Filipenses 1:8 - Mixteco del suroeste de Tlaxiaco Oaxaca

⁸ Chi jíníꞌ Ndiosíꞌ, ya̱ ñúnúunꞌ ni̱ꞌ nta̱ká ránoꞌó sáni ñúnúunꞌ Cristo Jesús yó.

Filipenses 1:8 Referans Kwoze

Filipenses 4:1

I̱ña̱jée, ránoꞌó ñaniꞌ ni̱ꞌ jín ku̱ꞌva ni̱ꞌ, ya̱ ñúnúunꞌ ni̱ꞌ jee níyo víꞌí iniꞌ ni̱ꞌ kune̱ꞌyá ni̱ꞌ ránoꞌó. Maárán ví ya̱ násaꞌá sɨ́ɨꞌ iniꞌ ánímaꞌ ni̱ꞌ. Jee kuéntáꞌ ta̱ꞌvi̱ꞌ ví ránoꞌó ya̱ ni̱ꞌi̱nꞌ ni̱ꞌ sáá kuneí ni̱ꞌ carrera. Saáva kuiñɨ ni̱ꞌin rán jín I̱toꞌoꞌ‑ó, ránoꞌó ya̱ ñúnúunꞌ ni̱ꞌ.

Romanos 1:9

Chi Ndiosíꞌ, ya̱ sáꞌá ni̱ꞌ tiñu re̱ꞌ jín nɨꞌɨ ne̱ ánímaꞌ ni̱ꞌ ya̱ stékútu̱ꞌún ni̱ꞌ tu̱ꞌun váꞌa Se̱ꞌya re̱ꞌ, jee Ndiosíꞌ kúvi ya̱ naáꞌ ni̱ꞌ ya̱ ntu jiákui̱ñɨ̱ꞌ ni̱ꞌ ya̱ káꞌánꞌ ni̱ꞌ jie̱ꞌe̱ꞌ ránoꞌó

2 Timoteo 1:4

Nákúꞌun iniꞌ ni̱ꞌ ya̱ jiáku iniꞌ nú. Jee kuíni víꞌí ni̱ꞌ kune̱ꞌyá ni̱ꞌ noꞌó, sáva nusɨ̱ɨ̱ꞌ iniꞌ ánímaꞌ ni̱ꞌ.

1 Tesalonicenses 2:8

Na̱ ka̱ꞌ ñunkúún víꞌí iniꞌ ránꞌ néꞌyá ránꞌ ka̱ꞌ ránoꞌó, jee kúváꞌa víꞌí iniꞌ ránꞌ táji ránꞌ nu̱u̱nꞌ ránoꞌó tu̱ꞌun váꞌa Ndiosíꞌ. Jee nsú kua̱chi ntaji ránꞌ tu̱ꞌun vá ni, chi suni nku̱sɨ̱ɨ̱ꞌ víꞌí iniꞌ ránꞌ nneeꞌ ránꞌ jín ránoꞌó jee nchi̱neí táꞌán ránꞌ jín ránoꞌó. Chi nkenta ñúnúunꞌ ránꞌ ránoꞌó.

Romanos 9:1

Yɨ́ꞌɨ́ ni̱ꞌ nu̱u̱nꞌ Cristo jee ya̱ naáꞌ vá káchíꞌ ni̱ꞌ jee ntu kátúꞌún ni̱ꞌ, jee yɨ́ꞌɨ́ ni̱ꞌ naꞌá Ta̱chi̱ꞌ Ííꞌ Ndiosíꞌ jee ne̱ ánímaꞌ ni̱ꞌ jíníꞌ ni̱ꞌ ya̱ naáꞌ

Filemón 1:12

Jee náchuichí tuku ni̱ꞌ maa nu̱u̱nꞌ noꞌó. Jee natɨɨn maa ya̱ ñúnúunꞌ ni̱ꞌ maa ne̱ ánímaꞌ ni̱ꞌ.

