Filipenses 1:9 - Mixteco del suroeste de Tlaxiaco Oaxaca

⁹ Jee jíkánꞌ táꞌvíꞌ ni̱ꞌ nu̱u̱nꞌ Ndiosíꞌ, ya̱ saꞌ víꞌí káꞌ sáá kunu̱u̱nꞌ víꞌí rán ka̱ꞌ ñɨvɨ jín Ndiosíꞌ, jín ya̱ kujia víꞌí iniꞌ rán ka̱ꞌ, sáva kuniꞌ rán ka̱ꞌ tu̱ꞌun nááꞌ Ndiosíꞌ, jín sáva kuníchí xi̱ni̱ꞌ rán ka̱ꞌ jie̱ꞌe̱ꞌ ichi re̱ꞌ.

Filipenses 1:9 Referans Kwoze

1 Tesalonicenses 3:12

Jee suni jíkánꞌ táꞌvíꞌ ránꞌ ya̱ saꞌá I̱toꞌoꞌ‑ó, ya̱ kukueꞌeꞌ ka̱ꞌ kunu̱u̱nꞌ víꞌí rán ka̱ꞌ ɨɨn inka táꞌán rán jín nɨꞌɨ rá inka ka̱ꞌ ñɨvɨ, sánikua̱ꞌ suni ñúnúunꞌ ránꞌ ránoꞌó.

Colosenses 1:9

Saájee, ne̱ ki̱vɨ̱ꞌ ya̱ nteso̱ꞌo ráníꞌ tu̱ꞌun vá jie̱ꞌe̱ꞌ ránoꞌó, jee ntu̱ví síkɨ́kui̱ñɨ̱ꞌ ránꞌ maáránꞌ ya̱ káꞌánꞌ ránꞌ jín Ndiosíꞌ jie̱ꞌe̱ꞌ ránú. Jee jíkánꞌ táꞌvíꞌ ránꞌ nu̱u̱nꞌ re̱ꞌ ya̱ chitú noo rán kukáꞌnú iniꞌ rán ya̱ kuíni re̱ꞌ, jie̱ꞌe̱ꞌ ya̱ sáꞌá Ta̱chi̱ꞌ Ííꞌ re̱ꞌ ya̱ nta̱ká nu̱u̱nꞌ kuníchí xíniꞌ rán jie̱ꞌe̱ꞌ tu̱ꞌun re̱ꞌ, jín ya̱ ki̱ku̱ꞌun iniꞌ rán tu̱ꞌun re̱ꞌ.

Filemón 1:6

Jee nééꞌ ñunkúún nú jín ñɨvɨ ya̱ suni táꞌán kúneí iniꞌ nkaa ráa Jesús, jee jie̱ꞌe̱ꞌ íyó nú suꞌva jíkánꞌ ni̱ꞌ nu̱u̱nꞌ Ndiosíꞌ ya̱ kene ya̱ kukáꞌnú iniꞌ rá ñɨvɨ Ndiosíꞌ ntáká ya̱ váꞌa ni̱ꞌi̱nꞌ‑ó jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo.

Colosenses 3:10

Jee vitan jee nsama iniꞌ rán nnuvi rán ñɨvɨ jiáá. Chi násaꞌá jiáá Ndiosíꞌ iniꞌ ánímaꞌ ránoꞌó, ne̱kua̱ꞌ kuniꞌ va̱ꞌa rán re̱ꞌ, sáva koo rán ka̱ꞌ kua̱ꞌ íyó maáréꞌ ya̱ nsa̱ꞌá jiáá re̱ꞌ ránoꞌó.

1 Pedro 1:22

Soo vitan jee ya̱ nna̱saꞌá ninuꞌun re̱ꞌ iniꞌ ánímaꞌ rán, jie̱ꞌe̱ꞌ ya̱ [nsa̱ꞌá Ta̱chi̱ꞌ Ííꞌ re̱ꞌ] ya̱ nka̱níjiá rán tu̱ꞌun na̱a̱ꞌ re̱ꞌ, sáva kunu̱u̱nꞌ nijia rán rá ñanitáꞌán rán, saáva ne̱ ninuꞌun ánímaꞌ rán kunu̱u̱nꞌ ntántúníꞌ víꞌí rán ɨɨn inka táꞌán rán.

