Filipenses 2:16 - Mixteco del suroeste de Tlaxiaco Oaxaca

¹⁶ ni jiáꞌnu ni̱ꞌin rán jín tu̱ꞌun Jesús ya̱ sáꞌá‑a ya̱ kutekuꞌ nijia ñɨvɨ jín Ndiosíꞌ. Jee nu̱u̱nꞌ jiáꞌnu rán suꞌva, jee kuvi kusɨ̱ɨ̱ꞌ téyɨ́ɨ́ iniꞌ ni̱ꞌ jie̱ꞌe̱ꞌ rán ki̱vɨ̱ꞌ niji Cristo, ya̱ nsáꞌ ka̱ꞌá ninu ni̱ꞌ nika ni̱ꞌ ichi re̱ꞌ, jee nsáꞌ ka̱ꞌá nsa̱tíñú ni̱ꞌ nu̱u̱nꞌ re̱ꞌ.

Filipenses 2:16 Referans Kwoze

1 Corintios 9:26

Jee saáva nuꞌuꞌ, jee núnasɨ́ ni̱ꞌ kueꞌnu ni̱ꞌ sáni kuíni Ndiosíꞌ, kuéntáꞌ sáꞌá ɨɨn te̱e jínu, soo nsú kuéntáꞌ te̱e jínu saɨn. Jee núnasɨ́ ni̱ꞌ kuéntáꞌ te̱e kántáꞌán soo ntu̱ví sáꞌá ni̱ꞌ kuéntáꞌ sáꞌá ɨɨn te̱e ya̱ kántáꞌán jee jiáꞌa re̱ꞌ ta̱chi̱ꞌ víjin ni.

Gálatas 2:2

Jee ña̱ꞌa̱nꞌ ni̱ꞌ yukuán sáni nstúvi Ndiosíꞌ nu̱u̱nꞌ ni̱ꞌ ya̱ íyó kɨ̱ꞌɨ̱nꞌ ni̱ꞌ yukuán. Jee nnu̱tútú sɨ́ɨ́n ni̱ꞌ jín rá te̱e kúñáꞌnú nu̱u̱nꞌ rá ñɨvɨ ya̱ kúneí iniꞌ ráa Jesús. Jee nna̱kani ni̱ꞌ nu̱u̱nꞌ ráa tu̱ꞌun váꞌa Jesús ya̱ stékútu̱ꞌún ni̱ꞌ nu̱u̱nꞌ rá ñɨvɨ rá inka nación. Nsa̱ꞌá ni̱ꞌ yaꞌá sáva tɨɨn kuéntáꞌ ráa ya̱ íyó na̱a̱ꞌ tiñu sáꞌá ni̱ꞌ sáva nku̱íchi iniꞌ ráa tiñu vá, sáva ntu nsáꞌá ka̱ꞌá ni̱ꞌ tiñu nsa̱ꞌá ni̱ꞌ yanaꞌán jín ya̱ sáꞌá ni̱ꞌ ntañúꞌún.

1 Juan 1:1

Táji ráníꞌ ya̱ naáꞌ nu̱u̱nꞌ ránú jie̱ꞌe̱ꞌ Cristo ya̱ íyó re̱ꞌ ne̱ sáá ntiáꞌan kiko̱o ñɨ̱vɨ́ yaꞌá, ya̱ nteso̱ꞌo ráníꞌ ya̱ káꞌánꞌ re̱ꞌ, jín ya̱ niniꞌ ránꞌ jín nchinúún ránꞌ yaꞌá, jín ya̱ nne̱ꞌyá noo ránꞌ re̱ꞌ, jín ya̱ ntɨɨn ránꞌ jín naꞌá ránꞌ. Jee suvire̱ꞌ vá kúvi Tu̱ꞌun Ndiosíꞌ ya̱ sáꞌá re̱ꞌ ya̱ kutekuꞌ‑ó nɨ́ɨ́nkání jín Ndiosíꞌ.

2 Corintios 1:14

sánikua̱ꞌ ya̱ ña̱ku̱ꞌun iniꞌ rán sava. Chi maáráníꞌ kúvi jie̱ꞌe̱ꞌ kaꞌanꞌ téyɨ́ɨ́ ránú, sánikua̱ꞌ maáránú kúvi jie̱ꞌe̱ꞌ kaꞌanꞌ téyɨ́ɨ́ ráníꞌ ki̱vɨ̱ꞌ niji I̱toꞌoꞌ‑ó Jesús.

Juan 6:68

Jee nna̱xiníkó Simón Pedro nu̱u̱nꞌ re̱ꞌ: ―I̱toꞌoꞌ, ¿né ɨɨn nu̱u̱nꞌ kúvi kɨ̱ꞌɨ̱nꞌ ránꞌ? Chi maánú íyó jín tu̱ꞌun ya̱ saꞌá ya̱ kutekuꞌ ránꞌ nɨ́ɨ́nkání jín Ndiosíꞌ.

