Filipenses 3:2 - Mixteco del suroeste de Tlaxiaco Oaxaca

² Nito koo rán maárán nu̱u̱nꞌ rá te̱e, ya̱ kúvi kuéntáꞌ tinaꞌ, ya̱ sáꞌá ráa tiñu kánéꞌén, ya̱ kúvi rá te̱e sáꞌá ya̱ kúkúꞌlúꞌ ñɨvɨ, ya̱ kúvi ya̱ sáꞌá circuncidar ñɨvɨ.

Filipenses 3:2 Referans Kwoze

2 Corintios 11:13

Chi rá te̱e vá jee kátúꞌún ráa ya̱ níso ráa tiñu apóstol, soo ntu̱ví. Tiñu xínáꞌví sáꞌá ráa. Sáꞌá ráa nika̱ꞌ maáráa ya̱ kúvi ráa apóstol ya̱ chúichi Cristo.

Tito 1:16

Káchíꞌ ráa ya̱ ma̱ni̱ꞌ ráa jín Ndiosíꞌ, soo jín tiñu sáꞌá ráa, túvi ya̱ jíníichiꞌ ráa re̱ꞌ. Jee néꞌí nasɨ́kuitɨꞌ sáꞌá ráa, jee jiáá iniꞌ ráa, jee ni ntu kúvi saꞌá ráa ni ɨɨn na̱ tiñu váꞌa.

Apoclipsis 22:15

Soo chatáꞌ ñuunꞌ vá kino̱o rá ñɨvɨ ya̱ kúvi ráa kuéntáꞌ tinaꞌ ya̱ sáꞌá ráa tiñu néꞌí, jín rá ñɨvɨ ya̱ sáꞌá tásɨ́, jín rá ñɨvɨ ya̱ kúsíkɨ́ iniꞌ ráa sáꞌá téní ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín rá ñɨvɨ ya̱ táꞌán iniꞌ ráa tu̱ꞌun túꞌún jee kátúꞌún ráa.

Gálatas 5:15

Soo ré yáyɨꞌɨ́ rán jín tu̱ꞌun káꞌánꞌ rán ɨɨn inka rán, jee kénta rán si̱kɨ̱ꞌ ɨɨn inka rán, kuéntáꞌ kitɨ xéénꞌ, jee kumí rán maárán sáva nkúvi suꞌva, sáva nxínáánꞌ rán ɨɨn inka rán.

Filipenses 3:19

Sáá va̱ji ráa ya̱ kunoꞌo ráa nu̱u̱nꞌ ñúꞌúnꞌ xe̱e̱nꞌ. Jee kua̱chi ndiosíꞌ ráa ví chi̱ji ráa chi chíñúꞌún ráa maa. Kúsɨ́ɨꞌ téyɨ́ɨ́ iniꞌ ráa sáꞌá ráa tiñu néꞌén, sú tu̱ꞌun kánuun ví‑i. Chi ñúꞌún iniꞌ ráa rá tiñu ñɨ̱vɨ́ yaꞌá ya̱ íyó sɨ́ɨ́n nu̱u̱nꞌ Ndiosíꞌ.

Gálatas 5:6

Chi ntáká‑ó ya̱ yɨ́ꞌɨ́‑ó nu̱u̱nꞌ Cristo Jesús, ntu̱náꞌ íyótiñu koo circuncidado maáó, áxí ntu̱ví. Soo ya̱ yɨ́yáꞌvi ka̱ꞌ vá kúneí iniꞌ‑ó Jesús, jee ya̱ kúneí iniꞌ‑ó maa sáꞌá ya̱ kunu̱u̱nꞌ‑ó táꞌán‑ó.

Mateo 7:15

’Kumí rán maárán nu̱u̱nꞌ rá te̱e túꞌún ya̱ káchíꞌ ráa nika̱ꞌ ya̱ kúvi ráa ñɨvɨ nákani tu̱ꞌun kéne yuꞌú Ndiosíꞌ nu̱u̱nꞌ ráa, jee káñunkúún sáꞌá ráa nika̱ꞌ maáráa va̱ji ráa nu̱u̱nꞌ rán kuéntáꞌ lanchi másúꞌ, soo ñúꞌún kánéꞌén iniꞌ ráa kuéntáꞌ ñúꞌún máñáꞌ iniꞌ váꞌúꞌ xéénꞌ.

