Filipenses 2:2 - Mixteco del suroeste de Tlaxiaco Oaxaca

² Jee nu̱u̱nꞌ íyó suꞌva nijia, jee saꞌá rán ya̱ chuchítú ya̱ nasásɨ́ɨꞌ kue̱ꞌe̱ꞌ rán ka̱ꞌ iniꞌ ánímaꞌ ni̱ꞌ, jie̱ꞌe̱ꞌ ya̱ nuún iniꞌ rán, jín jie̱ꞌe̱ꞌ ya̱ ɨɨn nuún kunu̱u̱nꞌ rán ɨɨn inka rán, jín jie̱ꞌe̱ꞌ ya̱ kani nuún iniꞌ rán, jín jie̱ꞌe̱ꞌ ya̱ kuꞌun nuún iniꞌ rán.

Filipenses 2:2 Referans Kwoze

Romanos 12:16

Jee nuún koo iniꞌ ɨɨn inka rán jín táꞌán rán, jee koto sáꞌá téyɨ́ɨ́ rán maárán, chisaꞌ ɨɨn nuún saꞌá rán maárán jín rá ñɨvɨ láꞌví jee ɨɨn nuún nutútú rán jín ráa. Jee koto kúkaꞌvi iniꞌ rán ya̱ tu̱ꞌva víꞌí rán ka̱ꞌ nsú káꞌ rá ñanitáꞌán rán.

1 Corintios 1:10

Jee jíkánꞌ táꞌvíꞌ ni̱ꞌ nu̱u̱nꞌ ránoꞌó ñaniꞌ jín ku̱ꞌva, nu̱u̱nꞌ súví I̱toꞌoꞌ‑ó Jesús ya̱ kúvi Cristo ya̱ ɨɨn ni kuvi‑ó ya̱ ɨɨn nuún ni natúꞌún rán, jee koto sáꞌá sɨ́ɨ́n rán maárán nteñu rá táꞌán rán, chisaꞌ ɨnuún koo iniꞌ antúníꞌ rán jín nuún kuꞌun iniꞌ rán.

2 Corintios 13:11

Nu̱u̱nꞌ nɨ́ꞌɨ, tátúníꞌ ni̱ꞌ nu̱u̱nꞌ ránoꞌó ñanitáꞌán ya̱, na̱ ka̱ꞌ kusɨ̱ɨ̱ꞌ iniꞌ ánímaꞌ rán, na̱ ka̱ꞌ kujia noo iniꞌ rán nu̱u̱nꞌ Cristo ne̱ kuna̱a̱ꞌ rán, jee na̱ ka̱ꞌ tɨɨn kuéntáꞌ rán rá tu̱ꞌun ya̱ xínániꞌvɨꞌ ni̱ꞌ iniꞌ rán, jee na̱ ka̱ꞌ nuún kuꞌun iniꞌ rán, jee na̱ ka̱ꞌ ñunkúún kuneeꞌ rán jín ɨɨn inka táꞌán rán. Jee maá Ndiosíꞌ, ya̱ sáꞌá ya̱ kunu̱u̱nꞌ‑ó ɨɨn inka‑ó jín ya̱ kuneeꞌ ñunkúún‑ó jín ɨɨn inka‑ó, jee koo re̱ꞌ jín rán.

3 Juan 1:4

Ntu̱ví ka̱ꞌ ná inka jie̱ꞌe̱ꞌ kusɨ̱ɨ̱ꞌ ka̱ꞌ iniꞌ ni̱ꞌ nsú káꞌ ya̱ tésóꞌo ni̱ꞌ ya̱ rá ñɨvɨ, ya̱ kúvi kuéntáꞌ se̱ꞌya ni̱ꞌ, jíka ráa jín tu̱ꞌun na̱a̱ꞌ.

Filipenses 2:16

ni jiáꞌnu ni̱ꞌin rán jín tu̱ꞌun Jesús ya̱ sáꞌá‑a ya̱ kutekuꞌ nijia ñɨvɨ jín Ndiosíꞌ. Jee nu̱u̱nꞌ jiáꞌnu rán suꞌva, jee kuvi kusɨ̱ɨ̱ꞌ téyɨ́ɨ́ iniꞌ ni̱ꞌ jie̱ꞌe̱ꞌ rán ki̱vɨ̱ꞌ niji Cristo, ya̱ nsáꞌ ka̱ꞌá ninu ni̱ꞌ nika ni̱ꞌ ichi re̱ꞌ, jee nsáꞌ ka̱ꞌá nsa̱tíñú ni̱ꞌ nu̱u̱nꞌ re̱ꞌ.

