Filipenses 3:6 - Mixteco del suroeste de Tlaxiaco Oaxaca

⁶ nñu̱ꞌun káñá nasɨ́kuitɨꞌ iniꞌ ni̱ꞌ jie̱ꞌe̱ꞌ ñujiínꞌ ráa, ne̱ nito u̱ꞌvi̱ꞌ ni̱ꞌ rá ñɨvɨ kúneí iniꞌ rává Jesús, jee sáni káchíꞌ ñɨvɨ ya̱ kuvi kino̱o na̱a̱ꞌ ɨɨn te̱e jie̱ꞌe̱ꞌ síkúnkuvi tu̱ꞌun ley vá, jee ntu nkúvi chikua̱chi ni ɨɨn ñɨvɨ nuꞌuꞌ.

Filipenses 3:6 Referans Kwoze

Hechos 8:3

Soo Saulo xínáánꞌ re̱ꞌ grupo rá ñɨvɨ kúneí iniꞌ ráa Jesús, jee kívɨ re̱ꞌ veꞌi ta veꞌi jee siúꞌun re̱ꞌ rá te̱e vá jín rá ñaꞌan vá, jee jiánaka re̱ꞌ ráa veka̱a.

Mateo 5:20

Chi káchíꞌ ni̱ꞌ nu̱u̱nꞌ rán ya̱ íyó kino̱o na̱a̱ꞌ rán ka̱ꞌ sáni kuíni Ndiosíꞌ nsú káꞌ rá te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ yanaꞌán, jín rá te̱e yɨ́ꞌɨ́ ñujiínꞌ fariseo, soo retú ntu̱ví jee ni nsáꞌ ki̱vɨ rán naꞌá Ndiosíꞌ nééꞌ antivɨ́ súkún ya̱ tátúníꞌ re̱ꞌ nu̱u̱nꞌ rán.

1 Timoteo 1:13

Ñani re̱ꞌ nuꞌuꞌ nu̱u̱nꞌ tiñu vá, súnika̱ꞌ nkaꞌanꞌ niva̱ꞌa ni̱ꞌ si̱kɨ̱ꞌ re̱ꞌ, jee nito u̱ꞌvi̱ꞌ ni̱ꞌ si̱kɨ̱ꞌ rá ñɨvɨ re̱ꞌ, jee ntenu̱u̱nꞌ ni̱ꞌ nne̱ꞌyá ni̱ꞌ ráa. Soo nku̱náꞌví iniꞌ re̱ꞌ nne̱ꞌyá re̱ꞌ nuꞌuꞌ, chi nsa̱ꞌá naanꞌ ni̱ꞌ yaꞌá, chi ntiáꞌan i̱nu̱ꞌ iniꞌ ni̱ꞌ Cristo.

Filipenses 3:9

Jee sáva kenta ni̱ꞌ kɨꞌɨ ni̱ꞌ nu̱u̱nꞌ re̱ꞌ. Jee nsáꞌ kino̱o na̱a̱ꞌ maáníꞌ nu̱u̱nꞌ Ndiosíꞌ jie̱ꞌe̱ꞌ ya̱ nukú ni̱ꞌ saꞌá ni̱ꞌ ya̱ káchíꞌ tu̱ꞌun ley Moisés. Chisaꞌ jiáꞌayuꞌú Ndiosíꞌ ya̱ kínóo na̱a̱ꞌ ni̱ꞌ nu̱u̱nꞌ re̱ꞌ, jie̱ꞌe̱ꞌ ya̱ kúneí iniꞌ ni̱ꞌ Cristo. Chi máá Ndiosíꞌ jiáꞌayuꞌú ya̱ kino̱o na̱a̱ꞌ ñɨvɨ nu̱u̱nꞌ re̱ꞌ, jie̱ꞌe̱ꞌ kúneí iniꞌ ráa Cristo.

1 Corintios 15:9

Chi nuꞌuꞌ jee núun ka̱ꞌ kúñáꞌnú ni̱ꞌ nsú káꞌ rá inka ka̱ꞌ te̱e níso ráa tiñu apóstol nchu̱ichí Jesús, chi ni nsú te̱e va̱ꞌa kúvi ni̱ꞌ ya̱ ntu̱né íyó níꞌinꞌ ni̱ꞌ ya̱ kuna̱ní ni̱ꞌ apóstol, chi nsa̱ꞌá kini ni̱ꞌ rá ñɨvɨ ya̱ kúneí iniꞌ ráa Jesús ya̱ yɨ́ꞌɨ́ ráa naꞌá Ndiosíꞌ.

Romanos 7:9

Jee ni̱yo ɨɨn tiempúꞌ ya̱ ñaꞌnu ni̱ꞌ, sáá ntiáꞌan kuniꞌ ni̱ꞌ ná tátúníꞌ ley Moisés, nékúvi. Soo sáá nkenta nku̱káꞌnú iniꞌ ni̱ꞌ ná káchíꞌ tu̱ꞌun tátúníꞌ Ndiosíꞌ, jee kuéntáꞌ nna̱tekuꞌ kua̱chi ni̱ꞌ sáva kuneí‑i jín ni̱ꞌ, jee kuéntáꞌ naanꞌ ni̱ꞌ.

