Biblia Todo Logo
Bib sou entènèt

- Piblisite -




Filipenses 3:8 - Mixteco del suroeste de Tlaxiaco Oaxaca

8 Jee víꞌí ka̱ꞌ nsú káꞌ yaꞌá, tɨ́ɨn ni̱ꞌ kuéntáꞌ, ya̱ nɨꞌɨ nantíñú ntu̱náꞌ yɨ́yáꞌvi nu̱u̱nꞌ ni̱ꞌ, chi yɨ́yáꞌvi ka̱ꞌ nu̱u̱nꞌ nɨꞌɨ ví ya̱ íyó mániꞌ Cristo Jesús jín ni̱ꞌ ya̱ kúvi re̱ꞌ I̱toꞌoꞌ ni̱ꞌ. Jie̱ꞌe̱ꞌ re̱ꞌ nsu̱kuíta ni̱ꞌ nɨꞌɨ rá tiñu vá, jee tɨ́ɨn kuéntáꞌ ni̱ꞌ, ya̱ nɨꞌɨ vá kúvi ya̱ká ni, sáva ni̱ꞌi̱nꞌ ni̱ꞌ ya̱ yɨ́yáꞌvi ka̱ꞌ ya̱ koo Cristo jín ni̱ꞌ.

Gade chapit la Kopi




Filipenses 3:8
53 Referans Kwoze  

Chi kúnáaꞌ iniꞌ ni̱ꞌ ya̱ naáꞌ ya̱ ntu yɨ́yáꞌvi rá tu̱nóꞌó nóꞌo‑ó tiempúꞌ vitan nu̱u̱nꞌ ya̱ viiꞌ nasɨ́kuitɨꞌ kuñáꞌnú‑ó saꞌá Ndiosíꞌ ya̱ stúvi re̱ꞌ tiempúꞌ kiji ichinúúnꞌ.


Ntu sáꞌá ni̱ꞌ kuéntáꞌ maáníꞌ sú kaꞌniꞌ ráa nuꞌuꞌ. Kua̱chi kuíni ni̱ꞌ sijínu ni̱ꞌ ichi ni̱ꞌ, jee sikúnkuvi ni̱ꞌ tiñu ntaji I̱toꞌoꞌ‑ó, Jesús, nu̱u̱nꞌ ni̱ꞌ. Tiñu vá ví ya̱ istúvi ni̱ꞌ tu̱ꞌun váꞌa jie̱ꞌe̱ꞌ íyó mániꞌ iniꞌ Ndiosíꞌ, sú ntu̱náꞌ íyó ni̱ꞌin‑ó maa.


Soo rá tiñu yaꞌá ya̱ ñani iniꞌ ni̱ꞌ ya̱ nkuvi si̱kɨ̱ꞌ ka̱ꞌ nu̱u̱nꞌ ni̱ꞌ nékúvi, jee ntañúꞌún tɨ́ɨn kuéntáꞌ ni̱ꞌ, ya̱ ntu̱náꞌ yɨ́yáꞌvi ka̱ꞌ rá tiñu vá nu̱u̱nꞌ ni̱ꞌ, chi nki̱vɨ ni̱ꞌ nu̱u̱nꞌ Cristo.


Jee suꞌva kúvi ya̱ kutekuꞌ ñɨvɨ nɨ́ɨ́nkání jín‑ó: ya̱ kuniꞌ ráa iniꞌ noꞌó, ya̱ métúꞌún maánú vá kúvi nijia maá Ndiosíꞌ nijia, jín ya̱ suni kuniꞌ ráa iniꞌ nuꞌuꞌ, ya̱ maáníꞌ vá kúvi Jesús ya̱ níso ni̱ꞌ tiñu Cristo ya̱ nchu̱ichí nú nuꞌuꞌ va̱ji ni̱ꞌ jín tiñu ntaji nú níso ni̱ꞌ.