Hechos 2:46

Jee ta ki̱vɨ̱ꞌ kútútú ráa iniꞌ veñu̱ꞌun káꞌnú. Jee kútútú ráa veꞌi ta ɨɨn táꞌán ráa, sáva tasáva ráa i̱xta̱tíláꞌ, sáva naku̱ꞌun iniꞌ ráa Jesús. Jee yájíꞌ nkáꞌnú ráa jee kúsɨ́ɨꞌ iniꞌ ráa jee saɨn iniꞌ ráa.

2 Juan 1:4

Kúsɨ́ɨꞌ víꞌí iniꞌ ánímaꞌ ni̱ꞌ, chi nku̱káꞌnú iniꞌ ni̱ꞌ ya̱ sava rá se̱ꞌya nú jíka ráa jín tu̱ꞌun na̱a̱ꞌ, sánikua̱ꞌ nta̱túníꞌ Tátáꞌ‑ó Ndiosíꞌ nu̱u̱nꞌ‑ó.

2 Tesalonicenses 2:13

Soo sukuáni íyó ku̱ꞌva ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, ñaniꞌ jín ku̱ꞌva. Ñúnúunꞌ I̱toꞌoꞌ‑ó ránoꞌó. Chi nka̱ji Ndiosíꞌ ránoꞌó, ne̱ ntiáꞌan kiko̱o ñɨ̱vɨ́, sáva natavaꞌ re̱ꞌ ránoꞌó nu̱u̱nꞌ kua̱chi rán nanitáꞌvíꞌ rán. Nanitáꞌvíꞌ rán jie̱ꞌe̱ꞌ ya̱ nsa̱ꞌá sɨ́ɨ́n Ta̱chi̱ꞌ Ííꞌ re̱ꞌ ránoꞌó, sáva kɨꞌɨ rán nu̱u̱nꞌ re̱ꞌ, jín jie̱ꞌe̱ꞌ ya̱ kúneí iniꞌ rán tu̱ꞌun na̱a̱ꞌ jie̱ꞌe̱ꞌ Jesús.

Colosenses 2:5

Chi súnika̱ꞌ íyó íká ni̱ꞌ nu̱u̱nꞌ rán, soo ñúꞌún víꞌí iniꞌ ni̱ꞌ ránoꞌó. Jee kúsɨ́ɨꞌ víꞌí iniꞌ ánímaꞌ ni̱ꞌ chi jíníꞌ ni̱ꞌ ya̱ nuún jiáꞌnu na̱a̱ꞌ rán, jín ya̱ íñɨ́ ni̱ꞌin rán kúneí iniꞌ rán Cristo.

Filipenses 4:2

Jíkánꞌ táꞌvíꞌ ni̱ꞌ nu̱u̱nꞌ Evodia jín Síntique, ya̱ nuún kuꞌun iniꞌ ráa chi ni núvíꞌ ráa yɨ́ꞌɨ́ nu̱u̱nꞌ I̱toꞌoꞌ‑ó.

Filipenses 2:20

Chi ntu̱náꞌ íyó ni ɨɨn inka te̱e yaꞌá jín ni̱ꞌ, ya̱ nuún ñúꞌún iniꞌ‑i jín ni̱ꞌ jie̱ꞌe̱ꞌ rán, kuéntáꞌ maáréꞌ, ya̱ nániꞌvɨꞌ nijia iniꞌ‑i jie̱ꞌe̱ꞌ rán.

2 Corintios 7:7

Jee nsú kua̱chi ya̱ nkiji Tito núváꞌa iniꞌ ránꞌ, chisaꞌ suni nna̱saváꞌa re̱ꞌ iniꞌ ránuꞌuꞌ jie̱ꞌe̱ꞌ ya̱ núváꞌa iniꞌ re̱ꞌ jie̱ꞌe̱ꞌ ránoꞌó. Chi nna̱kani re̱ꞌ nu̱u̱nꞌ ránuꞌuꞌ ya̱ ñúꞌún víꞌí iniꞌ ránú kune̱ꞌyá tuku rán ránuꞌuꞌ, jín ya̱ ñúꞌún kuáchi iniꞌ ránú jie̱ꞌe̱ꞌ ya̱ nsa̱ꞌá ránú, jín jie̱ꞌe̱ꞌ ya̱ nániꞌvɨꞌ iniꞌ rán jie̱ꞌe̱ꞌ ránuꞌuꞌ. Jee saáva kúsɨ́ɨꞌ víꞌí ka̱ꞌ iniꞌ ánímaꞌ ni̱ꞌ.

