Filipenses 3:3 - Mixteco del suroeste de Tlaxiaco Oaxaca

³ Chi suvió kúvi‑ó ñɨvɨ Ndiosíꞌ, jee suꞌva kúvi‑ó ñɨvɨ circuncidado nijia nu̱u̱nꞌ re̱ꞌ, chi suvió ví ya̱ chíneí Ta̱chi̱ꞌ Ííꞌ maáó ya̱ néñu̱ꞌun‑ó Ndiosíꞌ, chi kúsɨ́ɨꞌ téyɨ́ɨ́ iniꞌ‑ó jie̱ꞌe̱ꞌ ya̱ sáꞌá Cristo Jesús, chi ntu kúkáꞌnú iniꞌ‑ó maáó ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ sáꞌá‑ó.

Filipenses 3:3 Referans Kwoze

Colosenses 2:11

Jee jie̱ꞌe̱ꞌ ya̱ yɨ́ꞌɨ́ rán nu̱u̱nꞌ Cristo, jee saáva níso rán seña Ndiosíꞌ, soo nsáꞌ kúvi ya̱ nsiíyo ñɨvɨ ntíꞌ ñɨɨn kuéntáꞌ sáꞌá rá ñɨvɨ Israel. Chisaꞌ nsiíyo re̱ꞌ ránoꞌó xi̱ntíín kua̱chi ya̱ níyo néꞌén iniꞌ rán saꞌá rán jín ñunéꞌyúꞌ kua̱chi. Suꞌva tée Cristo seña Ndiosíꞌ yó.

Romanos 7:6

Jee nyɨ̱ꞌɨ‑ó xi̱ntíín ley vá nékúvi, soo kuéntáꞌ ya̱ ni̱ꞌi̱ꞌ‑ó nu̱u̱nꞌ ley vá saáva vitan nákuíñɨꞌ núne‑ó nu̱u̱nꞌ ley vá. Sáva kɨtíñú‑ó nu̱u̱nꞌ Ndiosíꞌ sáni sáꞌá Ta̱chi̱ꞌ Ííꞌ ya̱ nakueꞌnu‑ó ichi jiáá, jee nsú ichi túꞌú jiáꞌnu‑ó sáni ñaꞌnu‑ó chi̱ji xi̱ntíín ley sáni ntee Moisés nu̱u̱nꞌ tutuꞌ yanaꞌán.

Gálatas 5:25

Nu̱u̱nꞌ xítékúꞌ Ta̱chi̱ꞌ Ííꞌ Ndiosíꞌ yó jín Ndiosíꞌ, saájee kaka‑ó ichi na̱a̱ꞌ sáni jiáni Ta̱chi̱ꞌ Ííꞌ re̱ꞌ yó.

Romanos 8:15

Chi nsáꞌ nníꞌinꞌ rán ɨɨn ta̱chi̱ꞌ ya̱ sáꞌá‑a ya̱ kuvi tuku rán kuéntáꞌ musúꞌ kéꞌen ñɨvɨ ya̱ yɨ́ꞌɨ́ rán xi̱ntíín nu̱u̱nꞌ chuyúꞌví iniꞌ rán. Chisaꞌ nni̱ꞌi̱nꞌ rán Ta̱chi̱ꞌ Ííꞌ ya̱ nákeꞌen re̱ꞌ yó nuvi‑ó se̱ꞌya Ndiosíꞌ. Jee Ta̱chi̱ꞌ Ííꞌ yaꞌá sáꞌá ya̱ káchíꞌ‑ó nu̱u̱nꞌ Ndiosíꞌ: “¡Tááꞌ ni̱ꞌ!”

Efesios 6:18

Jee íyó kaꞌanꞌ rán jín Ndiosíꞌ jee ka̱ka̱nꞌ táꞌvíꞌ rán nu̱u̱nꞌ re̱ꞌ, ntáká tiempúꞌ. Kaꞌanꞌ rán jín Ndiosíꞌ sáni chíneí Ta̱chi̱ꞌ Ííꞌ re̱ꞌ ránoꞌó. Jee nito koo rán kunikɨnꞌ ni̱ꞌin rán ka̱ka̱nꞌ táꞌvíꞌ rán jie̱ꞌe̱ꞌ ntáká inka rá ñɨvɨ ya̱ nsásɨ́ɨ́n Ndiosíꞌ kuvi ráa ñɨvɨ re̱ꞌ.