Apoclipsis 21:8

Soo rá ñɨvɨ ya̱ sɨ́ꞌɨ́ iniꞌ ráa xinóꞌo ñɨvɨ ráa jie̱ꞌe̱ꞌ tu̱ꞌun ni̱ꞌ, jín rá ñɨvɨ ya̱ ntu ínúꞌ iniꞌ ráa nuꞌuꞌ, jín rá ñɨvɨ ya̱ máá tiñu néꞌí sáꞌá ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ kusi̱kɨ́ iniꞌ ráa sáꞌá téní ráa, jín rá ñɨvɨ sáꞌá tásɨ́, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín ntáká rá ñɨvɨ túꞌún, jee kua̱íyó ráa vá íyó ni̱ꞌi̱nꞌ ráa kɨ̱ꞌɨ̱nꞌ ráa nu̱u̱nꞌ ñúꞌúnꞌ xéénꞌ iniꞌ nteñúꞌún nu̱u̱nꞌ káyúꞌ núꞌvéꞌ ñuꞌunꞌ jín sufríꞌ. Jee yukuán ví ya̱ kuviꞌ ráa ya̱ uvíꞌ íchí.

Apoclipsis 3:9

Soo kune̱ꞌyá, rá ñɨvɨ kútútú ráa veꞌi sinagoga ñɨvɨ Israel ya̱ yɨ́ꞌɨ́ ráa xi̱ntíín Satanás jee káchíꞌ ráa ya̱ ñɨvɨ ñuunꞌ Israel kúvi ráa ya̱ ñɨvɨ Ndiosíꞌ kúvi ráa, soo ntu̱ví, chisaꞌ kátúꞌún ráa, jee saꞌá ni̱ꞌ ya̱ kenta ráa nu̱u̱nꞌ rán, jee nakui̱ñɨ̱ꞌ ítɨ́ ráa nu̱u̱nꞌ rán saꞌá ni̱ꞌ, sáva kuniꞌ va̱ꞌa ráa ya̱ ñúnúunꞌ nijia ni̱ꞌ ránoꞌó.

Judas 1:4

Chi vitan jee sava rá ñɨvɨ ya̱ káchíꞌ ráa ya̱ níkɨ́nꞌ ráa Cristo soo nxi̱náꞌví ráa ránoꞌó, jee nki̱vɨ ráa nteñu rán jee yɨ́ꞌɨ́ ráa jín rán. Jee rá ñɨvɨ vá jee ne̱ yanaꞌán víꞌí nkachiꞌ tu̱ꞌun nééꞌ nu̱u̱nꞌ ɨɨn tutuꞌ, ya̱ saá váji ráa ya̱ sijíta re̱ꞌ ráa. Chi ntu sáꞌá ñáꞌnú ráa nu̱u̱nꞌ Ndiosíꞌ. Jee sɨ́ɨ́n násaꞌá ráa Tu̱ꞌun Ndiosíꞌ, chi káchíꞌ ráa ya̱ jie̱ꞌe̱ꞌ ya̱ íyó mániꞌ iniꞌ Ndiosíꞌ‑ó néꞌyá re̱ꞌ yó, jee ntu nákeꞌen ráa maáráa ya̱ néꞌí jiáꞌnu ráa. Jee ne̱ kúíchi iniꞌ ráa Ndiosíꞌ, ya̱ métúꞌún maáréꞌ kúñáꞌnú nu̱u̱nꞌ‑ó jín I̱toꞌoꞌ‑ó Jesús, ya̱ kúvi re̱ꞌ Cristo ya̱ ñani Ndiosíꞌ tátúníꞌ re̱ꞌ nu̱u̱nꞌ nɨꞌɨ.

1 Timoteo 1:19

Jee kuni̱ꞌin, ya̱ kúneí iniꞌ nú Cristo. Jee kueꞌnu na̱a̱ꞌ nú ya̱ kuniꞌ nú ya̱ ntu níso kua̱chi si̱kɨ̱ꞌ nú. Íyó sava ñɨvɨ nsu̱kuíta ichi vá, jee nxi̱náánꞌ ráa ya̱ kúneí iniꞌ ráa Cristo.

Filipenses 3:3

Chi suvió kúvi‑ó ñɨvɨ Ndiosíꞌ, jee suꞌva kúvi‑ó ñɨvɨ circuncidado nijia nu̱u̱nꞌ re̱ꞌ, chi suvió ví ya̱ chíneí Ta̱chi̱ꞌ Ííꞌ maáó ya̱ néñu̱ꞌun‑ó Ndiosíꞌ, chi kúsɨ́ɨꞌ téyɨ́ɨ́ iniꞌ‑ó jie̱ꞌe̱ꞌ ya̱ sáꞌá Cristo Jesús, chi ntu kúkáꞌnú iniꞌ‑ó maáó ya̱ kino̱o na̱a̱ꞌ‑ó nu̱u̱nꞌ Ndiosíꞌ jie̱ꞌe̱ꞌ ya̱ sáꞌá‑ó.