Hechos 26:5

Ya jíníꞌ ráa kue̱ꞌe̱ꞌ tiempúꞌ ya̱ ne̱ xíꞌnañúꞌún nyɨ̱ꞌɨ ni̱ꞌ ñujiínꞌ fariseo, ya̱ ni̱ꞌin yɨ́ɨ́ xá ka̱ꞌ síkúnkuvi ráa ley Moisés nsú káꞌ rá inka ñɨvɨ níkɨ́nꞌ ñujiínꞌ Israel. Jee kúvi nástúvi ráa ya̱ naáꞌ jie̱ꞌe̱ꞌ vá, ré kuíni ráa.

Hechos 21:20

Sáá nteso̱ꞌo ráa yaꞌá, jee nna̱kuetúꞌún ráa Ndiosíꞌ. Jee nkachiꞌ ráa nu̱u̱nꞌ re̱ꞌ: ―Ñaniꞌ, ya̱ jíníꞌ nú ya̱ kéꞌín mil ñɨvɨ Israel kúneí iniꞌ ráa Jesús. Jee ñúꞌún káñá iniꞌ ráa sikúnkuvi ráa tu̱ꞌun ley nta̱túníꞌ Ndiosíꞌ yanaꞌán.

Lucas 1:6

Jee ni núvíꞌ ráa nkuvi ñɨvɨ na̱a̱ꞌ ichinúúnꞌ Ndiosíꞌ, chi na̱a̱ꞌ va̱ꞌa ñaꞌnu ráa sánikua̱ꞌ ntáká tiñu ya̱ nta̱túníꞌ I̱toꞌoꞌ‑ó Ndiosíꞌ jín rá tiñu ñakɨnꞌ re̱ꞌ, jee ntu íyó na̱ jie̱ꞌe̱ꞌ chikua̱chi ñɨvɨ si̱kɨ̱ꞌ ráa jie̱ꞌe̱ꞌ vá.

Mateo 23:25

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó!, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo, chi, ¡te̱e sansuꞌva ví rán!, chi nákete rán kua̱chi ya̱ta̱ꞌ vasúꞌ jíꞌi rán jín ya̱ta̱ꞌ ko̱ꞌo̱ꞌ ñúyájíꞌ rán. Soo ichi iniꞌ ráa ñúchitú jín nantíñú ya̱ káneeꞌ rán jín jie̱ꞌe̱ꞌ máá tu̱ꞌun uꞌviꞌ iniꞌ rán.

Hechos 22:5

Jee su̱tu̱ꞌ kúñáꞌnú jín rá te̱e kúñáꞌnú kuvi nastúvi ráa ya̱ naáꞌ, ya̱ káꞌánꞌ na̱a̱ꞌ ni̱ꞌ. Chi suviráa ví ya̱ ntaji tutuꞌ nu̱u̱nꞌ ni̱ꞌ, ya̱ ku̱ꞌva ni̱ꞌ nu̱u̱nꞌ rá ñaniꞌ‑ó Israel nééꞌ ñuunꞌ Damasco, sáva kuniꞌ ráa ya̱ tiñu níso ni̱ꞌ. Jee ña̱ꞌa̱nꞌ ni̱ꞌ ñuunꞌ Damasco, sáva tɨɨn ni̱ꞌ rá ñɨvɨ yɨ́ꞌɨ́ ñujiínꞌ vá, kuꞌniꞌ ni̱ꞌ ráa, jee kinaka ni̱ꞌ ráa Jerusalén, sáva xinóꞌo ránꞌ ráa.

1 Corintios 10:32

Jee saáva koto na̱ sáꞌá rán tiñu ya̱ sikúvi rán iniꞌ rá ñɨvɨ ya̱ nsíkíninkava rán ráa nu̱u̱nꞌ kua̱chi, va̱ni ñɨvɨ ñuunꞌ Israel, áxí va̱ni ñɨvɨ inka nación, áxí va̱ni rá ñɨvɨ ya̱ jínúꞌ iniꞌ ráa káníjiá ráa yɨ́ꞌɨ́ ráa xi̱ntíín Ndiosíꞌ.

Filipenses 2:15

Sáva nkúvi chikua̱chi ñɨvɨ ránoꞌó, chisaꞌ ninuꞌun koo rán, ya̱ kúvi rán se̱ꞌya Ndiosíꞌ, ya̱ íyó noo nteñu rá ñɨvɨ tiempúꞌ vitan ya̱ sáꞌá tiákuá ráa jee kánéꞌén ráa. Jee tu̱vi rán nteñu ráa kuéntáꞌ jiánu̱te̱ꞌ tiu̱u̱nꞌ íyó súkún nu̱u̱nꞌ ñɨ̱vɨ́ neenꞌ,