Filipenses 1:5 - Mixteco del suroeste de Tlaxiaco Oaxaca

⁵ Chi chíneí táꞌán rán jín ni̱ꞌ síkúténuun‑ó tu̱ꞌun váꞌa Jesús, ne̱ ki̱vɨ̱ꞌ xíꞌnañúꞌún ya̱ nínuꞌ iniꞌ rán maa jín ne̱ ki̱vɨ̱ꞌ vitan.

Filipenses 1:5 Referans Kwoze

Hebreos 3:14

Chi ni̱yo tu̱neí iniꞌ‑ó ne̱ tiempúꞌ xíꞌnañúꞌún ya̱ káchíꞌ tu̱ꞌun na̱a̱ꞌ. Jee retú koo kutú tu̱neí iniꞌ‑ó sukuán ne̱kua̱ꞌ kenta nu̱u̱nꞌ nɨ́ꞌɨ tékúꞌ‑ó, jee sukuán kenta‑ó kuneeꞌ nkáꞌnú‑ó jín Cristo.

Filemón 1:17

Saáva ya̱ íyó maniꞌ nú ya̱ kúvi‑ó táꞌán yɨ́ꞌɨ́‑ó nu̱u̱nꞌ Cristo, jee nakuatáꞌví nú re̱ꞌ kuéntáꞌ nákuatáꞌví nú nuꞌuꞌ.

Filipenses 1:7

Na̱a̱ꞌ vá jiáni iniꞌ ni̱ꞌ suꞌva jie̱ꞌe̱ꞌ nta̱ká rán, chi ñúꞌún víꞌí iniꞌ ni̱ꞌ néꞌyá ni̱ꞌ ránoꞌó, chi íyó mániꞌ iniꞌ Ndiosíꞌ néꞌyá re̱ꞌ nta̱ká‑órán, ya̱ chíneí chituvi re̱ꞌ yó, sáva chíneí táꞌán nta̱ká rán jín ni̱ꞌ, sáá núꞌníꞌ ni̱ꞌ iniꞌ veka̱a, jín sáá náma ni̱ꞌ tu̱ꞌun va̱ꞌa Jesús, jín sáá sánáaꞌ ni̱ꞌ ya̱ na̱a̱ꞌ ví tu̱ꞌun vá.

1 Juan 1:3

Jee ya̱ niniꞌ jínúunꞌ ráníꞌ, jín ya̱ nteso̱ꞌo ránꞌ ya̱ nkaꞌanꞌ re̱ꞌ, jee suvi‑i vá káchítu̱ꞌún ránꞌ nu̱u̱nꞌ ránú, sáva unuún koo iniꞌ ránú jín ránuꞌuꞌ. Jee íyó unuún nijia iniꞌ‑ó jín Tátáꞌ‑ó Ndiosíꞌ jín Se̱ꞌya re̱ꞌ Jesús ya̱ níso re̱ꞌ tiñu Cristo.

Efesios 3:6

Jee tu̱ꞌun ya̱ níyo yuꞌuꞌ iniꞌ re̱ꞌ jee nstúvi re̱ꞌ maa vitan ví yaꞌá: Tu̱ꞌun váꞌa jie̱ꞌe̱ꞌ Cristo sáꞌá ya̱ ñɨvɨ rá inka nación, ya̱ ntu kúvi ñɨvɨ Israel, ɨɨn nuún ni ta̱ꞌvi̱ꞌ ni̱ꞌi̱nꞌ ráa jín rá ñɨvɨ Israel, jee ɨɨn ni nnuvi ráa kuéntáꞌ ɨɨn yɨkɨkúñu, jee ɨɨn nuún ni ni̱ꞌi̱nꞌ ráa ya̱ nchi̱sóyuꞌú re̱ꞌ, jie̱ꞌe̱ꞌ yɨ́ꞌɨ́ ráa nu̱u̱nꞌ Cristo Jesús.

2 Corintios 8:1

Ránoꞌó ñanitáꞌán, vitan jee síkúkáꞌnú ni̱ꞌ iniꞌ ránú jie̱ꞌe̱ꞌ ya̱ nsa̱ꞌá re̱ꞌ tiñu váꞌa iniꞌ rá ñɨvɨ rá grupo kútútú ráa ya̱ kúneí iniꞌ ráa Cristo, ya̱ nééꞌ ráa rá ñuunꞌ tɨɨn ñuunꞌ Macedonia chi íyó mániꞌ iniꞌ Ndiosíꞌ néꞌyá re̱ꞌ ráa.