Suni nsu̱kuíta ni̱ꞌ nɨꞌɨ rá tiñu vá, sáva koo ma̱ni̱ꞌ ni̱ꞌ jín Cristo, sáva kuniꞌ ni̱ꞌ ya̱ sátíñú maá fuersáꞌ ííꞌ níso Ndiosíꞌ iniꞌ ni̱ꞌ. Fuersáꞌ vá ví ya̱ ña̱tíñú Ndiosíꞌ sáva nxi̱nátekuꞌ re̱ꞌ Cristo, jee nxi̱nákóo re̱ꞌ yɨkɨkúñu Cristo. Jee suni sáva kuniꞌ taꞌanꞌ ni̱ꞌ kunoꞌo ni̱ꞌ jie̱ꞌe̱ꞌ Cristo kuéntáꞌ nnoꞌo maáréꞌ jie̱ꞌe̱ꞌ‑ó, ne̱ kenta kuꞌun iniꞌ ni̱ꞌ kua̱ꞌ níyo maáréꞌ sáá ni̱ꞌi̱ꞌ re̱ꞌ.


Chi jín fuersáꞌ ííꞌ níso Ndiosíꞌ jee ntaji re̱ꞌ nɨꞌɨ nu̱u̱nꞌ‑ó ya̱ jíniñúꞌún‑ó sáva kueꞌnu na̱a̱ꞌ‑ó ñɨ̱vɨ́ yaꞌá sáni kuíni re̱ꞌ jín sáva kɨtíñú‑ó nu̱u̱nꞌ Ndiosíꞌ. Ntaji re̱ꞌ maa jie̱ꞌe̱ꞌ jíníꞌ‑ó na̱ja iniꞌ maáréꞌ, chi maáréꞌ ví ya̱ nkana re̱ꞌ yó, jie̱ꞌe̱ꞌ ya̱ kúñáꞌnú nasɨ́kuitɨꞌ re̱ꞌ jín jie̱ꞌe̱ꞌ va̱ꞌa iniꞌ re̱ꞌ.


Chi sáá nééꞌ ni̱ꞌ jín rán, jee nkuna̱a̱ꞌ iniꞌ ni̱ꞌ ya̱ ni ntu̱náꞌ inka ka̱ꞌ tu̱ꞌun kachitu̱ꞌún ni̱ꞌ nu̱u̱nꞌ rán, chisaꞌ ñuꞌun iniꞌ ni̱ꞌ kachitu̱ꞌún ni̱ꞌ kua̱chi tu̱ꞌun jie̱ꞌe̱ꞌ Jesús ya̱ kúvi Cristo nkachiꞌ ni̱ꞌ nu̱u̱nꞌ rán, jín jie̱ꞌe̱ꞌ ya̱ níꞌiꞌ re̱ꞌ nu̱u̱nꞌ kurúsiꞌ sáva natavaꞌ re̱ꞌ yó nu̱u̱nꞌ kua̱chi‑ó sikáku re̱ꞌ yó.


Soo jíníꞌ‑ó ya̱ nkiji Se̱ꞌya Ndiosíꞌ, jee nsa̱ꞌá re̱ꞌ ya̱ ki̱ku̱ꞌun iniꞌ‑ó sáva kuniꞌ‑ó maáréꞌ ya̱ kúvi nijia re̱ꞌ Ndiosíꞌ. Jee yɨ́ꞌɨ́‑ó iniꞌ naꞌá maáréꞌ ya̱ kúvi nijia Ndiosíꞌ. Yɨ́ꞌɨ́‑ó naꞌá Se̱ꞌya re̱ꞌ, Jesús ya̱ kúvi Cristo. Suvivá kúvi nijia‑a Ndiosíꞌ, jee maáa ví ya̱ sáꞌá‑a ya̱ kutekuꞌ‑ó nɨ́ɨ́nkání jín Ndiosíꞌ.


Chi ntáká rá tu̱ꞌun ya̱ ntaji nú nu̱u̱nꞌ ni̱ꞌ, jee njia̱ꞌa ni̱ꞌ maa nu̱u̱nꞌ ráa. Jee ntɨɨn ráa ñúꞌún iniꞌ ráa maa, chi nku̱káꞌnú iniꞌ ráa ya̱ máá naáꞌ nijia kúvi ya̱ ne̱ nu̱u̱nꞌ maánú nkene ni̱ꞌ va̱ji ni̱ꞌ, jee suni ni̱nu̱ꞌ iniꞌ ráa ya̱ maánú nchu̱ichí nú nuꞌuꞌ va̱ji ni̱ꞌ jín tiñu sáꞌá ni̱ꞌ.