Colosenses 2:1

Chi kuíni ni̱ꞌ ya̱ kukáꞌnú iniꞌ rán ya̱ kue̱ꞌe̱ꞌ víꞌí núnasɨ́ ni̱ꞌ sáꞌá ni̱ꞌ fesáꞌ sáva kuvi ya̱ váꞌa ránoꞌó, jín rá ñɨvɨ ya̱ kúneí iniꞌ ráa Cristo ya̱ nééꞌ ráa nu̱u̱nꞌ ñuunꞌ Laodicea, jín ne̱ nta̱ká ñaniꞌ ya̱ ntu̱ví jíníꞌ ráa máá maáníꞌ.

Gálatas 4:19

Ránoꞌó se̱ꞌya maáníꞌ. Nóꞌo ni̱ꞌ kuéntáꞌ téꞌnéꞌ iniꞌ ɨɨn ñaꞌan káku se̱ꞌya, chi nóꞌo ni̱ꞌ suꞌva ne̱kua̱ꞌ sama iniꞌ rán ne̱ nuún koo iniꞌ ánímaꞌ rán jín Cristo.

Gálatas 1:20

Tɨɨn kuéntáꞌ rán, ya̱ jíníꞌ Ndiosíꞌ ya̱ ntu kátúꞌún ni̱ꞌ jín tu̱ꞌun tée ni̱ꞌ nu̱u̱nꞌ rán.

2 Corintios 7:15

Jee saꞌ víꞌí káꞌ ñúꞌún ñunkúún nasɨ́kuitɨꞌ iniꞌ ánímaꞌ Tito néꞌyá re̱ꞌ ránoꞌó, sáá nákúꞌun iniꞌ re̱ꞌ ya̱ nka̱níjiá ntáká ránú tu̱ꞌun re̱ꞌ, jín ya̱ nna̱kuatáꞌví rán re̱ꞌ, ne̱ nñu̱yúꞌví iniꞌ rán jín ne̱ nkisɨ iniꞌ rán.

2 Corintios 6:12

Jee ntu jiásɨ́ꞌ ráníꞌ nu̱u̱nꞌ ánímaꞌ ránoꞌó ya̱ kunu̱u̱nꞌ rán ránuꞌuꞌ, chisaꞌ sukuán jiásɨ́ꞌ ránú ánímaꞌ maárán.

Lucas 1:78

Chi nasɨ́kuitɨꞌ náꞌví iniꞌ Ndiosíꞌ‑ó ne̱ ánímaꞌ re̱ꞌ ñunkúún iniꞌ re̱ꞌ yó, jee saáva ne̱ antivɨ́ kiji re̱ꞌ kistuúnꞌ re̱ꞌ iniꞌ antúníꞌ‑ó kuéntáꞌ túúnꞌ nka̱niiꞌ ya̱ káa‑a.

1 Juan 3:17

Soo néni ɨɨn ñɨvɨ ya̱ kúmí‑i rá nantíñú íyó ñɨ̱vɨ́ yaꞌá, jee jíníꞌ‑i ya̱ kúmániꞌ ya̱ jíniñúꞌún ñanitáꞌán‑a kutekuꞌ‑u, soo nu̱u̱nꞌ kutú ánímaꞌ‑a, jee ni ntu̱náꞌ jiáꞌa‑a ya̱ jíniñúꞌún ñanitáꞌán‑a, ¿na̱sa kúvi ñúꞌún iniꞌ ñɨvɨ vá ya̱ sáꞌá Ndiosíꞌ ya̱ kunu̱u̱nꞌ‑u, résa?

Filemón 1:20

Saáva noꞌó ñaniꞌ, maá nááꞌ nijia ya̱ táváꞌ ni̱ꞌ ya̱ váꞌa nu̱u̱nꞌ noꞌó jie̱ꞌe̱ꞌ yɨ́ꞌɨ́‑ó nu̱u̱nꞌ I̱toꞌoꞌ‑ó. Jee náxinúváꞌa nú iniꞌ ánímaꞌ ni̱ꞌ jie̱ꞌe̱ꞌ yɨ́ꞌɨ́‑ó xi̱ntíín Cristo.