Romanos 15:26

Chi rá ñanitáꞌán‑ó ya̱ nééꞌ ráa ñuunꞌ Macedonia jín ñuunꞌ Acaya ñani iniꞌ ráa ya̱ nasokoꞌ ráa xu̱ꞌún sáva chineí ráa rá ñɨvɨ láꞌví ya̱ íyó nteñu rá ñanitáꞌán‑ó ya̱ yɨ́tíñú ráa nu̱u̱nꞌ Cristo ya̱ nééꞌ ráa Jerusalén.

1 Juan 1:7

Soo retú na̱a̱ꞌ jiáꞌnu‑ó kuéntáꞌ nu̱u̱nꞌ túúnꞌ ñuꞌunꞌ sánikua̱ꞌ íyó maáréꞌ nu̱u̱nꞌ túúnꞌ ñuꞌunꞌ ya̱ kúvi ya̱ na̱a̱ꞌ íyó maáréꞌ, saájee íyó ɨnuún‑ó jín ɨɨn inka táꞌán‑ó, jee nónoo‑ó nu̱u̱nꞌ re̱ꞌ chi ni̱ꞌi̱ꞌ maá Se̱ꞌya re̱ꞌ Jesús jee ñatɨ ni̱ñɨ̱ꞌ vá sáva nasánoo‑o yó nu̱u̱nꞌ nta̱ká kua̱chi‑ó.

2 Pedro 1:1

Nuꞌuꞌ, Simón Pedro, ya̱ kúvi ni̱ꞌ musúꞌ nu̱u̱nꞌ I̱toꞌoꞌ‑ó Jesús ya̱ níso re̱ꞌ tiñu Cristo [ya̱ ñani Ndiosíꞌ sáva tatúníꞌ re̱ꞌ nu̱u̱nꞌ nɨꞌɨ] jee níso ni̱ꞌ tiñu apóstol chúichí re̱ꞌ nuꞌuꞌ nakani ni̱ꞌ tu̱ꞌun re̱ꞌ. Jee tée ni̱ꞌ tutuꞌ yaꞌá nu̱u̱nꞌ ránoꞌó ya̱ suni nni̱ꞌi̱nꞌ rán ya̱ kúneí iniꞌ rán Cristo kuéntáꞌ kua̱ꞌ ránuꞌuꞌ, jee máá viiꞌ yɨ́yáꞌvi ya̱ kúneí iniꞌ‑ó Cristo. Nni̱ꞌi̱nꞌ rán maa jie̱ꞌe̱ꞌ na̱a̱ꞌ ví Jesús ya̱ kúvi Cristo ya̱ kúvi re̱ꞌ Ndiosíꞌ‑ó jee nátavaꞌ re̱ꞌ yó nu̱u̱nꞌ kua̱chi‑ó xinánitáꞌvíꞌ re̱ꞌ yó.

Filipenses 2:12

Saájee, ránoꞌó ya̱ ñúnúunꞌ ni̱ꞌ. Kuéntáꞌ sukuáni káníjiá rán tu̱ꞌun xínéꞌénꞌ ni̱ꞌ sáá nééꞌ ni̱ꞌ jín rán, soo vitan, sáá íyó íká ni̱ꞌ nu̱u̱nꞌ rán, saꞌ víꞌí káꞌ naniꞌvɨꞌ iniꞌ rán kaka na̱a̱ꞌ rán nu̱u̱nꞌ Tu̱ꞌun Ndiosíꞌ, ya̱ ña̱tíñú re̱ꞌ sáva natavaꞌ re̱ꞌ ránoꞌó nu̱u̱nꞌ kua̱chi rán sikáku re̱ꞌ ránoꞌó. Jee naniꞌvɨꞌ iniꞌ rán saꞌá ñáꞌnú víꞌí rán nu̱u̱nꞌ re̱ꞌ, jee naniꞌvɨꞌ iniꞌ rán ya̱ koto stívɨ́ rán maárán.

1 Corintios 1:9

Chi síkúnkuvi na̱a̱ꞌ Ndiosíꞌ ya̱ nkana re̱ꞌ ránoꞌó sáva kanitáꞌán iniꞌ rán jín Se̱ꞌya re̱ꞌ Jesús ya̱ kúvi Cristo ya̱ kúvi I̱toꞌoꞌ‑ó.

Romanos 11:17

Jee rá ñɨvɨ Israel kúvi ráa kuéntáꞌ naꞌá yutun olivo stíláꞌ. Jee retú nku̱ichi iniꞌ Ndiosíꞌ sava ráa kuéntáꞌ náneeꞌ re̱ꞌ naꞌá yutun vá, jee noꞌó ya̱ ntu kúvi ñɨvɨ Israel, ya̱ kúvi nú kuéntáꞌ naꞌá yutun olivo yúkú, jee retú nna̱tetáꞌán Ndiosíꞌ noꞌó nu̱u̱nꞌ yutun stíláꞌ vá nakuneeꞌ nú nu̱u̱nꞌ nna̱neeꞌ re̱ꞌ ráa, jee nkenta níꞌínꞌ nú ya̱ váꞌa kuéntáꞌ va̱ji ne̱ nu̱u̱nꞌ yoꞌo sáví yutun olivo stíláꞌ vá.