Jee ki̱vɨ̱ꞌ yukuán jee kuniꞌ rán ya̱ yɨ́ꞌɨ́ ni̱ꞌ iniꞌ Tátáꞌ ni̱ꞌ jín ya̱ yɨ́ꞌɨ́ rán nu̱u̱nꞌ ni̱ꞌ, jín ya̱ yɨ́ꞌɨ́ ni̱ꞌ iniꞌ ránoꞌó.


Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.


Chi Ndiosíꞌ ví ya̱ nta̱túníꞌ re̱ꞌ ya̱ tu̱u̱nꞌ ñuꞌunꞌ nu̱u̱nꞌ neenꞌ sáá nsa̱ꞌá re̱ꞌ ñɨ̱vɨ́. Suni maá Ndiosíꞌ ví ya̱ stúúnꞌ re̱ꞌ iniꞌ ánímaꞌ‑ó sáva tu̱u̱nꞌ iniꞌ ánímaꞌ‑ó ya̱ kuniꞌ‑ó ya̱ viiꞌ nasɨ́kuitɨꞌ kúñáꞌnú re̱ꞌ chi jíníꞌ‑ó iniꞌ Jesús ya̱ kúvi Cristo, kuéntáꞌ jiánu̱te̱ꞌ nu̱u̱nꞌ re̱ꞌ.


Retú jíníꞌ rán iniꞌ nuꞌuꞌ, jee suni ya̱ niniꞌ rán iniꞌ Tátáꞌ ni̱ꞌ. Jee ne̱ vitan jee ya jíníꞌ rán iniꞌ re̱ꞌ jee ya néꞌyá rán maa.


Jee sikuéꞌnu‑ó ɨɨn inka táꞌán‑ó ne̱kua̱ꞌ ntáká‑ó kenta nunuún iniꞌ‑ó nu̱u̱nꞌ tu̱ꞌun kúneí iniꞌ‑ó Se̱ꞌya Ndiosíꞌ, jín nu̱u̱nꞌ tu̱ꞌun kuniꞌ va̱ꞌa‑ó ka̱ꞌ iniꞌ re̱ꞌ, ne̱kua̱ꞌ kenta kujia va̱ꞌa iniꞌ‑ó ne̱ kuna̱a̱ꞌ‑ó natɨɨn‑ó iniꞌ Cristo na̱sa íyó re̱ꞌ.


Chisaꞌ íyó kujia iniꞌ rán kueꞌnu rán jín Jesús ya̱ kúvi Cristo ya̱ máníꞌ iniꞌ re̱ꞌ chineí re̱ꞌ ka̱ꞌ ránoꞌó jee íyó kujia iniꞌ rán ka̱ꞌ jín tu̱ꞌun re̱ꞌ sáva kuniꞌ rán ka̱ꞌ iniꞌ re̱ꞌ. Jesús ví ya̱ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó. Nákuetúꞌún‑ó re̱ꞌ vitan jín nɨ́ɨ́nkání. Sukuán koo. Amén.


Jee ya̱ niniꞌ jínúunꞌ ráníꞌ, jín ya̱ nteso̱ꞌo ránꞌ ya̱ nkaꞌanꞌ re̱ꞌ, jee suvi‑i vá káchítu̱ꞌún ránꞌ nu̱u̱nꞌ ránú, sáva unuún koo iniꞌ ránú jín ránuꞌuꞌ. Jee íyó unuún nijia iniꞌ‑ó jín Tátáꞌ‑ó Ndiosíꞌ jín Se̱ꞌya re̱ꞌ Jesús ya̱ níso re̱ꞌ tiñu Cristo.


Jee nuꞌuꞌ, nasokoꞌ ni̱ꞌ maáníꞌ nu̱u̱nꞌ Ndiosíꞌ, chi va̱ji kenta ki̱vɨ̱ꞌ kaꞌniꞌ ráa nuꞌuꞌ jie̱ꞌe̱ꞌ re̱ꞌ, jee kɨ̱ꞌɨ̱nꞌ ni̱ꞌ.