1 Tesalonicenses 2:5

Chi jíníꞌ ránú ya̱ ni ɨɨn íchí ntu̱né ne̱ jiákɨ́nꞌ ráníꞌ ta̱chi̱ꞌ ránꞌ káꞌánꞌ ránꞌ jín ñɨvɨ, sáva xináꞌví ránꞌ ráa. Ni ntu káñunkúún sáꞌá uꞌvi iniꞌ ránꞌ. Ndiosíꞌ kúvi stúvi ya̱ naáꞌ jie̱ꞌe̱ꞌ vá.

Colosenses 3:12

Saáva sama iniꞌ rán, chi nka̱ji Ndiosíꞌ ránoꞌó sáva kuvi rán ñɨvɨ maáréꞌ, ya̱ nsa̱ꞌá sɨ́ɨ́n re̱ꞌ ránoꞌó nu̱u̱nꞌ ya̱ níváꞌa, jee ñúnúunꞌ re̱ꞌ ránoꞌó. Jee koo rán suꞌva: ya̱ kunáꞌví iniꞌ rán rá táꞌán rán, jín ya̱ kuva̱ꞌa iniꞌ rán kune̱ꞌyá rán táꞌán rán, jín ya̱ kuꞌun láꞌví iniꞌ rán, jín ya̱ koo másúꞌ iniꞌ rán, jín ya̱ káꞌnú koo iniꞌ rán jín táꞌán rán,

Filipenses 2:26

Jiáni iniꞌ ni̱ꞌ chuichí ni̱ꞌ re̱ꞌ nu̱u̱nꞌ rán, chi níyo iniꞌ re̱ꞌ kua̱jiaaꞌ ne̱ꞌyá re̱ꞌ ránoꞌó, chi nániꞌvɨꞌ iniꞌ re̱ꞌ jie̱ꞌe̱ꞌ rán, chi nku̱káꞌnú iniꞌ rán ya̱ kúꞌvíꞌ re̱ꞌ.

Filipenses 2:1

Saájee, nu̱u̱nꞌ íyó neí iniꞌ‑ó, jie̱ꞌe̱ꞌ ya̱ yɨ́ꞌɨ́‑ó nu̱u̱nꞌ Cristo, jee nu̱u̱nꞌ ñúnúunꞌ re̱ꞌ yó sáꞌá ya̱ núváꞌa iniꞌ‑ó, jee nu̱u̱nꞌ chíneí táꞌán Ta̱chi̱ꞌ Ííꞌ Ndiosíꞌ jín yó sáva koo ma̱ni̱ꞌ táꞌán‑ó ɨɨn inka‑ó, jee nu̱u̱nꞌ ñunkúún iniꞌ‑ó ɨɨn inka táꞌán‑ó jee nu̱u̱nꞌ kúnáꞌví iniꞌ‑ó ɨɨn inka táꞌán‑ó.

2 Corintios 13:9

Chi kúsɨ́ɨꞌ iniꞌ ánímaꞌ ránꞌ sáá táyáꞌ iniꞌ ráníꞌ jee ránoꞌó íyó fuersáꞌ ránú ya̱ kúneí iniꞌ rán Cristo. Jee suni sukuán jíkánꞌ táꞌvíꞌ ránꞌ yaꞌá nu̱u̱nꞌ Ndiosíꞌ sáva kenta kujia ránú kuneí noo iniꞌ rán Cristo.

Gálatas 3:26

Jee nta̱ká ránoꞌó ví nijia se̱ꞌya Ndiosíꞌ jie̱ꞌe̱ꞌ ya̱ kúneí iniꞌ rán Cristo Jesús jee yɨ́ꞌɨ́ rán chi̱ji naꞌá re̱ꞌ.