Filipenses 2:11 - Mixteco del suroeste de Tlaxiaco Oaxaca

¹¹ Jín sáva nta̱ká ráa ku̱ꞌvayuꞌú, ya̱ I̱toꞌoꞌ ví Jesús ya̱ níso re̱ꞌ tiñu Cristo, jee suꞌva stúvi ráa, ya̱ máá viiꞌ kúñáꞌnú ví Ndiosíꞌ ya̱ kúvi Tááꞌ‑ó.

Filipenses 2:11 Referans Kwoze

1 Juan 4:15

Jee néni ɨɨn ñɨvɨ ya̱ jiáꞌayuꞌú ya̱ Se̱ꞌya Ndiosíꞌ ví Jesús, jee kínóo kutú Ndiosíꞌ yɨ́ꞌɨ́ re̱ꞌ iniꞌ ñɨvɨ vá, jee kínóo kutú ñɨvɨ vá yɨ́ꞌɨ́‑ɨ nu̱u̱nꞌ re̱ꞌ.

Romanos 14:11

Chi suꞌva káchíꞌ Tu̱ꞌun Ndiosíꞌ níso nu̱u̱nꞌ Tutuꞌ Ííꞌ: Káchíꞌ I̱toꞌoꞌ‑ó: “Sáꞌá na̱a̱ꞌ ni̱ꞌ nu̱u̱nꞌ tu̱ꞌun káꞌánꞌ ni̱ꞌ, jie̱ꞌe̱ꞌ ya̱ tékúꞌ nijia ni̱ꞌ, jee suni sukuán ichinúúnꞌ ni̱ꞌ nakui̱ñɨ̱ꞌ ítɨ́ nta̱ká kuitɨꞌ ñɨvɨ. Jee ntáká kuitɨꞌ rá ñɨvɨ ku̱ꞌvayuꞌú ráa ya̱ maáníꞌ vá kúvi nijia Ndiosíꞌ.”

Juan 13:13

Chi ránoꞌó jee káchíꞌ rán ya̱ Mestrúꞌ jín I̱toꞌoꞌ kúvi ni̱ꞌ. Soo va̱tu̱ni káchíꞌ nijia rán maa, chi maáníꞌ kúvi nijia sukuán.

1 Juan 4:2

Jee suꞌva kuniꞌ rán retú Ta̱chi̱ꞌ Ííꞌ Ndiosíꞌ ví ya̱ njia̱ꞌa tu̱ꞌun káꞌánꞌ ñɨvɨ: nta̱ká ñɨvɨ ya̱ jiáꞌayuꞌú ráa ya̱ Jesús kúvi re̱ꞌ Cristo, ya̱ ñani Ndiosíꞌ sáva tatúníꞌ re̱ꞌ nu̱u̱nꞌ ñɨ̱vɨ́, jín ya̱ nkenta re̱ꞌ ñɨ̱vɨ́ yaꞌá sáva kúvi re̱ꞌ te̱e jín yɨkɨkúñu re̱ꞌ, jee Ta̱chi̱ꞌ Ííꞌ Ndiosíꞌ ví ya̱ njiáꞌa tu̱ꞌun vá nu̱u̱nꞌ ráa.

Romanos 14:9

Chi jie̱ꞌe̱ꞌ yukuán kúvi ya̱ níꞌiꞌ Cristo jee nna̱tekuꞌ i̱i̱ꞌ‑i, sáva kúvi‑i I̱toꞌoꞌ nu̱u̱nꞌ rá ñɨvɨ níꞌiꞌ jín nu̱u̱nꞌ rá ñɨvɨ tékúꞌ.

1 Corintios 12:3

Jee saáva síkúkáꞌnú ni̱ꞌ iniꞌ rán ya̱ ni ɨɨn ñɨvɨ ya̱ retú káchíꞌ‑i: “Yósóni̱nu Jesús”, jee nsú tu̱ꞌun ya̱ jiáꞌa Ta̱chi̱ꞌ Ííꞌ Ndiosíꞌ ví rá tu̱ꞌun káꞌánꞌ‑a vá. Jee suni ni ɨɨn ñɨvɨ nkúvi kachiꞌ‑i ya̱: “Jesús ví I̱toꞌoꞌ nu̱u̱nꞌ kua̱íyó”, retú nsú Ta̱chi̱ꞌ Ííꞌ ví ya̱ jiáꞌa tu̱ꞌun nu̱u̱nꞌ ya̱ káchíꞌ‑i.