2 Corintios 2:3

Jee saáva sánikua̱ꞌ ntee ni̱ꞌ nu̱u̱nꞌ tutuꞌ yukuán nu̱u̱nꞌ rán, sáva ré kenta ni̱ꞌ yukuán, jee ntu̱ví násaꞌá kuéká rán iniꞌ nuꞌuꞌ, chisaꞌ maárán ví ya̱ íyó nasaꞌá sɨ́ɨ́ꞌ rán iniꞌ ni̱ꞌ. Jee ne̱ yuchí íñɨ́ ni̱ꞌ nu̱u̱nꞌ ntáká ránoꞌó ya̱ sánikua̱ꞌ kusɨ̱ɨ̱ꞌ iniꞌ ánímaꞌ ni̱ꞌ, jee ne̱ jíꞌín ránoꞌó kusɨ̱ɨ̱ꞌ iniꞌ ánímaꞌ rán.

Hechos 5:12

Nsa̱ꞌá Ndiosíꞌ saꞌá rá te̱e nísotíñú apóstol kue̱ꞌe̱ꞌ seña, ya̱ stúvi ya̱ nchu̱ichí Ndiosíꞌ ráa jín tu̱ꞌun re̱ꞌ, jín kue̱ꞌe̱ꞌ a̱nasɨ́, nteñu rá ñɨvɨ ya̱ tívɨ́ xíniꞌ ráa. Nuún iniꞌ ntáká rá ñɨvɨ ya̱ kúneí iniꞌ ráa Jesús, jee kútútú ráa yuꞌú véꞌi veñu̱ꞌun vá naní Yuꞌú Véꞌi Salomón.

Hechos 1:14

Jee nuún yɨ́tíñú ntáká ráa yaꞌá káꞌánꞌ ráa jín Ndiosíꞌ. Jee kútútú ráa jín rá ñaꞌan, jín María, ya̱ kúvi náánꞌ Jesús, jín rá ñaniꞌ re̱ꞌ sáva kaꞌanꞌ ráa jín Ndiosíꞌ.

Filipenses 1:4

Jee nta̱ká íchí káꞌánꞌ ni̱ꞌ jín re̱ꞌ jie̱ꞌe̱ꞌ nta̱ká rán, jee sukuáni sɨ̱ɨ̱ꞌ íyó iniꞌ ánímaꞌ ni̱ꞌ jíkánꞌ táꞌvíꞌ ni̱ꞌ jie̱ꞌe̱ꞌ ránoꞌó.

Juan 3:29

Chi te̱e tánáꞌá ví ya̱ íyó re̱ꞌ jín ñaꞌan tánáꞌá jín re̱ꞌ. Soo te̱e ya̱ ma̱ni̱ꞌ jín te̱e tánáꞌá vá jee íñɨ́ re̱ꞌ jín te̱e tánáꞌá vá jee tésóꞌo re̱ꞌ rá tu̱ꞌun káꞌánꞌ‑a. Jee kúsɨ́ɨꞌ nasɨ́kuitɨꞌ iniꞌ re̱ꞌ tésóꞌo re̱ꞌ ya̱ káchíꞌ te̱e tánáꞌá vá. Saájee suni sukuán chítú ya̱ kúsɨ́ɨꞌ iniꞌ ni̱ꞌ.

2 Timoteo 1:4

Nákúꞌun iniꞌ ni̱ꞌ ya̱ jiáku iniꞌ nú. Jee kuíni víꞌí ni̱ꞌ kune̱ꞌyá ni̱ꞌ noꞌó, sáva nusɨ̱ɨ̱ꞌ iniꞌ ánímaꞌ ni̱ꞌ.

Hechos 2:1

Sáá nkenta ki̱vɨ̱ꞌ viko Pentecostés, nku̱tútú ntáká ráa ɨɨn nu̱u̱nꞌ.

Filemón 1:20

Saáva noꞌó ñaniꞌ, maá nááꞌ nijia ya̱ táváꞌ ni̱ꞌ ya̱ váꞌa nu̱u̱nꞌ noꞌó jie̱ꞌe̱ꞌ yɨ́ꞌɨ́‑ó nu̱u̱nꞌ I̱toꞌoꞌ‑ó. Jee náxinúváꞌa nú iniꞌ ánímaꞌ ni̱ꞌ jie̱ꞌe̱ꞌ yɨ́ꞌɨ́‑ó xi̱ntíín Cristo.