1 Tesalonicenses 3:5

Saájee, sáá ntu nkúvi kuneí ka̱ꞌ iniꞌ ni̱ꞌ kunetu ni̱ꞌ, jee nchu̱ichí ni̱ꞌ Timoteo, sáva kukáꞌnú iniꞌ ni̱ꞌ jie̱ꞌe̱ꞌ na̱ja jiáꞌnu rán ichi ya̱ kúneí iniꞌ rán Cristo. Chi Satanás ya̱ kúñáꞌnú nu̱u̱nꞌ rá ta̱chi̱ꞌ kíni, síkúvi re̱ꞌ iniꞌ ñɨvɨ. Jee nániꞌvɨꞌ iniꞌ ni̱ꞌ ya̱ sa̱naanꞌ nsi̱kúvi re̱ꞌ iniꞌ ránoꞌó. Jee suꞌva nkenta kúvi tiñu ka̱ꞌá, nékúvi, tiñu nsa̱ꞌá ránꞌ nteñu ránoꞌó, ya̱ nkachitu̱ꞌún ráníꞌ tu̱ꞌun Cristo.

Juan 6:63

Chi Ta̱chi̱ꞌ Ííꞌ Ndiosíꞌ ví ya̱ sáꞌá ya̱ kutekuꞌ ñɨvɨ nɨ́ɨ́nkání jín Ndiosíꞌ. Soo máá yɨkɨkúñu ntu̱náꞌ íyótiñu‑u saꞌá‑a sukuán. Rá tu̱ꞌun nkachiꞌ ni̱ꞌ sáꞌá‑a kívɨ Ta̱chi̱ꞌ Ííꞌ Ndiosíꞌ iniꞌ ñɨvɨ jee jiáꞌa‑a ya̱ kutekuꞌ ñɨvɨ nɨ́ɨ́nkání jín Ndiosíꞌ.

Lucas 12:8

Jee nkachiꞌ re̱ꞌ ka̱ꞌ nu̱u̱nꞌ rá ñɨvɨ: ―Káchíꞌ ni̱ꞌ nu̱u̱nꞌ rán, ya̱ ntáká ñɨvɨ ya̱ na̱siáꞌa ráa ya̱ nááꞌ ichinúúnꞌ rá inka ñɨvɨ ya̱ kúvi ni̱ꞌ I̱toꞌoꞌ ráa, jee nuꞌuꞌ, ya̱ nta̱jí Ndiosíꞌ nu̱u̱nꞌ ñɨ̱vɨ́ sáva kuvi ni̱ꞌ Se̱ꞌya Ñɨvɨ, suni na̱siáꞌa ni̱ꞌ ya̱ nááꞌ ya̱ yɨ́ꞌɨ́ ráa nu̱u̱nꞌ ni̱ꞌ ichinúúnꞌ rá najiáꞌáꞌ ííꞌ Ndiosíꞌ.

Hebreos 4:12

Chi Tu̱ꞌun Ndiosíꞌ suni tékúꞌ‑u chi ni̱ꞌin yɨ́ɨ́‑ɨ xá jee sátíñú‑u iniꞌ‑ó. Chi Tu̱ꞌun Ndiosíꞌ kúvi kuéntáꞌ ɨɨn yuchiꞌ espada xe̱e̱nꞌ, soo xe̱e̱nꞌ nasɨ́kuitɨꞌ ka̱ꞌ kúvi tu̱ꞌun re̱ꞌ nsú káꞌ kua̱ꞌ xe̱e̱nꞌ ntáká rá yuchiꞌ espada ya̱ xe̱e̱nꞌ ni núvíꞌ íyó ichi yuꞌú, chi suni kívɨ tu̱ꞌun re̱ꞌ ne̱ nu̱u̱nꞌ kúnú iniꞌ‑ó sáva stúvi kájí‑i na̱sa íyó antúníꞌ‑ó jín ánímaꞌ‑ó, kuéntáꞌ kívɨ yuchiꞌ espada ne̱ nu̱u̱nꞌ kúnú sáva sasɨ́ɨ́n‑ɨ ne̱ nu̱u̱nꞌ ñútáꞌán rá yɨkɨ‑ó jín rá miki yɨkɨ‑ó. Jee jiéꞌnéꞌ na̱a̱ꞌ tu̱ꞌun re̱ꞌ antúníꞌ‑ó jín rá kuíni ánímaꞌ‑ó saꞌá‑ó.

1 Pedro 1:23

Chi nna̱kaku jiáá tuku rán, soo nsáꞌ nna̱kaku rán se̱ꞌya ni̱ñɨ̱ꞌ nu̱u̱nꞌ sɨꞌɨ́ ya̱ jíꞌíꞌ‑i, chisaꞌ nna̱kaku rán sáꞌá Tu̱ꞌun Ndiosíꞌ ya̱ tékúꞌ‑u jee kino̱o‑o nɨ́ɨ́nkání.

