɨ nchikua̱chi ráa si̱kɨ̱ꞌ ránoꞌó ichinúúnꞌ Tátáꞌ‑ó Ndiosíꞌ, sáá niji tuku I̱toꞌoꞌ‑ó Jesús jín nɨꞌɨ rá ñɨvɨ ya̱ nsa̱ꞌá sɨ́ɨ́n re̱ꞌ ráa yɨ́ꞌɨ́ ráa nu̱u̱nꞌ re̱ꞌ.

Mateo 10:22

Taꞌvi iniꞌ kua̱íyó rá ñɨvɨ kune̱ꞌyá ráa ránoꞌó, jie̱ꞌe̱ꞌ yɨ́ꞌɨ́ rán nu̱u̱nꞌ nuꞌuꞌ. Soo rá ñɨvɨ kuni̱ꞌin kuiñɨ kutú ráa jín ni̱ꞌ ne̱ nu̱u̱nꞌ kenta ji̱nu jee suviráa ví ya̱ sikáku Ndiosíꞌ ráa.