Gálatas 5:13

Chi, ránoꞌó ñaniꞌ, nkana Ndiosíꞌ ránoꞌó, sáva koo núne rán jee nkɨ́ꞌɨ rán xi̱ntíín ley vá jín rá costumbre. Soo sú nééꞌ núne rán nu̱u̱nꞌ ley, jee koto jiátíñú rán maa, sáva saꞌá rán ya̱ níyo néꞌén iniꞌ rán jín yɨkɨkúñu kua̱chi. Jee kunu̱u̱nꞌ ɨɨn inka rán táꞌán rán, sáva kuvi rán musúꞌ saɨn nu̱u̱nꞌ ɨɨn inka rán, jee chineí rán ɨɨn inka táꞌán rán.

Romanos 2:28

Chi nsú jie̱ꞌe̱ꞌ ya̱ túvi nu̱u̱nꞌ nijínꞌ ɨɨn ñɨvɨ ya̱ kúvi ñɨvɨ Israel sáꞌá‑a ya̱ kúvi nijia‑a ñɨvɨ Israel. Jee ni nsáꞌ kúvi circuncisión nijia kua̱chi seña ya̱ níso te̱e nu̱u̱nꞌ nijínꞌ nu̱u̱nꞌ yɨkɨkúñu‑u.

Mateo 7:6

’Koto jiáꞌa rán tu̱ꞌun ííꞌ Ndiosíꞌ nu̱u̱nꞌ rá ñɨvɨ ni̱ꞌin ánímaꞌ ya̱ jiáꞌnu kuéntáꞌ tinaꞌ, nsuñájee ta̱vi̱ꞌ ráa ránoꞌó nakayɨ̱ꞌɨ́ ráa ránoꞌó kuéntáꞌ tinaꞌ xe̱e̱nꞌ. Jee suni koto jiáꞌa rán tu̱ꞌun ííꞌ Ndiosíꞌ yɨ́yáꞌvi kuéntáꞌ yu̱u̱ꞌ perla nu̱u̱nꞌ rá ñɨvɨ ya̱ ntu chíyáꞌvi maa, kuéntáꞌ jiáñúꞌ kúchíꞌ maa chi kúíchi iniꞌ ráa maa.

Apoclipsis 2:9

[Jee jíníꞌ ni̱ꞌ nta̱ká tiñu váꞌa sáꞌá rán] jee jíníꞌ ni̱ꞌ rá tu̱nóꞌó nóꞌo rán, jín suni jie̱ꞌe̱ꞌ tu̱nláꞌví nóꞌo rán. Soo súka̱ꞌ sukuán kúvi, soo kúká rán jín nɨꞌɨ ya̱ váꞌa níso tu̱ꞌun ni̱ꞌ, chi jínúꞌ iniꞌ rán maa. Jee suni jíníꞌ ni̱ꞌ ya̱ káꞌánꞌ niva̱ꞌa rá ñɨvɨ si̱kɨ̱ꞌ rán. Jee rá ñɨvɨ vá káchíꞌ ráa ya̱ ñɨvɨ ñuunꞌ Israel kúvi ráa ya̱ ñɨvɨ Ndiosíꞌ kúvi ráa, soo nsú ñɨvɨ Ndiosíꞌ kúvi ráa, jee kútútú ráa veꞌi sinagoga nu̱u̱nꞌ kútútú rá ñɨvɨ Israel soo ñɨvɨ ya̱ yɨ́ꞌɨ́ xi̱ntíín kui̱ꞌna̱ꞌ kúñáꞌnú naní Satanás kúvi ráa.

2 Pedro 2:22

Jee jie̱ꞌe̱ꞌ ya̱ sáꞌá ráa vá, jee nkuna̱a̱ꞌ tu̱ꞌun káꞌánꞌ ya̱ káꞌánꞌ jie̱ꞌe̱ꞌ ráa: Tinaꞌ jee níko ti̱ꞌ nákajiꞌ tuku ti̱ꞌ ya̱ nnujien ti̱ꞌ, jee suni kúchíꞌ ya̱ sukuán nichi ti̱ꞌ, jee tukuni náni̱kókáni ti̱ꞌ nu̱u̱nꞌ neꞌyúꞌ, káchíꞌ tu̱ꞌun vá.

Mateo 24:10

Saájee tiempúꞌ yukuán kue̱ꞌe̱ꞌ ñɨvɨ ya̱ kúneí iniꞌ ráa nuꞌuꞌ nikó yátá iniꞌ ráa, ni nsáꞌ kuneí ka̱ꞌ iniꞌ ráa nuꞌuꞌ, jee naku̱ꞌva ráa táꞌán ráa nu̱u̱nꞌ rá te̱e nísotíñú ya̱ xínóꞌo, jee ta̱ꞌvi̱ꞌ iniꞌ ɨɨn inka ráa kune̱ꞌyá ráa táꞌán ráa.