Juan 14:13

Jee néni ɨɨn ya̱ ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ, jee saꞌá ni̱ꞌ maa, sáva stúvi ni̱ꞌ ya̱ máá kúñáꞌnú nasɨ́kuitɨꞌ kúvi Tátáꞌ ni̱ꞌ jie̱ꞌe̱ꞌ ya̱ sáꞌá ni̱ꞌ.

1 Pedro 1:21

Chi jie̱ꞌe̱ꞌ Cristo jee jínúꞌ iniꞌ rán Ndiosíꞌ, ya̱ kúvi re̱ꞌ ya̱ nna̱xinátekuꞌ i̱i̱ꞌ tuku re̱ꞌ Cristo nnene‑e nteñu rá níyɨ, jee nnu̱ñáꞌnú nasɨ́kuitɨꞌ‑ɨ nsa̱ꞌá re̱ꞌ, jee saáva kúneí iniꞌ rán ínúꞌ iniꞌ rán Ndiosíꞌ, jee íyó kutú tu̱neí iniꞌ rán nétu rán ya̱ saꞌá re̱ꞌ.

1 Corintios 8:6

soo nu̱u̱nꞌ maáó, chi métúꞌún ni Ndiosíꞌ íyó ya̱ kúvi Tátáꞌ‑ó. Jee maáréꞌ nsa̱ꞌá ntáká ya̱ íyó, jee suni maáó nsáꞌá re̱ꞌ yó sáva kɨtíñú‑ó nu̱u̱nꞌ re̱ꞌ. Jee suni ɨɨn ni I̱toꞌoꞌ‑ó íyó, ya̱ suvi kúvi Jesús ya̱ kúvi re̱ꞌ Cristo, ya̱ ña̱tíñú Ndiosíꞌ maa sáva nsa̱ꞌá ráa ntáká ya̱ íyó, jee suni nsa̱ꞌá re̱ꞌ yó ranika̱ꞌ.

Apoclipsis 3:5

’Ñɨvɨ ya̱ kuneí‑i si̱kɨ̱ꞌ ya̱ níváꞌa jín nu̱u̱nꞌ kui̱ꞌna̱ꞌ kúñáꞌnú, saájee naku̱ꞌun‑u saꞌma kuíjín. Jee ni nsáꞌ xinónoo ni̱ꞌ súví ñɨvɨ vá nu̱u̱nꞌ tutuꞌ ya̱ níso súví rá ñɨvɨ ya̱ kutekuꞌ ráa nɨ́ɨ́nkání jín nuꞌuꞌ. Jee stúvi ni̱ꞌ nu̱u̱nꞌ Tátáꞌ ni̱ꞌ jín nu̱u̱nꞌ rá najiáꞌáꞌ ííꞌ re̱ꞌ, ya̱ yɨ́ꞌɨ́ nijia ñɨvɨ vá nu̱u̱nꞌ nuꞌuꞌ.

Mateo 10:32

’Saájee ntáká ñɨvɨ ya̱ na̱siáꞌa ráa ya̱ nááꞌ ichinúúnꞌ rá inka ñɨvɨ ya̱ kúvi ni̱ꞌ I̱toꞌoꞌ ráa, jee nuꞌuꞌ, suni na̱siáꞌa ni̱ꞌ ya̱ nááꞌ nu̱u̱nꞌ Tátáꞌ ni̱ꞌ ya̱ nééꞌ antivɨ́ súkún ya̱ yɨ́ꞌɨ́ ráa nu̱u̱nꞌ ni̱ꞌ.