Saájee nna̱xiníkó Tomás jee nkachiꞌ‑i nu̱u̱nꞌ re̱ꞌ: ―¡I̱toꞌoꞌ maáníꞌ jín Ndiosíꞌ maáníꞌ!


Jee saꞌá ráa sukuán jín ránoꞌó, chi ntu̱ví jíníꞌ ráa iniꞌ Tátáꞌ ni̱ꞌ ni iniꞌ nuꞌuꞌ.


Jee nteñu maáórán nkene ráa, soo ntu̱ví nkúvi ráa táꞌán‑órán ya̱ yɨ́ꞌɨ́‑órán nu̱u̱nꞌ Jesús. Chi retánꞌ nkuvi ráa táꞌán‑órán, jee nkino̱o ráa jín‑ó, nékúvi. Soo nkene ráa nteñu‑ó kua̱ꞌa̱nꞌ ráa sáva túvi kájí ya̱ nsú táꞌán‑ó kúvi nta̱ká ráa.


Jee nu̱u̱nꞌ ránoꞌó, ya̱ kúneí iniꞌ rán ínúꞌ iniꞌ rán re̱ꞌ, jee yɨ́yáꞌvi víꞌí‑i. Soo nu̱u̱nꞌ rá ñɨvɨ ya̱ ntu jínúꞌ iniꞌ ráa re̱ꞌ, jee káchíꞌ Ndiosíꞌ: Yu̱u̱ꞌ ya̱ nku̱ichi iniꞌ rá ñɨvɨ sáꞌá veꞌi, jee yu̱u̱ꞌ vá nkenta kúvi‑i máá yu̱u̱ꞌ máá ñáꞌnú ka̱ꞌ ya̱ jiáꞌa ku̱ꞌva.


stúvi re̱ꞌ Se̱ꞌya re̱ꞌ nu̱u̱nꞌ ni̱ꞌ, sáva stekútu̱ꞌún ni̱ꞌ jie̱ꞌe̱ꞌ vá nu̱u̱nꞌ rá ñɨvɨ ntu kúvi Israel. Sáá nsa̱ꞌá re̱ꞌ suꞌva, jee ntu kuísá níkátu̱ꞌún ni̱ꞌ inka ñɨvɨ jie̱ꞌe̱ꞌ tu̱ꞌun vá.


Maá kui̱ꞌna̱ꞌ kúñáꞌnú ya̱ yósóꞌ nu̱u̱nꞌ rá ñɨvɨ ñɨ̱vɨ́ yaꞌá tiempúꞌ vitan kuéntáꞌ ɨɨn ndiosíꞌ, jee sáꞌá re̱ꞌ kuneenꞌ antúníꞌ rá ñɨvɨ vá, ya̱ ntu ínúꞌ iniꞌ ráa Cristo, ya̱ kuéntáꞌ kuáá ráa, sáva ntu̱ví jiáꞌa re̱ꞌ tu̱ꞌun váꞌa jie̱ꞌe̱ꞌ Cristo na̱tuunꞌ‑u iniꞌ ánímaꞌ ráa, sáva ntu kuniꞌ ráa ya̱ máá kúñáꞌnú Cristo ya̱ ɨɨn ni kúvi re̱ꞌ jín Ndiosíꞌ ya̱ tu̱vi nijinꞌ sáá íyó Ndiosíꞌ.


Ntu̱ví chi, ¿á nsáꞌ káchíꞌ nijia re̱ꞌ maa jie̱ꞌe̱ꞌ maáó ranika̱ꞌ résa? Chi jie̱ꞌe̱ꞌ ya̱ váꞌa nu̱u̱nꞌ maáó kúvi ya̱ njiáꞌa re̱ꞌ tu̱ꞌun yaꞌá níso nu̱u̱nꞌ Tutuꞌ Ííꞌ, chi ñɨvɨ ya̱ nátaꞌví nu̱u̱nꞌ ñuꞌún jín ñɨvɨ ya̱ kúyutún nikɨn, jee íyó tu̱ꞌun neí iniꞌ ráa ya̱ ni̱ꞌi̱nꞌ ráa tataꞌ kéne nu̱u̱nꞌ tiñu sáꞌá ráa.