Hechos 2:42

Jee níkɨ́nꞌ ni̱ꞌin ráa tu̱ꞌun xínéꞌénꞌ rá te̱e níso rává tiñu apóstol. Jee sukuáni nééꞌ ñunkúún ráa. Jee sukuáni yájíꞌ tútú ráa neyu [nu̱u̱nꞌ tásáva ráa i̱xta̱tíláꞌ, sáva naku̱ꞌun iniꞌ ráa, ya̱ ni̱ꞌi̱ꞌ Jesús jie̱ꞌe̱ꞌ kua̱chi ráa]. Jee sukuáni káꞌánꞌ tútú ráa jín Ndiosíꞌ.

Romanos 12:13

Jee chineí rán ya̱ jíniñúꞌún rá ñɨvɨ nsa̱ꞌá sɨ́ɨ́n Ndiosíꞌ ráa sáva kɨꞌɨ ráa nu̱u̱nꞌ Cristo. Jee koo ma̱ni̱ꞌ iniꞌ rán ku̱ꞌva rán ntíꞌ veꞌi rán kino̱o rá ñɨvɨ yɨ́ꞌɨ́ ráa nu̱u̱nꞌ Cristo ya̱ jíka ráa ichi.

Filipenses 1:12

Ránoꞌó ñaniꞌ jín ku̱ꞌva, ya̱ kúneí iniꞌ rán Jesús. Kuíni ni̱ꞌ ya̱ kukáꞌnú iniꞌ rán, ya̱ nnoꞌo ni̱ꞌ, nsi̱kuéꞌnu‑u tu̱ꞌun va̱ꞌa Jesús.

Filipenses 1:16

Soo sava rá ñaniꞌ yukuán stékútu̱ꞌún uꞌvi iniꞌ ráa tu̱ꞌun Cristo, chi nsáꞌ ninuꞌun jiáni xi̱ni̱ꞌ ráa, chi jiáni iniꞌ ráa, ya̱ saꞌá ráa maa, sáva kukueꞌeꞌ ka̱ꞌ tu̱nóꞌó kunoꞌo ni̱ꞌ ni yɨ́ꞌɨ́ ni̱ꞌ veka̱a.

Filipenses 1:27

Ñáꞌnú ka̱ꞌ ví ya̱ kueꞌnu na̱a̱ꞌ rán nu̱u̱nꞌ Ndiosíꞌ na̱kua̱ꞌ íyó kueꞌnu rá ñɨvɨ ya̱ tɨɨn tu̱ꞌun va̱ꞌa Cristo. Jee suꞌva, vasúꞌ kua̱jiaaꞌ kune̱ꞌyá ni̱ꞌ ránoꞌó, áxí vasúꞌ koo íká ni̱ꞌ nu̱u̱nꞌ rán, jee teso̱ꞌo ni̱ꞌ, ya̱ nuún íñɨ́ ni̱ꞌin rán jín tu̱ꞌun va̱ꞌa vá, jín ya̱ nuún ñúꞌún iniꞌ rán, jín ya̱ nuún nunasɨ́ tútú ni̱ꞌin rán sátíñú rán nu̱u̱nꞌ tu̱ꞌun va̱ꞌa Jesús ya̱ kúneí iniꞌ rán.

Filipenses 2:22

Soo jíníꞌ rán, sáá jiáꞌnu va̱ꞌa Timoteo, chi nsa̱tíñú re̱ꞌ jín ni̱ꞌ, sáva kueꞌnu tu̱ꞌun váꞌa Jesús, kuéntáꞌ ɨɨn se̱ꞌya sátíñú jín tátáꞌ re̱ꞌ.

Filipenses 4:3

Suni sukuán, maánú, ya̱ táꞌán te̱e nsa̱tíñú nkáꞌnú na̱a̱ꞌ nijia jín ni̱ꞌ, suni jíkánꞌ ni̱ꞌ nu̱u̱nꞌ nú, ya̱ chineí nú ya̱ nakama̱ni̱ꞌ ráña. Chi nnu̱nasɨ́ ráña nsa̱tíñú nkáꞌnú ráña jín ni̱ꞌ, jee suni sukuán jín Clemente jín rá inka ñɨvɨ táꞌán sátíñú nkáꞌnú jín ni̱ꞌ, sáva kueꞌnu tu̱ꞌun va̱ꞌa Jesús. Jee rá súví ráa níso nu̱u̱nꞌ tutuꞌ níso rá súví rá ñɨvɨ kutekuꞌ jín Ndiosíꞌ nɨ́ɨ́nkání.