Hechos 10:36

’Nchu̱ichí re̱ꞌ tu̱ꞌun va̱ꞌa nu̱u̱nꞌ rá se̱ꞌya tataꞌ Israel, jee stékútu̱ꞌún re̱ꞌ ya̱ kuneeꞌ ma̱ni̱ꞌ ñɨvɨ jín re̱ꞌ sáꞌá Jesús ya̱ kúvi‑i Cristo, ya̱ kúvi‑i I̱toꞌoꞌ nɨꞌɨ ñɨvɨ ñɨ̱vɨ́.

Hechos 2:36

―Saájee kukáꞌnú na̱a̱ꞌ iniꞌ ntáká ñɨvɨ tataꞌ Israel, ya̱ ñani Ndiosíꞌ Jesús yaꞌá ya̱ kuvi‑i I̱toꞌoꞌ‑ó jín ya̱ kuvi‑i Cristo, sáva natavaꞌ re̱ꞌ ñɨvɨ nu̱u̱nꞌ kua̱chi ráa. Jesús yaꞌá ví ya̱ nte̱kaa rán nu̱u̱nꞌ kurúsiꞌ jee ñaꞌniꞌ rán maa ―nkachiꞌ Pedro.

Juan 9:22

Jee rá tu̱ꞌun yaꞌá nkachiꞌ tááꞌ re̱ꞌ jín náánꞌ re̱ꞌ chi yúꞌví ráa néꞌyá ráa rá te̱e kúñáꞌnú nu̱u̱nꞌ rá ñɨvɨ Israel, chi ya nna̱túꞌún rá te̱e kúñáꞌnú nu̱u̱nꞌ rá ñɨvɨ Israel vá ya̱ retú néni ɨɨn ñɨvɨ jiáꞌayuꞌú ya̱ Jesús kúvi Cristo, [ya̱ nchu̱ichí Ndiosíꞌ maa sáva tatúníꞌ‑i nu̱u̱nꞌ ñɨ̱vɨ́], yukuán jee tavaꞌ ráa ñɨvɨ vá rá veꞌi sinagoga nu̱u̱nꞌ kútútú rá ñɨvɨ Israel, jee nsáꞌ ku̱ꞌva ráa ka̱ꞌ ki̱vɨ ñɨvɨ vá iniꞌ veꞌi sinagoga yukuán.

Juan 5:23

Nsa̱ꞌá re̱ꞌ suꞌva, sáva nta̱ká ñɨvɨ chiñúꞌún ráa nuꞌuꞌ, ya̱ kúvi ni̱ꞌ Se̱ꞌya re̱ꞌ, kuéntáꞌ chíñúꞌún ráa Tátáꞌ ni̱ꞌ. Jee ñɨvɨ ya̱ ntu chíñúꞌún nuꞌuꞌ, ya̱ kúvi Se̱ꞌya re̱ꞌ, jee suni ntu chíñúꞌún ñɨvɨ vá Tátáꞌ ni̱ꞌ ya̱ nchu̱ichí nuꞌuꞌ va̱ji ni̱ꞌ.

2 Juan 1:7

Chi kue̱ꞌe̱ꞌ ñɨvɨ xínáꞌví jíkanuun ñɨ̱vɨ́ yaꞌá, ya̱ ntu jiáꞌayuꞌú ráa ya̱ Jesucristo nkenta kúvi re̱ꞌ te̱e jín yɨkɨkúñu re̱ꞌ nu̱u̱nꞌ ñɨ̱vɨ́ yaꞌá. Suvivá kúvi ñɨvɨ tuꞌva yuꞌú jín ñɨvɨ ya̱ kénta si̱kɨ̱ꞌ Cristo.

1 Corintios 15:47

Chi Adán ya̱ nkuvi te̱e xíꞌnañúꞌún jee nkiji re̱ꞌ ne̱ nu̱u̱nꞌ ñu̱ꞌún, chi jín ti̱ka̱cha̱a̱ꞌ ñuꞌun nsa̱ꞌá Ndiosíꞌ re̱ꞌ. Soo inka te̱e uvíꞌ, ya̱ kúvi Cristo, chi ne̱ antivɨ́ súkún nkiji re̱ꞌ.