1 Tesalonicenses 2:19

¿Chi na̱ jie̱ꞌe̱ꞌ íyó tu̱neí iniꞌ ráníꞌ? Ránoꞌó ví nijia jie̱ꞌe̱ꞌ íyó tu̱neí iniꞌ ráníꞌ. Ránoꞌó kúvi ya̱ sáꞌá‑a kúsɨ́ɨꞌ iniꞌ ránꞌ. Jee jie̱ꞌe̱ꞌ ránoꞌó kuneí ráníꞌ ni̱ꞌi̱nꞌ ráníꞌ ta̱ꞌvi̱ꞌ jee kuvi kaꞌanꞌ téyɨ́ɨ́ ránꞌ jie̱ꞌe̱ꞌ vá ichinúúnꞌ I̱toꞌoꞌ‑ó Jesús sáá niji tuku re̱ꞌ.

Gálatas 4:11

Yúꞌví ni̱ꞌ ya̱ sa̱naanꞌ re̱ꞌ nsa̱tíñú ka̱ꞌá ni̱ꞌ ya̱ nxi̱néꞌénꞌ ni̱ꞌ tu̱ꞌun Jesús nu̱u̱nꞌ rán.

Apoclipsis 22:17

Jee Ta̱chi̱ꞌ Ííꞌ jín rá ñɨvɨ yɨ́ꞌɨ́ nu̱u̱nꞌ Ndiosíꞌ, ya̱ suviráa vá kuvi kuéntáꞌ ñaꞌan ya̱ tana̱ꞌá jín Jesús. Jee káchíꞌ ráa: ―¡Neꞌenꞌ! Jee ñɨvɨ ya̱ tésóꞌo‑o tu̱ꞌun re̱ꞌ yaꞌá, jee suni íyó kachiꞌ‑i: ―¡Neꞌenꞌ! Jee ñɨvɨ ya̱ kuéntáꞌ jíchíꞌ‑i nute jee ñúkúvi iniꞌ‑i Ndiosíꞌ, jee, ¡neꞌenꞌ!, natuꞌva nu̱u̱nꞌ re̱ꞌ jee tɨɨn saɨn‑ɨ nute koꞌo‑o ya̱ sáꞌá nute vá kutekuꞌ nú nɨ́ɨ́nkání jín re̱ꞌ.

Hechos 13:26

’Ránoꞌó ñaniꞌ, ya̱ kúvi rán se̱ꞌya tataꞌ Abraham, jín rá inka ñɨvɨ, ya̱ nééꞌ nteñu rán, ya̱ ñúyúꞌví iniꞌ rán nu̱u̱nꞌ Ndiosíꞌ. Nta̱jí re̱ꞌ nu̱u̱nꞌ rán tu̱ꞌun yaꞌá ya̱ káchíꞌ ya̱ nátavaꞌ re̱ꞌ yó nu̱u̱nꞌ kua̱chi‑ó xínánitáꞌvíꞌ re̱ꞌ yó.

Mateo 10:27

Jee rá tu̱ꞌun ya̱ káchíꞌ yuꞌuꞌ ni̱ꞌ nu̱u̱nꞌ rán kuéntáꞌ nu̱u̱nꞌ neenꞌ, jee kachiꞌ rán maa nu̱nijínꞌ. Jee rá tu̱ꞌun ya̱ nkachiꞌ yuꞌuꞌ ni̱ꞌ maa nu̱u̱nꞌ ránoꞌó ni, jee stekútu̱ꞌún nijinꞌ rán tu̱ꞌun vá ne̱ nu̱u̱nꞌ súkún xi̱ni̱ꞌ ve̱ꞌí.

1 Corintios 1:8

Jee saꞌá re̱ꞌ ya̱ kuiñɨ ni̱ꞌin rán kuneí iniꞌ rán Cristo ne̱kua̱ꞌ ji̱nu ya̱ tékúꞌ nú, sáva ni ɨɨn ntu̱náꞌ kuvi chikua̱chi ránoꞌó sáá kenta nikó I̱toꞌoꞌ‑ó Jesús ya̱ kúvi Cristo.

Filipenses 1:6

Suni jiáꞌa ni̱ꞌ ya̱ kútaꞌviꞌ jie̱ꞌe̱ꞌ rán, chi ne̱ yuchí kúkáꞌnú nijia iniꞌ ni̱ꞌ ya̱ Ndiosíꞌ ya̱ nka̱jiéꞌé nsa̱ꞌá re̱ꞌ tiñu váꞌa iniꞌ rán, jee chuchítú re̱ꞌ íchí kunikɨnꞌ re̱ꞌ sikúnkuvi re̱ꞌ tiñu váꞌa vá ne̱ ki̱vɨ̱ꞌ niji Cristo Jesús.

Filipenses 1:10

Sáva kototúníꞌ rán rá ichi íyó sɨ́ɨ́n jee ka̱ji rán ya̱ va̱ꞌa ka̱ꞌ kunikɨnꞌ rán, sáva saɨn koo iniꞌ rán nu̱u̱nꞌ Ndiosíꞌ, jee ni ɨɨn nkúvi chikua̱chi‑i ránoꞌó ki̱vɨ̱ꞌ niji Cristo.