2 Corintios 8:7

Jee sánikua̱ꞌ kua̱ꞌa̱nꞌ kéne rán ka̱ꞌ ichinúúnꞌ jín nta̱ká nu̱u̱nꞌ, na̱sa kúneí iniꞌ rán Cristo, jín na̱sa káꞌánꞌ rán tu̱ꞌun, jín na̱sa jíníꞌ víꞌí rán jie̱ꞌe̱ꞌ Ndiosíꞌ, jín na̱sa ñúkáñá iniꞌ rán chineí rán, jín na̱sa ñúnúunꞌ rán ránuꞌuꞌ. Jee suni sukuán kua̱ꞌa̱nꞌ kene rán ka̱ꞌ ichinúúnꞌ jín tiñu yaꞌá ya̱ koo ma̱ni̱ꞌ iniꞌ rán chineí rán rá láꞌví.

1 Corintios 14:20

Jee saáva ránoꞌó ñaniꞌ jín ku̱ꞌva, koto jiáni iniꞌ rán kuéntáꞌ rá su̱chí lúlí jie̱ꞌe̱ꞌ rá tiñu yaꞌá. Chisaꞌ koo rán kuéntáꞌ rá nchíkɨ́n nu̱u̱nꞌ rá tiñu níváꞌa, ya̱ kueꞌnu rán kuéntáꞌ retánꞌ ntu̱ví jíníꞌ rán tiñu níváꞌa, soo kujia iniꞌ rán iniꞌ antúníꞌ rán.

2 Tesalonicenses 1:3

Sukuáni íyó ku̱ꞌva ráníꞌ ya̱ kútaꞌviꞌ ránꞌ nu̱u̱nꞌ Ndiosíꞌ jie̱ꞌe̱ꞌ ránoꞌó, ñaniꞌ jín ku̱ꞌva. Íyó va̱ꞌa sáꞌá ránꞌ suꞌva, chi jiáꞌnu víꞌí ka̱ꞌ ya̱ kúneí iniꞌ rán Jesús, jee kúkueꞌeꞌ ka̱ꞌ ñúnúunꞌ nɨꞌɨ rán ɨɨn inka ñanitáꞌán rán.

2 Pedro 3:18

Chisaꞌ íyó kujia iniꞌ rán kueꞌnu rán jín Jesús ya̱ kúvi Cristo ya̱ máníꞌ iniꞌ re̱ꞌ chineí re̱ꞌ ka̱ꞌ ránoꞌó jee íyó kujia iniꞌ rán ka̱ꞌ jín tu̱ꞌun re̱ꞌ sáva kuniꞌ rán ka̱ꞌ iniꞌ re̱ꞌ. Jesús ví ya̱ nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó. Nákuetúꞌún‑ó re̱ꞌ vitan jín nɨ́ɨ́nkání. Sukuán koo. Amén.

Hebreos 5:14

Chisaꞌ rá ñɨvɨ jíjia iniꞌ ráa nu̱u̱nꞌ Tu̱ꞌun Ndiosíꞌ jee kuéntáꞌ yájíꞌ ráa neyu, chi súkuáꞌa ráa kueꞌnu na̱a̱ꞌ ráa, sáva koo tu̱ꞌva ráa ka̱ji ánímaꞌ ráa jie̱ꞌe̱ꞌ ya̱ váꞌa jín ya̱ niváꞌa.

Efesios 5:17

Jee saáva koto kúvi rán ñɨvɨ jiáni naanꞌ xi̱ni̱ꞌ, chisaꞌ ki̱ku̱ꞌun iniꞌ rán ntáká tiñu ya̱ kuíni I̱toꞌoꞌ‑ó ya̱ saꞌá rán.

1 Tesalonicenses 4:1

Jee ntañúꞌún kaꞌanꞌ ráníꞌ jie̱ꞌe̱ꞌ inka ka̱ꞌ tiñu. Ránoꞌó, ñaniꞌ jín ku̱ꞌva, jee jie̱ꞌe̱ꞌ yɨ́ꞌɨ́ ráníꞌ nu̱u̱nꞌ I̱toꞌoꞌ‑ó Jesús jee jíkánꞌ táꞌvíꞌ ránꞌ nu̱u̱nꞌ ránoꞌó jee xíníꞌvɨ́ꞌ ránꞌ iniꞌ ránoꞌó, ya̱ kukueꞌeꞌ víꞌí ka̱ꞌ kaka rán sánikua̱ꞌ nxi̱néꞌénꞌ ránꞌ ránoꞌó na̱sa íyó kaka rán sáva kuva̱ꞌa iniꞌ Ndiosíꞌ kune̱ꞌyá re̱ꞌ na̱sa jíka rán, sánikua̱ꞌ ya jiáꞌnu rán.