Romanos 15:9

Jee nkiji re̱ꞌ sáva rá ñɨvɨ ya̱ ntu kúvi ráa ñɨvɨ Israel nakuetúꞌún ráa Ndiosíꞌ jie̱ꞌe̱ꞌ ya̱ kúnáꞌví iniꞌ re̱ꞌ ráa, sánikua̱ꞌ níso nu̱u̱nꞌ Tutuꞌ Ííꞌ: Saáva ku̱ꞌva ni̱ꞌ ya̱ naáꞌ jie̱ꞌe̱ꞌ noꞌó nu̱u̱nꞌ rá ñɨvɨ ya̱ ntu kúvi ñɨvɨ Israel, jee kata ni̱ꞌ yaaꞌ ya̱ nákuetúꞌún ni̱ꞌ noꞌó.

Juan 20:28

Saájee nna̱xiníkó Tomás jee nkachiꞌ‑i nu̱u̱nꞌ re̱ꞌ: ―¡I̱toꞌoꞌ maáníꞌ jín Ndiosíꞌ maáníꞌ!

Juan 17:1

Jee sáá nkuvi nkachiꞌ Jesús rá tu̱ꞌun yaꞌá, jee nna̱neꞌen nu̱u̱nꞌ re̱ꞌ ne̱ antivɨ́ súkún, jee nkachiꞌ re̱ꞌ: ―Tátáꞌ ni̱ꞌ, vitan jee ya̱ nkenta tiempúꞌ ya̱ kunoꞌo ni̱ꞌ, jee stúvi ya̱ kúñáꞌnú ni̱ꞌ ya̱ kúvi ni̱ꞌ Se̱ꞌya nú, jee sáva nuꞌuꞌ suni stúvi ni̱ꞌ ya̱ maánú kúvi ya̱ kúñáꞌnú nasɨ́kuitɨꞌ ka̱ꞌ.

Juan 12:42

Soo sú na̱ja ka̱ꞌ jee kue̱ꞌe̱ꞌ ne̱ rá te̱e kúñáꞌnú nu̱u̱nꞌ rá ñɨvɨ Israel ni̱nu̱ꞌ iniꞌ ráa Jesús. Soo ntu nstúvi nijinꞌ ráa maa chi yúꞌví ráa rá te̱e fariseo, sáva ntu tavaꞌ rává ráa veꞌi sinagoga nu̱u̱nꞌ kútútú rá ñɨvɨ Israel jee nkúꞌva rává ki̱vɨ ráa ka̱ꞌ.

Lucas 2:11

Chi vitan jee nkaku ɨɨn te̱e ya̱ natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó ya̱ kúvi re̱ꞌ Cristo ya̱ kúvi re̱ꞌ I̱toꞌoꞌ‑ó, jee nkaku re̱ꞌ nu̱u̱nꞌ ñuunꞌ Belén ya̱ kúvi ñuunꞌ nkaku David.

Juan 14:23

Jee nna̱xiníkó Jesús, jee nkachiꞌ re̱ꞌ nu̱u̱nꞌ‑u: ―Ɨɨn ñɨvɨ ya̱ ñúnúunꞌ‑u nuꞌuꞌ, jee sikúnkuvi‑i tu̱ꞌun ni̱ꞌ, jee kunu̱u̱nꞌ Tátáꞌ ni̱ꞌ maa, jee ni núvíꞌ ni̱ꞌ jín Tátáꞌ ni̱ꞌ kiji ránꞌ nu̱u̱nꞌ ñɨvɨ vá, jee koo ránꞌ jín‑i.

Juan 13:14

Chi retú nuꞌuꞌ, ya̱ kúvi ni̱ꞌ I̱toꞌoꞌ rán, jín ya̱ kúvi ni̱ꞌ Mestrúꞌ rán, jee nna̱kete ni̱ꞌ jie̱ꞌe̱ꞌ rán. Jee suni sukuán íyó nakete rán jie̱ꞌe̱ꞌ ɨɨn inka táꞌán rán.