Filipenses 2:5 - Mixteco del suroeste de Tlaxiaco Oaxaca

⁵ Suꞌva ɨɨn nuún kuꞌun iniꞌ antúníꞌ rán kua̱ꞌ nñu̱ꞌun iniꞌ antúníꞌ Cristo Jesús.

Filipenses 2:5 Referans Kwoze

1 Juan 2:6

Jee ñɨvɨ ya̱ káchíꞌ ya̱ kino̱o kutú‑u kɨꞌɨ‑ɨ nu̱u̱nꞌ re̱ꞌ, jee íyó ya̱ kueꞌnu‑u kuéntáꞌ ñaꞌnu Jesús.

Mateo 11:29

Chiꞌi rán maárán xi̱ntíín ni̱ꞌ, ya̱ kúvi‑i kuéntáꞌ chísó rán yugo ni̱ꞌ ránoꞌó, jee kutu̱ꞌva rán ya̱ xinéꞌénꞌ ni̱ꞌ ránoꞌó. Chi másúꞌ iniꞌ ni̱ꞌ, jee ñúꞌún láꞌví iniꞌ ni̱ꞌ, jee sukuán jee ni̱ꞌi̱nꞌ rán ya̱ najia̱ví ánímaꞌ rán saꞌá ni̱ꞌ.

1 Pedro 2:21

Chi jie̱ꞌe̱ꞌ yukuán kúvi ya̱ nkana Ndiosíꞌ ránoꞌó, chi suni Cristo nnoꞌo re̱ꞌ jie̱ꞌe̱ꞌ ya̱ váꞌa nu̱u̱nꞌ rán, jee sukuán nxi̱nóo re̱ꞌ ɨɨn ichi nu̱u̱nꞌ rán, sáva kunikɨnꞌ rán maa ya̱ saꞌá rán sáni nsa̱ꞌá re̱ꞌ.

1 Pedro 4:1

Saáva jie̱ꞌe̱ꞌ ya̱ nnoꞌo Cristo jín ñunéꞌyúꞌ re̱ꞌ, jee suni sukuán ránoꞌó ranika̱ꞌ íyó satúꞌva rán antúníꞌ rán nuún kuꞌun iniꞌ rán jín re̱ꞌ. Chi ñɨvɨ ya̱ nnoꞌo jín yɨkɨkúñu‑u, jee nxi̱nóo‑o saꞌá‑a kua̱chi,

1 Corintios 10:33

Kuéntáꞌ sáꞌá ni̱ꞌ, chi núkú ni̱ꞌ sáꞌá ni̱ꞌ ntáká tiñu sáva kuva̱ꞌa iniꞌ ntáká rá ñɨvɨ kune̱ꞌyá ráa maa. Chi ntu̱ví núkú ni̱ꞌ ya̱ kuvi ya̱ váꞌa maáníꞌ, chisaꞌ núkú ni̱ꞌ ya̱ saꞌá ni̱ꞌ ya̱ kuvi ya̱ váꞌa kue̱ꞌe̱ꞌ rá ñɨvɨ, sáva ni̱ꞌi̱nꞌ ráa ya̱ natavaꞌ Ndiosíꞌ ráa nu̱u̱nꞌ kua̱chi ráa sikáku re̱ꞌ ráa.

Efesios 5:2

Jee íyó kueꞌnu rán jín tu̱ꞌun ñúnúunꞌ táꞌán, kuéntáꞌ suni ñúnúunꞌ Cristo yó, jee nna̱ku̱ꞌva re̱ꞌ maáréꞌ jie̱ꞌe̱ꞌ‑ó, chi nso̱ko̱ꞌ re̱ꞌ maáréꞌ nu̱u̱nꞌ Ndiosíꞌ ni̱ꞌi̱ꞌ re̱ꞌ jie̱ꞌe̱ꞌ‑ó. Yukuán kúvi kuéntáꞌ ɨɨn xikoꞌ jiáꞌánꞌ vi̱xi̱ꞌ ya̱ téñuꞌunꞌ maa nu̱u̱nꞌ Ndiosíꞌ. Jee kúváꞌa iniꞌ Ndiosíꞌ néꞌyá re̱ꞌ maa.

Romanos 15:5

Chi maá Ndiosíꞌ ví ya̱ jiáꞌa ya̱ káꞌnú koo iniꞌ‑ó kuiñɨ ni̱ꞌin‑ó jín ya̱ náchuneí re̱ꞌ iniꞌ‑ó. Jee na̱ ka̱ꞌ taji re̱ꞌ ka̱ꞌ ya̱ ɨɨn nuún koo ñunkúún iniꞌ ɨɨn inka rán jín táꞌán rán sánikua̱ꞌ kuíni Cristo Jesús.

