Filipenses 1:19 - Mixteco del suroeste de Tlaxiaco Oaxaca

¹⁹ chi jíníꞌ ni̱ꞌ, ya̱ jie̱ꞌe̱ꞌ nta̱ká tiñu yaꞌá kene va̱ꞌa jín nuꞌuꞌ, jie̱ꞌe̱ꞌ ya̱ káꞌánꞌ rán jín Ndiosíꞌ jie̱ꞌe̱ꞌ ni̱ꞌ, jín jie̱ꞌe̱ꞌ ya̱ chíneí chítuvi Ta̱chi̱ꞌ Ííꞌ Jesús ya̱ kúvi Cristo nuꞌuꞌ.

Filipenses 1:19 Referans Kwoze

Romanos 8:28

Jee jíníꞌ‑ó ya̱ ntáká tiñu ya̱ kúvi jín rá ñɨvɨ ya̱ ñúnúunꞌ ráa Ndiosíꞌ jee jiátíñú Ndiosíꞌ rá tiñu vá sáva saꞌá re̱ꞌ ya̱ kúvi ya̱ váꞌa nu̱u̱nꞌ ráa ya̱ nkana re̱ꞌ ráa ya̱ kɨꞌɨ ráa nu̱u̱nꞌ re̱ꞌ sáni nkuna̱a̱ꞌ iniꞌ re̱ꞌ.

Hechos 16:7

Soo sáá nkenta ráa sánitɨ́ɨn Misia, jee nnu̱kú ráa ki̱vɨ ráa sánitɨ́ɨn Bitinia, soo ntu njia̱ꞌa Ta̱chi̱ꞌ Ííꞌ Jesús ki̱vɨ ráa maa.

2 Corintios 1:11

sáá chíneí táꞌán ránú ránuꞌuꞌ ya̱ jíkánꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ ránuꞌuꞌ. Jee suni koo kue̱ꞌe̱ꞌ ñɨvɨ ku̱ꞌva ráa ya̱ kútaꞌviꞌ nu̱u̱nꞌ Ndiosíꞌ jie̱ꞌe̱ꞌ ta̱ꞌvi̱ꞌ sikútaꞌviꞌ re̱ꞌ nu̱u̱nꞌ ránuꞌuꞌ ya̱ nama re̱ꞌ ránuꞌuꞌ jie̱ꞌe̱ꞌ jíkánꞌ táꞌvíꞌ kue̱ꞌe̱ꞌ ñɨvɨ jie̱ꞌe̱ꞌ ránuꞌuꞌ.

Gálatas 4:6

Jie̱ꞌe̱ꞌ ya̱ kúvi‑ó se̱ꞌya Ndiosíꞌ vá nchu̱ichí re̱ꞌ Ta̱chi̱ꞌ Ííꞌ Se̱ꞌya re̱ꞌ ki̱vɨ‑ɨ iniꞌ ánímaꞌ‑ó, jee Ta̱chi̱ꞌ Ííꞌ re̱ꞌ sáꞌá ya̱ kúvi káchíꞌ nijia‑ó nu̱u̱nꞌ Ndiosíꞌ: “Tááꞌ ni̱ꞌ, Tátáꞌ ni̱ꞌ.”

Romanos 8:9

Soo ránoꞌó chi ntu̱ví ka̱ꞌ yɨ́ꞌɨ́ rán xi̱ntíín sáni kuíni rán saꞌá rán, chisaꞌ yɨ́ꞌɨ́ rán xi̱ntíín Ta̱chi̱ꞌ Ííꞌ Ndiosíꞌ, chi Ta̱chi̱ꞌ Ííꞌ Ndiosíꞌ yɨ́ꞌɨ́ re̱ꞌ iniꞌ rán. Soo retú néni ɨɨn ñɨvɨ ya̱ ntu yɨ́ꞌɨ́ Ta̱chi̱ꞌ Ííꞌ Cristo iniꞌ ráa jee ntu kúvi ráa ñɨvɨ Cristo.

1 Corintios 4:17

Jee jie̱ꞌe̱ꞌ rá tu̱ꞌun ya̱ káchíꞌ ni̱ꞌ yaꞌá kúvi ya̱ nchu̱ichí ni̱ꞌ Timoteo kua̱jiaaꞌ re̱ꞌ nu̱u̱nꞌ rán. Jee Timoteo kúvi kuéntáꞌ se̱ꞌya ni̱ꞌ ya̱ ñúnúunꞌ ni̱ꞌ, jee káníjiá re̱ꞌ síkúnkuvi va̱ꞌa re̱ꞌ nu̱u̱nꞌ I̱toꞌoꞌ‑ó. Jee maáréꞌ ví ya̱ xinákúꞌun re̱ꞌ iniꞌ rán jie̱ꞌe̱ꞌ na̱sa jiáꞌnu ni̱ꞌ ichi Cristo Jesús, jín ya̱ jiáꞌnu ni̱ꞌ sánikua̱ꞌ xínéꞌénꞌ ni̱ꞌ tu̱ꞌun váꞌa Cristo nu̱u̱nꞌ ntáká ichi nu̱u̱nꞌ jíka ni̱ꞌ xínéꞌénꞌ ni̱ꞌ nu̱u̱nꞌ ntáká grupo rá ñɨvɨ ya̱ jínúꞌ iniꞌ ráa Cristo.

1 Pedro 1:11

Jee nna̱nukú ráa na̱ tiempúꞌ jín na̱ja koo ntáká tu̱ꞌun stúvi ya̱chi̱ꞌ Ta̱chi̱ꞌ Ííꞌ Cristo ya̱ yɨ́ꞌɨ́ iniꞌ ráa nu̱u̱nꞌ ráa, ya̱ nkachiꞌ ya̱chi̱ꞌ‑i ya̱ kiji tu̱nóꞌó kunoꞌo Cristo, jín na̱ja vá viiꞌ nuñáꞌnú nasɨ́kuitɨꞌ re̱ꞌ sáá jiáꞌa tu̱nóꞌó vá.

Gálatas 3:5

¿Na̱ jie̱ꞌe̱ꞌ táji Ndiosíꞌ Ta̱chi̱ꞌ Ííꞌ re̱ꞌ nu̱u̱nꞌ ránoꞌó jee sáꞌá re̱ꞌ rá milagrúꞌ nteñu rán? Ntu sáꞌá re̱ꞌ maa jie̱ꞌe̱ꞌ ya̱ núkú rán saꞌá rán ya̱ tátúníꞌ tu̱ꞌun ley, chisaꞌ sáꞌá re̱ꞌ maa jie̱ꞌe̱ꞌ ya̱ kúneí iniꞌ rán tu̱ꞌun váꞌa re̱ꞌ ya̱ nteso̱ꞌo rán.

Filipenses 1:18

Saájee, ¿ná kuvi? Sú na̱sa ni nkuvi, sɨ̱ɨ̱ꞌ íyó iniꞌ ni̱ꞌ, ya̱ tékútu̱ꞌún tu̱ꞌun Cristo, vasúꞌ sáꞌá ráa maa nika̱ꞌ kuéntáꞌ jiáni va̱ꞌa iniꞌ ráa, áxí sú na̱a̱ꞌ jiáni iniꞌ rá inka ráa. Jee suni kúsɨ́ɨꞌ iniꞌ ni̱ꞌ,