Romanos 1:9

Chi Ndiosíꞌ, ya̱ sáꞌá ni̱ꞌ tiñu re̱ꞌ jín nɨꞌɨ ne̱ ánímaꞌ ni̱ꞌ ya̱ stékútu̱ꞌún ni̱ꞌ tu̱ꞌun váꞌa Se̱ꞌya re̱ꞌ, jee Ndiosíꞌ kúvi ya̱ naáꞌ ni̱ꞌ ya̱ ntu jiákui̱ñɨ̱ꞌ ni̱ꞌ ya̱ káꞌánꞌ ni̱ꞌ jie̱ꞌe̱ꞌ ránoꞌó

Judas 1:20

Soo ránoꞌó ya̱ ñúnúunꞌ ni̱ꞌ, sikújia va̱ꞌa rán iniꞌ maárán kuiñɨ kutú rán ka̱ꞌ jín ya̱ nááꞌ ííꞌ nasɨ́kuitɨꞌ jie̱ꞌe̱ꞌ Jesús ya̱ kúneí iniꞌ rán. Jee nukú rán ya̱ chineí Ta̱chi̱ꞌ Ííꞌ Ndiosíꞌ ránoꞌó kaꞌanꞌ rán jín Ndiosíꞌ.

Romanos 15:17

Saáva jie̱ꞌe̱ꞌ yɨ́ꞌɨ́ ni̱ꞌ nu̱u̱nꞌ Cristo Jesús jee káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ nsa̱ꞌá Ndiosíꞌ jín ni̱ꞌ.

Romanos 8:39

ni ya̱ íyó súkún, ni ya̱ íyó nu̱u̱nꞌ kúnú, ni ɨɨn inka ka̱ꞌ ya̱ nsa̱ꞌá Ndiosíꞌ maa, ni nkúvi saꞌá sɨ́ɨ́n‑ɨ yó nu̱u̱nꞌ ya̱ ñúnúunꞌ Ndiosíꞌ yó, jie̱ꞌe̱ꞌ yɨ́ꞌɨ́‑ó nu̱u̱nꞌ I̱toꞌoꞌ‑ó Cristo Jesús.

Romanos 9:6

Soo nsáꞌ jíta Tu̱ꞌun Ndiosíꞌ, chi nsú ntáká rá ñɨvɨ ya̱ kúvi se̱ꞌya ichiyúkúnꞌ váji nu̱u̱nꞌ Israel kúvi nijia ráa rá ñɨvɨ Israel [ya̱ níꞌínꞌ ráa ya̱ nchi̱sóyuꞌú re̱ꞌ].

2 Corintios 11:18

Íyó kue̱ꞌe̱ꞌ ñɨvɨ ya̱ káꞌánꞌ téyɨ́ɨ́ ráa jie̱ꞌe̱ꞌ maáráa sánikua̱ꞌ íyó ráa, jee suni sukuán kaꞌanꞌ téyɨ́ɨ́ ni̱ꞌ.

Gálatas 6:16

Nta̱ká rá ñɨvɨ ya̱ jíka ráa sáni káchíꞌ tu̱ꞌun yaꞌá ya̱ káchíꞌ ni̱ꞌ, jee na̱ ka̱ꞌ kuneeꞌ va̱ꞌa ráa ka̱ꞌ, jín ya̱ kunáꞌví iniꞌ Ndiosíꞌ ráa, ne̱ rá ñɨvɨ íñɨ́ jín Ndiosíꞌ ya̱ kúneí iniꞌ ráa Jesús ya̱ kúvi ráa ichiyúkúnꞌ Israel.

Filipenses 1:1

Maáníꞌ Pablo jín Timoteo, kúvi ránꞌ musúꞌ Cristo Jesús. Tée ránꞌ tutuꞌ yaꞌá nu̱u̱nꞌ nta̱ká ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Filipos, jín nu̱u̱nꞌ rá te̱e kúñáꞌnú nu̱u̱nꞌ rán, jín nu̱u̱nꞌ rá ñaniꞌ rán ya̱ chíneí ráa ránoꞌó.

Filipenses 3:12

Ntu káchíꞌ ni̱ꞌ, ya̱ ya nni̱ꞌi̱nꞌ ni̱ꞌ ya̱ kuniꞌ ni̱ꞌ nɨꞌɨ tiñu ya̱ nkachiꞌ kí ni̱ꞌ, ni sú ntiáꞌan kuna̱a̱ꞌ ni̱ꞌ. Soo xíníꞌin ni̱ꞌ kunikɨnꞌ ni̱ꞌ rá tiñu yukuán, sáva kuneí ni̱ꞌ ni̱ꞌi̱nꞌ ni̱ꞌ ya̱ kuniꞌ ni̱ꞌ rá yukuán, chi jie̱ꞌe̱ꞌ rá yukuán kúvi ya̱ nníꞌinꞌ Cristo Jesús nuꞌuꞌ xíꞌna ka̱ꞌ.

Filipenses 3:14

Jee xíníꞌin ni̱ꞌ kɨ̱ꞌɨ̱nꞌ ni̱ꞌ ichinúúnꞌ kuéntáꞌ jínu ni̱ꞌ ɨɨn carrera, sáva kenta ni̱ꞌ nu̱u̱nꞌ nɨ́ꞌɨ, sáva kuneí ni̱ꞌ ni̱ꞌi̱nꞌ ni̱ꞌ ta̱ꞌvi̱ꞌ ya̱ ne̱ súkún nkana Ndiosíꞌ yó sáva ni̱ꞌi̱nꞌ‑ó vá jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo Jesús.