Jee nkachiꞌ ráa nu̱u̱nꞌ ña: ―Nánáꞌ, ¿na̱ kuvi chi náꞌyúꞌ nú? ―nkachiꞌ ráa nu̱u̱nꞌ ña. Jee nkachiꞌ ña nu̱u̱nꞌ ráa: ―Nna̱keꞌen ráa I̱toꞌoꞌ ni̱ꞌ kua̱ꞌa̱nꞌ ráa jín re̱ꞌ, jee ntu̱ví jíníꞌ ni̱ꞌ né núꞌ nchi̱só ráa maa.


Soo ya̱ nuꞌuꞌ táváꞌ ni̱ꞌ rá kui̱ꞌna̱ꞌ iniꞌ rá ñɨvɨ jín máá fuersáꞌ ííꞌ níꞌin níso Ndiosíꞌ, jee saájee nkenta Ndiosíꞌ nu̱u̱nꞌ ránoꞌó sáva íyó ki̱vɨ rán xi̱ntíín re̱ꞌ tátúníꞌ re̱ꞌ nu̱u̱nꞌ rán.


Jee, ¿na̱ja kúvi ya̱ nkuvi ya̱ váꞌa yaꞌá jín nuꞌuꞌ, ya̱ nánáꞌ I̱toꞌoꞌ ni̱ꞌ va̱ji néꞌyá‑a nuꞌuꞌ rúja!


ni ya̱ íyó súkún, ni ya̱ íyó nu̱u̱nꞌ kúnú, ni ɨɨn inka ka̱ꞌ ya̱ nsa̱ꞌá Ndiosíꞌ maa, ni nkúvi saꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Ndiosíꞌ yó, jie̱ꞌe̱ꞌ yɨ́ꞌɨ́‑ó nu̱u̱nꞌ I̱toꞌoꞌ‑ó Cristo Jesús.


Maáníꞌ Pablo jín Timoteo, kúvi ránꞌ musúꞌ Cristo Jesús. Tée ránꞌ tutuꞌ yaꞌá nu̱u̱nꞌ nta̱ká ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Filipos, jín nu̱u̱nꞌ rá te̱e kúñáꞌnú nu̱u̱nꞌ rán, jín nu̱u̱nꞌ rá ñaniꞌ rán ya̱ chíneí ráa ránoꞌó.


Ntu káchíꞌ ni̱ꞌ, ya̱ ya nni̱ꞌi̱nꞌ ni̱ꞌ ya̱ kuniꞌ ni̱ꞌ nɨꞌɨ tiñu ya̱ nkachiꞌ kí ni̱ꞌ, ni sú ntiáꞌan kuna̱a̱ꞌ ni̱ꞌ. Soo xíníꞌin ni̱ꞌ kunikɨnꞌ ni̱ꞌ rá tiñu yukuán, sáva kuneí ni̱ꞌ ni̱ꞌi̱nꞌ ni̱ꞌ ya̱ kuniꞌ ni̱ꞌ rá yukuán, chi jie̱ꞌe̱ꞌ rá yukuán kúvi ya̱ nníꞌinꞌ Cristo Jesús nuꞌuꞌ xíꞌna ka̱ꞌ.


Na̱ ka̱ꞌ koo ma̱ni̱ꞌ iniꞌ Ndiosíꞌ kune̱ꞌyá re̱ꞌ ránoꞌó, jín ya̱ va̱ꞌa koo iniꞌ ánímaꞌ rán saꞌá re̱ꞌ jie̱ꞌe̱ꞌ ya̱ jíníꞌ va̱ꞌa rán na̱ja kúvi Ndiosíꞌ‑ó jín Jesús ya̱ kúvi re̱ꞌ I̱toꞌoꞌ‑ó.


Chi retú sáꞌá rán rá tiñu yaꞌá jee saꞌ víꞌí káꞌ sáꞌá rán maa, jee ni nsáꞌ kueꞌnu ka̱ꞌá rán, jee kene tiñu váꞌa ya̱ váji nu̱u̱nꞌ ya̱ jíníꞌ rán iniꞌ I̱toꞌoꞌ‑ó Jesús ya̱ kúvi Cristo.


Swiv nou:

Piblisite


Piblisite