Hechos 20:35

Jee jie̱ꞌe̱ꞌ nsa̱ꞌá ni̱ꞌ nɨꞌɨ yaꞌá, jee suꞌva nna̱stúvi ni̱ꞌ ya̱ íyó satíñú ni̱ꞌin‑ó sukuán, sáva chineí‑ó rá ñɨvɨ kúmániꞌ nu̱u̱nꞌ. Naku̱ꞌun iniꞌ rán tu̱ꞌun ya̱ nkachiꞌ I̱toꞌoꞌ‑ó Jesús: “Netuꞌ kúvi‑ó ka̱ꞌ ku̱ꞌva‑ó nsú ká natɨɨn‑ó.”

Romanos 15:3

Chi ne̱ maá Cristo, jee nsáꞌ nsa̱ꞌá re̱ꞌ tiñu sáva kuva̱ꞌa iniꞌ maáréꞌ. Chisaꞌ nsa̱ꞌá re̱ꞌ sánikua̱ꞌ káchíꞌ tu̱ꞌun ya̱ níso nu̱u̱nꞌ Tutuꞌ Ííꞌ: “Ntáká tu̱ꞌun niváꞌa ya̱ ténúunꞌ ráa si̱kɨ̱ꞌ noꞌó jee nna̱kuniꞌi‑i si̱kɨ̱ꞌ ni̱ꞌ.”

Lucas 22:27

Chi, ¿né ɨɨn kúvi ya̱ kúñáꞌnú ka̱ꞌ, á ya̱ nééꞌ yuꞌú mesa yájíꞌ‑i, áxí ya̱ chísó ko̱ꞌo̱ꞌ nu̱u̱nꞌ mesa rúja? ¿Á ntu su kúñáꞌnú ka̱ꞌ kúvi ya̱ nééꞌ yuꞌú mesa rúja? Soo nuꞌuꞌ, jee nééꞌ ni̱ꞌ nteñu rán kuéntáꞌ kua̱ꞌ ɨɨn musúꞌ, ya̱ yɨ́tíñú ni̱ꞌ nu̱u̱nꞌ rán.

Romanos 14:15

Jee retú ɨɨn ñanitáꞌán nú kuníní iniꞌ‑i jie̱ꞌe̱ꞌ neyu ya̱ yájíꞌ nú, saájee ya̱ ntu ka̱ꞌ ñúnúunꞌ nú maa jie̱ꞌe̱ꞌ ya̱ sáꞌá nú. Jee koto stívɨ́ nú ɨɨn ñanitáꞌán nú jie̱ꞌe̱ꞌ neyu ya̱ yájíꞌ nú ya̱ jiáni iniꞌ‑i ya̱ kua̱chi kúvi vá, chi suni ne̱ jie̱ꞌe̱ꞌ ñanitáꞌán nú vá ví ya̱ níꞌiꞌ Cristo.

Hechos 10:38

Jesús kúvi re̱ꞌ te̱e ñuunꞌ Nazaret. Jíníꞌ rán ya̱ ñani Ndiosíꞌ re̱ꞌ jee njia̱ꞌa‑a nu̱u̱nꞌ re̱ꞌ Ta̱chi̱ꞌ Ííꞌ‑i jín fuersáꞌ ííꞌ‑i. Jee ni̱kónúun re̱ꞌ nsa̱ꞌá re̱ꞌ ya̱ váꞌa, jee nxi̱núvi re̱ꞌ rá ñɨvɨ nóꞌo sáꞌá kui̱ꞌna̱ꞌ kúñáꞌnú, chi Ndiosíꞌ íñɨ́ jín re̱ꞌ.

Filipenses 1:1

Maáníꞌ Pablo jín Timoteo, kúvi ránꞌ musúꞌ Cristo Jesús. Tée ránꞌ tutuꞌ yaꞌá nu̱u̱nꞌ nta̱ká ránoꞌó, ya̱ nsa̱ꞌá sɨ́ɨ́n Ndiosíꞌ ránoꞌó, sáva kɨꞌɨ rán nu̱u̱nꞌ Cristo Jesús, ya̱ nééꞌ rán ñuunꞌ Filipos, jín nu̱u̱nꞌ rá te̱e kúñáꞌnú nu̱u̱nꞌ rán, jín nu̱u̱nꞌ rá ñaniꞌ rán ya̱ chíneí ráa ránoꞌó.